Եթեր 12.1–22

Ստանալ ճշմարտության մասին վկայություն

Ի՞նչն է օգնել ձեզ հոգևոր ճշմարտությունը սովորելու ձեր ջանքերում: Հարեդացիների երկարամյա պատմությունը մանրամասն նկարագրելուց հետո Մորոնին ներկայացրել է Եթեր մարգարեի ծառայությունը: Այնուհետև Մորոնին կիսվել է որոշ օրհնություններով, որոնք գալիս են Հիսուս Քրիստոսի հանդեպ հավատք գործադրելուց, ներառյալ այն, թե ինչպես է մեր հավատքի փորձությունն օգնել մեզ վկայություն ստանալ ճշմարտության մասին: Այս դասը նպատակն է օգնել ձեզ հավատք գործադրել՝ ճշմարտության մասին հոգևոր վկայություն ստանալու համար:

Նախապատրաստվեք ուսուցանել Քանի որ Հոգին դարձի աղբյուրն է և վկայում է ճշմարտության մասին, ավետարանի հզոր ուսուցիչները բավական երկար են հոգևորապես նախապատրաստվում ուսուցանելուն: Երբ դասի նախապատրաստման ընթացքում կենտրոնանանում եք վարդապետության և սկզբունքների ուսուցման վրա, անկեղծ աղոթքի միջոցով հրավիրեք Սուրբ Հոգուն և ձգտեք հետևել Նրա առաջնորդությանը:

Ուսանողի նախապատրաստում․ ուսանողներին առաջարկեք հիշել սուրբգրային օրինակներ, որոնցում նկարագրված հավատարիմ գործողությունները հանգեցրին հոգևոր վկայությունների, օրհնությունների կամ Աստծո կողմից պատասխանների:

Հնարավոր ուսումնական վարժություններ

«Ինչպե՞ս եք իմանում դա»

Երիտասարդ կանանց գերագույն նախագահության երկրորդ խորհրդական քույր Ռեբեկա Լ. Քրեյվենը կիսվել է հետևյալ փորձառությամբ, որն ունեցել է երիտասարդ կնոջ հետ խոսելիս.

Արեք այն, ինչն ամենից կարևոր է

Ես մի հաճելի փորձառություն ունեցա մի սիրասուն երիտասարդ կնոջ հետ, որը շատ անկեղծ հարց տվեց. «Քույր Քրեյվեն, որտեղի՞ց գիտեք, որ Եկեղեցու մասին ամեն բան ճշմարիտ է: Որովհետև ես ոչինչ չեմ զգում»:

Նախքան պատասխանին անցնելը, ես նախ նրան որոշ հարցեր տվեցի։ «Պատմեք ինձ սուրբ գրությունների ձեր անհատական ուսումնասիրության մասին»:

Նա պատասխանեց. «Ես չեմ կարդում սուրբ գրությունները»:

Ես հարցրի. «Իսկ ձեր ընտանի՞քը: Դուք միասին ուսումնասիրո՞ւմ եք Եկ, հետևիր ինձ ձեռնարկը»:

Նա ասաց. «Ոչ»:

Ես հարցրի նրա աղոթքների մասին. «Ի՞նչ եք զգում, երբ աղոթում եք»:

Նա պատասխանեց. «Ես չեմ աղոթում»: (Ռեբեկա Լ. Քրեյվեն, «Արեք այն, ինչն ամենից կարևոր է», Լիահոնա, մայիս 2022 թ․, 62)

• Ելնելով ձեր փորձառություններից՝ ի՞նչ կարող եք ասել այս երիտասարդ կնոջն օգնելու վերաբերյալ:

Նախորդ հարցը քննարկելուց հետո ուսանողներին առաջարկեք կիսվել որոշակի ճշմարտությունների օրինակներով, որոնց համար մարդկանց կարող է անհրաժեշտ լինել հոգևոր վկայություն փնտրել: Նրանց պատասխանները գրեք գրատախտակին: (Պատասխանները կարող են ներառել վկայություն այն մասին, որ Մորմոնի Գիրքը ճշմարիտ է, որ մաքուր և առաքինի կյանքով ապրելը կարևոր է, կամ որ Իմաստության խոսքն Աստծո օրենքն է)։

Մտածեք հոգևոր ճշմարտությունների մասին, որոնց վերաբերյալ դուք կցանկանաք ստանալ հոգևոր կամ ավելի ամուր վկայություն: Կարող եք գրել դրանք ձեր ուսումնական օրագրում: Այսօր ուսումնասիրելիս փնտրեք ուսմունքներ, որոնք կօգնեն ձեզ հոգևոր վկայություն ձեռք բերել կամ զորացնել այն։

«Ձեր հավատքի փորձությունը»

Շարունակելով կրճատել հարեդացիների հիշատակարանը, Մորոնին ներկայացրեց Եթեր մարգարեի ծառայությունը: Թեև Եթերը ծնվել էր գերության մեջ և ապրել այն մարդկանց մեջ, որոնք մերժել էին մարգարեներին (տես Եթեր 11․20–23), նա ապրեց արդար կյանքով և Աստծո կողմից կանչվեց որպես մարգարե:

Կարդացեք Եթեր 12․2–5 հատվածները՝ փնտրելով, թե Եթերի քարոզչությունն ինչպես ընդունվեց հարեդացիների կողմից:

• Ինչո՞ւ մարդիկ հրաժարվեցին հավատալ Եթերի խոսքերին:

Կարդացեք Եթեր 12.6 հատվածը և փնտրեք Մորոնիի ուսուցանածն այն մասին, թե մենք ինչպես ենք ստանում ճշմարտության մասին մեր հոգևոր վկայությունը:

Եթեր 12․6 հատվածը վարդապետության սերտման հատված է։ Վարդապետության սերտման հատվածները նշեք տարբերակիչ ձևով, որպեսզի հեշտ գտնեք դրանք: Հաջորդ դասին դուք հնարավորություն կունենաք որևէ հարցի կամ իրավիճակի համար կիրառել այս հատվածում ուսուցանվող վարդապետությունը:

Տասներկու Առաքյալների Քվորումից երեց Ռիչարդ Գ. Սքոթը (1928–2015) կիսվել է ձեր հավատքի փորձությունը արտահայտության իմաստներից մեկով․

The Sustaining Power of Faith in Times of Uncertainty and Testing

Կարող եք ավելի արդյունավետ օգտագործել հավատքը՝ կիրառելով Մորոնիի կողմից ուսուցանված այս սկզբունքը. «Հավատքը բաներ են, որոնց համար հույս ունենք և չենք տեսնում. ուստի, մի վիճեք, եթե դուք չեք տեսնում, քանզի նախքան ձեր հավատքի փորձությունը, դուք վկայություն չեք ստանում» [Եթեր 12.6, շեշտադրումն ավելացված է]։ Այսպիսով, ամեն անգամ, երբ դուք փորձեք ձեր հավատքը, այսինքն՝ արժանավոր կերպով գործեք ստացած տպավորության հիման վրա, դուք կստանաք Հոգու հաստատող ապացույցը: Այդ զգացմունքները կամրապնդեն ձեր հավատքը: Երբ դուք կրկնեք այդ օրինակը, ձեր հավատքը կզորանա: (Ռիչարդ Գ. Սքոթ, «Հավատքի աջակցող ուժը անորոշության և փորձության ժամանակներում», Լիահոնա, մայիս 2003, 76)

• Ի՞նչ սովորեցիք Եթեր 12.6 հատվածից և այս խոսքերից, որը կարող է օգնել մեկին, ով ցանկանում է ստանալ հոգևոր վկայություն կամ ճշմարտության մասին ավելի ամուր վկայություն:

Ճշմարտություններից մեկը, որը կարող ենք սովորել Եթեր 12.6 հատվածից, այն է, որ եթե մենք ցանկանում ենք հոգևոր վկայություն ստանալ, ապա պետք է նախ հավատք գործադրենք Հիսուս Քրիստոսի և Նրա ավետարանի հանդեպ։

Քույր Ռեբեկա Լ. Քրեյվենը պատմել է, թե ինչպես է պատասխանել երիտասարդ կնոջը, ում հետ խոսել է.

Արեք այն, ինչն ամենից կարևոր է

Նրան ուղղված իմ պատասխանը պարզ էր. «Եթե ցանկանում եք որևէ բան իմանալ, պետք է ինչ-որ բան անեք»:

Արդյո՞ք դա ճիշտ չէ այն ամենի դեպքում, ինչը մենք ցանկանում ենք սովորել կամ իմանալ: Ես առաջարկեցի իմ նոր ընկերուհուն սկսել կատարել այն, ինչ ուսուցանվում է Հիսուս Քրիստոսի ավետարանում՝ աղոթել, ուսումնասիրել, ծառայել ուրիշներին և վստահել Տիրոջը: Դարձը տեղի չի ունենա, երբ դուք ոչինչ չենք անում: Այն գալիս է Սուրբ Հոգու զորությամբ, երբ մենք նպատակադրված ջանքեր ենք գործադրում իմանալու համար՝ խնդրելով, փնտրելով և թակելով: Այն տեղի է ունենում, երբ գործում ենք: (Ռեբեկա Լ. Քրեյվեն, «Արեք այն, ինչն ամենից կարևոր է», Լիահոնա, մայիս 2022 թ․, 62)

• Ձեր կարծիքով, ինչո՞ւ է Հիսուս Քրիստոսի և Նրա ավետարանի մասին հոգևոր վկայություն ստանալու կարևոր պայման համարվում մեր գործողությունների միջոցով Նրա հանդեպ հավատք դրսևորելը:

• Ինչպե՞ս կարող է Փրկչի ավետարանով ապրելն ազդել Նրա հանդեպ մեր զգացմունքների վրա:

Հավատքի օրինակներ

Մտածեք այն փորձառությունների մասին, երբ դուք կամ ուրիշները Փրկչի ավետարանով ապրելու և Նրա հանդեպ հավատք գործադրելու արդյունքում հոգևոր վկայություն եք ստացել:

Առաջարկեք մի քանի ուսանողի կիսվել իրենց ունեցած փորձառություններով։ Բացատրեք, որ նրանք չպետք է կիսվեն այն փորձառություններով, որոնք խիստ անձնական են: Այս քննարկման ընթացքում կարող եք կիսվել ձեր սեփական փորձառությամբ։ Կարող եք օգտագործել նաև հետևյալ տեսանյութը:

Փրկչի հանդեպ հավատք գործադրելու արդյունքում զորացած մարդու օրինակ տեսնելու համար դիտեք «Մաքուր և պարզ հավատք» տեսանյութը (5:21), որը հասանելի է ChurchofJesusChrist.org կայքում։

Pure and Simple Faith

Իր քնննարկման ժամանակ Մորոնին պատմել է բազմաթիվ մարդկանց օրինակների մասին, որոնք օրհնվել են Հիսուս Քրիստոսի հանդեպ հավատք գործադրելու արդյունքում:

Հետևյալ վարժության համար ուսանողներին բաժանեք չորս խմբի և յուրաքանչյուր խմբին հանձնարարեք ուսումնասիրել հատվածների հետևյալ խմբերից մեկը. Եթեր 12.7–10, 11–14, 15–18, 19–22։ Յուրաքանչյուր խմբի առաջարկեք դասարանի հետ կիսվել հավատքի օրինակներով, որոնց մասին իրենք կարդացին:

Կարդացեք Եթեր 12․7–22 հատվածները՝ փնտրելով, թե ինչպես Տերն օրհնեց այս մարդկանց, որոնք հավատք դրսևորեցին Իր հանդեպ: Կարող եք նշել այն օրինակները, որոնք կարևոր են ձեզ համար:

• Հավատքի այս օրինակներից ո՞րը ձեզ ամենից շատ տպավորեց: Ինչո՞ւ։

• Ձեր ուսումնասիրած օրինակներից մեկը կամ մի քանիսն ինչպե՞ս կարող են օգնել ձեզ անձնական հանգամանքներում:

Մտածեք, թե ինչպես կարող եք ձեր կյանքում կիրառել այն, ինչ այսօր սովորեցիք: Գրեք երկու կամ երեք գործողություն, որոնք կարող եք անել, որպեսզի հավատք դրսևորեք Հիսուս Քրիստոսի հանդեպ և ձեռք բերեք կամ զորացնեք Փրկչի ավետարանի մասին ձեր վկայությունը:

Բացատրական և պատմական տեղեկություններ

Եթեր 12.6 Ի՞նչ է նշանակում հավատք և հույս գործադրել անտեսանելի բաների հանդեպ:

Երիտասարդ կանանց նախկին գերագույն նախագահ քույր Բոննի Լ. Օսկարսոնն ուսուցանել է.

Եղեք դարձի եկած

Երբեմն մենք փորձում ենք անել դա հակառակ ուղղությամբ: Օրինակ՝ մենք կարող ենք կիրառենք այս մոտեցումը՝ Ես երջանիկ կլինեմ ապրել տասանորդի օրենքով, բայց նախ՝ ես պետք է իմանամ, որ այն ճշմարիտ է: Մենք կարող ենք նույնիսկ աղոթել տասանորդի օրենքի վերաբերյալ վկայություն ձեռք բերելու համար՝ հույս ունենալով, որ Տերը կօրհնի մեզ այդ վկայությամբ՝ նախքան մեր տասանորդի ձևաթուղթը լրացնելը: Ուղղակի դա այդ ձևով չի գործում: Տերն ակնկալում է, որ մենք հավատք գործադրենք: Մենք պետք է հետևողականորեն լրիվ և ազնիվ տասանորդ վճարենք, որպեսզի ձեռք բերենք վկայություն տասանորդի վերաբերյալ: Այս նույն գործելակերպը վերաբերում է ավետարանի բոլոր սկզբունքներին՝ լինի դա մաքրաբարոյության օրենքը, համեստության սկզբունքը, Իմաստության խոսքը կամ ծոմապահության օրենքը: (Բոննի Լ. Օսկարսոն «Դարձի եկեք», Լիահոնա, նոյեմբեր 2013 թ․, 77)

Եթեր 12.12 Որտե՞ղ կարող եմ գտնել մեր օրերի հրաշքների այլ պատմություններ, որոնք տեղի են ունեցել հավատքի շնորհիվ:

Դիտեք նախագահ Թոմաս Ս. Մոնսոնի (1927–2018) «Հրաշք՝ պատերազմի ժամանակ» տեսանյութը, որպեսզի իմանաք, թե Հիսուս Քրիստոսի հանդեպ հավատքը և Նրա քահանայության զորությունն ինչպես կարող են հանգեցնել հրաշքների:

A Wartime Miracle

Կարդացեք այն մասին, թե ինչպես Ջոզեֆ Սմիթը բժշկեց և մահվան մահճից հարություն տվեց մի մարդու այն բանից հետո, երբ այդ մարդն իր հավատքն արտահայտեց Հիսուս Քրիստոսի հանդեպ (տես Սրբեր. Հիսուս Քրիստոսի Եկեղեցու պատմությունը Վերջին օրերում, հատոր 1, Ճշմարտության դրոշը, 402–403):

Օժանդակ ուսումնական վարժություններ

Դասը սկսելու այլընտրանքային տարբերակ

Ուսանողներին առաջարկեք մտածել, թե ինչու է կարևոր որևէ բան որոշակի հերթականությամբ անել: Օրինակ՝ ուսանողներին հանձնարարեք թղթի վրա պատահական հերթականությամբ գրել 1, 2 և 3 թվերը։ Այնուհետև ուսանողներին ցուցադրեք հետևյալ առաջադրանքները և առաջարկեք պատկերացնել, թե ինչ տեղի կունենա, երբ իրենք փորձեն կատարել առաջադրանքները իրենց ընտրած հերթականությամբ.

• (1) Հագեք ձեր գուլպաները: (2) Հագեք ձեր կոշիկները: (3) Կապեք ձեր կոշկաքուղերը:

• (1) Բացեք ձեր ատամի մածուկը: (2) Ատամի մածուկը դրեք ձեր ատամի խոզանակի վրա: (3) Խոզանակեք ձեր ատամները:

• (1) Բացեք հաղորդագրությունների հավելվածը ձեր հեռախոսում: (2) Մուտքագրեք հաղորդագրությունը: (3) Ուղարկեք հաղորդագրությունը:

Ուսանողներին առաջարկեք մտածել այն մասին, թե ինչու է կարևոր պատշաճ կարգով պարզ գործողությունների կատարումը, երբ խոսքը վերաբերում է հոգևոր հարցերին:

Եթեր 12․1–4։ Հույսն ու հավատը կարող են խարսխել մեր հոգիները

Ուսանողների համար օգտակար կլինի սովորել, թե ինչպես են գործում հավատքի և հույսի սկզբունքները․ առաջարկեք նրանց նավ նկարել և այն անվանել «Իմ կյանքը»: Այնուհետև, առաջարկեք նրանց նկարել մի քանի ալիք նավի շուրջը և նավին կապված խարիսխ՝ անվանելով այն «Հավատ և հույս»: Հարցրեք ուսանողներին, թե ինչ են նշանակում ալիքները, եթե նավը ներկայացնում է իրենց կյանքը: Ուսանողներին առաջարկեք բացատրել խարիսխի օգտակարությունը և միասին կարդացեք Եթեր 12.1–4 հատվածները։ Կարող եք տալ նմանատիպ հարցեր.

• Ի՞նչ է նշանակում Աստծո աջ կողմում տեղ ունենալ: (Որպեսզի օգնեք ուսանողներին, առաջարկեք նրանց կարդալ Մատթեոս 25.31–34 հատվածները:)

• Հիսուս Քրիստոսի հանդեպ հավատքը ինչո՞ւ է հնարավորություն տալիս մեզ «վստահությամբ» հուսալ, որ տեղ կունենանք Աստծո աջ կողմում:

• Ինչպե՞ս են ձեր հավատքն ու հույսը ապահով խարսխել ձեզ ծանր ժամանակներում կամ անձնական փոթորիկների ժամանակ:

Եթեր 12.6 Խաչաձև հղումներ

Որպեսզի օգնեք ուսանողներին խորացնել Եթեր 12.6 հատվածում ուսուցանվող վարդապետության իրենց ընկալումը, առաջարկեք նրանց սուրբ գրություններում փնտրել այնպիսի հատվածներ, որոնք ուսուցանում են նույնանման գաղափարներ կամ հասկացություններ: Գրատախտակին գրեք նրանց գտած հղումները (օրինակ՝ Հովհաննես 7.17, Եբրայեցիս 11.1, Ալմա 32.21–31): Այնուհետև ուսանողներին առաջարկեք ստեղծել սուրբ գրությունների շղթա՝ կապելով իրենց գտած հղումները Եթեր 12.6 հատվածին։

Եթեր 12.7–22։ «Բայց իր Որդու պարգևով Աստված պատրաստել է ավելի հրաշալի ուղի»:

Ուսանողներին առաջարկեք Եթեր 12.7–22 հատվածների ուսումնասիրության ընթացքում ավելին իմանալ այն մասին, թե Հիսուս Քրիստոսն ինչպես օրհնեց այս հատվածներում նշված մարդկանցից մի քանիսին: Եթեր 12 գլխի այս հատվածների ծանոթագրությունները պարունակում են նրանց վերաբերող պատմությունների խաչաձև հղումներ: Ուսանողներին առաջարկեք կարդալ այս պատմությունները և ուշադրություն դարձնել, թե Հիսուս Քրիստոսն ինչպես օրհնեց մարդկանց, երբ նրանք Իր հանդեպ հավատք գործադրեցին: Երբ ուսանողներն ավարտեն իրենց ուսումնասիրությունը, առաջարկեք նրանց կիսվել իրենց սովորածով, որը կարող է մեծացնել իրենց հավատքը Հիսուս Քրիստոսի հանդեպ: