Moronae 1–6

Vaaiga Aoao

Ona sa musu Moronae e faafitia Iesu Keriso, o lea sa faamalosia ai o ia e fealuai na o ia i le vao ma lafi ai mai tagata Sa Lamanā. I nisi o ana upu faaiu i tupulaga i le lumanai, sa ia aoao atu ai e uiga i le pule e faatino ai sauniga o le perisitua. O le faia o lea mea sa ia faasaoina ai upumoni taua e uiga i le auala e faaaoga ai le perisitua, ma sa ia tuuina atu foi faatonuga e fesoasoani e faamalosia ma atinae ai le Ekalesia.

Saunia e Aoao Atu

O le faamatalaga lenei ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

Moronae 1

Faamoemoega o le lesona: O lenei lesona e mafai ona fesoasoani e faaosofia ai tamaiti aoga ia mulimuli pea ia Iesu Keriso ma aua le faafitia o Ia.

Sauniuniga a le tamaitiiti aoga: Valaaulia tamaiti aoga e mafaufau i se aafiaga na latou mulimuli ai pe mulimuli ai se tasi latou te iloa ia Iesu Keriso e ui ina sa latou lagonaina le tuuatoatasi pe na sauāina ai.
Anotusi e faaali atu: O se ata o lanu, po o pepa mo tamaiti aoga i le lanu meamata, samasama, lanu moli, ma le lanu mumu; faataitaiga o pepa lautele o i ai ni sāvali po o ni faasalalauga faaagafesootai e mafai ona faaosofia ai tamaiti aoga ia faamaoni ia Iesu Keriso
Vitiō: ‟Ia Faamalosi ma Lototele” (16:18; matamata mai le faailotaimi 5:41 i le 6:22); ‟Ua Valaaulia e Moronae Tagata Uma ia O Mai ia Keriso” (8:37; matamata mai le faailotaimi 0:00 i le 3:59)
Fautuaga mo le aoaoga faavitiō: Pe a talanoaina le tetee e ono fetaiai ma soo o Keriso, mafaufau e faaaofia uma tamaiti aoga i soo se auala. E mafai ona e fai i tamaiti aoga e ta i totonu i le talanoaga le lanu e sili ona faatatau i tulaga taitasi. E mafai foi ona e faatagaina tamaiti aoga e ao mai ni aitema o lanu e fa i totonu o ō latou potu, pe faaaoga le vaega i tua atu e faaali mai ai a le o le lanu meamata, lanu samasama, lanumoli, po o le lanu mumu.

Moronae 2–3

Faamoemoega o le lesona: O lenei lesona e mafai ona fesoasoani i tamaiti aoga ia malamalama ai i le pule o le perisitua i le Ekalesia a le Faaola.

Sauniuniga a le tamaitiiti aoga: Mafaufau e valaaulia tamaiti aoga e talanoa ma se tasi e umia le perisitua po o se tasi o loo auauna atu i se valaauga o le Ekalesia. E mafai e tamaiti aoga ona fesili i lena tagata pe o a ni ona lagona e uiga i le mauaina o le pule a le Faaola e faatino ai ona tiutetauave.
Lesona faatino: O se kopi o se laina o le pule o le perisitua; o se filifili
Fautuaga mo le aoaoga faavitiō: Ina ia uunaia le auai, e mafai ona e valaaulia tamaiti aoga e faaaoga le vaega o le laupapa paepae e lisi ai auala ua faamanuiaina ai e le Agaga Paia o latou olaga. Ona mafai lea ona e valaaulia ni nai tamaiti aoga e faasoa mai ni aafiaga patino.

Moronae 4–5

Faamoemoega o le lesona: O lenei lesona e mafai ona fesoasoani i tamaiti aoga e tausia le feagaiga latou te osia pe a latou aai ma feinu i le faamanatuga ina ia mafai ona latou maua le Agaga o le Alii faatasi ma i latou.

Sauniuniga a le tamaitiiti aoga: Mafaufau e valaaulia tamaiti aoga e o mai saunia i le vasega e tauloto se vaega o tatalo o le faamanatuga i le telē e mafai ona latou manatua ai.
Anotusi e faaali atu: O le siata ua faaulutalaina ‟O Le Feagaiga o le Faamanatuga”
Fautuaga mo le aoaoga faavitiō: Mafaufau e vaevae tamaiti aoga i ni potu e taape i ai se tolu e talanoaina ai se tasi o folafolaga e tolu tatou te faia pe a tatou aai ma feinu i le faamanatuga. Ona mafai lea ona e tuuina tamaiti aoga i ni vaega fou e vaevae ai faatasi ma tamaiti aoga o e sa suesueina se tasi o ia folafolaga. Valaaulia tamaiti aoga e aoao e le tasi le isi e uiga i le folafolaga sa latou talanoaina ma le latou vaega muamua.

Moronae 6

Faamoemoega o le lesona: O lenei lesona e mafai ona fesoasoani i tamaiti aoga e taumafai e auauna atu i isi ma mulimuli i le Faaola o ni sui O Le Ekalesia a Iesu Keriso o le Au Paia o Aso e Gata Ai.

Sauniuniga a le tamaitiiti aoga: E mafai ona o mai saunia tamaiti aoga e faasoa mai ni auala e mafai ai e tagata uma o le Ekalesia ona faamalosia le tasi ma le isi, e tusa lava pe aunoa ma se valaauga aloaia i se uarota po o se paranesi.
Ata: O se faapotopotoga eseese a le Ekalesia
Vitiō: ‟The Needs before Us” (12:06; matamata mai le faailotaimi 7:40 i le 8:25); ‟Eyes to See” (9:44; matamata mai le faailotaimi 4:55 i le 6:55)
Fautuaga mo le aoaoga faavitiō: Valaaulia tamaiti aoga e faaaoga le vaega o talanoaga e faasoa mai ai mataupu faavae latou te maua mai le Moronae 6:4–9.

Iloiloga 25 o le Atamai i Aoaoga Faavae

Faamoemoega o le lesona: O lenei lesona o le a tuu atu ai i tamaiti aoga se avanoa e faataitai ai le faaaogaina o fuaitau o le atamai i aoaoga faavae i a latou sini ia avea e faapei o le Faaola.

Sauniuniga a le tamaitiiti aoga: Mafaufau e valaaulia tamaiti aoga e talanoa i o latou mātua po o se taitai o le Ekalesia e uiga i sini ua latou faatutuina. E mafai ona latou talanoaina faamanuiaga ma luitau o loo feagai ma i latou.
Anotusi e faaali atu: O se kopi o le Atinaega Faaletagata Lava Ia: Tusitaiala a le Autalavou