Վարդապետության սերտման կրկնություն 25

Կիրառեք վարդապետության սերտման հատվածները

Եկեղեցում մեզ առաջարկվում է աճել Փրկչի նման՝ հոգևորապես, սոցիալապես, ֆիզիկապես և մտավոր առումով: Նպատակներ սահմանելը կարող է օգնել ձեզ առաջադիմել: Սուրբ գրությունները տրված են Երկնային Հոր կողմից՝ օգնելու ձեզ ավելի նմանվել Հիսուս Քրիստոսին այս եղանակներով: Այս դասը ձեզ հնարավորություն կտա գործնականում կիրառելու վարդապետության սերտման հատվածները՝ ձեր նպատակներին հասնելու և Փրկչին ավելի նմանվելու համար:

Օգնեք ուսանողներին ակտիվորեն մասնակցել դասին: Որոշ ուսանողների համար սուրբ գրություններից սովորելու ջանքերը կարող են անսովոր և ինչ-որ չափով դժվար թվալ: Այնուամենայնիվ, ուսանողները կարող են զարգացնել իրենց ունակությունները և աստիճանաբար ավելի մեծ պատասխանատվությամբ մոտենալ իրենց ուսումնառությանը: Փնտրեք հնարավորություններ, որոնցով կօգնեք ուսանողներին ավելի ակտիվ մասնակցություն ունենալ դասարանում և գովեք նրանց ջանքերն ու առաջադիմությունը:

Ուսանողի նախապատրաստում․ կարող եք առաջարկել ուսանողներին խոսել իրենց ծնողների կամ Եկեղեցու ղեկավարի հետ իրենց սահմանած նպատակների մասին: Նրանք կարող են քննարկել իրենց հաջողություններն ու խնդիրները:

Հնարավոր ուսումնական վարժություններ

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելով, որ սուրբ գրությունների վարդապետության սերտման հատվածներին վերաբերող յուրաքանչյուր դաս ուսուցանվելու է սեմինարիայի ընթացքում:

Զարգացեք Հիսուս Քրիստոսի նման

Կարող եք ուսանողներին ցուցադրել Անձնական զարգացում․ Երիտասարդների ուղեցույց գրքույկը և քննարկել իրենց սահմանած նպատակները։ Կարող եք նաև ցուցադրել հետևյալ պատկերը.

Ղուկաս 2.52 հատվածում մենք կարդում ենք, որ Հիսուս Քրիստոսը զարգանում էր «իմաստութիւնով և հասակով, և շնորհքով՝ Աստծոյ և մարդկանց մոտ»: Մեր Երկնային Հայրը ցանկանում է, որ մենք բոլոր առումներով զարգանանք Փրկչի նման: Եկեղեցու ղեկավարները մեզ խնդրել են նպատակներ սահմանել, որոնք կօգնեն մեզ զարգանալ հոգևոր առումով, սոցիալապես, ֆիզիկապես և մտավոր առումով:

Մտածեք այն նպատակների մասին, որոնք դուք սահմանել եք կամ կցանկանայիք սահմանել:

• Ի՞նչ հաջողություններ եք ունեցել:

• Ի՞նչ դժվարություններ են եղել, որոնց դուք բախվել եք այս նպատակներին հասնելու ընթացքում:

Այս նպատակների մասին խոսելիս Նախագահ Ռասսել Մ. Նելսոնն ուսուցանել է․

Ձեզ բազմաթիվ հատուկ հանձնարարություններ տալու փոխարեն, … մենք առաջարկում ենք ձեզ խորհրդակցել Տիրոջ հետ այն մասին, թե դուք ինչպես կարող եք աճել հավասարակշռված ձևով։ Դա օգտակար և հետաքրքիր կլինի, բայց ձեզանից կպահանջի որոշ ջանքեր: Դուք պետք է փնտրեք անձնական հայտնություն: Դուք պետք է ինքներդ ընտրեք՝ ինչպես գործել դրան համապատասխան: Երբեմն Հոգին կարող է հուշել ձեզ կատարել դժվար գործեր: Ես կարծում եմ, դուք կընդունեք մարտահրավերը: Դուք կարող եք դժվար գործեր կատարել: (Ռասսել Մ. Նելսոն «Հատուկ հեռարձակում երեխաների և երիտասարդների համար՝ նախագահ Մ. Ռասսել Բալարդի մասնակցությամբ» [Մանկապատանեկան նոր նախաձեռնության ներածություն, սեպտեմբերի 29, 2019 թ․], broadcasts.ChurchofJesusChrist.org)

• Ի՞նչ կարծիք ունեք նախագահ Նելսոնի խորհրդի մասին:

Այսօրվա ուսումնասիրությունը կօգնի ձեզ գործնականում կիրառել վարդապետության սերտման հատվածները՝ ձեր նպատակներին հասնելու և հոգևոր առումով, սոցիալապես, ֆիզիկապես կամ մտավոր առումով Փրկչին ավելի նմանվելու համար։

Վարդապետության սերտման հատվածները կարող են օգնել

Խնդրեք ուսանողներին հիշողությամբ հնարավորինս թվարկել վարդապետության սերտման հատվածները կամ կիսվել այն հատվածներով, որոնք ազդել են իրենց կյանքի վրա: Գրատախտակին գրեք նրանց նշած հատվածները:

Ուսանողներին օգնեք Վարդապետության սերտման հիմնական փաստաթղթում (2023 թ․) գտնել Ալմայից մինչև Մորոնի գրքերի վարդապետության սերտման հատվածները կամ ցուցադրեք հետևյալ աղյուսակը:

Մորմոնի Գրքի Վարդապետության սերտում․ Ալմա–Մորոնի

Մորմոնի Գիրք. Ուսուցչի ձեռնարկ (2024)

Սուրբգրային հղումներ	Սուրբ գրության հիմնական արտահայտությունը
Սուրբգրային հղումներ Ալմա 7.11–13	Սուրբ գրության հիմնական արտահայտությունը «Եվ նա պիտի գնա առաջ՝ տանելով ցավեր և չարչարանքներ, և փորձություններ ամեն տեսակի»։
Սուրբգրային հղումներ Ալմա 34.9–10	Սուրբ գրության հիմնական արտահայտությունը «Անհրաժեշտ է, որ մի քավություն արվի, … մի անսահման և հավերժական զոհաբերություն»։
Սուրբգրային հղումներ Ալմա 39.9	Սուրբ գրության հիմնական արտահայտությունը «Այլևս մի գնա քո աչքերի տենչանքների ետևից»:
Սուրբգրային հղումներ Ալմա 41.10	Սուրբ գրության հիմնական արտահայտությունը «Ամբարշտությունը երբեք երջանկություն չի եղել»:
Սուրբգրային հղումներ Հելաման 5.12	Սուրբ գրության հիմնական արտահայտությունը «Դա մեր Քավչի վեմի վրա է, … որ դուք պիտի կառուցեք ձեր հիմքը»:
Սուրբգրային հղումներ 3 Նեփի 11.10–11	Սուրբ գրության հիմնական արտահայտությունը «Ես ենթարկվեցի Հոր կամքին, բոլոր բաներում, ի սկզբանե»:
Սուրբգրային հղումներ 3 Նեփի 12.48	Սուրբ գրության հիմնական արտահայտությունը «Եղեք կատարյալ, ճիշտ ինչպես ես, կամ ձեր Հայրը, որ երկնքում է, կատարյալ է»։
Սուրբգրային հղումներ 3 Նեփի 27.20	Սուրբ գրության հիմնական արտահայտությունը «Եկեք ինձ մոտ և մկրտվեք իմ անունով, … որպեսզի դուք կարողանաք սրբագործվել՝ ընդունելով Սուրբ Հոգին»։
Սուրբգրային հղումներ Եթեր 12.6	Սուրբ գրության հիմնական արտահայտությունը «Նախքան ձեր հավատքի փորձությունը, դուք վկայություն չեք ստանում»:
Սուրբգրային հղումներ Եթեր 12.27	Սուրբ գրության հիմնական արտահայտությունը «Եթե մարդիկ գան ինձ մոտ … այն ժամանակ, նրանց թույլ կողմերը ես կդարձնեմ ուժեղ»։
Սուրբգրային հղումներ Մորոնի 7.45–48	Սուրբ գրության հիմնական արտահայտությունը «Գթությունը Քրիստոսի մաքուր սերն է»:
Սուրբգրային հղումներ Մորոնի 10.4–5	Սուրբ գրության հիմնական արտահայտությունը «Հարցրեք մաքուր սրտով, անկեղծ միտումով, հավատք ունենալով առ Քրիստոս … [և] Սուրբ Հոգու զորությամբ դուք կարող եք իմանալ ճշմարտությունը բոլոր բաների վերաբերյալ»:

© 2023 by Intellectual Reserve, Inc. All rights reserved.

Ուսանողներին առաջարկեք գտնել վարդապետության սերտման հատվածներ, որոնք իրենց կարող են օգնել հասնել իրենց նպատակներին:

Քննարկեք ուսանողների գտած սուրբ գրությունները և այն, թե ինչով են դրանք օգտակար: Կարող եք օգտագործել ստորև ներկայացվող հարցերից մի քանիսը:

Ուսանողները չպետք է կիսվեն իրենց նպատակների վերաբերյալ անձնական մանրամասներով: Հորդորեք նրանց ավելի շատ կիսվել սուրբ գրություններով և սկզբունքներով և ավելի քիչ՝ նպատակի առանձնահատկություններով:

• Վարդապետության սերտման ո՞ր հատվածները կարող են օգնել ձեզ հասնել ձեր նպատակին: Ինչպե՞ս։

• Վարդապետության սերտման ո՞ր հատվածները կարող են օգնել ձեզ Փրկչի նման զարգանալ «իմաստությամբ, հասակով և շնորհով Աստծու ու մարդկանց առջև»:

• Ինչպե՞ս կարող են վարդապետության սերտման հատվածներից մեկը կամ մի քանիսն օգնել ձեզ գործնականում կիրառել հոգևոր գիտելիքներ ձեռք բերելու մեկ կամ մի քանի սկզբունք:

Կարող եք կիսվել ձեր վկայությամբ այն մասին, թե ինչպես են վարդապետության սերտման հատվածներն օգնել ձեզ ձեր կյանքում: