“Atamai i Aoaoga Faavae: Toe Faamanatu Suesuega 1: 1 Nifae 3:7 e oo i le Mosaea 18:8–10,” Tusi Lesona a le Faiaoga o le Tusi a Mamona (2024)
“Atamai i Aoaoga Faavae: Toe Faamanatu Suesuega 1,” Tusi Lesona a le Faiaoga o le Tusi a Mamona
Atamai i Aoaoga Faavae: Toe Faamanatu Suesuega 1
1 Nifae 3:7 e oo i le Mosaea 18:8–10
O lenei toe faamanatu o le suesuega mo le atamai i aoaoga faavae ua mamanuina e fai ma se aafiaga e aoao ai e fesoasoani i tamaiti aoga e toe faamanatu ia fuaitau e 12 o fuaitau o le atamai i aoaoga faavae o loo maua i le 1 Nifae e oo i le Mosaea. O le a mafai ai ona latou faaalia le malamalama ma le faaaogaina o upumoni o i nei fuaitau. Ua mamanuina foi e fesoasoani e saunia ai tamaiti aoga mo le suesuega o loo loma (“Atamai i Aoaoga Faavae: Suesuega 1”).
O lenei lesona toe faamanatu ua fuafuaina e faaaoga e fai ma se aafiaga e aoao ai faafesagai pe e ala i masini eletonika.
Faaaoga lenei toe faamanatu ma tuuina atu le suesuega mo le atamai i aoaoga faavae i soo se taimi pe a uma ona aoao atu fuaitau uma o le atamai i aoaoga faavae mai le 1 Nifae e oo i le Mosaea. Ia lava se taimi i le va o lenei toe faamanatu ma le suesuega mo tamaiti aoga e suesue ai fuaitau latou te le iloa lelei. Atonu e manaomia le fetuunai o le faasologa o taimi o aoaoga ina ia mafai ai ona faataunuu lenei mea ina ia mafai ai ona faatautaia le suesuega a o lei oo i le faaiuga o le afa muamua o le kosi.
Gaoioiga e Ono Mafai Ona Aoao Ai
Mafaufau i manaoga o tamaiti aoga, ma filifili vaega o lenei toe faamanatu o le a sili ona fesoasoani ia i latou e sauni ai mo le “Atamai i Aoaoga Faavae: Suesuega 1.” A o faagasolo lenei toe faamanatu, valaaulia tamaiti aoga e maitau ia fuaitau latou te le o iloa lelei ma fai ni fuafuaga e suesue ma toe faamanatu na fuaitau e sauniuni ai mo le suesuega.
O suega pupuu nei i gaoioiga toe faamanatu 1 ma le 2 e mo le fesoasoani ai i tamaiti aoga e toe faamanatu ia tusi faasino o le atamai i aoaoga faavae ma fasifuaitau autu o mau. E mafai ona faaaoga gaoioiga eseese e faaauai ai tamaiti aoga i le faagasologa o le toe faamanatu. E mafai ona maua nisi manatu i luga o le polokalama feaveai o le Atamai i Aoaoga Faavae.
Gaoioiga Toe Faamanatu 1: Ia iloa tusi faasino o mau ma fasifuaitau autu o mau
Fesoasoani i tamaiti aoga e toe faamanatu ma ia saunia e faafetaui mau faasino nei i fasifuaitau autu o mau. Fautuaina tamaiti aoga e matau ia fuaitau atonu latou te lei iloaina ina ia mafai ona faaauau pea ona suesue i ai a o lei faia le suesuega.
O se tasi o auala e faaauai ai tamaiti aoga i lenei toe faamanatu o le tusi lea o mau taitasi e 12 i ni fasipepa eseese ae tusi fuaitau o mau autu taitasi e 12 i ni fasipepa eseese. Ona faapipii faafefiloi solo lea o fasipepa uma e 24 i le puipui o le potu, ia faasaga tusitusiga i le puipui ina ia le mafai e tamaiti aoga ona vaai i mea o i luga o pepa.
Valaaulia se tamaitiiti aoga e filifili soo se fasipepa, fuli le fasipepa, ma faitau i ai. Valaaulia tamaiti aoga uma e tusi i lalo le tusi po o le fuaitau autu o le mau latou te manatu e fetaui i ai. Ona valaaulia lea o le tamaitiiti aoga lava lea e tasi e fuli i luga se isi fasipepa se tasi e vaai pe fetaui ia pepa. Afai e fetaui, tuu ese loa mai le puipui. Afai e le fetaui, tuu atu i le tamaitiiti aoga e toe pipii i le puipui ina ia le mafai e tamaiti aoga ona faitauina. Ona valaaulia lea o se isi tamaitiiti aoga e filifili ni isi fasipepa se lua. Faaauau lenei faagasologa seia fetaui uma ma aveese mai le puipui.
Ki o le tali: 1-n, 2-i, 3-g, 4-a, 5-s, 6-f, 7-l, 8-m, 9-e, 10-u, 11-p, 12-o
Fasifuaitau Autu |
Tusi [Mau] Faasino |
---|---|
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Fasifuaitau Autu
| Tusi [Mau] Faasino |
Gaoioiga Toe Faamanatu 2: Iloa tusi faasino ma fasifuaitau autu o mau
Fesoasoani i tamaiti aoga e toe faamanatu ia fasifuaitau autu o mau i se auala punouai. Fautuaina i latou e matau mau na atonu latou te lei iloaina ina ia mafai ona latou faaauau pea ona suesue i ai a o lei faia le suesuega.
O se tasi auala e faia ai lenei mea o le atofa atu lea o fuaitau eseese o mau i tamaiti aoga eseese. Valaaulia tamaiti aoga taitasi e filifili ni upu se tolu mai a latou fasifuaitau autu o mau latou te mananao e faaavanoa. Ona valaaulia lea o tamaiti aoga e feauauai e tutu i luga ma faitau a latou fasifuaitau ma avanoa na latou filifilia a o taumafai le vasega e tusi i lalo upu e faatumu ai avanoa.
Atonu e te filifili e toe faamanatu uma fasifuaitau autu e 12 i le faiga lenei nai lo na o fuaitau fautuaina nei.
Ki i tali: (1) filifili; ola; faatagataotauaina; (2) auaunaga; tagata soifua; Le Atua e; (3) faalenatura; au paia; togiola; (4) Atua; ia talitonu; poto; (5) papatisoina; molimau; feagaiga
Faatumu avanoa i le upu po o upu o loo misi mai fasifuaitau autu o mau.
-
“Ua latou saoloto e le saolotoga ma le faavavau … pe … ma le oti” (2 Nifae 2:27).
-
“Pe a outou i o outou uso a ua na o lo outou auauna atu lava lea i lo outou ” (Mosaea 2:17).
-
“[Tuu] ese le tagata ma [avea] ma e ala i le a Keriso le Alii” (Mosaea 3:19).
-
“Talitonu i ; … ua ia te ia le uma” (Mosaea 4:9).
-
Ia “ i le suafa o le Alii, o se … ua outou ulu atu i se faatasi ma ia” (Mosaea 18:8–10).
Gaoioiga Toe Faamanatu 3: Faaaoga le aoaoga faavae
O le a fesoasoani le gaoioiga lenei i tamaiti aoga e faailoa mai ai ua malamalama i upumoni o loo i fuaitau o le atamai i aoaoga faavae e ala i le tuuina atu ia i latou e faamatala mai pe faapefea ona faaaogaina ia fuaitau i tulaga moni o le olaga. E mafai e tamaiti aoga ona faaaoga a latou tusitusiga paia e fesoasoani ai ia i latou e filifili ai se fuaitau se tasi pe sili atu o le atamai i aoaoga faavae ua latou lagona e mafai ona fesoasoani i le tagata o loo faamatalaina i le ata faataitai. Valaaulia i latou e faamatala mai pe mafai faapefea e upumoni mai le fuaitau na latou filifilia ona fesoasoani i le tagata. E mafai ona tele fuaitau o le atamai i aoaoga faavae e faatatau i ata faataitai taitasi.
-
Ua i ai i se alii talavou se filifiliga taua e fai e matuai aafia ai lona lumanai. E popole o Ia ma lē mautinoa po o le a le filifiliga e fai.
-
E le lagolagoina e matua o se tamaitai talavou lana faaiuga e tausi poloaiga a le Atua. E manao o ia ia usiusitai, ae e foliga mai e faigata tele i ona tulaga.
-
Ua tauemuina se tasi o au uo e tamaiti o lana vasega mo le ola ai i le talalelei a Iesu Keriso. E te manao e faamautinoa atu ia te ia e taua le tumau faamaoni i ana feagaiga.
A uma ona talanoaina e tamaiti aoga ia ata faataitai e tolu na muamua atu, mafaufau e valaaulia i latou e galulue ma se paga e fatu ni ata faataitai faaopoopo. E mafai e tamaiti aoga taitasi ona filifili se fuaitau o le atamai i aoaoga faavae mo a latou paga. Ona, faaaoga lea o le fuaitau na filifilia e a latou paga mo i latou, e mafai e tamaiti aoga ona mafaufau ma faasoa mai se ata faataitai o se taimi e mafai ona fesoasoani ai lena fuaitau i se tasi.
Gaoioiga Toe Faamanatu 4: Faaaoga mataupu faavae o le mauaina o le malamalama faaleagaga
Mafaufau e faaaoga le ata faataitai lenei e fesoasoani ai i tamaiti aoga e toe faamanatu mataupu faavae o le mauaina o le malamalama faaleagaga. Atonu e aoga mo tamaiti aoga le faatinoina o lenei gaoioiga i ni vaega taitoatolu, ia faamatala e tamaiti aoga taitasi se mataupu faavae ese o le mauaina o le malamalama faaleagaga.
E i ai sau uo o loo fesiligia pe aisea e foliga ai e feteenai nisi o mea na ia aoaoina talu ai nei i le aoga ma mea ua aoao mai e le Atua e ala i tusitusiga paia ma perofeta o aso nei.
Aoao lau uo e uiga i mataupu faavae nei e tolu o le mauaina o le malamalama faaleagaga ma le auala e mafai ona ia faaaogaina e liliu atu ai i le Tama Faalelagi mo se fesoasoani i ona popolega.
-
Faatino i le faatuatua
-
Iloilo manatu ma fesili faatasi ma se vaaiga e faavavau
-
Saili le malamalama atili e ala i punavai paia ua atofaina
Mafaufau e valaaulia tamaiti aoga e galulue i ni vaega taitoatolu, ma tusi e tamaiti taitasi lana tali i se tasi o fesili nei i luga o se fasipepa.
Ona valaaulia lea o tamaiti aoga e faafesuiai pepa ma tusi i le pepa a le isi tamaiti aoga mea latou te fiafia i ai e uiga i le tali a lena tamaitiiti aoga. Ona fai atu lea ia i latou e faafesuiai a latou pepa mo le taimi lona lua ina ia latou tali atu ai i tagata uma o la latou vaega. Ma le mea mulimuli, valaaulia i latou e toe aumai a latou lava pepa ma faitau tali a tagata o le latou vaega.
-
O le fea o fuaitau o le atamai i aoaoga faavae mai le 1 Nifae e oo i le Mosaea e ono fesoasoani i lau uo? E mafai faapefea ona fesoasoani i ai nei fuaitau?
-
E faapefea ona fesoasoani le faaaogaina o mataupu faavae o le mauaina o le malamalama faaleagaga pe a tatou sailia tali i a tatou fesili po o atugaluga?
-
E faapefea ona e faaaogaina nei mataupu faavae e fesoasoani ai i isi pe foia ai ou lava atugaluga?
Gaoioiga Toe Faamanatu 5: O fuaitau e i ai uiga faapitoa i lou olaga
Valaaulia tamaiti aoga e mafaufau i se fuaitau o le atamai i aoaoga faavae na aafia ai i latou i le taimi o a latou suesuega i le Tusi a Mamona. Atonu latou te filifilia se tasi na fesoasoani ia i latou e lagona ai le alofa o le Tama Faalelagi ma Iesu Keriso. Faamalamalama atu o le a latou maua le avanoa e faasoa atu ai le fuaitau na latou filifilia e fai ma vaega o le suesuega.
Mafaufau e tufa atu le tufaaga lenei i tamaiti aoga e fesoasoani ai ia i latou e saunia ai mo le suesuega (“Atamai i Aoaoga Faavae: Suesuega Iloilo 1”).
Atamai i Aoaoga Faavae: Suesuega 1—Taiala Suesue
Tauloto le tusi faasino ma le fasifuaitau autu o le mau
Ia faamasani ma mau faasino o aoaoga faavae, ma fasifuaitau autu o mau. Atonu e te manao e uta mai ma faaaoga le polokalama i masini feaveai o le Atamai i Aoaoga Faavae e fesoasoani ai i lau toe faamanatu.
Mau Faasino |
Fasifuaitau Autu o le Mau |
---|---|
Mau Faasino | Fasifuaitau Autu o le Mau “O le a ou alu ma fai mea ua poloaiina e le Alii.” |
Mau Faasino | Fasifuaitau Autu o le Mau “Na pa’ū Atamu ina ia i ai tagata; ma ua i ai tagata, ina ia latou maua le olioli.” |
Mau Faasino | Fasifuaitau Autu o le Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.” |
Mau Faasino | Fasifuaitau Autu o le Mau “Ua tutusa tagata uma i le Atua.” |
Mau Faasino | Fasifuaitau Autu o le Mau O le Atua e “tuu atu i le fanauga a tagata lea fuaitau i luga o lea fuaitau, ma lea mataupu i luga o lea mataupu.” |
Mau Faasino | Fasifuaitau Autu o le Mau “Ia taumamafa fiafia i afioga a Keriso; aua faauta, o afioga a Keriso o le a taʼu mai ai ia te outou mea uma e tatau ona outou faia.” |
Mau Faasino | Fasifuaitau Autu o le Mau “E ao ina outou tatalo e le aunoa.” |
Mau Faasino | Fasifuaitau Autu o le Mau “Pe a outou auauna atu i o outou uso a tagata, ua na o lo outou auauna atu lava lea i lo outou Atua.” |
Mau Faasino | Fasifuaitau Autu o le Mau “O i latou o e e tausi i poloaiga a le Atua … e faamanuiaina i latou i mea uma.” |
Mau Faasino | Fasifuaitau Autu o le Mau “[Tuu] ese le tagata natura ma [avea] ma tagata paia e ala i le togiola a Keriso le Alii.” |
Mau Faasino | Fasifuaitau Autu o le Mau “Ia talitonu i le Atua; … ia talitonu ua ia te ia le poto uma.” |
Mau Faasino | Fasifuaitau Autu o le Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.” |
Faaaoga le aoaoga faavae i tulaga moni o le olaga
-
Faaaoga se fuaitau se tasi pe sili atu o mau o le atamai i aoaoga faavae e fesoasoani ai i se tasi o manao i se taitaiga mo le faia o faaiuga taua i lona olaga.
-
Filifili se fuaitau se tasi pe sili atu e fesoasoani ai i se tasi o lagona o o latou tulaga e faigata ai ona tausia poloaiga a le Atua.
-
Filifili soo se fuaitau o le atamai i aoaoga faavae ma mafaufau i se tulaga e mafai ai e upumoni o loo aoaoina i lena fuaitau ona fesoasoani i se talavou i lona olaga. Afai e mafai, mafaufau i ni tulaga moni e te iloa pe na e feagai ma oe lava.
-
Ia saunia e faasoa atu po o le fea o fuaitau o le atamai i aoaoga faavae ua sili sona aafiaga ia te oe. O le a se mea ua aoao atu e lena fuaitau ia te oe e uiga i le Tama Faalelagi ma Iesu Keriso?
O mataupu faavae o le mauaina o le malamalama faaleagaga
Toe faamanatu parakalafa 5–12 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae (2023). Mafaufau loloto pe mafai faapefea ona e faaaogaina mataupu faavae o le mauaina o le malamalama faaleagaga e fesoasoani ai i se tasi e faatoilalo se luitau po o se popolega o loo feagai ma ia.