Atamai i Aoaoga Faavae: Suesuega 1

1 Nifae 3:7 e oo i le Mosaea 18:8–10

I le afa muamua o lenei kosi, sa suesue ai e tamaiti aoga fuaitau e 12 o le atamai i aoaoga faavae o le Tusi a Mamona mai le 1 Nifae e oo i le Mosaea. O lenei suesuega ua mamanuina e iloilo ai le tomai o tamaiti aoga e manatua ai mau faasino ma fasifuaitau autu o mau mo nei fuaitau faapea foi lo latou tomai e faaaoga ai i tulaga moni o le olaga. O le a iloilo ai foi le malamalama o tamaiti aoga i mataupu faavae o le mauaina o le malamalama faaleagaga.

E tatau ona tuuina atu lenei suesuega a o lei oo i le faaiuga o le afa muamua o le kosi. Ina ia fesoasoani e saunia tamaiti aoga, aoao atu le “Atamai i Aoaoga Faavae: Suesuega 1” pe saunia mo tamaiti aoga le taiala suesue o loo maua i le faaiuga o lena lesona. E le gata i lea, aoao atu fuaitau uma o le atamai i aoaoga faavae mai le 1 Nifae e oo atu ia Mosaea a o lei faia lenei suesuega. Atonu e manaomia le fetuunai o le faasologa o taimi o aoaoga ina ia mafai ai ona ausia lenei mea.

Afai e mafai, ia tuuina atu lenei suesuega a o faafesagai ai ma tamaiti aoga ma maka i le vasega i le taimi lava e uma ai ona faia e tamaiti aoga po o le isi vasega e sosoo ai.

E le gata i le suesueina o le malamalama o tamaiti aoga i le taimi nei, o le aafiaga o le faia ma le makaina o le suesuega e tatau ona avea o se aafiaga anoa ma fausia ai molimau mo tamaiti aoga. A o makaina fesili 7–12, ia valaaulia tamaiti aoga e faamatala mai pe aisea na latou filifilia ai tali sa latou faia ma faamalamalama mai pe mafai faapefea ona fesoasoani fuaitau na latou filifilia i tulaga o loo faamatalaina [i le suesuega]. Fesoasoani i tamaiti aoga ia malamalama i soo se fesili atonu na sese ona latou taliina. Faaalu se taimi e tali ai soo se fesili faaopoopo atonu o i ai a tamaiti aoga.

Atamai i Aoaoga Faavae o le Tusi a Mamona: Suesuega 1

Tusi faasino o le atamai i aoaoga faavae

Mo fesili 1–3, tusi le mataitusi o le tusi fesootai i le avanoa i autafa o fasifuaitau taitasi. Faamolemole aua nei faaaogaina au tusitusiga paia mo le vaega lenei o le suesuega.

Fasifuaitau Autu	Mau Faasino
Fasifuaitau Autu “O i latou o e e tausi i poloaiga a le Atua … e faamanuiaina i latou i mea uma.”	Mau Faasino 1 Nifae 3:7
Fasifuaitau Autu “O le a ou alu ma fai mea ua poloaiina e le Alii.”	Mau Faasino 2 Nifae 2:25
Fasifuaitau Autu “Na pa’ū Atamu ina ia i ai tagata; ma ua i ai tagata, ina ia latou maua le olioli.”	Mau Faasino 2 Nifae 2:27
	Mau Faasino Mosaea 2:41
	Mau Faasino Mosaea 3:19

Fasifuaitau autu o mau

Mo fesili 4–6, faatumu upu o loo misi i fasifuaitau autu o mau o le atamai i aoaoga faavae. Faamolemole aua nei faaaogaina au tusitusiga paia mo le vaega lenei o le suesuega.

4. “Pe a outou i o outou uso- , ua na’o lo outou auauna atu lava lea i lo outou ” (Mosaea 2:17).

5. “[Tuu ese] le tagata ma [avea] ma e ala i le a Keriso le Alii” (Mosaea 3:19).

6. Ia “ i le suafa o le Alii, o se … ua outou ulu atu i se faatasi ma ia” (Mosaea 18:8–10).

Faaaogaaga i tulaga moni o le olaga

E mafai ona faaaoga au tusitusiga paia i le vaega o totoe o le suesuega.

Mo fesili 7–8, faailoa mai se fuaitau se tasi pe sili atu o le atamai i aoaoga faavae e mafai ona fesoasoani i se tasi i tulaga nei ma faamatala pe mafai faapefea ona fesoasoani (le) upumoni i fuaitau. Ona mulimuli lea i faatonuga mo le fesili 9.

7. Ua i ai i se alii talavou se filifiliga taua e faia lea e mafai ona aafia tele ai lona lumanai. Ua popole o ia ma le mautinoa po o le a le filifiliga e fai.

8. O loo ola se tamaitai talavou i se tulaga ua ia lagona ua faigata tele ai ia te ia ona tausi i poloaiga a le Atua. E manao o ia ia usiusitai, ae e foliga mai e faigata tele i ona tulaga.

9. Filifili soo se fuaitau o le atamai i aoaoga faavae e 12 mai le 1 Nifae e oo i le Mosaea, ma faasoa atu se tulaga e mafai ai e upumoni o loo aoaoina i lena fuaitau ona fesoasoani i se talavou i lona olaga.

Mataupu faavae o le mauaina o le malamalama faaleagaga

Mo fesili 10–11, faaali mai lou malamalama e uiga, ma le tomai e faaaoga ai mataupu faavae o le mauaina o le malamalama faaleagaga.

10. Faamatala faapuupuu ia mataupu faavae e tolu o le mauaina o le malamalama faaleagaga i au lava upu.

    1. Faatino i le faatuatua.

    2. Iloilo manatu faavae ma fesili faatasi ma se vaaiga e faavavau.

    3. Saili le malamalama atili e ala i punavai faalelagi ua atofaina.

11. Ua fesiligia e se uo pe aisea e foliga mai ai e feteenai nisi o mea sa aoaoina ai o ia talu ai nei i le aoga ma mea na aoao mai e le Atua e ala i tusitusiga paia ma perofeta o aso nei. Tali fesili nei:

    1. O a ni mea patino e mafai ona ia faia e faatino ai i le faatuatua?

    2. E mafai faapefea e le vaaia o lenei tulaga mai se vaaiga e faavavau ona fesoasoani ia te ia?

    3. O fuaitau o le atamai i aoaoga faavae o ni faataitaiga o punaoa faalelagi ua atofaina. O a fuaitau o le atamai i aoaoga faavae mai le 1 Nifae e oo i le Mosaea e mafai ona fesoasoani i lau uo? E faapefea?

Aafiaga i lou olaga

12. O le a se fuaitau o le atamai i aoaoga faavae sa e suesueina i lenei semesa na aoga ia te oe? Na faapefea ona aoga ia te oe? O le a se mea ua aoao mai e lenei fuaitau ia te oe e uiga i le Tama Faalelagi ma Iesu Keriso?

Ia lava se taimi e tuu atu i tamaiti aoga e faamaea ai le suesuega. A maea uma loa tamaiti aoga, iloilo faatasi o se vasega. Filimaoti pe sili atu ona lelei mo tamaiti aoga le maka o a latou lava galuega pe pasi atu i se tasi o le vasega e makaina.

Ki o tali

1. o. Mosaea 2:41

2. a. 1 Nifae 3:7

3. e. 2 Nifae 2:25

4. auauna atu; a-tagata; Atua

5. natura; tagata paia; togiola

6. papatisoina; molimau; feagaiga

7. O tali e mafai ona i ai e aofia ai le 2 Nifae 32:3 ma le 2 Nifae 32:8–9, ae e mafai e tamaiti aoga ona maua togi mo le faaaogaina o soo se fuaitau o le atamai i aoaoga faavae pe afai e mafai ona latou faamatalaina pe faapefea ona faaaoga le upumoni i le fuaitau.

8. O tali e mafai ona i ai e aofia ai le 1 Nifae 3:7 ma le Mosaea 2:41, ae e mafai e tamaiti ona maua togi mo le faaaogaina o soo se fuaitau o le atamai i aoaoga faavae pe afai e mafai ona latou faamatalaina pe faapefea ona faaaoga le upumoni i le fuaitau.

9. Afai lava e tali mai ma le faamaoni ma le atoatoa ia tamaiti aoga i lenei fesili faamalamalama, e tatau ona tuuina atu ia i latou se togi.

10. E tatau ona mafai e tamaiti aoga ona faamatala faapuupuu mataupu faavae o le mauaina o le malamalama faaleagaga. Mafaufau e valaaulia i latou e faatusatusa a latou tali i parakalafa 5–12 i le vaega o le “Mauaina o le Malamalama Faaleagaga” i le Pepa Autu o le Atamai i Aoaoga Faavae (2023).

11. E tatau ona mafai e tamaiti aoga ona faamalamalama ia faatinoga e faatatau i le faatinoina i le faatuatua ma faamanuiaga o le suesueina o manatu ma fesili faatasi ma se vaaiga e faavavau. E tatau foi ona latou faailoa mai se fuaitau o le atamai i aoaoga faavae e mafai ona fesoasoani i se tasi atonu o loo fesiligia pe aisea e foliga mai ai o nisi o aoaoga i le lalolagi e feteenai ma mea ua aoao mai e le Alii. O ni isi o fuaitau e mafai ona faaaoga e tamaiti aoga e aofia ai le Mosaea 4:9 ma le 2 Nifae 28:30.

12. Afai lava e tali mai ma le faamaoni ma le atoatoa ia tamaiti aoga i lenei fesili faamalamalama, e tatau ona tuuina atu ia i latou se togi. Valaaulia i latou e talanoaina le fuaitau o le atamai i aoaoga faavae sa latou filifilia ma pe aisea na latou filifilia ai. Mafaufau e tuu atu i le toatele o tamaiti aoga e faasoa mai i le taimi o loo avanoa. Valaaulia i latou e faasoa mai mea na aoao atu e le fuaitau na latou filifilia ia i latou e uiga i le Tama Faalelagi ma Iesu Keriso.

Faaiu le suesuega e ala i le faasoa atu o lau molimau i le mana o le malamalama i le aoaoga faavae a Iesu Keriso e pei ona maua i Ana tusitusiga paia ma iloa le ala e faaaoga ai Ana aoaoga i tulaga moni o le olaga.