“Atamai i Aoaoga Faavae: Toe Faamanatu Suesuega 2: Alema 7:11–13 e oo i le Moronae 10:4–5,” Tusi Lesona a le Faiaoga o le Tusi a Mamona (2024)
“Atamai i Aoaoga Faavae: Toe Faamanatu Suesuega 2,” Tusi Lesona a le Faiaoga o le Tusi a Mamona
Atamai i Aoaoga Faavae: Toe Faamanatu Suesuega 2
Alema 7:11–13 e oo i le Moronae 10:4–5
O lenei toe faamanatu o le suesuega mo le atamai i aoaoga faavae ua mamanuina e fai ma se aafiaga e aoao ai ma fesoasoani i tamaiti aoga e toe faamanatu ia fuaitau e 12 o le atamai i aoaoga faavae mai le Alema e oo i le Moronae. O le a mafai ai e i latou ona faaalia le malamalama ma le faaaogaina o upumoni i nei fuaitau. Ua mamanuina foi e fesoasoani e saunia ai tamaiti aoga mo le suesuega o loo loma (“Atamai i Aoaoga Faavae: Suesuega 2”)
O lenei aafiaga e aoao ai o le a sili ona aoga i tamaiti aoga pe afai e mafai ona latou galulue faatasi i le taimi o se vasega. Afai o oe o se faiaoga o suesuega i le fale po o le initoneti, ia mautinoa e te faia lenei mea i se tasi o au vasega faalevaiaso.
Faaaoga lenei iloiloga ma faatautaia le faavasegaga o le atamai i aoaoga faavae i soo se taimi pe a uma ona e aoao atu fuaitau uma o le atamai i aoaoga faavae mai le Alema 7:11–13 e oo i le Moronae 10:4–5. Ia lava se taimi i le va o lenei iloiloga ma le faavasegaga mo tamaiti aoga e suesue ai fuaitau latou te le iloa lelei. Atonu e manaomia le aoao atu o ni isi o lesona o le atamai i aoaoga faavae a o lei oo mai i le faasologa o lesona ina ia mafai ai ona faia le suesuega a o lei oo i le faaiuga o le tausaga.
Gaoioiga e Ono Mafai Ona Aoao Ai
Mafaufau i manaoga o au tamaiti aoga, ma filifili vaega o lenei toe faamanatu o le a sili ona fesoasoani ia i latou e sauni ai mo le “Atamai i Aoaoga Faavae: Suesuega 2.” I le toe faamanatu atoa lenei, valaaulia tamaiti aoga ina ia maitau ia fuaitau latou te le o matua iloa lelei ma fai ni fuafuaga e suesue ma toe faamanatu ai nei fuaitau e sauniuni ai mo le suesuega.
O suega pupuu i gaoioiga toe faamanatu 1 ma le 2 o ni fautuaga e fesoasoani ai i tamaiti aoga e toe faamanatu ia mau faasino ma fasifuaitau autu o mau sa latou suesueina i le afa lenei o le kosi. E mafai ona faaaoga gaoioiga eseese e faataunuu ai lenei mea e tusa ai ma manaoga o tamaiti aoga. E mafai ona maua manatu faaopoopo i lesona toe faamanatu taluai o le atamai i aoaoga faavae po o luga o le polokalama feaveai o le Atamai i Aoaoga Faavae.
Gaoioiga Toe Faamanatu 1: Ia faafetaui ia tusi [mau] faasino ma fasifuaitau autu o mau
Mafaufau e faaaoga le suega puupuu lenei e fesoasoani ai i tamaiti aoga e toe faamanatu ia tusi faasino ma fasifuaitau autu o mau sa latou suesueina i le afa lenei o le kosi.
Ki o tali: 1-i, 2-u, 3-a, 4-m, 5-f, 6-e, 7-n, 8-l, 9-p, 10-s, 11-g, 12-o
O se isi vaega o le suega, e mafai ona e lolomiina mau taitasi e 12 ma fasifuaitau autu o mau i luga o ni fasipepa eseese. Tuu atu se pepa se tasi i tamaiti taitasi ma valaaulia i latou e sue ma tutu i autafa o le tagata o loo i ai i lana pepa le mau fesootai po o le fasifuaitau autu o le mau. A uma, e mafai ona e faafefiloiina pepa ma toe fai le gaoioiga mo ni nai taimi.
Faafetaui fasifuaitau autu nei i le koluma agavale i le mau faasino sa’o o le fasifuaitau o le atamai i aoaoga faavae i le koluma taumatau.
|
Fasifuaitau Autu |
Mau Faasino |
|---|---|
| |
| |
| |
| |
| |
| |
| |
| |
| |
| |
| |
|
Gaoioiga Toe Faamanatu 2: Iloa le fasifuaitau autu o le mau
O le gaoioiga lenei e faatumu le avanoa e mafai ona faaaogaina e fesoasoani ai i tamaiti aoga e toe faamanatu ia fasifuaitau autu o mau.
Ki o tali: 1. faamaoni; faamoemoega; iloa le 2. togiola; e lē gata; faavavau 3. papa; Togiola; faavae 4. molimau; tofotofoga; faatuatua 5. o le a; Tamā e; amataga
O le isi auala e fesoasoani ai i tamaiti aoga e toe faamanatu ia fasifuaitau autu o mau o le tuu atu lea ia i latou e toe faatulaga ia fasifuaitau. Lolomi fasifuaitau taitasi, ma otioti ina ia na o le tasi lava le upu i luga o fasipepa taitasi. E mafai ona e vaevaeina tamaiti aoga i ni vaega toalaiti ma tuu atu i vaega taitasi se seti se tasi o pepa o le a fatuina ai se fuaitau atoa o mau. Valaaulia vaega e toe faatulaga upu ina ia toefaatulagaina ai le fasifuaitau autu o le mau i le faasologa sao. A uma ona fai e vaega, e mafai ona latou faafesuiaia pepa ma toe fai le gaoioiga.
Faatumu avanoa i upu o loo misi mai fasifuaitau autu o mau.
-
“Ole atu ma le loto , ma le moni i ai, ma le faatuatua ia Keriso. … Ma o le mana o le Agaga Paia e mafai ona outou le moni o mea uma lava.” (Moronae 10:4–5)
-
“E ao ona i ai se , … o se taulaga e ao ina ma e .” (Alema 34:9–10)
-
“O luga lava o le o lo tatou … e ao ina oulua atiinaa’e ai lo oulua .” (Helamana 5:12)
-
“Aua tou te le maua se seia uma ona o lo outou .” (Eteru 12:6)
-
“Na ou tuuina atu ai i le o le i mea uma mai le .” (3 Nifae 11:10–11)
Gaoioiga Toe Faamanatu 3: Faaaoga le aoaoga faavae
Fesoasoani i tamaiti aoga e faataitai le faaaogaina o le aoaoga faavae ua aoaoina i fuaitau o le atamai i aoaoga faavae i tulaga moni o le olaga. O se tasi o auala e faia ai lenei mea o le faaali atu lea o ata faataitai nei. Ona valaaulia lea o tamaiti aoga e filifili po o le fea fuaitau o le atamai i aoaoga faavae e mafai ona fesoasoani i le tagata i ata faataitai taitasi. Valaaulia tamaiti aoga e faamatala pe mafai faapefea ona fesoasoani le aoaoga faavae o loo aoao mai i fuaitau na latou filifilia.
O lenei gaoioiga e mafai ona fai taitoatasi, i ni vaega, o se vasega atoa, pe tuufaatasi mea uma na e tolu.
-
O se tamaitai talavou o loo aoao e uiga i le Ekalesia e manao ia iloa le mea e tatau ona ia faia e mulimuli ai ia Iesu Keriso.
-
Sa amata ona le faaaloalo se vaega o talavou i le toatele o a latou tupulaga i le aoga.
-
E le malamalama lau uo i le taua o Iesu Keriso ma fesili atu ia te oe po o le a le mea ua Ia faia mo i tatou.
-
Ua manao se alii talavou ia iloa pe mafai faapefea ona ia maua le fesoasoani ma le malosi o le Atua ina ia puipuia ai mai faaosoosoga a Satani.
Gaoioiga Toe Faamanatu 4: Faaaoga mataupu faavae o le mauaina o le malamalama faaleagaga
Fesoasoani i tamaiti aoga e toe faamanatu ia mataupu faavae o le mauaina o le malamalama faaleagaga ma tuu atu ia i latou se avanoa e faataitai ai ona faaaoga i tulaga moni o le olaga. O se tasi lenei o auala e fai ai lenei mea.
Vaai faalemafaufau i le ata faataitai lenei:
Ua manatu se tamaitai talavou o poloaiga a le Atua ua fai si faatapulaaina tele. Ua mafaufau o ia pe mata o le a sili atu lona fiafia pe afai e ola i lona olaga i soo se auala na te lagona e sili ona lelei.
Mafaufau loloto pe faapefea ona e faaaogaina mataupu faavae nei o le mauaina o le malamalama faaleagaga e fesoasoani ai i lenei talavou e saili le Tama Faalelagi ma Iesu Keriso ia maua le fesoasoani i ona atugaluga.
-
Faatino i le faatuatua.
-
Iloilo manatu faavae ma fesili faatasi ma se vaaiga e faavavau.
-
Saili le malamalama atili e ala i punavai faalelagi ua atofaina.
-
E mafai faapefea ona e faaaogaina mataupu faavae taitasi e tolu o le mauaina o le malamalama faaleagaga e fesoasoani ai i lenei tulaga?
-
O le fea o fuaitau o le atamai i aoaoga faavae mai lenei afa o le mataupu e ono fesoasoani? E faapefea?
-
O a ni aafiaga na e oo i ai i le faaaogaina o mataupu faavae o le mauaina o le malamalama faaleagaga e foia ai ou lava atugaluga?
Gaoioiga Toe Faamanatu 5: O fuaitau e i ai se uiga faapitoa i lou olaga
Valaaulia tamaiti aoga e manatunatu po o le fea fuaitau o le atamai i aoaoga faavae ua sili ona aafia ai i latou. Mo se faataitaiga, atonu latou te filifili se tasi na fesoasoani latou te lagona ai le alofa o le Tama Faalelagi ma Iesu Keriso pe na fesoasoani latou te malamalama atili ai ia Iesu Keriso ma Lana Togiola.
-
O le a se fuaitau o le atamai i aoaoga faavae sa anoa pe aoga ia te oe? Na faapefea ona anoa pe aoga?
O le a e maua le avanoa e faasoa atu ai nei malamalamaaga ma aafiaga o se vaega o le suesuega.
Mafaufau e tufa atu le tufaaga lenei i tamaiti aoga e fesoasoani latou te saunia ai mo le “Atamai i Aoaoga Faavae: Suesuega 2.”
Atamai i Aoaoga Faavae: Suesuega 2—Taiala Suesue
Tusi Lesona a le Faiaoga o le Tusi a Mamona (2024)—“Atamai i Aoaoga Faavae: Toe Faamanatu Suesuega 2: Alema 7:11–13 e oo i le Moronae 10:4–5”
Tauloto tusi [mau] faasino ma fasifuaitau autu o mau.
Faamasani i mau faasino o le atamai i aoaoga faavae ma fasifuaitau o mau autu. Atonu e te manao e uta mai ma faaaoga le polokalama i masini feaveai o le Atamai i Aoaoga Faavae e fesoasoani ai i lau toe faamanatu.
Atamai i Aoaoga Faavae o le Tusi a Mamona: Alema–Moronae
|
Mau Faasino |
Fasifuaitau Autu o le Mau |
|---|---|
Mau Faasino | Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.” |
Mau Faasino | Fasifuaitau Autu o le Mau “E ao ona i ai se togiola, … o se taulaga e ao ina leai sona gataaga ma e faavavau.” |
Mau Faasino | Fasifuaitau Autu o le Mau “Aua e te toe saili atu i tuinanau o ou mata.” |
Mau Faasino | Fasifuaitau Autu o le Mau “E lei avea lava le amioleaga ma fiafia.” |
Mau Faasino | Fasifuaitau Autu o le Mau “O luga lava o le papa o lo tatou Togiola … e ao ina oulua atiinaa’e ai lo oulua faavae.” |
Mau Faasino | Fasifuaitau Autu o le Mau “Na ou tuuina atu ai i le finagalo o le Tamā i mea uma mai le amataga.” |
Mau Faasino | Fasifuaitau Autu o le Mau “Ia outou atoatoa e pei lava o aʼu, po o lo outou Tamā o le o i le lagi e atoatoa.” |
Mau Faasino | Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.” |
Mau Faasino | Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.” |
Mau Faasino | Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.” |
Mau Faasino | Fasifuaitau Autu o le Mau “O le alofa mama o le alofa le pona lea o Keriso.” |
Mau Faasino | Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.” |
Faaaoga aoaoga faavae i tulaga moni o le olaga
Faaaoga ia le itiiti ifo ma le tasi se fuaitau o le atamai i aoaoga faavae e:
-
Faamalamalama atu ai le mea ua fetalai mai le Atua ia i tatou e fai ina ia agavaa ai mo le ola e faavavau.
-
Fesoasoani i se tasi e fia iloa pe mafai faapefea ona latou faamalosia a latou molimau.
-
Faamatala atu le taua o le misiona a Iesu Keriso o lo tatou Faaola ma le Togiola.
-
Faamatala mea e mafai ona faia e le Faaola e fesoasoani ai ia i tatou i o tatou luitau po o faaosoosoga.
Ia saunia e faasoa atu po o le fea o fuaitau o le atamai i aoaoga faavae ua sili sona aafiaga ia te oe ma aisea.
Mataupu faavae o le mauaina o le malamalama faaleagaga
Toe faamanatu parakalafa 5–12 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae (2023). Mafaufau loloto pe mafai faapefea ona e faaaogaina mataupu faavae o le mauaina o le malamalama faaleagaga e fesoasoani ai i se tasi e faatoilalo se luitau po o se popolega o loo feagai ma ia.
© 2023 e le Intellectual Reserve, Inc. Ua taofia aiā tatau uma.