Fakataukei Fakatokāteliné: Sivi 1

1 Nīfai 3:7 ki he Mōsaia 18:8–10

Lolotonga ʻa e konga ʻuluaki ʻo e kalasi ko ʻení, naʻe ako ai ʻe he kau akó ha ngaahi potufolofola fakataukei fakatokāteline ʻe 12 ʻo e Tohi ʻa Molomoná mei he 1 Nīfaí kia Mōsaia. ʻOku fakataumuʻa ʻa e sivi ko ʻení ke vakaiʻi ʻa e tuʻunga malava ʻa e kau akó ke manatuʻi ʻa e ngaahi fakamoʻoni fakafolofola mo e ngaahi kupuʻi lea folofola mahuʻinga ki he ngaahi potufolofola ko ʻení kae pehē ki heʻenau malava ke fakaʻaongaʻi kinautolu ʻi ha ngaahi tūkunga moʻoni ʻo e moʻuí. Te ne toe siviʻi foki ʻa e mahino ʻa e kau akó ki he ngaahi tefitoʻi moʻoni ki hono maʻu ʻo e ʻilo fakalaumālié.

ʻOku totonu ke fakahoko ʻa e sivi ko ʻení kimuʻa ʻi he fakaʻosinga ʻo e konga ʻuluaki ʻo e kalasí. Ke tokoni ki hono teuteuʻi ʻo e kau akó, akoʻi ʻa e “Fakataukei Fakatokāteliné: Toe Vakaiʻi ʻo e Sivi 1” pe ʻoange ki he kau akó ʻa e tohi fakahinohino ako ʻoku maʻu ʻi he fakaʻosinga ʻo e lēsoni ko iá. ʻIkai ngata aí, akoʻi ʻa e potufolofola fakataukei fakatokāteline kotoa pē mei he 1 Nīfaí ki he Mōsaiá kimuʻa pea fakahoko ʻa e siví ni. Mahalo naʻa fiemaʻu ke liliu ʻa e taimi-tēpile ki hono akoʻí kae lava ke fakahoko ʻeni.

Kapau ʻe lava, fakahoko fakahangatonu ʻa e siví ni pea fakatonutonu ia ʻi he kalasí hili pē hono fakakakato ia ʻe he kau akó pe ʻi he kalasi hokó.

Makehe mei hono fakafuofuaʻi ʻa e ʻilo lolotonga ʻa e kau akó, ʻoku fakataumuʻa ʻa e aʻusia ʻo hono fai mo fakatonutonu ʻo e siví ke hoko ko ha aʻusia mahuʻingamālie mo fakatupulaki ʻo e fakamoʻoní maʻá e kau akó. Lolotonga hono fakatonutonu ʻo e fehuʻi 7–12, fakaafeʻi ʻa e kau akó ke fakahaaʻi ʻa e ʻuhinga ne nau fili ai ʻa e tali ne nau faí pea ke fakamatalaʻi ʻa e founga ʻoku tokoni ai ʻa e ngaahi potufolofola ne nau filí ʻi he ngaahi tūkunga naʻa nau fakamatalaʻí. Tokoni ke mahino ki he kau akó ha faʻahinga fehuʻi pē naʻe hala ʻenau talí. Tuku ha taimi ke tali ai ha toe ngaahi fehuʻi ʻe ala maʻu ʻe he kau akó.

Fakataukei Fakatokāteline ki he Tohi ʻa Molomoná: Sivi 1

Ngaahi fakamoʻoni fakafolofola ki he fakataukei fakatokāteliné

Ki he ngaahi fehuʻi 1–3, hiki ʻa e mataʻitohi ʻo e fakamoʻoni fakafolofola fekauʻakí ʻi he tafaʻaki ʻo e kupuʻi lea takitaha. Kātaki ʻoua naʻa fakaʻaongaʻi hoʻo folofolá ʻi he konga ko ʻeni ʻo e siví.

Kupuʻi Lea Mahuʻingá	Ngaahi Fakamoʻoni Fakafolofolá
Kupuʻi Lea Mahuʻingá “[Ko] kinautolu ʻoku tauhi ʻa e ngaahi fekau ʻa e ʻOtuá … ʻoku nau monūʻia ʻi he meʻa kotoa pē.”	Ngaahi Fakamoʻoni Fakafolofolá 1 Nīfai 3:7
Kupuʻi Lea Mahuʻingá “Te u ʻalu ʻo fai ʻa e ngaahi meʻa kuo fekau ʻe he ʻEikí.”	Ngaahi Fakamoʻoni Fakafolofolá 2 Nīfai 2:25
Kupuʻi Lea Mahuʻingá “Naʻe hinga ʻa ʻĀtamá koeʻuhi ke ʻi ai ʻa e faʻahinga ʻo e tangatá; pea ʻoku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá.”	Ngaahi Fakamoʻoni Fakafolofolá 2 Nīfai 2:27
	Ngaahi Fakamoʻoni Fakafolofolá Mōsaia 2:41
	Ngaahi Fakamoʻoni Fakafolofolá Mōsaia 3:19

Ngaahi kupuʻi lea folofola mahuʻingá

Ki he fehuʻi 4–6, fakafonu e ngaahi foʻi lea ʻoku pulia ʻi he ngaahi kupuʻi lea mahuʻinga ʻo e folofolá ‘i he fakataukei fakatokāteliné. Kātaki ʻoua naʻa fakaʻaongaʻi hoʻo folofolá ʻi he konga ko ʻeni ʻo e siví.

4. “ʻO ka mou ka ʻi he ʻo homou ʻoku mou ʻi he tauhi pē ʻo homou ” (Mōsaia 2:17).

5. “Liʻaki ʻa e tangata kae hoko ko ha ʻi he ʻa Kalaisi ko e ʻEikí” (Mōsaia 3:19).

6. Ke “ ʻa kimoutolu ʻi he huafa ʻo e ʻEikí, ko e … kuo mou fai ha mo ia” (Mōsaia 18:8–10).

Fakaʻaongaʻi ki ha ngaahi tūkunga moʻoni ʻo e moʻuí

Te ke lava ʻo fakaʻaongaʻi hoʻo folofolá ʻi he toenga ʻo e siví.

Ki he fehuʻi 7–8, kumi ha potufolofola fakataukei fakatokāteline ʻe taha pe lahi ange ʻe lava ʻo tokoni ki ha taha ʻi he ngaahi tūkunga ko ʻení pea fakamatalaʻi ʻa e founga ʻe lava ke tokoni ai ʻa e (ngaahi) moʻoni ʻi he (ngaahi) potufolofolá. Muimui leva ʻi he ngaahi fakahinohino ki he fehuʻi 9.

7. ʻOku ʻi ai ha fili mahuʻinga ʻa ha talavou ke ne fai ʻa ia ʻe lava ke ne liliu lahi hono kahaʻú. ʻOkú ne manavasiʻi pea ʻikai ke ne fakapapauʻi pe ko e hā ʻa e fili te ne faí.

8. ʻOku moʻui ha finemui ʻi ha tūkunga ʻokú ne ongoʻi ʻoku faingataʻa ai ke ne tauhi ʻa e ngaahi fekau ʻa e ʻOtuá. ʻOkú ne fie talangofua, ka ʻoku hangē ʻoku fuʻu faingataʻa ke fakahoko ia ʻi hono tūkungá.

9. Fili ha taha ʻo e ngaahi potufolofola fakataukei fakatokāteline ʻe 12 mei he 1 Nīfaí ki he Mōsaiá, pea vahevahe ha tūkunga ʻe lava ai ke tokoniʻi ʻe he ngaahi moʻoni ʻoku akoʻi ʻi he potufolofola ko iá ha taha taʻu hongofulu tupu ʻi heʻene moʻuí.

Ngaahi tefitoʻi moʻoni ki hono maʻu ʻo e ʻilo fakalaumālié

Ki he fehuʻi 10–11, fakahaaʻi hoʻo ʻilo mo e tuʻunga malava ke fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié.

10. Fakamatalaʻi fakanounou ʻa e tefitoʻi moʻoni ʻe tolu ki hono maʻu ʻo e ʻilo fakalaumālié ʻi he ngaahi lea pē ʻaʻau.

    1. Ngāue ʻi he tuí.

    2. Vakaiʻi ʻa e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá.

    3. Fekumi ki ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí.

11. ʻOku fehuʻia ʻe ha kaungāmeʻa ʻa e ʻuhinga ʻoku fehangahangai ai ha ngaahi meʻa ne toki akoʻi ange ʻi he akó mo e meʻa kuo akoʻi ʻe he ʻOtuá ʻo fakafou ʻi he folofolá mo e kau palōfita ʻo onopōní. Tali ʻa e ngaahi fehuʻi ko ‘ení:

    1. Ko e hā ha ngaahi meʻa pau te ne lava ʻo fai ke ngāue ai ʻi he tuí?

    2. ʻE tokoniʻi fēfē ia ʻe heʻene vakai ki he tūkunga ko ʻení mei ha fakakaukau ʻoku taʻengatá?

    3. Ko e ngaahi potufolofola fakataukei fakatokāteliné ko ha ngaahi sīpinga ia ʻo e ngaahi maʻuʻanga tokoni kuo fokotuʻu fakalangí. Ko e hā ha ngaahi potufolofola fakataukei fakatokāteline mei he 1 Nīfaí ki he Mōsaiá ʻe ala tokoni ki ho kaungāmeʻá? ʻO fēfē?

Liliu ʻi hoʻo moʻuí

12. Ko e hā ha potufolofola fakataukei fakatokāteline naʻá ke ako ki ai ʻi he semesitā ko ʻení kuó ne tokoniʻi koe? Kuó ne tokoniʻi fēfē koé? Ko e hā ʻoku akoʻi atu ʻe he tefitoʻi moʻoni ko ʻení kau ki he Tamai Hēvaní mo Sīsū Kalaisí?

Tuku ha taimi feʻunga maʻá e kau akó ke fakakakato ai ʻa e siví. ʻO ka ʻosi e sivi ʻa e kau akó, mou vakaiʻi fakakalasi ia. Fakapapauʻi pe ʻe lelei ange ki he kau akó ke fakatonutonu ʻenau takitaha ngāue pe ke ʻoange ia ki ha kaungāako ke ne fakatonutonu.

Ngaahi talí

1. h. Mōsaia 2:41

2. a. 1 Nīfai 3:7

3. e. 2 Nīfai 2:25

4. tauhi; kāinga; ʻOtua

5. fakakakano; tangata māʻoniʻoni; fakalelei

6. papitaiso; fakamoʻoni; fuakava

7. ʻE ala kau ʻi he ngaahi talí ʻa e 2 Nīfai 32:3 mo e 2 Nīfai 32:8–9, ka ʻe lava ke maʻu ʻe he kau akó ha maaka ʻi hono fakaʻaongaʻi ha faʻahinga potufolofola fakataukei fakatokāteline pē kapau te nau lava ʻo fakamatalaʻi ʻa e founga ʻoku fakaʻaongaʻi ai ʻa e moʻoni ʻi he potufolofolá.

8. ʻE ala kau ʻi he ngaahi talí ʻa e 1 Nīfai 3:7 mo e Mōsaia 2:41, ka ʻe lava ke maʻu ʻe he kau akó ha maaka ʻi hono fakaʻaongaʻi ha faʻahinga potufolofola fakataukei fakatokāteline pē kapau te nau lava ʻo fakamatalaʻi ʻa e founga ʻoku fakaʻaongaʻi ai ʻa e moʻoni ʻi he potufolofolá.

9. ʻOku totonu ke maʻu ʻe he kau akó ha maaka, kehe pē ke nau tali ʻa e fehuʻi ko ʻení ʻi he fakamātoato pea mo kakato.

10. ʻOku totonu ke lava ʻe he kau akó ʻo fakamatalaʻi nounou ʻa e ngaahi tefitoʻi moʻoni ki hono maʻu ʻo e ʻilo fakalaumālié. Fakakaukau ke fakaafeʻi kinautolu ke fakafehoanaki ʻenau ngaahi talí mo e palakalafi 5–12 ʻo e konga “Ko Hono Maʻu ʻo e ʻIlo Fakalaumālié” ʻi he Fakamatala ki he ʻElito ʻo e Fakataukei Fakatokāteliné (2023).

11. ʻOku totonu ke lava ʻe he kau akó ʻo fakamatalaʻi ʻa e ngaahi angafai ʻoku fekauʻaki mo e ngāue ʻi he tuí pea mo e ngaahi tāpuaki ʻo hono vakaiʻi ʻa e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá. ʻOku totonu foki ke nau ʻiloʻi ha potufolofola fakataukei fakatokāteline ʻe lava ʻo tokoni ki ha taha ʻokú ne fehuʻia ʻa e ʻuhinga ʻoku fehangahangai ai ha ngaahi akonaki ʻe niʻihi ʻi he māmaní mo e meʻa kuo akoʻi ʻe he ʻEikí. ʻE lava ke kau ʻi he ngaahi potufolofola ʻe lava ke fakaʻaongaʻi ʻe he kau akó ʻa e Mōsaia 4:9 mo e 2 Nīfai 28:30.

12. ʻOku totonu ke maʻu ʻe he kau akó ha maaka, kehe pē ke nau tali ʻa e fehuʻi ko ʻení ʻi he fakamātoato pea mo kakato. Fakaafeʻi kinautolu ke aleaʻi ʻa e potufolofola fakataukei fakatokāteline ne nau filí pea mo e ʻuhinga ne nau fili ai iá. Fakakaukau ke fakaʻatā ki he tokolahi taha ʻo e kau akó ʻe ala lavá ke nau vahevahe ʻi he taimi ʻe toé. Fakaafeʻi kinautolu ke vahevahe ʻa e meʻa ʻoku akoʻi ange ʻe he potufolofola ne nau filí fekauʻaki mo e Tamai Hēvaní mo Sīsū Kalaisi.

Fakaʻosi ʻa e siví ʻaki hono vahevahe hoʻo fakamoʻoni ki he mālohi ʻo e mahino ʻa e tokāteline ʻo Sīsū Kalaisí ʻo hangē ko ia ʻoku hā ʻi Heʻene folofolá pea mo hono ʻiloʻi ʻa e founga ke fakaʻaongaʻi ai ʻEne ngaahi akonakí ʻi ha ngaahi tūkunga moʻoni ʻo e moʻuí.