“Fakataukei Fakatokāteliné: Toe Vakaiʻi ʻo e Sivi 2: ʻAlamā 7:11–13 ki he Molonai 10:4–5,” Tohi ʻa Molomoná – Tohi Lēsoni ʻa e Faiakó (2024)

“Fakataukei Fakatokāteliné: Toe Vakaiʻi ʻo e Sivi 2,” Tohi ʻa Molomoná – Tohi Lēsoni ʻa e Faiakó

Fakataukei Fakatokāteliné: Toe Vakaiʻi ʻo e Sivi 2

ʻAlamā 7:11–13 ki he Molonai 10:4–5

ʻOku fokotuʻutuʻu ʻa e toe vakaiʻi ʻo e sivi fakataukei fakatokāteline ko ʻení ko ha aʻusia fakaako ke tokoni ke fakamanatu ʻe he kau akó ʻa e potufolofola fakataukei fakatokāteline ʻe 12 meia ʻAlamā kia Molonaí. Te nau lava ai ʻo fakahaaʻi ʻa e mahino mo hono fakaʻaongaʻi ʻo e ngaahi moʻoni ʻi he ngaahi potufolofola ko ʻení. ʻOku toe fakataumuʻa foki ia ke tokoni ki hono teuteuʻi ʻo e kau akó ki he sivi ʻoku hanganaki maí (“Fakataukei Fakatokāteliné: Sivi 2”)

ʻE ʻaonga lahi taha ʻa e aʻusia fakaako ko ʻení ki he kau akó kapau te nau lava ʻo ngāue fakataha lolotonga ha kalasi. Kapau ko ha faiako koe ki he ako ʻi ʻapí pe ʻi he ʻinitanetí, fakapapauʻi ke fai ʻeni lolotonga ha taha ʻo hoʻo ngaahi kalasi fakauiké.

Fakaʻaongaʻi ʻa e fakamanatu ko ʻení pea fakahoko ʻa e sivi fakataukei fakatokāteliné ʻi ha faʻahinga taimi pē hili hoʻo akoʻi e ngaahi potufolofola fakataukei fakatokāteline kotoa pē mei he ʻAlamā 7:11–13 ki he Molonai 10:4–5. Tuku ha taimi feʻunga ʻi he vahaʻa ʻo e fakamanatu ko ʻení mo e siví ke ako ai ʻe he kau akó ʻa e ngaahi potufolofola ʻoku ʻikai ke nau ʻiloʻi leleí. Mahalo naʻa fiemaʻu ke akoʻi ha niʻihi ʻo e ngaahi lēsoni fakataukei fakatokāteliné kimuʻa honau hokohoko ʻi he fakahokohoko fakalēsoní kae lava ke fakahoko ʻa e siví kimuʻa ʻi he fakaʻosinga ʻo e taʻú.

Ngaahi ʻEkitivitī Ako ʻOku Ala Fakahokó

Fakakaukau ki he ngaahi fiemaʻu ʻo hoʻo kau akó, pea fili ʻa e ngaahi konga ʻo e fakamanatu ko ʻení ʻa ia ʻe tokoni lelei taha kiate kinautolu ke teuteu ki he “Fakataukei Fakatokāteliné: Sivi 2.” Lolotonga ʻa e fakamanatu ko ʻení, fakaafeʻi ʻa e kau akó ke kumi ʻa e ngaahi potufolofola ʻoku ʻikai ke nau ʻiloʻi leleí pea ke fokotuʻu ha ngaahi palani ke ako mo fakamanatu ʻa e ngaahi potufolofola ko ʻení ko ha teuteu ki he siví.

Ko e fanga kiʻi sivi ʻi he ngaahi ʻekitivitī fakamanatu 1 mo e 2, ko ha ngaahi fokotuʻu ia ke tokoni ki he kau akó ke fakamanatu ʻa e ngaahi potufolofolá mo e ngaahi kupuʻi lea folofola mahuʻinga kuo nau ako lolotonga ʻa e konga ko ʻeni ʻo e kalasí. ʻE lava ke fakaʻaongaʻi ha ngaahi ʻekitivitī kehekehe ke fakahoko ʻeni ʻo fakatatau mo e ngaahi fiemaʻu ʻa e kau akó. ʻE lava ke maʻu ha ngaahi fakakaukau lahi ange ʻi he ngaahi lēsoni fakamanatu fakataukei fakatokāteline kimuʻá pe ʻi he polokalama telefoni ki he Fakataukei Fakatokāteliné.

ʻEkitivitī Fakamanatu 1: Fakahoa ʻa e ngaahi potufolofolá mo e ngaahi kupuʻi lea folofola mahuʻingá

Fakakaukau ke fakaʻaongaʻi ʻa e kiʻi sivi ko ʻení ke tokoni ke toe fakamanatu ʻe he kau akó ʻa e ngaahi potufolofolá mo e ngaahi kupuʻi lea folofola mahuʻinga kuo nau ako lolotonga ʻa e konga ko ʻeni ʻo e kalasí.

Ngaahi talí: 1-f, 2-i, 3-a, 4-n, 5-k, 6-e, 7-ng, 8-m, 9-o, 10-p, 11-l, 12-h

ʻE lava ke ke paaki ʻa e potufolofola takitaha ʻe 12 mo e ngaahi kupuʻi lea folofola mahuʻingá ʻi ha ʻū laʻipepa kehekehe, ko ha founga ʻe taha ki he kiʻi siví. ʻOange ha laʻipepa ʻe taha ki he tokotaha ako takitaha pea fakaafeʻi kinautolu ke kumi pea tuʻu ʻi he tafaʻaki ʻo e tokotaha ʻoku ʻi heʻene laʻipepá ʻene potufolofola pe kupuʻi lea folofola mahuʻingá. Hili iá, te ke lava ʻo tuifio ʻa e ʻū laʻipepá pea toutou fai ʻa e ʻekitivitií.

Fakatauhoa ʻa e ngaahi kupuʻi lea mahuʻinga ko ʻeni ʻi he kōlomu toʻohemá ki he potufolofola fakataukei fakatokāteline totonu ʻi he kōlomu toʻomataʻú.

Kupuʻi Lea Mahuʻingá	Ngaahi Fakamoʻoni Fakafolofolá
“ʻIkai toe muimui ʻi he ngaahi holi ʻa ho matá.”	ʻAlamā 7:11–13
“ʻOku makatuʻunga ʻi he maka ʻo hotau Huhuʻí … kuo pau ke mo langa ai homo makatuʻungá.”	ʻAlamā 34:9–10
“Pea te ne hāʻele atu, ʻo kātakiʻi ʻa e ngaahi mamahi mo e ngaahi faingataʻá pea mo e ngaahi ʻahiʻahi kehekehe kotoa pē.”	ʻAlamā 39:9
“ʻOku ʻikai te mou maʻu ha fakamoʻoni kae ʻoua kuo hili hono ʻahiʻahiʻi ʻo hoʻomou tuí.”	ʻAlamā 41:10
“Kuó u fai ai ʻa e meʻa kotoa pē kuo finangalo ʻa e Tamaí ke u fai talu mei he kamataʻangá.”	Hilamani 5:12
“Kuo pau ke fai ha fakalelei, … ko ha feilaulau taʻe-fakangatangata mo taʻengata.”	3 Nīfai 11:10–11
“Kapau ʻe haʻu kiate au ʻa e tangatá … te u liliu ʻa e ngaahi meʻa vaivaí ko e mālohi kiate kinautolu.”	3 Nīfai 12:48
“Haʻu kiate au ʻo papitaiso … koeʻuhi ke fakamāʻoniʻoniʻi ʻa kimoutolu ʻi he maʻu ʻo e Laumālie Māʻoniʻoní.”	3 Nīfai 27:20
“Ko e manavaʻofá ʻa e ʻofa haohaoa ʻa Kalaisí.”	ʻEta 12:6
“Kole ‘i he loto-fakamātoato, mo e loto-moʻoni, ‘o maʻu ‘a e tui kia Kalaisi. … Pea ʻi he mālohi ʻo e Laumālie Māʻoniʻoní te mou lava ai ke ʻiloʻi hono moʻoni ʻo e ngaahi meʻa kotoa pē.”	ʻEta 12:27
“Ke mou haohaoa ʻo hangē pē ko aú, pe hangē ko e haohaoa hoʻomou Tamai ʻa ia ʻoku ʻi he langí.”	Molonai 7:45–48
“Kuo teʻeki ai hoko ʻa e faiangahalá ko e fiefia.”	Molonai 10:4–5

ʻEkitivitī Fakamanatu 2: ‘Ilo ʻa e ngaahi kupuʻi lea folofola mahuʻingá

ʻE lava ke fakaʻaongaʻi ʻa e ʻekitivitī fakafonu ko ʻení ke tokoni ki he kau akó ke fakamanatu ʻa e ngaahi kupuʻi lea folofola mahuʻingá.

Ngaahi talí: 1. fakamātoato; loto; ʻiloʻi 2. fakalelei; taʻe-fakangatangata; taʻengata 3. maka; Huhuʻi; makatuʻunga 4. fakamoʻoni; ʻahiʻahiʻi; tuí 5. finangalo; Tamaí; kamataʻangá

Ko e founga ʻe taha ke tokoniʻi ai ʻa e kau akó ke fakamanatu ʻa e ngaahi kupuʻi lea folofola mahuʻingá ko hono ʻai ke nau fokotuʻutuʻu ʻa e ngaahi kupuʻi leá ki heʻene hokohoko totonú. Paaki ʻa e kupuʻi lea takitaha, pea kosiʻi kinautolu ke ʻi ai ʻa e foʻi lea pē ʻe taha ʻi he laʻipepa takitaha. Te ke lava ʻo vahevahe ʻa e kau akó ki ha fanga kiʻi kulupu iiki pea ʻoange ki he kulupu takitaha ha seti laʻipepa ʻe taha te ne faʻu ha kupuʻi lea folofola mahuʻinga kakato. Fakaafeʻi ʻa e ngaahi kulupú ke fokotuʻutuʻu ʻa e ngaahi foʻi leá ke lava ʻo maʻu ʻa e kupuʻi lea folofola mahuʻingá ʻi hono hokohoko totonú. Hili ʻa e ʻosi ʻa e ngaahi kulupú, te nau lava ʻo fakafetongi pepa pea toe fai pē ʻa e ʻekitivitií.

Fakafonu ʻa e ngaahi konga ʻoku ʻataá ʻaki ʻa e ngaahi foʻi lea mei he ngaahi kupuʻi lea folofola mahuʻingá.

“Kole ʻi he loto , mo e moʻoni, ʻo maʻu ʻa e tui kia Kalaisi. … Pea ʻi he mālohi ʻo e Laumālie Māʻoniʻoní te mou lava ai ke hono moʻoni ʻo e ngaahi meʻa kotoa pē.” (Molonai 10:4–5)
“Kuo pau ke fai ha , … ko ha feilaulau mo .” (ʻAlamā 34:9–10)
“ʻOku makatuʻunga ʻi he ʻo hotau … kuo pau ke mo langa ai homo .” (Hilamani 5:12)
“ʻOku ʻikai te mou maʻu ha kae ʻoua kuo hili hono ʻo hoʻomou .” (ʻEta 12:6)
“Kuó u fai ʻa e meʻa kotoa pē kuo ʻa e ke u fai talu mei he .” (3 Nīfai 11:10–11)

ʻEkitivitī Fakamanatu 3: Fakaʻaongaʻi ʻa e tokāteliné

Tokoni ke akoako fakaʻaongaʻi ʻe he kau akó ʻa e tokāteline naʻe akoʻi ʻi he ngaahi potufolofola fakataukei fakatokāteliné ki ha ngaahi tūkunga moʻoni ʻo e moʻuí. Ko e founga ʻe taha ke fakahoko ai ʻení ko hono fakaʻaliʻali ʻa e ngaahi tūkunga ko ʻení. Fakaafeʻi leva ha kau ako ke fili pe ko e (ngaahi) potufolofola fakataukei fakatokāteline fē ʻe lava ʻo tokoni ki he tokotaha ʻi he tūkunga takitaha. Fakaafeʻi ʻa e kau akó ke fakamatalaʻi ʻa e founga ʻe lava ke tokoni ai ʻa e tokāteline naʻe akoʻi ʻi he (ngaahi) potufolofola ne nau filí.

ʻE lava ke fakahoko ʻa e ʻekitivitī ko ʻení fakafoʻituitui, fakakulupu pe ko ha kalasi pe kotoa ʻo e ngaahi founga ʻe tolú.

ʻOku fie ʻilo ha finemui ʻoku ako fekauʻaki mo e Siasí ki he meʻa ʻoku totonu ke ne fai ke muimui ai kia Sīsū Kalaisí.
Ko ha kulupu toʻu tupu ʻoku kamata ke nau angakovi ki ha niʻihi tokolahi ʻo honau toʻú ʻi he akó.
ʻOku ʻikai mahino ki hoʻo kaungāmeʻá ʻa e mahuʻinga ʻo Sīsū Kalaisí pea ʻokú ne fehuʻi atu ʻa e meʻa kuó Ne fai maʻatautolú.
ʻOku fie ʻilo ʻe ha talavou ʻa e founga te ne lava ai ʻo maʻu ʻa e tokoni mo e mālohi ʻo e ʻOtuá ke maluʻi ia mei he ngaahi ʻahiʻahi ʻa Sētané.

ʻEkitivitī Fakamanatu 4: Fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié

Tokoni ke toe vakaiʻi ʻe he kau akó ʻa e ngaahi tefitoʻi moʻoni ki hono maʻu ʻo e ʻilo fakalaumālié pea ʻoange ha faingamālie ke nau akoako fakaʻaongaʻi kinautolu ʻi ha ngaahi tūkunga moʻoni ʻo e moʻuí. Ko ha founga ʻeni ʻe taha ke fakahoko ai ʻeni.

Fakakaukauloto ki he tūkunga ko ʻení:

ʻOku faʻa ongoʻi ʻe ha finemui ʻi he taimi ʻe niʻihi ʻoku fuʻu fakangatangata ʻa e ngaahi fekau ʻa e ʻOtuá. ʻOkú ne fifili pe te ne fiefia ange kapau te ne lava ʻo moʻui ʻi ha faʻahinga founga pē ʻokú ne ongoʻi ʻoku lelei tahá.

Fakalaulauloto ki he founga te ke lava ʻo fakaʻaongaʻi ai ʻa e ngaahi tefitoʻi moʻoni ko ʻeni ki hono maʻu ʻo e ʻilo fakalaumālié ke tokoni ki he toʻu tupu ko ʻení ke fekumi ki he Tamai Hēvaní mo Sīsū Kalaisi ke maʻu ha tokoni ki heʻene ngaahi hohaʻá.

Ngāue ʻi he tuí.
Vakaiʻi ʻa e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá.
Fekumi ki ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí.

Te ke fakaʻaongaʻi fēfē ʻa e tefitoʻi moʻoni takitaha ʻe tolu ki hono maʻu ʻo e ʻilo fakalaumālié ke tokoni ʻi he tūkunga ko ʻení?
Ko e ngaahi potufolofola fakataukei fakatokāteline fē mei he konga ko ʻeni ʻo e kalasí ʻe ala tokoní? ʻO fēfē?
Ko e hā ha ngaahi aʻusia kuó ke maʻu ʻi hono fakaʻaongaʻi ʻo e ngaahi tefitoʻi moʻoni ki hono maʻu ʻo e ʻilo fakalaumālié ke fakaleleiʻi ʻaki ʻa e ngaahi meʻa ʻokú ke hohaʻa ki aí?

ʻEkitivitī Fakamanatu 5: Ngaahi potufolofola ʻoku ʻi ai hono ʻuhinga makehe ʻi hoʻo moʻuí

Fakaafeʻi ʻa e kau akó ke fakakaukau pe ko e potufolofola fakataukei fakatokāteline fē kuó ne tokoniʻi lahi taha kinautolú. Hangē ko ʻení, mahalo te nau fili ha potufolofola naʻe tokoni ke nau ongoʻi ʻa e ʻofa ʻa e Tamai Hēvaní mo Sīsū Kalaisí pe tokoni ke mahino lelei ange kiate kinautolu ʻa Sīsū Kalaisi mo ʻEne Fakaleleí.

Ko e hā ha potufolofola fakataukei fakatokāteline kuo ʻuhingamālie pe tokoni kiate koe? Naʻe ʻuhingamālie pe tokoni fēfē iá?

Te ke maʻu ha faingamālie ke vahevahe ʻa e ngaahi fakakaukau mo e ngaahi aʻusia ko ʻení ko ha konga ʻo e siví.

Fakakaukau ke tufa ʻa e laʻipepa tufa ko ʻení ki he kau akó ke tokoni ke teuteu kinautolu ki he “Fakataukei Fakatokāteliné: Sivi 2.”

Fakataukei Fakatokāteliné: Sivi 2—Fakahinohino Akó

Tohi ʻa Molomoná – Tohi Lēsoni ʻa e Faiakó (2024)—“Fakataukei Fakatokāteliné: Toe Vakaiʻi ʻo e Sivi 2: ʻAlamā 7:11–13 ki he Molonai 10:4–5”

Ako maʻuloto ʻa e ngaahi fakamoʻoni fakafolofolá mo e ngaahi kupuʻi lea folofola mahuʻingá

ʻAi ke ke maheni mo e ngaahi potufolofola fakataukei fakatokāteliné mo e ngaahi kupuʻi lea folofola mahuʻingá. ʻE lava ke ke download pea fakaʻaongaʻi ʻa e polokalama Fakataukei Fakatokāteline ʻi he telefoni toʻotoʻó ke tokoni atu ke ke toe fakamanatu.

Fakataukei Fakatokāteline ʻo e Tohi ʻa Molomoná: ʻAlamā–Molonai

Fakamoʻoni Fakafolofolá	Kupuʻi Lea Folofola Mahuʻingá
Fakamoʻoni Fakafolofolá ʻAlamā 7:11–13	Kupuʻi Lea Folofola Mahuʻingá “Pea te ne hāʻele atu, ʻo kātakiʻi ʻa e ngaahi mamahi mo e ngaahi faingataʻá pea mo e ngaahi ʻahiʻahi kehekehe kotoa pē.”
Fakamoʻoni Fakafolofolá ʻAlamā 34:9–10	Kupuʻi Lea Folofola Mahuʻingá “Kuo pau ke fai ha fakalelei, … ko ha feilaulau taʻe-fakangatangata mo taʻengata.”
Fakamoʻoni Fakafolofolá ʻAlamā 39:9	Kupuʻi Lea Folofola Mahuʻingá “ʻIkai toe muimui ʻi he ngaahi holi ʻa ho matá.”
Fakamoʻoni Fakafolofolá ʻAlamā 41:10	Kupuʻi Lea Folofola Mahuʻingá “Kuo teʻeki ai hoko ʻa e faiangahalá ko e fiefia.”
Fakamoʻoni Fakafolofolá Hilamani 5:12	Kupuʻi Lea Folofola Mahuʻingá “ʻOku makatuʻunga ʻi he maka ʻo hotau Huhuʻí … kuo pau ke mo langa ai homo makatuʻungá.”
Fakamoʻoni Fakafolofolá 3 Nīfai 11:10–11	Kupuʻi Lea Folofola Mahuʻingá “Kuó u fai ai ʻa e meʻa kotoa pē kuo finangalo ʻa e Tamaí ke u fai talu mei he kamataʻangá.”
Fakamoʻoni Fakafolofolá 3 Nīfai 12:48	Kupuʻi Lea Folofola Mahuʻingá “Ke mou haohaoa ʻo hangē pē ko aú, pe hangē ko e haohaoa hoʻomou Tamai ʻa ia ʻoku ʻi he langí.”
Fakamoʻoni Fakafolofolá 3 Nīfai 27:20	Kupuʻi Lea Folofola Mahuʻingá “Haʻu kiate au ʻo papitaiso … koeʻuhi ke fakamāʻoniʻoniʻi ʻa kimoutolu ʻi he maʻu ʻo e Laumālie Māʻoniʻoní.”
Fakamoʻoni Fakafolofolá ʻEta 12:6	Kupuʻi Lea Folofola Mahuʻingá “ʻOku ʻikai te mou maʻu ha fakamoʻoni kae ʻoua kuo hili hono ʻahiʻahiʻi ʻo hoʻomou tuí.”
Fakamoʻoni Fakafolofolá ʻEta 12:27	Kupuʻi Lea Folofola Mahuʻingá “Kapau ʻe haʻu kiate au ʻa e tangatá … te u liliu ʻa e ngaahi meʻa vaivaí ko e mālohi kiate kinautolu.”
Fakamoʻoni Fakafolofolá Molonai 7:45–48	Kupuʻi Lea Folofola Mahuʻingá “Ko e manavaʻofá ʻa e ʻofa haohaoa ʻa Kalaisí.”
Fakamoʻoni Fakafolofolá Molonai 10:4–5	Kupuʻi Lea Folofola Mahuʻingá “Mou kole ʻi he loto-fakamātoato, mo e loto-moʻoni, ʻo maʻu ʻa e tui kia Kalaisi … [pea] ʻi he mālohi ʻo e Laumālie Māʻoniʻoní te mou lava ai ke ʻiloʻi hono moʻoni ʻo e ngaahi meʻa kotoa pē.”

Fakaʻaongaʻi ʻa e tokāteliné ki he ngaahi tūkunga moʻoni ʻo e moʻuí

Fakaʻaongaʻi ha potufolofola fakataukei fakatokāteline ʻe taha pe lahi ange ke:

Fakamatalaʻi ʻa e meʻa ʻoku kole mai ʻe he ʻOtuá ke tau fai ke tau feʻunga ke maʻu ʻa e moʻui taʻengatá.
Tokoniʻi ha taha ʻokú ne fie ʻilo ʻa e founga te ne lava ai ʻo fakamālohia ʻene fakamoʻoní.
Fakamatalaʻi ʻa e mahuʻinga ʻo e misiona ʻo Sīsū Kalaisi ko hotau Fakamoʻui mo e Huhuʻí.
Fakamatalaʻi ʻa e meʻa ʻe lava ke fai ʻe he Fakamoʻuí ke tokoniʻi kitautolu ʻi hotau ngaahi faingataʻaʻiá pe ngaahi ʻahiʻahí.

Mateuteu ke vahevahe pe ko e fē ʻi he ngaahi potufolofola fakataukei fakatokāteliné kuó ne tokoniʻi lahi taha koé pea ko e hā hono ʻuhingá.

Ngaahi tefitoʻi moʻoni ki hono maʻu ʻo e ʻilo fakalaumālié

Toe vakaiʻi ʻa e palakalafi 5–12 ʻi he konga “Ko Hono Maʻu ʻo e ʻIlo Fakalaumālié” ʻi he Fakamatala ki he ʻElito ʻo e Fakataukei Fakatokāteliné (2023). Fakalaulauloto ki he founga te ke lava ai ʻo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié ke tokoniʻi ha taha ke ne ikunaʻi ha faingataʻa pe hohaʻa ʻokú ne fehangahangai mo ia.