Վարդապետության սերտում. Գնահատում 2

Ալմա –Մորոնի

Այս դասընթացի երկրորդ կեսի ընթացքում ուսանողներն ուսումնասիրել են Ալմայի գրքից մինչև Մորոնի գրքում գտնվող վարդապետության սերտման 12 հատվածներ: Այս գնահատումը նախատեսված է գնահատելու համար ուսանողների կարողությունը՝ մտապահելու այդ հատվածների սուրբ գրության հղումը և սուրբգրային հիմնական արտահայտությունը, ինչպես նաև գնահատելու համար դրանք իրական կյանքի իրավիճակներում կիրառելու նրանց կարողությունը: Այն նաև կգնահատի հոգևոր գիտելիքներ ձեռք բերելու սկզբունքների նրանց ընկալումը:

Կատարեք վարդապետության սերտման այս գնահատումը ցանկացած ժամանակ՝ Ալմա 7.11–13 – Մորոնի 10.4–5 բոլոր հատվածներն ուսուցանելուց հետո։ Որպեսզի օգնեք ուսանողներին պատրաստվել, ուսուցանեք «Վարդապետության սերտում. Գնահատում 2-ի վերանայում» դասը կամ ուսանողներին տրամադրեք այդ դասի վերջում զետեղված ուսումնասիրության ուղեցույցը: Հնարավոր է, որ անհրաժեշտ լինի ուսուցանել վարդապետության սերտման դասերից մի քանիսը՝ նախքան կանդրադառնաք դրանց դասարանում, որպեսզի կարողանաք անցկացնել գնահատումը մինչև տարվա վերջ։

Հնարավորության դեպքում այս գնահատումն անցկացրեք անձամբ և ստուգեք այն անմիջապես այն բանից հետո, երբ ուսանողներն այն ավարտեն։ Կարող եք ինքներդ ստուգել բոլոր գնահատումները, այնուհետև քննարկել ճիշտ պատասխաններն ամբողջ դասարանով, կամ կարող եք առաջարկել յուրաքանչյուր ուսանողի ստուգել իր գնահատումը: Քանի որ ուսանողները կարող են կիսվել անձնական տեղեկություններով իրենց որոշ պատասխաններում, մի խնդրեք ուսանողներին ստուգել մյուս ուսանողների գնահատումները:

Ուսանողների ընթացիկ գիտելիքները գնահատելուց բացի՝ գնահատում կատարելը և քննարկելը կարող է նշանակալից և անձնական մտորումների փորձառություն հանդիսանալ ուսանողների համար: Հարցեր 7–12-ը քննարկելիս՝ ուսանողներին առաջարկեք հայտնել, թե իրենք ինչու են ընտրել այդ պատասխանը և բացատրել, թե իրենց ընտրած հատված(ներ)ն ինչպես կարող է օգնել նկարագրված իրավիճակում: Ուսանողներին օգնեք հասկանալ այն հարցերը, որոնց նրանք սխալ են պատասխանել: Ժամանակ հատկացրեք՝ ուսանողների լրացուցիչ հարցերին պատասխանելու համար:

Հնարավոր ուսումնական վարժություններ

Մորմոնի Գրքի Վարդապետության սերտում․ Գնահատում 2

Վարդապետության սերտման հղումներ

Հարցեր 1–3-ի համար գրեք համապատասխան հղման տառը՝ յուրաքանչյուր արտահայտության դիմաց հատկացված դատարկ տեղում: Խնդրում ենք չօգտվել ձեր սուրբ գրություններից գնահատման այս մասի համար:

Հիմնական արտահայտություններ	Սուրբ գրության հղումներ
«Գթությունը Քրիստոսի մաքուր սերն է»:	Ալմա 39.9
«Եվ նա պիտի գնա առաջ՝ տանելով ցավեր և չարչարանքներ, և փորձություններ ամեն տեսակի»։	Ալմա 41.10
«Այլևս մի գնա քո աչքերի տենչանքների ետևից»:	Մորոնի 7.45–48
	Հելաման 5.12
	Ալմա 7.11–13

Սուրբգրային հիմնական արտահայտություններ

Հարցեր 4–6-ի համար լրացրեք բաց թողնված բառերը վարդապետության սերտման սուրբգրային հիմնական արտահայտություններում: Խնդրում ենք չօգտվել ձեր սուրբ գրություններից գնահատման այս մասի համար:

4. «Հարցրեք սրտով, անկեղծ , հավատք ունենալով առ Քրիստոս։ … Եվ Սուրբ Հոգու զորությամբ դուք կարող եք ճշմարտությունը բոլոր բաների վերաբերյալ»։ (Մորոնի 10.4–5)

5. «Դա մեր վրա է, … որ դուք պիտի կառուցեք ձեր »: (Հելաման 5.12)

6. «Նախքան ձեր , դուք չեք ստանում»: (Եթեր 12․6)

Կիրառումը կյանքի իրական իրավիճակներում

Գնահատման մնացած մասի համար կարող եք օգտագործել ձեր սուրբ գրությունները:

Հարցեր 7–9-ի համար նշեք Ալմա – Մորոնի գրքերի վարդապետության սերտման հատվածներից մեկը կամ մի քանիսը, որոնք կարող են մարդուն օգնել հետևյալ իրավիճակներում: Բացատրեք, թե ինչու եք ընտրել հատկապես այդ հատվածը(ները):

7. Մի երիտասարդ կին, որը սովորում է Եկեղեցու մասին, ցանկանում է իմանալ, թե ինչ պետք է անի Հիսուս Քրիստոսին հետևելու համար:

8. Ձեր ընկերը չի հասկանում Հիսուս Քրիստոսի կարևորությունը և հարցնում է ձեզ, թե ինչ է նա արել մեզ համար:

9. Երիտասարդը ցանկանում է իմանալ, թե ինչպես կարող է ստանալ Աստծո օգնությունն ու զորությունը՝ սատանայի գայթակղություններից պաշտպանվելու համար։

Հոգևոր գիտելիքներ ձեռք բերելու սկզբունքները

Հարցեր 10–11-ի համար ցուցադրեք հոգևոր գիտելիքներ ձեռք բերելու սկզբունքներն օգտագործելու ձեր գիտելիքն ու կարողությունը:

10. Ինչպե՞ս կբացատրեիք որևէ մեկին հոգևոր գիտելիքներ ձեռք բերելու հետևյալ սկզբունքները։

    1. Գործեք հավատքով։

    2. Քննեք հասկացությունները և հարցերը հավերժության տեսանկյունից։

    3. Ձգտեք մեծացնել հասկացողությունն աստվածայնորեն սահմանված աղբյուրների միջոցով:

11. Երիտասարդ աղջիկը երբեմն մտածում է, որ Աստծո պատվիրանները չափից շատ սահմանափակումներ են դնում։ Նա մտածում է, թե արդյոք ինքն ավելի երջանիկ չէր լինի, եթե պարզապես ապրեր իր կյանքով այնպես, ինչպես ինքը կհամարեր ճիշտ:

    Պատասխանեք հետևյալ հարցերին.

    1. Ի՞նչ կոնկրետ բաներ կարող էր անել այդ մարդը հավատքով գործելու համար:

    2. Այս իրավիճակը հավերժության տեսանկյունից դիտարկելն ինչպե՞ս կարող է օգնել նրան:

    3. Վարդապետության սերտման հատվածներն աստվածայնորեն սահմանված աղբյուրների օրինակներ են: Վարդապետության սերտման ո՞ր հատված(ներ)ը կարող է օգտակար լինել այս իրավիճակում: Ինչո՞ւ է այդպես:

12. Մորմոնի Գրքի երկրորդ կեսում ձեր ուսումնասիրած վարդապետության սերտման 12 հատվածներից ո՞ր հատվածն է հատկապես օգտակար կամ նշանակալից եղել ձեզ համար: Ինչո՞ւ։

Ուսանողներին տվեք բավականաչափ ժամանակ՝ գնահատումն ավարտելու համար: Երբ ուսանողներն ավարտեն աշխատանքր, դասարանով վերանայեք այն: Դուք կարող եք ստուգել գնահատումները կամ խնդրել ուսանողներին ուղղել իրենց աշխատանքը:

Պատասխաններ՝

1. գ. Մորոնի 7․45–48

2. ե. Ալմա 7․11–13

3. ա․ Ալմա 39․9

4. մաքուր, միտում, իմանալ

5. վեմ, Քավիչ, հիմք

6. վկայություն, փորձություն, հավատք

7. Հնարավոր պատասխանները հետևյալն են․ 3 Նեփի 27.20 կամ Մորոնի 7.45–48, սակայն ուսանողները կարող են միավորի արժանանալ վարդապետության սերտման ցանկացած հատված օգտագործելու համար, եթե նրանք կարողանան բացատրել, թե ինչպես է կիրառվում հատվածի ճշմարտությունը:

8. Հնարավոր պատասխանները հետևյալն են․ Ալմա 7․11–13 կամ Ալմա 34․9–10, սակայն ուսանողները կարող են միավորի արժանանալ վարդապետության սերտման ցանկացած հատված օգտագործելու համար, եթե նրանք կարողանան բացատրել, թե ինչպես է կիրառվում հատվածի ճշմարտությունը:

9. Հնարավոր պատասխանները հետևյալն են․ Հելաման 5.12 կամ Եթեր 12․27, սակայն ուսանողները կարող են միավորի արժանանալ վարդապետության սերտման ցանկացած հատված օգտագործելու համար, եթե նրանք կարողանան բացատրել, թե ինչպես է կիրառվում հատվածի ճշմարտությունը:

10. Ուսանողները պետք է կարողանան համառոտ բացատրել հոգևոր գիտելիքներ ձեռք բերելու սկզբունքները։ Կարող եք նրանց առաջարկել համեմատել իրենց պատասխանները «Ձեռք բերել հոգևոր գիտելիքներ» բաժնի պարբերություններ 5–12-ի հետ Վարդապետության սերտման հիմնարար փաստաթղթում (2023)։

11. Ուսանողները պետք է կարողանան բացատրել թե ինչպես կարող էր այս երիտասարդ կինը գործել հավատքով և քննել հասկացությունները և հարցերը հավերժության տեսանկյունից: Նրանք պետք է նաև նշեն վարդապետության սերտման հատվածը, որը կարող է օգնել նրան իր մտահոգություններում: Հնարավոր պատասխանները հետևյալն են․ Ալմա 41.10, Եթեր 12.6 և Մորոնի 10.4–5։

12. Այս հարցին անկեղծորեն և լիովին պատասխանելու դեպքում ուսանողները պետք է միավորի արժանանան: Ուսանողներին առաջարկեք քննարկել հարց 12-ի համար ընտրված վարդապետության սերտման հատվածը և բացատրել, թե իրենք ինչու են ընտրել այն: Արդյունավետ կլինի մնացած ժամանակի ընթացքում հնարավորություն տալ որքան հնարավոր է շատ ուսանողների կիսվել իրենց մտքերով: Առաջարկեք նրանց կիսվել, թե իրենց ընտրած հատվածն ինչ է ուսուցանում Երկնային Հոր ու Հիսուս Քրիստոսի մասին:

Գնահատումն ավարտեք՝ վկայելով, թե որքան կարևոր է իմանալ Հիսուս Քրիստոսի վարդապետությունը, ինչպես որ գրված է Իր սուրբ գրություններում, և պատրաստ լինել կիրառել Նրա ուսմունքները կյանքի իրական իրավիճակներում։