9 ni Janueri

Na iVakarau Cava e Vinakata na Kalou me‘u Vakayacora me‘u Qarauna kina na Nona iBulibuli, Oka Kina na Yagoqu?

Nai Vakatekivu 1–2; Mosese 2–3; Eparama 4–5

Veivakasalataki Vata

Me liutaka e dua na mataveiliutaki ni kuoramu se kalasi; me 10–20 na miniti

Ena itekivu ni soqoni, cavuta vata na Itoko ni Goneyalewa se na Itoko ni Matabete i Eroni Qai liutaka e dua na veitalanoa me baleta na cakacaka ni veivakabulai kei na bula vakacerecerei ena nomu vakayagataka e dua se sivia na taro ka toka e ra se mai na nomu taro ga vakai iko (raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 10.2, 11.2, ChurchofJesusChrist.org). Tu vakarau mo vakayacora na veika esa veitalanoataki.

• Bulataka na kosipeli. Na cava soti eda sa veitalanoataka oti, kei na veisureti se ilesilesi cava a vakayacori? Na cava e sa caka ena kena cakacakataki na veisureti se na veilesi oqo?

• Nodra talevi na gadreva tu na veivuke. Na cava eda na rawa ni kaya se cakava me da dodoliga yani kina vei ira era na rairai galili se yawa tu mai vua na Tamada Vakalomalagi?

• Sureti na tamata kecega me ra ciqoma na kosipeli. Na cava na sala e so eda na rawa ni vukei ira kina na tani me ra vakila na loloma i Jisu Karisito?

• Vakaduavatataki ni matavuvale ki na veigauna tawamudu. Na ivakasala cava eda rawa ni veiveiwaseitaka vakai keda me vukea na kena vakaqaqacotaki na noda matavuvale?

Ena itini ni lesoni, ke veiganiti, vakayacora na vei ka oqo:

• Vakadinadinataka na ivakavuvuli eso e vakatavulici.

• Vakananumi ira na lewe ni kuoramu se kalasi me baleta na ituvatuva kei na veisureti a lokuci ena gauna ni bose.

Vakatavulica na iVunau

Liutaki mai vua e dua na iliuliu itabaqase se itabagone; me rauta ni 25-35 na miniti

Vulica Vata

Me vukei ira na itabagone me ra vakasamataka na veika e rawa ni ra cakava me ra qarauna vakavinaka cake kina na ibulibuli ni Kalou, vola na ulutaga eso oqo ena papa ni volavola: Na Dauveibuli, Na Veibuli, kei na Noda iTavi. Kerei ira me ra railesuva na Na iVakatekivu 1–2 ka vola na veika era sa vulica me baleta na Dauveibuli kei na Veibuli. Na cava eda sa vulica me baleta na noda itavi? (raica vakabibi na Nai Vakatekivu 1:26–28; 2:15). Na veivakasama eso oqo e rawa ni vukei ira na itabagone me ra veitalanoataka na noda itavi ena qaravi ni ibulibuli ni Kalou.

• E rawa vakacava mo vukei ira o vakavulica me ra kila ni yagodra sa ibulibuli tabu ni Kalou? Me ivakaraitaki, o na taroga beka vei ira na veika eda sa vulica me baleta na yagoda mai na 1 Korinica 6:19–20; Mosese 2:26–27; Eparaama 4:26–27. Na cava na ibalebale ni vosa “ivakatakarakara” kei na “veiuci”? Cakacaka vata me volai eso na ka e rawa ni da cakava me da qarauna kina na yagoda. (Raica na “Tiko Bulabula ni Yago kei na Vakasama,” ena Me iSakisaki ni iTabagone [ivolalailai, 2011], 25–27.)

• Era dau sotava na itabagone na itukutuku eso ka dau vakavuna na nodra sega ni yalodei ena vuku ni yagodra. Sureti ira na itabagone me ra sarava na vidio “God‘s Greatest Creation” (ChurchofJesusChrist.org). Kerei ira me ra vakasaqara na itukutuku ka na vukei ira me ra vakavinavinakataka na yagodra (raica talega na Russell M. Nelson, “Your Body: A Magnificent Gift to Cherish,” New Era, Okosi. 2019, 2–7). Na cava eda rawa ni wasea me vukea e dua na itokani se lewe ni matavuvale e sega ni yalodei tu me baleta na yagona?

• Sureti ira na itabagone me ra wilika lo e dua se sivia na veitikina oqo, ka vakasaqara na veivakararamataki me baleta na vuna a bulia kina na vuravura na Kalou kei na sala e vinakata o Koya me da taqomaka kina: Nai Vakatekivu 1:26–28; 2:15; 1 Nifai 17:36; Vunau kei na Veiyalayalati 49:19–21; 59:15–20; 104:13–18; Mosese 2:26–31; 3:15. Kerei ira me ra wasea na nodra nanuma me baleta na veitikina oqori. Qai sureti ira me ra cakacaka vata me ra vola na veika era rawa ni cakava yadudua se vakailawalawa me ra rawata kina na nodra itavi ni qaravi ni vuravura (raica na vakasama eso ena “Supporting Resources”). Na veisau cava soti e gadrevi me yaco ena noda vakasama kei na ivalavala me da qarauna vakavinaka cake kina na vuravura?

• Vakasamataka mo sureti ira na lewe ni kalasi se kuoramu me ra na kauta mai ki na soqoni e dua na ka e vakaraitaka na totoka ni vuravura a bulia na Kalou, me vaka e dua na droini, itaba, se serekali. Sureti ira me ra wasea na veika era kauta mai kei na veika era vakila me baleta na ibulibuli ni Kalou. Vakaraitaka na vidio “Our Home” (ChurchofJesusChrist.org), ka kerei ira me ra vakarogoca na veika e vakaraitaka na loma ni Kalou me baleta na vuravura ka vakauqeti ira me ra taqomaka kina.

Cakacaka ena Vakabauta

Vakauqeti ira na lewe ni kalasi se kuoramu me ra vakasamataka vakatitobu ka vola na cava era na cakava me ra vakayacora kina na veivakauqeti era ciqoma nikua. Kevaka era vinakata, me ra wasea na nodra vakasama. Sureti ira me ra vakasamataka na sala ena vakaqaqacotaka kina na nodra veiwekani kei na Tamada Vakalomalagi kei Jisu Karisito na nodra cakacakataka na veivakauqeti.

iVurevure Veitokoni

Na sala eda rawa ni qarava kina na vuravura:

• Tea eso na sorenikau, vunikau, se dua na iteitei.

• Tomika cake na benu ena nomu itikotiko raraba.

• Tuvalaka e dua na cakacaka ni sasamaki se na kena vakayagataki tale na veika e sa biu laivi.

• Taubale ka vakasamataka vakatitobu na veika o vakavinavinakataka.

• Cakava e dua na cakacakaniliga mai na veika e rawa ni o viritaka laivi, ka wasea ena dua na vakaraitaki cakacakaniliga vakailawalawa.

• Vakadeitaka na sala eso e rawa ni o vakayagataka kina na kaukauwa vakalivaliva kei na wai.

Veivakavulici ena iVakarau ni iVakabula

Solia vei ira na lewe ni kalasi se kuoramu e vuqa na madigi me ra veivakavulici kina vakataki ira ena gauna ni kalasi, ni dau vinaka duadua na nodra vuli ni ra veivakavulici vakataki ira ka vakakina ena nodra veivakavulici.