Tianuare 9

E Kanga te Atua n Tangirai Bwa N na Tararua Ana Karikibwai, n Raonaki Ma Rabatau?

Karikani Bwaai 1–2; Mote 2–3; Aberaam 4–5

Te Uaia ni Marooro

E kairaki irouia kaain te beretitentii n te kooram ke te kiraati; 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke aia Botoniango te Kooram n Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki n titiraki aika inano ke aika bon am kario (taraa Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong Aika Kaitira, 10.2, 11.2, ChurchofJesusChrist.org). Bairei kawai aika ko na karaoi n te bwai ae ko maroroakinna.

• Maiuakina te euangkerio. Tera ae ti maroroakiinna n te tai ae nako, ao tera kakao ke mwakuri ake a karaoaki? Tera ae ti a tia ni karaoia iaon kakao ao mwakuri aikanne?

• Tararuakiia naake iai kainnanoia. Tera ae ti kona n taekinna ke ni karaoia ni karoko irouia naake a namakina te maroa ke te raroa mairoun Tamara are i Karawa?

• Kaoia ni kabane bwa ana karekea te euangkerio. Tera kawai tabeua aika ti kona iai ni buokiia tabeman bwa a na namakina ana tangira Iesu Kristo?

• Katiteuanakiia utu in akea tokina. Tera iango aika ti kona n tibwauaia ma ngaira n tatabemaniira bwa e na kakorakoraia ara utu?

N tokin te reirei, ngkana e riai, karaoi waaki aikai:

• Kaoti koauan reirei ake a reiakinaki.

• Kauringiia kaain te kiraati ke te kooram iaon babaire ao kakao ake a karaoi n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Te Uaia n Reirei

Ni buokiia kairake ni iangoa te bwai ae a kona ni kanakoraoia riki n tabeakin ana kaikibwai te Atua, koroi atuun rongorongo aikai iaon te boote: Te Tia Karikibwai, Te Karikibwai, ao Tabera. Tuangiia bwa a na rinanon Karikani Bwaai 1–2 ao korea te bwai ae a reiakinna n taekan te Tia Karikibwai ao te Karikibwai. Tera ae ti reiakinna n taekan tabera? (taraa riki Karikani Bwaai 1:26–28; 2:15). A kona iango aikai ni buokiia kairake ni maroroakin tabera n tararuai a na karikibwai te Atua.

• Ko na kanga ni buokiia naake ko reireiniia n ataia ae rabwataia bon a na karikibwai te Atua aika tabu? Te katooto, ko kona n titirakiniia te bwai ae ti reiakinna ibukin rabwatara man 1 I-Korinto 6:19–20; Mote 2:26–27; Aberaam 4:26–27. Tera ae nanonaki n taeka aika “te katooto” ao “katotongana”? Botaki ni koroi aran bwaai tabeua aika ti kona ni karaoi ibukin tararuaan rabwatara. (See “Marurungin te Rabwata ao te Namakin,” n Ibukin Kakorakoraia Kairake [te boki ae uarereke, 2011], 25–27.)

• Aki toki kairake n aomata ni kaitaraaki ma rongorongo are e karikiia bwa a na namakina te aki mano n taekan rabwataia. Kaoia kairake bwa a na matakuakina te witeo “God’s Greatest Creation” (ChurchofJesusChrist.org). Tuangiia bwa a na kakaei rongorongo are e buokiia n namakina te kakaitau ibukin rabwataia (taraa naba Russell M. Nelson, “Your Body: A Magnificent Gift to Cherish,” New Era, Aokati 2019, 2–7). Tera ae ti kona n tibwauaia ae na buoka te rao ke kaain ara utu ae namakina te aki mano n rabwatan teuanne ke neienne?

• Kaoia kairake bwa a na karaurau ni wareka teuana ke a mwaiti riki man kiibu aikai, ni kakaei atatai aika nano bwa bukin tera te Atua e karika te aonaaba ao E kanga n tangiriira bwa ti na tararuaia: Karikani Bwaai 1:26–28; 2:15; 1 Nibwaai 17:36; Reirei ao Berita aika Tabu 49:19–21; 59:15–20; 104:13–18; Mote 2:26–31; 3:15. Tuangiia bwa a na tibwauai aia iango iaon kibuntaeka n te boki ae tabu n tatabeua nako. Imwiina ao kaoia bwa a na uaia ni mwakuri ni karaoi bwaai tabeua ae a kona ni karaoia irouia ke n te kurubu ni kakoroan nanon tabeia n tabe ibukin te aonaaba (tarai iango inanon “Reitan Bwaai n Mwakuri”). Tera bitaki aika ti kainnanoi ni karaoi n ara iango ao n ara mwakuri ni kanakoraoa raoi riki tararuakin te aonaaba?

• Iangoia ni kaoia membwa n te kiraati ao kooram bwa a na roko nakon te bowi ma te bwai are e na kaota tikiraoin te aonaaa are e karikia te Atua, n aron te korotamnei, te tamnei, ke te boem. Kaoia bwa a na tibwaua te bwai are a uotia ao aia namakin ibukin ana karikibwai te Atua. Kaota te witeo “Our Home” (ChurchofJesusChrist.org), ao titirakiniia bwa a na kakauongo nakon bwaai aika a kaota aron a na namakin te Atua ibukin te aonaaba ao are e kaungaia bwa a na tabe ibukina.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

Kawai aika ti kona iai n tabe ibukin te aonaaba:

• Uniki tabeua kora, kaai, ke aroka.

• Anai nnen maange n am komiuniti.

• Bairea te kaitiaki ma kaain rarikim ke te karikirake ni kaokimange.

• Naako ni karaoa te nakonako ao iangoi bwaai aika ko kakaitau ibukiia.

• Karaoa te tamnei man bwaai aika ko na karenakoi, ao tibwaua ma te kurubu ni kaoti korotamnei.

• Iangoi kawai aika ko kona iai n aki bakataea te korakora ao te ran.

Reirei n ana Kawai te Tia Kamaiu

Anganiia kaain te kiraati ao membwa n te kooram bwa a na reireiniia imarenaia inanon te kiraati, bwa a nako raoi riki aia reirei mairouia n tatabemaniia nako ao man te taneiai n te angareirei.