« ថ្ងៃទី ៩ ខែ មករា ។ តើព្រះមានព្រះទ័យចង់ឲ្យខ្ញុំយកចិត្តទុកដាក់ចំពោះការបង្កបង្កើតរបស់ទ្រង់យ៉ាងដូចម្តេច ដោយរួមទាំងរូបកាយរបស់ខ្ញុំផងដែរ ? លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២ ( ឆ្នាំ ២០២១ )

« ថ្ងៃទី ៩ ខែ មករា ។ តើព្រះមានព្រះទ័យចង់ឲ្យខ្ញុំយកចិត្តទុកដាក់ចំពោះការបង្កបង្កើតរបស់ទ្រង់យ៉ាងដូចម្តេច ដោយរួមទាំងរូបកាយរបស់ខ្ញុំផងដែរ ? » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២

ថ្ងៃទី ៩ ខែ មករា

តើព្រះមានព្រះទ័យចង់ឲ្យខ្ញុំយកចិត្តទុកដាក់ចំពោះការបង្កបង្កើតរបស់ទ្រង់យ៉ាងដូចម្តេច ដោយរួមទាំងរូបកាយរបស់ខ្ញុំផងដែរ ?

លោកុប្បត្តិ ១–២; ម៉ូសេ ២–៣; អ័ប្រាហាំ ៤ –៥

ប្រឹក្សាជាមួយគ្នា

ដឹកនាំដោយសមាជិកម្នាក់ក្នុងគណៈប្រធានកូរ៉ុម ឬគណៈប្រធានថ្នាក់ មានរយៈពេល ១០–២០ នាទី

នៅដើមការប្រជុំ សូមសូត្ររួមគ្នានូវ បាវចនាយុវនារី ឬ បាវចនាកូរ៉ុមបព្វជិតភាពអើរ៉ុន ។ បន្ទាប់មកសូមដឹកនាំការពិភាក្សាមួយអំពីកិច្ចការនៃសេចក្តីសង្រ្គោះ និងភាពតម្កើងឡើង ដោយប្រើសំណួរមួយ ឬច្រើនដូចខាងក្រោម ឬសំណួររបស់បងប្អូនផ្ទាល់ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ១០.២, ១១.២ នៅលើគេហទំព័រ ChurchofJesusChrist.org ) ។ ដាក់ផែនការដើម្បីអនុវត្តតាមអ្វីដែលបងប្អូនពិភាក្សា ។

រស់នៅតាមដំណឹងល្អ ។ តើយើងបានពិភាក្សាគ្នាអ្វីខ្លះពីលើកមុន ហើយតើការអញ្ជើញ ឬការចាត់តាំងអ្វីដែលបានធ្វើឡើង ? តើយើងបានធ្វើអ្វីខ្លះដើម្បីអនុវត្តតាមការអញ្ជើញ ឬការចាត់តាំងទាំងនោះ ?
ការមើលថែដល់អ្នកដែលត្រូវការជំនួយ ។ តើយើងអាចនិយាយ ឬធ្វើអ្វីខ្លះដើម្បីលួងលោមដល់ជនដែលអាចមានអារម្មណ៍ឯកោ ឬឃ្លាតឆ្ងាយពីព្រះវរបិតាសួគ៌ ?
ការអញ្ជើញមនុស្សទាំងអស់ឲ្យទទួលយកដំណឹងល្អ ។ តើមានវិធីអ្វីខ្លះ ដែលយើងអាចជួយអ្នកដទៃទទួលអារម្មណ៍នៃសេចក្តីស្រឡាញ់របស់ព្រះយេស៊ូវគ្រីស្ទ ?
រួបរួមក្រុមគ្រួសារសម្រាប់ភាពអស់កល្បភាពអស់កល្បជានិច្ច ។ តើយើងអាចចែកចាយគំនិតអ្វីខ្លះជាមួយនឹងគ្នាដើម្បីជួយយើងពង្រឹងក្រុមគ្រួសាររបស់យើង ?

នៅចុងបញ្ចប់នៃមេរៀននេះ សូមធ្វើនូវអ្វីដែលត្រឹមត្រូវដូចខាងក្រោមនេះ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកថ្នាក់ ឬកូរ៉ុមអំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំជាមជ្ឈិមវ័យ ឬជាយុវវ័យម្នាក់ មានរយៈពេល ២៥–៣៥ នាទី

រៀនជាមួយគ្នា

ដើម្បីជួយយុវវ័យពិចារណាពីអ្វីដែលពួកគេអាចធ្វើដើម្បីថែរក្សាដល់ការបង្កបង្កើតរបស់ព្រះបានប្រសើរជាង សូមសរសេរចំណងជើងដូចខាងក្រោមនេះនៅលើក្តារខៀន ៖ អង្គបង្កបង្កើត ការបង្កបង្កើត និង ទំនួលខុសត្រូវរបស់យើង ។ សូមឲ្យពួកគេរំឭកឡើងវិញ លោកុប្បត្តិ ១–២ ហើយសរសេរអ្វីដែលពួកគេរៀនអំពីអង្គបង្កបង្កើត និងការបង្កបង្កើត ។ តើយើងបានរៀនអ្វីខ្លះអំពីការទទួលខុសត្រូវរបស់យើង ? ( សូមមើលជាពិសេស លោកុប្បត្តិ ១:២៦–២៨; ២:១៥ ) ។ យោបល់ខាងក្រោមនេះអាចជួយយុវវ័យពិភាក្សាពីទំនួលខុសត្រូវរបស់យើងក្នុងការថែរក្សាការបង្កបង្កើតរបស់ព្រះ ។

តើបងប្អូនអាចជួយដល់អស់អ្នកដែលបងប្អូនបង្រៀនឲ្យយល់ថារូបកាយរបស់ពួកគេគឺជាការបង្កបង្កើតដ៏ពិសិដ្ឋរបស់ព្រះយ៉ាងដូចម្តេច ? ឧទាហរណ៍ បងប្អូនអាចសួរពួកគេពីអ្វីដែលយើងរៀនអំពីរូបកាយរបស់យើងចេញពី កូរិនថូស ទី១ ៦:១៩–២០; ម៉ូសេ ២:២៦–២៧; អ័ប្រាហាំ ៤:២៦–២៧ ។ តើពាក្យថា « រូប » និង « ភាពដូច » មានន័យយ៉ាងណា ? សូមធ្វើការជាមួយគ្នាដើម្បីធ្វើបញ្ជីមួយពីអ្វីដែលយើងអាចធ្វើដើម្បីថែរក្សាដល់រូបកាយរបស់យើង ។ ( សូមមើល « សុខភាពខាងរូបកាយ និងសតិអារម្មណ៍ » នៅក្នុង ដើម្បីកម្លាំងនៃយុវជន [ កូនសៀវភៅ ឆ្នាំ ២០១១ ] ទំព័រ ២៥–២៧ ) ។
មនុស្សវ័យក្មេងតែងតែប្រឈមមុខនឹងសារដែលបណ្តាលឲ្យពួកគេមានអារម្មណ៍មិនទុកចិត្តអំពីរូបកាយរបស់ពួកគេ។ សូមអញ្ជើញយុវវ័យឲ្យមើលវីដេអូ « God’s Greatest Creation » នៅលើគេហទំព័រ ( ChurchofJesusChrist.org ) ។ សូមឲ្យពួកគេស្វះស្វែងរកសារលិខិតដែលជួយពួកគេ ឲ្យមានអារម្មណ៍មានអំណរគុណចំពោះរូបកាយរបស់ពួកគេ ( សូមមើលផងដែរ រ័សុល អិម ណិលសុន « Your Body: A Magnificent Gift to Cherish » New Era ខែ សីហា ឆ្នាំ ២០១៩ ទំព័រ ២–៧ ) ។ តើយើងអាចចែកចាយអ្វីខ្លះដើម្បីជួយមិត្តភក្តិ ឬសមាជិកគ្រួសារដែលមានអារម្មណ៍ថាគ្មានទំនុកចិត្តលើរូបកាយរបស់គាត់ ឬនាង ?
សូមអញ្ជើញយុវវ័យឲ្យអានខគម្ពីរដូចខាងក្រោមនេះមួយ ឬច្រើនដោយស្ងាត់ស្ងៀម ដោយរកមើលការយល់ដឹងអំពីមូលហេតុដែលព្រះបានបង្កើតផែនដី និងរបៀបដែលទ្រង់មានព្រះទ័យចង់ឲ្យយើងថែរក្សាផែនដីនេះ ៖ លោកុប្បត្តិ ១:២៦–២៨; ២:១៥; នីហ្វៃទី១ ១៧:៣៦; គោលលទ្ធិ និងសេចក្តីសញ្ញា ៤៩:១៩–២១; ៥៩:១៥–២០; ១០៤:១៣–១៨; ម៉ូសេ ២:២៦–៣១; ៣:១៥ ។ សូមឲ្យពួកគេចែកចាយពីគំនិតរបស់ពួកគេអំពីវគ្គបទគម្ពីរនីមួយៗ ។ បន្ទាប់មក សូមអញ្ជើញពួកគេឲ្យធ្វើការជាមួយគ្នាដើម្បីបង្កើតបញ្ជីមួយពីអ្វីៗដែលពួកគេអាចធ្វើរៀងៗខ្លួន ឬជាក្រុមដើម្បីបំពេញទំនួលខុសត្រូវរបស់ពួកគេក្នុងការថែរក្សាផែនដីនេះ ( សូមមើលគំនិតទាំងឡាយនៅក្នុង « ធនធានគាំទ្រ » ) ។ តើការផ្លាស់ប្តូរអ្វីខ្លះដែលយើងត្រូវធ្វើនៅក្នុងគំនិត និងទង្វើរបស់យើងដើម្បីថែរក្សាផែនដីនេះឲ្យកាន់តែប្រសើរ ?
សូមពិចារណាអញ្ជើញសមាជិកថ្នាក់ ឬកូរ៉ុមឲ្យមកចូលរួមការប្រជុំដោយមានអ្វីមួយដែលបង្ហាញពីសម្រស់នៃផែនដីដែលព្រះបានបង្កើត ដូចជារូបគំនូរ រូបថត ឬកំណាព្យ ។ សូមអញ្ជើញពួកគេឲ្យចែកចាយអ្វីដែលពួកគេបានយកមក និងអារម្មណ៍ដែលពួកគេមានចំពោះការបង្កបង្កើតរបស់ព្រះ ។ សូមបង្ហាញវីដេអូ « Our Home » ( នៅលើគេហទំព័រChurchofJesusChrist.org ) ហើយសូមឲ្យពួកគេស្តាប់រកអ្វីដែលបង្ហាញពីរបៀបដែលព្រះមានព្រះទ័យអំពីផែនដីនេះ ហើយដែលបំផុសគំនិតពួកគេឲ្យថែរក្សាផែនដីនេះ ។

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកថ្នាក់ ឬកូរ៉ុមឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីធ្វើតាមការបំផុសគំនិត ដែលពួកគេបានទទួលនៅថ្ងៃនេះ ។ ពួកគេអាចចែកចាយគំនិតរបស់ពួកគេបាន ប្រសិនបើពួកគេចង់ចែកចាយ ។ សូមអញ្ជើញពួកគេឲ្យគិត អំពីរបៀបដែលការធ្វើតាមចំណាប់អារម្មណ៍របស់ពួកគេនឹងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។

ធនធានគាំទ្រ

របៀបដែលពួកគេអាចថែរក្សាផែនដីនេះ ៖

ដាំគ្រាប់ពូជ ដើមឈើ ឬសួនច្បារមួយចំនួន ។
រើសសម្រាមនៅក្នុងសហគមន៍របស់បងប្អូន ។
រៀបចំការសម្អាតទីជិតខាង ឬគម្រោងកែច្នៃសម្រាម ឡើងវិញ ។
ដើរឡើងភ្នំ ហើយសញ្ជឹងគិតពីអ្វីៗដែលបងប្អូនមានអំណរគុណចំពោះ ។
បង្កើតសិល្បៈចេញពីសម្ភារដែលបងប្អូនត្រូវបោះចោល ហើយចែកចាយនៅក្នុងកម្មវិធីក្រុមសិល្បៈ ។
កំណត់ពីវិធីដែលបងប្អូនអាចសន្សំសំចៃថាមពល និងទឹក ។

ការបង្រៀនតាមរបៀបរបស់ព្រះអង្គសង្គ្រោះ

សូមផ្តល់ឱកាសឲ្យសមាជិកថ្នាក់ ឬកូរ៉ុមបង្រៀនគ្នាទៅវិញទៅមកឲ្យបានច្រើន ដ្បិតពួកគេតែងតែរៀនបានល្អប្រសើរពីគ្នាទៅវិញទៅមក និងមកពីបទពិសោធន៍នៃការបង្រៀនជានិច្ច ។