«Փետրվարի 27։ Ինչո՞ւ է հավերժական ամուսնությունը կարևոր: Ծննդոց 24-27», Եկ, հետևիր ինձ. Ահարոնյան քահանայության քվորումների և Երիտասարդ կանանց դասարանների համար. Վարդապետական թեմաներ 2022 (2021)
«Փետրվարի 27։ Ինչո՞ւ է հավերժական ամուսնությունը կարևոր»: Եկ, հետևիր ինձ. Ահարոնյան քահանայության քվորումների և Երիտասարդ կանանց դասարանների համար. Վարդապետական թեմաներ 2022
Փետրվարի 27
Ինչո՞ւ է հավերժական ամուսնությունը կարևոր:
Խորհրդակցեք միասին
Առաջնորդվում է քվորումի կամ դասարանի նախագահության անդամի կողմից, 10-20 րոպե:
Ժողովի սկզբում, կրկնեք միասին Երիտասարդ կանանց թեման կամ Ահարոնյան քահանայության քվորումի թեման: Ապա փրկության և վեհացման աշխատանքի վերաբերյալ քննարկում վարեք, օգտագործելով ստորև նշված հարցերից մեկը, մի քանիսը կամ ձեր սեփական հարցերը (տես Ընդհանուր ձեռնարկ, 10.2, 11.2, ChurchofJesusChrist.org)։ Ծրագրեք եղանակներ, թե ինչպես եք իրագործելու քննարկածը:
-
Ապրեք ավետարանով: Ի՞նչ թեմաներ քննարկեց եպիսկոպոսությունը ծխի երիտասարդների խորհրդի ժողովների ընթացքում: Ի՞նչ կարող ենք անել որպես դասարան կամ քվորում այդ քննարկումների արդյունքների հիման վրա:
-
Հոգ տարեք կարիքավորների մասին։ Ինչպե՞ս կարող ենք Քրիստոսի օրինակով հասնել մարդկանց, երբ տեսնում ենք, որ նրանք մեր կարիքն ունեն, բայց չգիտենք, թե ինչ ասել:
-
Հրավիրեք բոլորին ընդունել ավետարանը։ Հիսուս Քրիստոսի ավետարանից ի՞նչն է մեզ ուրախություն պարգևում: Ինչպե՞ս կարող ենք Նրա սիրով կիսվել ուրիշների հետ:
-
Միավորեք ընտանիքները հավերժության համար։ Ի՞նչ ենք անում, որպեսզի գտնենք տաճարային արարողությունների կարիք ունեցող մեր նախնիների անունները: Ի՞նչ կարող ենք անել, որպեսզի օգնենք ուրիշներին գտնել իրենց նախնիների անունները:
Դասի վերջում, եթե հարմար է, կատարեք հետևյալը․
-
Վկայեք ուսուցանվող սկզբունքների մասին:
-
Հիշեցրեք դասարանի կամ քվորումի անդամներին այն ծրագրերի և հրավերների մասին, որոնք արվեցին ժողովի ժամանակ:
Ուսուցանեք վարդապետությունը
Առաջնորդվեք որևէ չափահաս ղեկավարի կողմից, 25-35 րոպե:
Պատրաստվեք հոգևորապես
Երբ եկավ Իսահակի ամուսնանալու ժամանակը, Աբրահամը խնդրեց իր ծառային նրա համար կին գտնել: Աբրահամն ու Իսահակը ցանկանում էին գտնել մի կին, ով կարող էր Տիրոջ հետ ուխտեր կապել և պահել, ինչպես նաև դրանք ուսուցանել իր երեխաներին: Ռեբեկան հավատարիմ կին էր, ով Իսահակի հետ ամուսնական ուխտ կապեց: Չնայած սուրբ գրությունները պարզ նշում են, որ ամուսնությունը մեծ կարևորություն ունի Աստծո համար, մեր օրերում ամուսնության մասին Աստծո ուսմունքներն առարկվում են: Սակայն Նրա մարգարեները հայտարարել էն, որ ամուսնությունը «կարգված է Աստծո կողմից» («Ընտանիք. հայտարարություն աշխարհին», ChurchofJesusChrist.org): Ձեր ուսանողների համար կարևոր է հասկանալ ամուսնության մասին հավերժական ճշմարտությունները: Դա նրանց կօգնի պատրաստվել Երկնային Հոր ծրագրի այս կարևոր հատվածին և վկայել դրա մասին:
Ի՞նչ են ձեր ուսանողները զգում հավերժական ամուսնության մասին: Ի՞նչպես է Հիսուս Քրիստոսի առանցքային դերն օգնում ձեզ իրականացնել ձեր հավերժական նպատակը Երկնային Հոր ծրագրում: Դասին պատրաստվելիս կարող եք վերընթերցել Երեց Դ. Թոդ Քրիստոֆերսոնի «Ինչո՞ւ ամուսնություն, ինչո՞ւ ընտանիք» ուղերձը ( Լիահոնա, մայիս 2015, 50–53): Կարող եք նաև ուսումնասիրել «Ընտանիք. հայտարարություն աշխարհին» հռչակագիրը (ChurchofJesusChrist.org)։
Սովորեք միասին
Ձեր ուսանողները կարող են մտածել ամուսնության կարևորության մասին մինչ այս շաբաթ կկարդան Ծննդոց 24-27 գլուխները: Խնդրեք նրանց վերընթերցել Ծննդոց 24 գլուխը: Խնդրեք նրանց կիսվել հատվածներով, որոնք ցուցադրում են, որ ամուսնությունը կարևոր էր այս գլխում նկարագրված մարդկանց համար: Առաջարկեք նրանց մտածել, թե ինչու է ամուսնությունը առանցքային Աստծո ծրագրում: Ստորև գտնվող վարժությունները կարող են օգնել նրանց ավելի լավ հասկանալ, ամուսնության կարևորությունը:
-
Ձեր քվորումի կամ դասարանի անդամները հնարավորություն կունենան բացատրել, թե ինչու է ամուսնությունը կարևոր իրենց համար: Առաջարկեք նրանց պատկերացնել, որ նրանք ունեն ընկեր, ով կարծում է, որ ամուսնությունը հնացած ու ոչ անհրաժեշտ մի բան է: Նրանք կարող են այդ ընկերոջ մի երկտող գրել՝ բացատրելու համար, թե որքան կարևոր է ամուսնությունը Երկնային Հոր ծրագրում: Խրախուսեք նրանց ընգրկել «Ընտանիք․ Հայտարարություն աշխարհին» հռչակագրում գտած ճշմարտությունները։ Նրանք նաև կարող են օգտվել Օժանդակ աղբյուրներ-ում կամ «Ամուսնություն, ամուսնանալ» Սուրբ գրքերի ուղեցույցում զետեղված սուրբ գրությունները (scriptures.ChurchofJesusChrist.org): Առաջարկեք նրանց դասարանի հետ կիսվել իրենց գրածով:
-
Ամուսնության կարևորության մասին քննարկում սկսելու համար գրատախտակին գրեք Ինչո՞ւ է հավերժական ամուսնությունը կարևոր Տվեք երիտասարդներին մի քանի րոպե այս հարցին պատասխաններ գրելու համար: Ապա առաջարկեք նրանց կիսվել իրենց պատասխաններով: Լրացուցիչ պատասխանների համար նրանք կարող են ուսումնասիրել Երեց Դ. Թոդ Քրիստոֆերսոնի «Ինչո՞ւ ամուսնություն, ինչո՞ւ ընտանիք» ուղերձը ( Լիահոնա, մայիս 2015, 50–53): Նրանք կարող են նաև դիտել «Ինչո՞ւ է ամուսնությունը սրբազան Երկնային Հոր համար» տեսանյութը «Դեմառդեմ հանդիպում երեց և քույր Ռենլանդների հետ» հանդիպումից (ChurchofJesusChrist.org): Խնդրեք նրանց կիսվել իրենց վկայություններով, թե ինչու է ամուսնությունը կարևոր:
-
Ընդունելով ամուսնության մասին Աստծո ուսմունքներն և ձգտելով դրանցով ապրել մենք ստանում ենք բազմաթիվ օրհնություններ: Սակայն որոշ մարդիկ, այդ թվում նրանց, ովքեր փորձում են ավետարանով ապրել, դժվարությունների են հանդիպում երջանիկ հավերժական ամուսնություն հաստատելու գործում: Կարող եք խնդրել երիտասարդներին խոսել այդ դժվարությունների մասին: Ի՞նչ կարող ենք անել այժմ այդ դժվարություններին պատրաստվելու համար: Կարող եք նաև առաջարկել նրանց կարդալ Երեց Նիլ Լ. Անդերսենի «Հավատքի աչքը» ուղերձի վերջին երկու բաժինները (Լիահոնա, մայիս 2019, 34-38): Ձեր դասարանի կամ քվորումի անդամները կարող են քննարկել իրենց կյանքում տեսած օրինակները կամ իրենց ընտանեկան պատմություններում նշված մարդկանց, ովքեր հավատքով էին դիմակայում դժվարություններին, ինչպես նրանք, ում հիշատակել է Երեց Անդերսենը: Փրկիչն ինչպե՞ս կարող է օգնել բոլոր նրանց, ովքեր դժվարությունների են հանդիպում՝ հավերժական ամուսնության օրհնություններին ձգտելիս:
Գործեք հավատքով
Խրախուսեք դասարանի կամ քվորումի անդամներին մտածել և գրի առնել թե ինչ են անելու, որպեսզի գործեն ըստ այսօրվա ստացած տպավորությունների: Եթե նրանք կամենան, կարող են կիսվել իրենց գաղափարներով: Հրավիրեք նրանց մտածել այն մասին, թե ինչպես ըստ ստացած տպավորությունների գործելը կամրապնդի իրենց փոխհարաբերությունները Երկնային Հոր և Հիսուս Քրիստոսի հետ:
Օժանդակ աղբյուրներ
-
Վարդապետություն և Ուխտեր 49․16-17 (Ամուսնությունն օգնում է իրականացնել Արարման նպատակները)
-
Վարդապետություն և Ուխտեր 131.1-4, 132․15-21, (Հավերժական ամուսնությունը անհրաժեշտ է վեհացման համար)
-
«Ամուսնության վերածնունդը» և «Ինչպես են հանդիպել Երեց և Քույր Բեդնարները» «Դեմառդեմ հանդիպում երեց և քույր Բեդնարների հետ» (տեսանյութեր), ChurchofJesusChrist.org
Ուսուցանել Փրկչի ձևով
Փրկիչն Իր հետևորդներին հրավիրեց վկայել այն ճշմարտությունների մասին, որոնք Նա սովորեցրել էր իրենց: Ինչպե՞ս կարող եք հրավիրել նրանց, ում ուսուցանում եք ապրել իրենց սովորած ճշմարտություններով: