«Մարտի 13։ Ինչպե՞ս կարող եմ հավատքով արձագանքել փորձություններին: Ծննդոց 37-41», Եկ, հետևիր ինձ. Ահարոնյան քահանայության քվորումների և Երիտասարդ կանանց դասարանների համար. Վարդապետական թեմաներ 2022 (2021)
«Մարտի 13։ Ինչպե՞ս կարող եմ հավատքով արձագանքել փորձություններին»: Եկ, հետևիր ինձ. Ահարոնյան քահանայության քվորումների և Երիտասարդ կանանց դասարանների համար. Վարդապետական թեմաներ 2022
Մարտի 13
Ինչպե՞ս կարող եմ հավատքով արձագանքել փորձություններին:
Խորհրդակցեք միասին
Առաջնորդվում է քվորումի կամ դասարանի նախագահության անդամի կողմից, 10-20 րոպե:
Ժողովի սկզբում, կրկնեք միասին Երիտասարդ կանանց թեման կամ Ահարոնյան քահանայության քվորումի թեման: Ապա փրկության և վեհացման աշխատանքի վերաբերյալ քննարկում վարեք, օգտագործելով ստորև նշված հարցերից մեկը, մի քանիսը կամ ձեր սեփական հարցերը (տես Ընդհանուր ձեռնարկ, 10.2, 11.2, ChurchofJesusChrist.org)։ Ծրագրեք եղանակներ, թե ինչպես եք իրագործելու քննարկածը:
-
Ապրեք ավետարանով: Ինչպե՞ս ենք Աստծո ձեռքը տեսել մեր կյանքում:
-
Հոգ տարեք կարիքավորների մասին։ Ինչպե՞ս կարող ենք միմյանց աջակցել փորձությունների ժամանակ:
-
Հրավիրեք բոլորին ընդունել ավետարանը։ Ինչպե՞ս կարող ենք ավելի լավ օգտագործել տեխնոլոգիաները ավետարանով կիսվելու համար:
-
Միավորեք ընտանիքները հավերժության համար։ Մենք ի՞նչ ենք անում, որ օգնենք մեր ընտանիքներին գալ Նրա մոտ։
Դասի վերջում, եթե հարմար է, կատարեք հետևյալը․
-
Վկայեք ուսուցանվող սկզբունքների մասին:
-
Հիշեցրեք դասարանի կամ քվորումի անդամներին այն ծրագրերի և հրավերների մասին, որոնք արվեցին ժողովի ժամանակ:
Ուսուցանեք վարդապետությունը
Առաջնորդվեք որևէ չափահաս ղեկավարի կողմից, 25-35 րոպե:
Պատրաստվեք հոգևորապես
Պատանի Հովսեփը Եգիպտոսից հանդիպել է բազմաթիվ փորձությունների: Նա տեսել էր երկպառակություն իր ընտանիքում և վատ վերաբերմունք իր եղբայրների կողմից: Նա դիմակայեց մաքրաբարոյության օրենքը խախտելու գայթակղությանը: Սակայն իր ազնվության համար հարգանք վայելելու փոխարեն նրան բանտ գցեցին: Ձեր դասարանի կամ քվորումի անդամները կարող են հանդիպել նմանատիպ և բազմաթիվ այլ փորձությունների: Ծննդոց 37-41 գլուխներում նկարագրված Հովսեփի փորձառություններն ուսումնասիրելիս, մտածեք նրանց մասին, ում ուսուցանում եք: Մտածեք, թե ինչ արժեքավոր դասեր կարող է Հովսեփի կյանքը նրանց մատուցել (տես նաև Եթեր 12.27, Հենրի Բ. Այրինգ, «Փորձիր, փորձիր, փորձիր», Լիահոնա, նոյեմբեր 2018, 90-93): Հովսեփի պատմությունը կարող է ոգեշնչել դասարանի կամ քվորումի անդամներին հարցնել. «Ինչպե՞ս կարող եմ հավատքով արձագանքել փորձություններին և ինչպե՞ս կարող է Աստված օգնել ինձ»:
Կենտրոնանալով Հիսուս Քրիստոսի հանդեպ մեր հավատքի վրա, մենք ուժ կգտնենք մեր փորձությունների մեջ:
Սովորել միասին
Կարող եք առաջարկել դասարանի կամ քվորումի անդամներին գրատախտակին թվարկել Եգիպտոսից Հովսեփի կյանքից մի քանի դրվագներ, ինչպես նկարագրված է Ծննդոց 37 և 39-41 գլուխներում: Եկ, հետևիր ինձ․ Անհատների և ընտանիքների համար բաժնից նկարների ցուցադրումը կարող է օգնել նրանց հիշել այդ դրվագները: Որքանո՞վ են Հովսեփի փորձությունները նման այն մարտահրավերներին, որոնք երիտասարդները հանդիպում են մեր օրերում: Եթե Հովսեփը կենդանի լիներ, ի՞նչ խորհուրդ նա մեզ կտար փորձություններին արձագանքելու վերաբերյալ: Ի՞նչ նա կասեր այն մասին, թե ինչպես նրա հարաբերությունները Տիրոջ հետ օգնեցին իրեն: Օգտագործեք հետևյալ վարժությունները՝ օգնելով երիտասարդներին մտածել, թե ինչպես կարող են արձագանքել իրենց մարտահրավերներին` հավատքով Հիսուս Քրիստոսի հանդեպ:
-
Ուսումնասիրելով այն, թե ինչպես է Փրկիչը արձագանքել փորձություններին մենք կարող ենք հասկանալ, թե ինչպես հավատքով ընդունել սեփական փորձությունները: Երիտասարդները կարող են առաջարկել Փրկիչի կողմից անցած փորձությունների մի քանի օրինակ և ուսումնասիրել դրանք միասին (գաղափարների համար տես Օժանդակ աղբյուրներ): Ի՞նչն է մեզ տպավորում այն բանի մեջ, թե ինչպես Փրկիչը արձագանքեց Իր փորձություններին: Ինչպե՞ս կարող ենք հետևել Նրա օրինակին՝ սեփական փորձությունների հանդիպելիս:
-
Երբեմն ավելի հեշտ է դիմակայել փորձությանը, երբ փորձում ես այն տեսնել Տիրոջ հեռանկարից: Որպեսզի օգնեք ձեր ուսանողներին հասկանալ դա, խնդրեք նրանց վերընթերցել Երեց Ռաֆայել Ե. Պինոյի Ավետարանի հավերժական հեռանկարը ուղերձը (Լիահոնա, մայիս 2015, 117-19): Խնդրեք նրանց կիսվել իրենց գտածով: Ի՞նչ են սովորեցնում մեզ այս հատվածներն այն մասին, թե մենք ինչպես կարող ենք վերաբերվել և արձագանքել մեր փորձություններին: Եթե Փրկիչը կարողանար խոսել մեզ հետ մեր մարտահրավերների մասին, ձեր կարծիքով ի՞նչ Նա կասեր: Որպեսզի օգնեք երիտասարդներին պատասխանել այս հարցին, առաջարկեք նրանց վերընթերցել «Օժանդակ աղբյուրներում» զետեղված սուրբ գրությունները:
-
Կարող եք խնդրել երիտասարդներին կիսվել որևէ մեկի (մի գուցե նախնիի) օրինակով, ով ոգեշնչեց նրանց՝ փորձությանը դիմակայելու իր ունակությամբ: Կամ կարող եք կիսվել ծանոթ մարդկանց ոգեշնչող օրինակներով: Գերագույն համաժողովի ուղերձները հաճախ ընդգրկում են պատմություններ մարդկանց մասին, ովքեր արձագանքել են փորձություններին հավատքով (տես որոշ օրինակներ «Օժանդակ աղբյուրներ»): Մտածեք, թե ինչով կարող եք կիսվել այդ ուղերձներից, ինչը կարող է իմաստալից լինել ձեր ուսանողների համար: Այդ օրինակները քննարկելիս առաջարկեք դասարանի կամ քվորումի անդամներին կենտրոնանալ այն բանի վրա, թե ինչպես Հիսուս Քրիստոսի հանդեպ հավատքն օգնեց մարդկանց փորձությունների ժամանակ: Կարող եք նաև կիսվել Եպիսկոպոս Վ. Քրիստոֆեր Վադելի կողմից կազմված ցուցակով, որն ընդգրկում է Տիրոջ կողմից տրամադրված նյութեր այն մասին, թե ինչպես մենք կարող ենք դիմակայել մարտահրավերներին և գտնվում է «Դարձեք դեպի Տերը» ուղերձի վերջում (Լիահոնա, նոյեմբեր 2017, 94-96):
Գործեք հավատքով
Խրախուսեք դասարանի կամ քվորումի անդամներին մտածել և գրի առնել թե ինչ են անելու, որպեսզի գործեն ըստ այսօրվա ստացած տպավորությունների: Եթե նրանք կամենան, կարող են կիսվել իրենց գաղափարներով: Հրավիրեք նրանց մտածել այն մասին, թե ինչպես ըստ ստացած տպավորությունների գործելը կամրապնդի իրենց փոխհարաբերությունները Երկնային Հոր և Հիսուս Քրիստոսի հետ:
Օժանդակ աղբյուրներ
-
Մատթեոս 4.1-11 (Փրկիչը հավատքով էր լցված ձախորդության ժամանակ)
-
Մատթեոս 14.10-21, Ղուկաս 23.33-34, Հովհաննես 19.25-27 (Փրկիչը ծառայում էր ուրիշներին Իր ձախորդության ժամանակ)
-
Մատթեոս 27.45-46, Ղուկաս 23.44-46 (Փրկիչն իրեն միայնակ էր զգում ձախորդության ժամանակ, բայց Նա վստահում էր Աստծուն)
-
Մատթեոս 5.38-45, Մոսիա 24.8-15, Վարդապետություն և Ուխտեր 121.1-8, 122.5-9, (Փրկիչի ուսմունքներն այն բանի մասին, թե ինչպես դիմակայել ձախորդություններին):
-
Նիլ Լ․ Անդերսեն, «Վիրավոր», Լիահոնա, նոյ. 2018, 83–86
-
Լ․ Թոդ Բադջ «Հաստատուն և անվհատ վստահություն», Լիահոնա, նոյեմբեր 2019, 47–49։
-
Ջին Բ. Բինգամ, «Եւ ձեր ուրախութիւնը լցուած լինի», Լիահոնա, նոյեմբեր 2017, 85–87
Ուսուցանել Փրկչի ձևով
«Երբ պատրաստվում եք, թող ձեր ծրագրերին առաջնորդի ձեր հասկացողությունն այն մարդկանց մասին, ում դուք ուսուցանում եք» (Ուսուցանել Փրկչի ձևով, 7): Օրինակ՝ աղոթքով ծրագրավորեք ձեր վարժությունները՝ օգտագործելով սուրբ գրությունները և այլ նյութեր, որոնք կարող են օգնել դասարանի կամ քվորումի անդամներին իրենց փորձություններում: