«Ապրիլի 10։ Ինչպե՞ս կարող եմ ամեն օր ամրապնդել Հիսուս Քրիստոսի հանդեպ իմ հավատքը: Ելից 14-17», Եկ, հետևիր ինձ. Ահարոնյան քահանայության քվորումների և Երիտասարդ կանանց դասարանների համար. Վարդապետական թեմաներ 2022 (2021)
«Ապրիլի 10։ Ինչպե՞ս կարող եմ ամեն օր ամրապնդել Հիսուս Քրիստոսի հանդեպ իմ հավատքը»: Եկ, հետևիր ինձ. Ահարոնյան քահանայության քվորումների և Երիտասարդ կանանց դասարանների համար. Վարդապետական թեմաներ 2022
Ապրիլի 10
Ինչպե՞ս կարող եմ ամեն օր ամրապնդել Հիսուս Քրիստոսի հանդեպ իմ հավատքը:
Խորհրդակցեք միասին
Առաջնորդվում է քվորումի կամ դասարանի նախագահության անդամի կողմից, 10-20 րոպե:
Ժողովի սկզբում, կրկնեք միասին Երիտասարդ կանանց թեման կամ Ահարոնյան քահանայության քվորումի թեման: Ապա, բացի քվորումի կամ դասարանի հատուկ կարիքների շուրջ միասին խորհրդակցելուց, դուք կարող եք քննարկել գերագույն համաժողովի տպավորություններն ու թեմաները։ Հետևյալ հարցերը կարող են օգնել։
-
Ո՞ր թեմաները կամ ուղերձները գրավեցին մեր ուշադրությունը։ Ի՞նչն է ամրապնդել մեր հավատքը Հիսուս Քրիստոսի հանդեպ։
-
Ի՞նչն է ամրապնդել ապրող մարգարեների հանդեպ մեր վկայությունները։ Ի՞նչն է մեզ հուշում վարվել ըստ մեր սովորածի կամ զգացածի:
-
Մենք ի՞նչ պետք է անենք որպես քվորում կամ դասարան, որպեսզի հիշենք և գործենք ըստ գերագույն համաժողովի ժամանակ լսած խորհրդի։
Դասի վերջում, եթե հարմար է, կատարեք հետևյալը․
-
Վկայեք ուսուցանվող սկզբունքների մասին:
-
Հիշեցրեք դասարանի կամ քվորումի անդամներին այն ծրագրերի և հրավերների մասին, որոնք արվեցին ժողովի ժամանակ:
Ուսուցանեք վարդապետությունը
Առաջնորդվեք որևէ չափահաս ղեկավարի կողմից, 25-35 րոպե:
Պատրաստվեք հոգևորապես
Անապատում կենդանի մնալու համար Իսրայելի զավակները պետք է սովորեին, թե ինչպես ապավինել Տիրոջը։ Նրանք ապավինում էին Նրա հրաշքներին, որոնք փրկեցին նրանց կյանքը, այդ թվում Կարմիր Ծովի բաժանումը, ինչպես նաև հրաշքներին, որոնք օգնեցին ապրել, օրինակ՝ երկնային մանանան: Նույնը ճշմարիտ է ձեր ուսանողների դեպքում: Եթե նրանք պատրաստվում են հաղթահարել իրենց հոգևոր ճամփորդությունը մահկանացու կյանքի անապատում, նրանք պետք է հավատք գործադրեն Հիսուս Քրիստոսի հանդեպ: Եվ դա պետք է դա անեն ամեն օր, ալ ոչ թե երբեմն: Ձեր ուսանողներից ոմանք կարող են չզգալ, որ իրենց հավատքը ամուր է: Դուք կարող եք նրանց օգնել տեսնել, թե ինչպես է այն օրեցօր աճում: Այն սնվում է փոքր և հասարակ բաներից, որոնք մենք անում ենք հետևողական կերպով: Մտածեք այդ բաների մասին՝ այս շաբաթ Ելից 14-17 գլուխները ուսումնասիրելիս: Կարող եք նաև ուսումնասիրել Նախագահ Դալլին Հ․ Օուքսի «Փոքր և հասարակ բաներ» ուղերձը (Լիահոնա, մայիս 2018, 89-92):
Սովորեք միասին
Քննարկումը սկսելու նպատակով կարող եք երիտասարդներին խնդրել կիսվել իրենց առօրյա սովորություններով, որոնք նրանց օգնում են լավ բաներ անել: Այդ բաները կարող են ներառել լավ առողջություն պահպանելը կամ իրենց վկայությունները ամրապնդելը: Ի՞նչ կարող էր պատահել մեզ հետ, եթե չպահպանեինք այդ սովորությունները: Ինչպես կարող են լավ բաներ անելու մեր առօրյա ջանքերը համեմատվել Տիրոջ կողմից իսրայելացիներին տրված մանանա հավաքելու հրահանգներին (տես Ելից 16.16-21): Կարող եք օգնել դասարանին կամ քվորումին համեմատել իսրայելացիների փորձառությունը Հիսուս Քրիստոսի հանդեպ հավատքը ամրապնդելու իրենց առօրյա ջանքերի հետ: Օրինակ՝ Տիրոջ կողմից մեզ տրված բաներից ի՞նչն է, որ նման է ամենօրյա մանանային, որը Նա տալիս էր իսրայելացիներին: Մեր գործողություններից ո՞րը կարող է նմանվել մանանա հավաքելուն: Ձեր քննարկման ժամանակ կարող եք օգտագործել ստորև գտնվող վարժություններից մեկը կամ մի քանիսը` օգնելով քվորումի կամ դասարանի անդամին ավելի լավ հասկանալ դա։
-
Միասին կարդացեք Ալմա 37.6-7: Դասարանով կամ քվորումով գրատախտակին գրեք մի քանի «փոքր ու հասարակ բաներ» որոնք Տերը հրավիրել է մեզ անել ամեն օր՝ Նրա մոտ գալու համար: Ապա ձեր ուսանողները կարող են վերընթերցել Դալլին Հ․ Օուքսի «Փոքր և հասարակ բաներ» ուղերձը, որպեսզի գտնեն այլ փոքր բաներ, որոնք մեծապես ազդում են մեր կյանքի վրա: Ինչպիսի՞ ազդեցություն ունեն այդ բաները: Ի՞նչ ենք մենք ցանկանում անել՝ այդ բաները մեր առօրյա կյանքի ավելի հաստատուն մաս դարձնելու համար:
-
Ինչո՞ւ Հիսուս Քրիստոսի հանդեպ հավատքը ամենօրյա սնվելու կարիք ունի: Որպեսզի օգնեք անդամներին ավելի լավ հասկանալ դա, կարող եք նաև ցուցադրել «Օժանդակ աղբյուրներում» առաջարկված տեսանյութերից մեկը կամ մի քանիսը։ Այդ տեսանյութերում Երեց Դ. Թոդ Քրիստոֆերսոնն ուսուցանում է մեր հավատքը պահպանելու ամենօրյա ջանքերի անհրաժեշտության մասին: Խնդրեք նրանց, ում ուսուցանում եք, կիսվել իրենց սովորած բաներով, որոնք ոգեշնչում են նրանց ամեն օր մեծացնել իրենց հավատքը Հիսուս Քրիստոսի հանդեպ:
-
Հետևողական ամենօրյա ջանքերը Քրիստոի հանդեպ հավատքը ամրապնդելու ամենալավ միջոցն են հանդիսանում: Այս գաղափարը քննարկելու համար, միասին կարդացեք Երեց Դեյվիդ Ա. Բեդնարի երրորդ առաջարկությունը իր «Ավելի ջանասեր և մտահոգ տան համար» ուղերձում (Լիահոնա, նոյեմբեր 2009, 17-20)։ Ի՞նչ դասեր կարող ենք սովորել նրանից, թե ինչպես է Բեդնարը նկարագրում մի նկար իր գրասենյակում: Որքանո՞վ են այս դասերը կիրառելի Հիսուս Քրիստոսի հանդեպ հավատք կառուցելու ձեր ջանքերին: Ալմա 32.21, 26-43 հատվածները միասին կարդալը լրացուցիչ նյութ կտա ձեր քննարկման համար: Ձեր կարծիքով, ի՞նչ է նշանակում կենտրոնացնել մեր հավատը Հիսուս Քրիստոսի վրա։
-
Մենք կարող ենք ավելացնել մեր հավատքը՝ ընտրելով սովորել այն ստուգող փորձառություններից: Կարող եք ցուցադրել «Հոգևոր պտտահողմեր» տեսանյութը (ChurchofJesusChrist.org): Քննարկեք միասին, թե մենք ինչ կարող ենք անել փորձության ժամանակ՝ մեր հավատքը ամրապնդելու համար: (Տես նաև Նիլ Լ․ Անդերսեն, «Հոգևոր պտտահողմեր», Լիահոնա, մայիս 2014, 18-21։) Կարող եք առաջարկել դասարանի կամ քվորումի անդամներին կիսվել այն պահերով, երբ նրանք զգացել են, որ իրենց հավատքը Քրիստոսի հանդեպ փորձության է ենթարկվել և թե ինչ են նրանք արել այն ամրապնդելու համար: Նշեք, որ Ելից 14-17 գլուխները նկարագրում են իսրայելացիների հաճախակի տրտնջանքները կամ բողոքները փորձությունների ժամանակ: Ինչպե՞ս կարող է տրտնջանքը թուլացնել մեր հավատքը փորձության ժամանակ: Ո՞րն է տարբերությունը տրտնջալու և Երկնային Հորը փորձությունների ժամանակ մտահոգություններ արտահայտելու միջև:
Գործեք հավատքով
Խրախուսեք դասարանի կամ քվորումի անդամներին մտածել և գրի առնել թե ինչ են անելու, որպեսզի գործեն ըստ այսօրվա ստացած տպավորությունների: Եթե նրանք կամենան, կարող են կիսվել իրենց գաղափարներով: Հրավիրեք նրանց մտածել այն մասին, թե ինչպես ըստ ստացած տպավորությունների գործելը կամրապնդի իրենց փոխհարաբերությունները Երկնային Հոր և Հիսուս Քրիստոսի հետ:
Օժանդակ աղբյուրներ
-
«Հաց հանապազօրյա՝ Օրինաչափություն», «Հաց հանապազօրյա՝ Փոփոխություն», «Հաց հանապազօրյա՝ Փորձառություն» (տեսանյութեր), ChurchofJesusChrist.org
Ուսուցանել Փրկչի ձևով
Օգնեք դասարանի կամ քվորումի անդամներին հասկանալ, թե ինչպես նրանք կարող են հրավիրել Հոգին՝ իրենց քննարկմանը ներկա լինելու: Նրանք կարող են դա անել իրենց «վերաբերմունքով…, ինչպես են նրանք վերաբերվում միմյանց, ինչպես են նրանք զգում ավետարանը» (Ուսուցանել Փրկիչի ձևով,15):