Eberi 24

Bukin Tera te Atua e Anganiira te Tua?

Te Otinako 18–20

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, ikotaki kaokioka n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao karietataaki kabongana teuana ke raka man taian titiraki inano ke oin am titiraki (taraa Aeniboki ni Kabuta, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. A kanga koroboki aika tabu ni buokiira ni kaniira riki nakon Tamara are i Karawa ao Iesu Kristo?

• Tararuakiia naake iai kainnanoia. Iai temanna ae e tia ni mwaing nakon ara uoote ke ni kaaina te Ekaretia.? Ti na kangaa ni buokiia bwa a na namakina te butimwaeaki?

• Kaoaiia ni kabane ni karekea te euangkerio. Iai waaki ni kakukurei aika ana manga karaoaki bwa ti na kona ni kaoiia raoraora n roko?

• Katiteuanakiia utu in akea tokina. Tera aar kekeiaki are ti na knona ni karaoi n taui mwiin rongorongora i bon iroura?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Wareka Te Otinako 20 kona n anganiko te waekoa n iangoa bukin tera ti karekea te tua. Tabeman aomata a taraa tuua n aron ae tianaki ke e kataia ni kairiira. Ma bukina ti ataia bwa te Atua bon te Karo ae tatangira, ti kona ni onimaki bwa Ana tua a bon tamaroa ibukira, riki ngkana ti aki atai nanoia n taainako. E berita nakoira bwa ti na kona n ataa Ana tua bwa a bon koaua ngkana ti maiuakinii (taraa Ioane 7:17).

Beretitenti Russell M. Nelson e reirei: “Bukina te Tama ao te Nati a tangirira akea tokina, tangira ae kororaoi ao bukina A ataa are tiaki konaa n noori bwaai ni kabane ake A noori, A tia n anganiira te tua are e na kairiira ao ni kamanoira. Bon iai te reitaki ae matoatoa imarenan ana tangira te Atua ao Ana tua” (“The Love and Laws of God” [Brigham Young University devotional, Teb. 17, 2019], 2, speeches.byu.edu).

Bukin tera ko kakaitau ibukin tuua? Tera ae ko tangiria bwa a na oota te kiraati ao membwa n te kooram iaona bwa bukin tera te Atua e anganiira tuua? Ko kona ni katauraoi n anga reirei man rinanoa Te Otinako 20 ao ana marooro Beretitenti Dallin H. Oaks “Loving Others and Living with Differences (Tangiriia Tabeman ao Maeka inanon te Kaokoro)” (Riaona, Nob. 2014, 25–28).

Ti kona n ataia bwa ana tua te Atua a bon koaua ngkana ti maiuakini.

Te Uaia n Reirei

Ni buoka te kiraati ke membwa n te kooram n rinanoi Tuua ake Tebwina, ko konaa n tuangiia ni karinani mwaitin tuua aikai ake a kona ni uring. Ngkana a kainana buokaia, a kona n taraia inanon Te Otinako 20:3–17. Bukin tera Tamara are i Karawa e anganiira tuua? Ni buokan kaekaan te titiraki aei, a kona n marooroakin tabeua man Tuua are Tebwina inanon aia kurubu ae uarereke. E kangaa maiuakinan tuua aikai ni buokiira ni kunea te kukurei ao ni kaan nakon te Atua? Iango akana imwiina a kona ni buokiia naake ko reireiniia n reiakina riki taekana bwa bukin tera te Atua e anganiira tuua.

• Koroboki aika Tabu iai nanoia kaeka nakon titiraki “Bukin tera te Atua e anganiira tuua?” Ko kona ni kaoa te kiraati ke membwa n te kooram ni kakae rekeia inanon teuana ke raka man koroboki aika tabu n reke inanon “Reitan Bwaai ni Mwakuri.” Ngkanne kaoiia bwa a na tibwaua te bwai are a kunei. A kona naba ni mataku ni witeo aika imwina n noori taratara aika nano: “Instructions Included,” “Why Does God Give Us Commandments?” (ChurchofJesusChrist.org).

• Ni buoka te kiraati ke membwa n te kooram n oota bwa bukin tera te Atua e anganiira tuua, ko kona ni kabotaui karekean tuua mairoun te Atua nakon taneiai are a kona n irekereke nako iai. Ibukin taekana, ko kona n tuangiia n iangoia bwa aongkoa a buti ni kawain te maunga irarikin te bwaa ae kabatete ao iai te oo irarikin iteran te kawai. Tuangiia ni marooro ma temanna te aomata n titiraki n aron aika imwina. E kanga ana tua te Atua n ti te arona ma oo? E kanga n riki te ongeaaba nakon tuua ni kakabwaiaira? Tera tabeua kabotau ni kona ni buokiira n oota bwa bukin tera te Atua e anganiira tuua ao bukin tera ti riai n ongeaaba nako iai? Ibukin tabeua katooto, ko kona ni kaoiia n rinanoa teuana man taian marooro ke witeo ni kuneaki inanon “Reitan Bwaai ni Mwakuri.” Tuangiia bwa a na tibwaua taian kabotau ake a kunei ao ni maroorakin bwa tera are a reiakinna.

• Ami marooro a na kona ni kaira te kiraati ke membwa n te kooram ni marooroakin bwa e kanga ti riai ni mwannanoia koraki ake aki kakoaua ke maiuakin tuua. Ko riai ni kaoiia n tarai reirei man ana marooro Beretitenti Dallin H. Oaks “Loving Others and Living with Differences (Tangiriia Tabeman ao Maeka inanon te Kakaokoro.” Ko riai n tuangiia taian titiraki n aron aikai: Ti na kanga ni mwannanoia koraki ake a rineia ni kaokoroi maiuia nakon are ti karaoia? Ti kanga ni kona n noora te tamaroa irouia tabeman ngkai a karaoa aia rinerine ae kaokoro nakon are ti karaoia?

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• I Tetaronike 10:12–13; Aramwa 36:30; Reirei ao Berita aika Tabu 1:24–28; 82:8–10; 93:20, 28; 130:18–21 (Bukin tera te Atua e anganiira tuua)

• Jeffrey R. Holland, “We Are All Enlisted” (Riaona, Nob. 2011, 44–47; taraa naba te witeo “Stay within the Lines”); Richard G. Scott, “The Atonement Can Secure Your Peace and Happiness” (Riaona, Nob. 2006, 40–42; taraa naba te witeo “A Secure Anchor”); Von G. Keetch, “Blessed and Happy Are Those Who Keep the Commandments of God” (Riaona, Nob. 2015, 115–17; taraa naba te witeo video with the same title)

Reirei n ana Kawai te Tia Kamaiu

“Inanon am kekeiaki ni maiu ao n reirei n aron te Tia Kamaiu, ko na aki bwaka ni kakoroan nanon am kouru inanon te tai. Tai kabwaraa nanom, ma, anga am kairua ma mamaaram nakon Tamara are i Karawa ao te Tia Kamaiu” (Reirei n ana Kawai te Tia Kamaiu, 14).