Meei 22

N na Kanga ni Kaota Au Kakaitau Nakon te Atua?

Te Tua Kaua 6–8; 15; 18; 29–30; 34

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, ikotaki kaokioka n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao karietataaki kabongana teuana ke raka man taian titiraki inano ke oin am titiraki (taraa Aeniboki ni Kabuta, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. Tera ae ti maroroakiinna n te tai ae nako, ao tera kakao ke mwakuri ake a karaoaki? Tera ae ti a ni karaoia ni mwakurii iaon kakao akanne ke katabeakira?

• Tararuakiia naake iai kainnanoia. Tera ae ti kona ni karaoia ke taekinna n anga te ibuobuoki nakoia ake a namakin te maroa ke n raroa mairoun Tamara are i Karawa?

• Kaoaiia ni kabane ni karekea te euangkerio. Tera kawai tabeua are ti kona ni buokiia tabeman n namakina ana tangira Iesu Kristo?

• Katiteuanakiia utu in akea tokina. Tera iango ake ti na kona n tibwaia ma tatabeman ni buoka kakorakoraan ara utu?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Te Atua e teimatoa n tarataraira ao kakabwaiaiira. Ma bwaai ni kabane man katikan nanora ao taian kariiri ake ti rinanoi, e rang bebete bwa ti na mwaninga Taekana. Aio are e riki nakoia tiibun Iteraera ni mwaitin te tai, n ikotaki inanon taai ni kangaanga are a tia ni mwamwanga inanon te rereua. Ma te Uea e nanoanga ni kairiia nakon te aba ni berita—te tabo ae korakora te mweeraoi ao kariiri aika mwaiti, are a na kona riki ni kariiriaki ni mwaninga Taekana riki teuana te tai. Te reirei i nanon Te Tua Kaua 6 e na nanonaki ni buokiia tibun Iteraera n teimatoa n Uringnga ao Ana taeka (taraa kibu 6–9).

Ko na kanga ni kawakin Ana taeka te Uea inanom—“ko na aki mwanuoka te Uea”? (Te Tua Kaua 6:12). E kanga uringakin te Uea ni buokiira n namakina te kakaitau inanon aroarora ni kabane te raoiroi ke buakaka inanon maiu? Ngkai ko katauraoi n angareirei, iangoa rinanoan Tua Kaua 12:6–9, 12 ao Ruka 17:11–19. Ko kona naba n taraa ana marooro Beretitenti Dieter F. Uchtdorf’ “Grateful in Any Circumstances (Kakaitau ni Bwaai ni Kabane Ake Ti Rinanoi)” (Riaona, Meei 2014, 70– 77).

Uringakin te Uea e kona ni buokiira n namakina te kakataiu inanon aroaron maiura n kabane.

Te Uaia n Reirei

Ni moana te marooro iaon uringakin te Uea, ko kona ni kaoa te kairake n tibwai taneiai ngke a mwaninga te bwai teuana ae kakaawaki. Tera mwiina? Tera ae riki ngkana ti mwaninga te bwai ae korakora are e a tia ni karaoia te Uea ibukira? Kaoa am kiraati ke te kooram n rinanoa Te Tua Kaua 6:4–9, 20–25. Tera ae reireia kiibu aikai iaon uringakin raoiroin te Atua inanon maiura? Rinea teuana ke ae raka man waaki ni kakukurei inano ni buokiia koraki ake ko reireiniia n reiakinna bwa e kanga namakinan riki te kakukurei ibukin raoiroin te Atua ao kaota aia kakaitau Nakoina.

• Wareka Ruka 17:11–19 ikotaki e kona ni buokiia kairake n iango iaon bwa bukin tera e bon kakaawaki ibukira ni kaota ara kakaitau Nakoina. Iangoia n titirakiniia are e buokiia ni kairekerekea te karaki aei nakon maiuia. Ibukin te katooto, tera tabeua nanona ae riai bwa bukin tera ruaman rebera aki roko n anga aia karabwarabwa nakon te Tia Kamaiu? Bukin tera ti kabwaka n tabetai n kaota ara kakaitau nakon te Atua? Tuangiia koraki ake ko reireiniia n iango iaon taai ngke a namakina te kukurei, riki ngke bon te tai ae kangaanga. Tera aron kaotakin kakaitau are e tia n rootira? Bukin tera ngkai e kakaawaki bwa ti na kaota ara karabwarabwa nakon te Atua? (Taraa reburenti n koroboki aika tabu inanon “Reitan Bwaai ni Mwakuri”ibukin kaeka tabeua.) Tera ae ti kona ni karaoia ni kaota ara kakaitau nakon te Atua?

• A mwaiti anene n taromauri n nebo ao n karabwarabwa, n aron “How Great Thou Art” ao “Count Your Blessings” (Anene n taromauri, nambwa 86, 241). Ko kona n tuangiia kairake ni kakaei taeka man anene n taromauri aikai ibukin bwaai ake a kukurei ibukina. Kaoiia n tibwauai bwaai ake a kunea ao ni kabwarabwara bwa bukin tera a karabwarabwa ibukiia. Ko kona n anenei tabeua man anenen te taromauri akanne n ikotaki.

• Ana marooro Beretitenti Dieter F. Uchtdorf “Grateful in Any Circumstances (Kakaitau ni Bwaai ni Kabane ake Ti Rinanoi)” buokira n oota bwa ti na kanga n rang ni kukurei riki. Teuana te kawai ni buokiia kairake n reiakinna man te marooro aei bon bwenauakiia inanon kurubu ae uarereke ao anganiia tatabeua kurubu teuana te tiekition man te marooro. Tuangiia bwa a na tibwai kiibuntaeka ke kibuntaeka are a namakina kabwarakina bwa tera ae reireiia Beretitenti Uchtdorf. Kaoiia n tibwaua te bwai teuana are a reiakinna iaon te kakaitau. A kona naba ni mataku n te witeo “President Russell M. Nelson on the Healing Power of Gratitude” (ChurchofJesusChrist.org). Tera ae ti kona ni karaoia n riki “kukurei inanon aroarora nako,” n aki taraaki bwa tera aroia? Tera katooto aika ti a tia n nooria aomata ni kukurei n aki ongei kangaangan aroia?

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Motiaea 2:19–24 (Ti riai neboa ao ni karabwa te Atua)

• Aramwa 34:38; 37:37; Reirei ao Berita aika Tabu 46:32; 59:7, 15–21 (Ti riai n anga te karabwarabwa ni bwaai ni kabane)

• Taian Areru 107:8–9; I Biribi 4:6–7; Reirei ao Berita aika Tabu 78:19 (Kakabwaia man te kakaitau)

• Dale G. Renlund, “Consider the Goodness and Greatness of God (Iangoa Raoiroin ao Korakoran te Atua),” Riaona, Meei 2020, 41–44

• “Kakaitau,” i nanon Ibukin Kakorakoraia Kairake (boki ae uarereke, 2011), 18

Reirei n ana Kawai te Tia Kamaiu

Te Tia Kamaiu e kinaia Ana taan iriiria ao bwa aekara ngaiia ae a kona n riki nako iai. Te atatai aei e kakairi te kawai are E reireiniia. Ko na kanga n reakina taekan te nano ae tangiria, kainanoan, ao kakaewenako irouia ake ko reireniia n te aro are ko kona n reireiniia ni kanakoraoia riki?