Tuun 12

N na Kanga n Ongo Bwanaan te Uea?

Ruta; 1 Tamuera 1–3

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, ikotaki kaokioka n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao karietataaki kabongana teuana ke raka man taian titiraki inano ke oin am titiraki (taraa Aeniboki ni Kabuta, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. Tera te bwai ae ti a tia n rinanona mai mwaina ae e a tia ni kakorakora ara koaua?

• Tararuakiia naake iai kainnanoia. Antai ae e kainnanoa ara ibuobuoki ao ara tataro? Tera namakinan te kukurei are ti na karaoia ni buokiia?

• Kaoaiia ni kabane ni karekea te euangkerio. Ti na kanga n riki bwa te oota nakoia kaain ara utu ke raoraora ake aki butimwaea ara koaua?

• Katiteuanakiia utu in akea tokina. Ti na kanga ni kona ni kaota re tangira ao boutoka ibukiia ara utu ao karaoi kaokoro aika a tamaroa inanon mweengara?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

A mwaiti kaain am kiraati ke kooram a na kona ni kairekerekea nakon te ataeinimwaane ae Tamuera. Ngke te Uea e taetae nakoina, Tamuera e bon tuai karekea te taneiai ma kaotioti ni kinaan bwanaan te Uea. Ana tia reirei Tamuera, Eri, e bon buoka Tamuera n reiakina kinaan te bwanaa aei. Ai aron Eri, iai am tai ni kakoaua nakoia ake ko reireiniia bwa te Uea e tangiria n taetae nakoia. Ko kona ni buokiia n reiakinna ni kinaa bwanaan te Uea, riki ngkai boni ngkoe ko kan reiakinna naba n ongo Irouna. N ikotak, ko kona ni kamatebwaia bwa tera Ana burabeti ake a tia n reirei iaon te kaotioti i bon iroum. Ao ko kona n reiakinna n taetae nakon te Uea, n aron ae karaoia Tamuera, “Taetae; ba e ongo am toro” (1 Tamuera 3:10).

N reitakin te wareware 1 Tamuera 3 n te wiiki aei, ko kona ni katauraoi ni wareka ana marooro Beretitenti Russell M. Nelson “Ongo Irouna” (Riaona, Meei 2020, 88–92).

President Russell M. Nelson e tuangiira ni “karikirakea [ara] konabwai n tamnei ni karekea te kaotioti.”

Te Uaia n Reirei

Ni katauraoiia koraki ake ko reireiniia ibukin te marooro n te bong aei, iangoia n tuangiia n rinanoa 1 Tamuera 3:1–14. Kaoiia n tibwaia bwa tera are a tia n reiakinna man te rongorongo aei iaon ongoraean bwanaan te Uea. Tera tabeua reitan kawai are te Uea e reitaki ma ngaira? Waaki ni kakukurei aika imwina e kona ni buoka te kairake ni kananoa ootana man te kaotioti i bon iroum.

• Aio te teuana te kawai ni buoikiia koraki ake ko reireiniia bwa a na kanga ni karekea raoi te kaotioti. Ko kona ni koreia iaon te burakibooti reburenti man koroboki aika tabu n kaotaki inanon “Reitan Bwaai ni Mwakuri” (ke tabeua are ko ataia). Kaoa te kairake ni wareka tatabeua koroboki aika tabu. A kona ngkane ni koreia iaon te burakibooti irarikin tatabeua reburenti bwa tera are reireiia koroboki aika tabu iaon karekean kaotioti i bon iroum. Kaoiia bwa a na tibwai taneiai are a tia ni karekea ma ukoran ao karekean te kaotioti. Ngkana e riai, tibwa am taneiai.

• Ti karekei kakabwaia aika korakora ngkana ti reiakinna n ongo bwanaan te Uea. Ko kona ni moana te marooro iaon aei man tuangiia kairake n tibwa bukina are a riai ni kainanoa te kaotioti. Ngkanne tuangiia ni kakaea ana marooro Beretitenti Russell M. Nelson “Ongo Irouna.” Kaoiia n tarai marooro are e na buokiia n oota bwa a na kanga n ongo bwanaan te Uea. Ko kona naba ni kaota teuana ke raka taian witeo man te “Hear Him” collection (ChurchofJesusChrist.org/media). Bukin tera ngkai e kakaawaki iroura n reiakinna n ongora bwanaan te Uea? Kaungaiia kairake ni korei bwa tera are a reiakinna inanon aia tienero ke iaon mwakoro ni beeba ni katekei inanon mweengaia.

• Kairake ake ko reireiniia a na warenako bwa ana kanga n ataa te Tamnei ae Raoiroi e taetae nakoia. Iangoa kaotaki witeo “How Can I Tell the Difference between the Holy Ghost and My Emotions?” and “How Can I Feel the Holy Ghost More Often?” from “Face to Face with President Eyring and Elder Holland” (ChurchofJesusChrist.org). Tera ae ti reiakin man witeo aikai iaon kinakin te kaokoro imarenan ana kairi te Tamnei ao ara iango? Kiraati ke membwa n te kooram a kona n tibwaia bwa a na kanga ni kaeka nakon te rao ake iai aia titiraki n ti te arona nakon ake a marooroakinaki inanon te witeo.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• 1 Uea 19:9–12; Ereman 5:29–31; Reirei ao Berita aika Tabu 6:14–16, 21–23; 8:2–3; 11:12–14 (Kawai are te Uea e taetae nakoira)

• Reirei ao Berita aika Tabu 9:7–9 (Kaotioti e kainanoa ara iango ao kamatebwai)

• Ronald A. Rasband, “Let the Holy Spirit Guide (Kariaia te Tamnei ae Raoiroi bwa E na Kairiiri),” Riaona, Meei 2017, 93–96

• Beretitenti Russell M. Nelson e taekinna, “Ma inanon boong aika imwaira, e na bon aki kona ni kamaiuaki te tamnei n akean te kairi, te kaetieti, ao ni karaunano ae reitinako te Tamnei ae Raoiroi. Tariu aio mwaaneu aika kam tangiraki, I bubuti ma ngkami ni kakorakorai ami konabwai n tamnei ni karekea te kaotioti” (“Te Kaotioti ibukin te Ekaretia, Kaotioti ibukin Maiura,” Riaona, Meei 2018, 96).