Tuun 26

Bukin Tera te Itiaki e Kakawaki n Ana Babaire te Atua?

2 Tamuera 5–7; 11–12; 1 Uea 3; 8; 11

Te Uaia ni Marooro

E kairaki irouia kaain te beretitentii n te kooram ke te kiraati; 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta, 10.2, 11.2, ChurchofJesusChrist.org). Bairei kawai aika ko na karaoi n te bwai ae ko maroroakinna.

• Maiuakina te euangkerio. Ti kanga n roko ni kaan riki nakon te Tia Kamaiu? Ti kanga ni kataia n riki n Arona?

• Tararuakiia naake iai kainnanoia. Antai ae a mena n ara iango? Ti na kanga ni buokiia aomata n tatabemaniia nako aikai?

• Kaoia ni kabane bwa ana karekea te euangkerio. Ti na kanga ni kaekai aia titiraki raoraora ibukin te Ekaretia n te kawai are e na kakorakorai aia onimaki iroun te Tia Kamaiu?

• Katiteuanakiia utu ibukin te maiu ae akea tokina. Tera tabeua kawai aika ti kona iai n reitaki ma kaain ara utu ake tabeman, n aroia tenaan tibu ao tenaan katin?

N tokin te reirei, ngkana e riai, karaoi waaki aikai:

• Kaota am koaua n reirei ake ko anga.

• Kauringiia kaain te kiraati ke te kooram iaon babaire ao kakao ake a karaoi n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Tamara are i Karawa, are e tangiriira bwa ti na kukurei, e anganiira tuan te itiaki. Ao Tatan, are e tangiriira bwa ti na kananoanga, e reirei ae te tua aei e aki kakawaki. E karaoi bwaai aika e kona n anai nanora bwa ti na karaoa te bure ni wenenibure. A kona kairake n anaaki nanoia man tamnei ao rongorongo aika aki boraoi ma te bwai are e reirei te Atua ibukin te wenenibure. Ngaira n tatabemaniira ti kainnanoia n atai kataaki aikanne ao ni kataia ni kawakin ara iango, ara taeka, ao ara mwakuri bwa a na itiaki ni kabutaa maiura. Ti reiakina te reirei man ana taneiai te Uea Tawita ae kananokawaki. Bon te banna ni katooto iaon te kakaonimaki ae korakora. Ma tuan te itiaki (taraa 2 Tamuera 11:1–5).

Ko kona ni katauraoi n reirei man warekan 2 Tamuera 11, ana rongorongo Unimwaane David A. Bednar “We Believe in Being Chaste (Ti Kakoaua ae Ti Riai ni Itiaki)” (Liahona, Meei 2013, 41–44), ao bwaai n ibuobuoki riki tabeua ibukin te itiaki. Tera ae na kona ni kaungaia kaain te kiraati ke te kooram n taraa te itiaki n aron are e taraia te Atua? Tera ae na kona ni buokiia n aki ira ana kawai Tatan?

N teimatoa ni kakaonimaki nakon ana tua te Atua n tuan te itiaki, ti riai ni kekeiaki ni katoa bong ni kawakin ara iango, taeka, ao ara mwakuri bwa a na itiaki.

Te Uaia n Reirei

Aio te kawai teuana ni kabwarabwara taekan te itiaki ngkai ko buokiia nake ko reireiniia n rinanon te bwai ae a tia ni warekia inanon booki aika tabu. Korea te taeka ae Atua ao Iotebwa iaon te boote. Imwiina botaki n rinanon 2 Tamuera 11:1–5 ao Karikani Bwaai 39:7–12. A kanga Tawita ao Iotebwa ni kaeka nakon kataaki ni karaoan te bure ni wenenibure? Tera ae ti reiakinna man aia katooto? Kabonganai waaki ni kakukurei aikai ke tabeua aika bon am kario ni kaunga te marooro riki iaon bukin kakawakin te itiaki n ana babaire te Atua.

• Kairake aika ko reireiniia a kona ni kabwaia man kamatataan ana kainibaire te Uea n te wenenibure ae itiaki. Kaoia bwa a na rinanon “Itiaki man te Wenenibure” inanon Ibukin Kakorakorakiia Kairake ([te boki ae uarereke, 2011], 35–37) ke te kaaua ni barakarabe n “Te Utu: Te Katanoata nakon te Aonaaba” (ChurchofJesusChrist.org). E kanga ana reirei te Uea ibukin te wenenibure ni kaokoro man te bwai are e tangiria Tatan bwa ti na kakoauai? A kona kairake n rinanon “Te Utu: Te Katanoata nakon te Aonaaba,” ni kakaei rongorongo ake a kabwarabwara bwa bukin tera te wenenibure ae itiaki e kakawaki nakon ana babaire ni kakukurei Tamara are i Karawa. Tera ae ti reiakinna man taian rongorongo aikai aika a na buokiira ni maiuakina te maiu ae itiaki n te aonaaba n te bong aei?

• N tabetai tabeman aki ota n ara kainibaire n te maiu ae mamate, bukina ae onoti bwa kainibaire aikai a rangi ni kaokoro man aika a kakoauai angiia aomata. Ti na kanga ni kaekai aia titiraki? Tera ae ti reiakinna mairoun Unimwaane ao Titita Renlund n te witeo “Why Is It Important to Live the Law of Chastity?” man “Face to Face with Elder and Sister Renlund” (ChurchofJesusChrist.org). A kona naba kairake n ukoukori booki aika tabu inanon “Reitan Bwaai n Mwakuri” ibukin rongorongo aika a kabwarabarai kakabwaia n te itiaki. Ko na bae n tuangiia bwa a na tibwauai aia iango bwa bukin tera a rineia bwa a na ongotaeka nakon ana kainibaire te Uea n te ni wenenibure ae riai.

• Katei aika kinaaki a reirei n tainako ae akea nanon te itiaki man te wenenibure. Ma e ngae n anne te katei e kakeai koaua n taian kakabwaia n te itiaki ao kangaanga man waaki aika irekereke ma te wenenibure. N reiakin riki taekan koaua aikai, e kona te kairake ni kamatebwaia ana rongorongo Unimwaane David A. Bednar “We Believe in Being Chaste (Ti Kakoaua ae Ti Riai ni Itiaki).” Tabeman a kona ni kamatebwaia te mwakoro “The Intent of the Adversary (Te Bwai ae Tangiria te Tia Kakaitara),” ao tabeman a kamatebwaia “The Blessings of Being Chaste (Te Kakabwaia n Tiku ni Itiaki).” Imwiina a kona n tibwauaia imarenaia te bwai are a reiakinna. Kaungaia bwa a na korea te mwakoro n taeka man te rongorongo are a tangiria n uringnga n te tai are a kunei rongorongo aika bure ibukin te wenenibure. Ko kona naba ni kanakoi nakon te mwakoro ae atunaki “The Principle of Repentance (Te Tua iaon te Rairannano).” Maroroakinna bwa e kanga te Tia Kamaiu ni kona ni kabwarai aia bure naake a tangiria n rairinanoia man te bure ni wenenibure. Kauringiia naake ko reireiniia ae a kona n taetae ma aia karo ke te bitiobi ngkana iai aia titiraki ke kainnanoan te rairannano.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoia bwa a na iangoia bwa e kanga mwakurian aia namakin ni kakorakorai aia reitaki ma Tamara are i Karawa ao Iesu Kristo.

Reitan Bwaai n Mwakuri

• 1 I-Korinto 6:19–20 (Rabwatara bon tembora)

• Aramwa 38:12 (Ngkana ti taotaon angiin ara namakin, ti kona ni kaonaki ma te tangira)

• Reirei ao Berita aika Tabu 25:2; 121:45–46 (Kakabwaia man te tamaroa)

• “Te Itiaki: Baikara Taian Tia?” “True Confidence,” “I Choose to Be Pure” (witeo), ChurchofJesusChrist.org

Reirei n ana Kawai te Tia Kamaiu

Ni bwaai nako, te Tia Kamaiu bon te banna ni katooto ao ara tia reirei. E reireiniia Ana taan reirei te tataro man te tataro ma ngaiia. E reireiniia te tangira ao te ibuobuoki man te kawai are E tangiria ao ni beku ibukiia. E reireiniia aron te angareirei n Ana euangkerio n aron are E angareirei iai.