jun junkab’al narileb’ li loq’laj hu

12 junio

Chan ru naq tinwab’i xyaab’ xkux li Qaawa’?

Rut; 1 Samuel 1–3

reetalil li k’uub’ank na’leb’ sa’ komonil

K’uub’ank na’leb’ sa’ komonil

B’eresinb’il xb’aan jun komon re li awa’b’ejil re li molam malaj tzoleb’aal; 10–20 k’asal

Sa’ xtiklajik li ch’utam, yehomaq sa’ komonil li ch’ol aatin choq’ reheb’ li Saaj Ixq malaj li ch’ol aatin choq’ reheb’ li molam re li Tijonelil re Aaron. Aatinanqex chirix li k’anjel re li kolb’a-ib’ ut li taqenaqil loq’al; naru tex’aatinaq chirix wiib’ oxib’ reheb’ li patz’om li wankeb’ arin malaj lee patz’om laa’ex (chi’ilmanq Manual General: Servir en La Iglesia de Jesucristo de los Santos de los Últimos Días, 10.2, 11.2, ChurchofJesusChrist.org). K’uub’ahomaq chan ru teek’anjela li na’leb’ xex’aatinak wi’.

• Xyu’aminkil li evangelio. K’a’ru toje’ xqanumsi li xkawob’resi lix nawom qach’ool?

• Rilb’aleb’ li wankeb’ sa’ rajb’al ru. Ani taaraj ru qatenq’ ut qatij? K’a’ru naqeek’a naq tento taqab’aanu choq’ reheb’?

• Xb’oqb’aleb’ chixjunil chixk’ulb’al li evangelio. Chan ru naq toowanq jo’ saqen chiruheb’ li qakomon ut li qamiiw li ink’a’ neke’xpaab’ li naqapaab’ laa’o?

• Xjunajinkileb’ li junkab’al chi junelik. K’a’ru taqab’aanu re xk’utb’al xkomon chik li rahok ut li tenq’ choq’ re li qajunkab’al ut re xb’aanunkil li us sa’ li qochoch?

A’ yaal jo’ na’ajman, b’aanu a’in sa’ xraqik li tzolok:

• Ch’olob’ xyaalaleb’ li na’leb’ li xe’k’utman.

• Ye wi’chik reheb’ li saaj k’a’ru li xeye sa’ li ch’utam a’in naq teeb’aanu.

Xkʼutbʼal li tzolʼlebʼ

B’eresinb’il xb’aan jun aj jolominel malaj jun li saaj; 25–35 k’asal

Xkawresinkil aawib’ sa’ musiq’ej

Wankeb’ naab’al li saaj li naru neke’xjuntaq’eeta rib’ rik’in laj Samuel. Naq li Qaawa’ kiraatina, laj Samuel maji’ naxnaw k’a’ru li k’utb’esinb’il na’leb’, jo’kan naq ink’a’ kixk’e reetal naq a’an xyaab’ xkux li Qaawa’. Laj tzolol re laj Samuel, laj Eli, kixtenq’a laj Samuel chixk’eeb’al reetal lix yaab’ xkux. Jo’ laj Eli, laa’at naru taach’olob’ xyaalal chiruheb’ li saaj naq li Qaawa’ naraj aatinak rik’ineb’. Naru taatenq’aheb’ chixk’eeb’al reetal lix yaab’ xkux li Qaawa’, naq yookat ajwi’ chixtzolb’al chan ru rab’inkil. Sa’ komonil, naru teeril li raatineb’ lix profeet chirix li k’utb’esinb’il na’leb’. Ut naru teetzol xyeeb’al re li Qaawa’, jo’ kixb’aanu laj Samuel, “Aatinan, laj k’anjel chawu yoo chawab’inkil” (1 Samuel 3:10).

Naru taawil 1 Samuel 3 chiru li xamaan a’in, ut naru ajwi’ taakawresi li tzolok rik’in rilb’al li raatin li Awa’b’ej Russell M. Nelson, “Chawab’i a’an” (Jolomil ch’utub’aj-ib’ re abril 2020).

jun saaj winq natzolok sa’ li loq’laj hu

Li Awa’b’ej Russell M. Nelson kixpatz’ qe naq “taqakawresi li qawankilal chixk’ulb’al li k’utb’esinb’il na’leb’.”

Tzolok sa’ komonil

Re xkawresinkileb’ li saaj choq’ re li tzolok, naru taapatz’ reheb’ naq te’ril 1 Samuel 3:1–14. Patz’ reheb’ naq te’xwotz li xe’xtaw sa’ li seraq’ a’in chirix rab’inkil lix yaab’ xkux li Qaawa’. Chan chik ru nokoraatina li Qaawa’? Naru xb’aanunkil a’in re xtenq’ankileb’ li saaj chixtawb’al ru li k’utb’esinb’il na’leb’.

• Naru taab’aanu a’in re xtenq’ankileb’ chixtawb’al ru chan ru te’xk’ul li k’utb’esinb’il na’leb’. Naru taatz’iib’a chiru li pizarron eb’ li raqal li wankeb’ sa’ “Xkomon chik li tenq’ ” (malaj jalaneb’ chik li raqal). Ye reheb’ li saaj naq te’rileb’ li raqal. Toja’ naq naru te’xtz’iib’a chixk’atq li junjunq raqal sa’ li pizarron k’a’ru naxye chirix xk’ulb’al li k’utb’esinb’il na’leb’. Patz’ reheb’ naq te’xwotz chan ru naq ak xe’xk’ul li k’utb’esinb’il na’leb’ sa’ xyu’ameb’. Wi us xwotzb’al, seraq’i reheb’ laa numsihom.

• K’a’jo’ naq noko’osob’tesiik naq naqatzol rab’inkil xyaab’ xkux li Qaawa’. Re aatinak chirix a’in, naru taapatz’ reheb’ li saaj k’a’ut raj naq te’raj ru li k’utb’esinb’il na’leb’. Patz’ reheb’ naq te’ril li kixye li Awa’b’ej Russell M. Nelson sa’ “Chawab’i a’an.” Ye reheb’ naq te’xtaw li na’leb’ li naxtenq’aheb’ chixtawb’al ru chan ru rab’inkil xyaab’ xkux li Qaawa’. Naru ajwi’ taak’ut reheb’ li video li wankeb’ sa’ li ch’uut chi video “Escúchalo” (ChurchofJesusChrist.org/media). K’a’ut naq aajel ru naq taqatzol rab’inkil xyaab’ xkux li Qaawa’? Waklesi xch’ooleb’ li saaj chixtz’iib’ankil li neke’xtzol sa’eb’ lix diaro malaj sa’ jun li perel hu re te’xk’uula sa’ rochocheb’.

• Eb’ li saaj maare neke’xpatz’ chan ru naq te’xnaw naq li Santil Musiq’ej yoo chiraatinankileb’. Naru taak’uteb’ li video “¿Cómo puedo diferenciar entre la influencia del Espíritu Santo y mis sentimientos?” ut “¿Cómo puedo sentir el Espíritu Santo con más frecuencia?” re li “Cara a Cara con el presidente Eyring y el élder Holland” (ChurchofJesusChrist.org). K’a’ru naqatzol sa’eb’ li video a’in chirix xk’eeb’al reetal k’a’ru nachal rik’in li Musiq’ej ut ink’a’ yal rik’in li qak’a’uxl laa’o? Eb’ li saaj naru te’xwotz chan ru naq te’xsume raj li ramiiw li naxpatz’ li k’a’ru patz’b’il sa’eb’ li video a’in.

K’anjelak rik’in paab’aal

Waklesi xch’ooleb’ li saaj chixk’oxlankil ut chixtz’iib’ankil chan ru te’xb’aanu li k’a’ru x’ok sa’ xk’a’uxleb’ anajwan. Wi te’raj, naru te’xwotz xna’leb’. Ye reheb’ naq te’xk’oxla chan ru naq xb’aanunkil li k’a’ru x’ok sa’ xk’a’uxleb’ tixkawob’resi li komonil wankeb’ wi’ rik’in li qaChoxahil Yuwa’ ut li Jesukristo.

Xkomon chik li tenq’

• 1 Reyes 19:9–12; Helaman 5:29–31; Tzol’leb’ ut Sumwank 6:14–16, 21–23; 8:2–3; 11:12–14 (Chan ru naq li Qaawa’ nokoraatina)

• Tzol’leb’ ut Sumwank 9:7–9 (Re xk’ulb’al li k’utb’esinb’il na’leb’, tento took’oxlaq ut tootzoloq)

• Ronald A. Rasband, “Chiqab’i li Musiq’ej,” Jolomil ch’utub’aj-ib’ re abril 2017

• Li Awa’b’ej Russell M. Nelson kixye: “Sa’ li kutankil chalel, tookamq raj sa’ musiq’ej chi maak’a’ li b’eresink, li k’amok b’e, li k’ojob’ank ch’oolej, ut li ochb’eeniik chi rajlal xb’aan li Santil Musiq’ej. Ex was wiitz’in, nintz’aama eere naq teekawresi lee wankilal chixk’ulb’al li k’utb’esinb’il na’leb’ ” (“Li k’utb’esinb’il na’leb’ choq’ re li Iglees ut choq’ re qayu’am,” Jolomil ch’utub’aj-ib’ re abril 2018).