jun saaj winq nase’ek

11 septiembre

Chan ru naq saqaq ru ut sahaq inch’ool wi’chik chirix naq ninmaakob’?

Isaias 1–12

reetalil li k’uub’ank na’leb’ sa’ komonil

K’uub’ank na’leb’ sa’ komonil

B’eresinb’il xb’aan jun komon re li awa’b’ejil re li molam malaj tzoleb’aal; 10–20 k’asal

Sa’ xtiklajik li ch’utam, yehomaq sa’ komonil li ch’ol aatin choq’ reheb’ li Saaj Ixq malaj li ch’ol aatin choq’ reheb’ li molam re li Tijonelil re Aaron. Aatinanqex chirix li k’anjel re li kolb’a-ib’ ut li taqenaqil loq’al; naru tex’aatinaq chirix wiib’ oxib’ reheb’ li patz’om li wankeb’ arin malaj lee patz’om laa’ex (chi’ilmanq Manual General: Servir en La Iglesia de Jesucristo de los Santos de los Últimos Días, 10.2, 11.2, ChurchofJesusChrist.org). K’uub’ahomaq chan ru teek’anjela li na’leb’ xex’aatinak wi’.

• Xyu’aminkil li evangelio. Chan ru naq xsik’b’al li Qaawa’ naru tooxtenq’a rik’in li qach’a’ajkilal ut lix yalb’al qix?

• Rilb’aleb’ li wankeb’ sa’ rajb’al ru. Ani naqanaw li naraj ru li qatij ut li qamiiwil?

• Xb’oqb’aleb’ chixjunil chixk’ulb’al li evangelio. Ma wan li na’leb’ chirix xwotzb’al li evangelio li xe’aatinak wi’ sa’ li jolomil ch’utam reheb’ li saaj? Jo’ tzoleb’aal malaj molam, chan ru naq tootenq’anq?

• Xjunajinkileb’ li junkab’al chi junelik. Chan ru naq xsik’b’al xk’ab’a’eb’ li qaxe’ qatoon naxkawob’resi li qakomonil rik’in li qaChoxahil Yuwa’ ut li Jesukristo?

A’ yaal jo’ na’ajman, b’aanu a’in sa’ xraqik li tzolok:

• Ch’olob’ xyaalaleb’ li na’leb’ li xe’k’utman.

• Ye wi’chik reheb’ li saaj k’a’ru li xeye sa’ li ch’utam a’in naq teeb’aanu.

Xkʼutbʼal li tzolʼlebʼ

B’eresinb’il xb’aan jun aj jolominel malaj jun li saaj; 25–35 k’asal

Xkawresinkil aawib’ sa’ musiq’ej

Naq naqeek’a li xutaan chirix naq nokomaakob’, toj wan xtaql qach’ool. Li xutaan a’an, us ta ra, naru toorosob’tesi wi nokoxk’am chixjalb’al qak’a’uxl. A’b’an laj Satanas naxye naq li xutaan naraj naxye naq li Dios ink’a’ nokoxra, ut naxyal xkub’sinkil qach’ool ut xsachb’al qayo’onihom. Maare wankeb’ li saaj li aalob’resinb’ileb’ xb’aan li eek’ahom a’an. Maare neke’xpatz’ ma naru taasaqob’resiiq wi’chik ruheb’ ut ma te’saho’q wi’chik xch’ool. Chan ru taatenq’aheb’ chixtawb’al xyo’onihomeb’ rik’in lix tojb’al rix li maak xb’aan li Kolonel?

Li profeet aj Isaias kixq’useb’ lix tenamit chirixeb’ lix maak. A’ut, a’an kixch’olob’ ajwi’ naq b’antiox re li Kolonel, “us ta kaqeb’ lee maak kama’ li kaqi b’on, a’b’an saq chik te’kanaaq jo’ li ratz’amke” (Isaias 1:18). K’oxla li na’leb’ a’in naq nakawil Isaias 1–12 chiru li xamaan a’in. K’a’ru tixmusiq’aheb’ li saaj chixsik’b’al li Jesukristo, rik’in xpaab’aaleb’ naq li raalil lix maakeb’ naru taa’isimanq? Naru ajwi’ taawil li raatin li Hermana Sharon Eubank sa’ “Li Kristo: Li saqen li nalemtz’un sa’ q’ojyin” (Jolomil ch’utub’aj-ib’ re abril 2019).

eb’ li saaj ixq sa’ li tzoleb’aal

B’antiox re li Jesukristo, li raalil li qamaak naru taa’isimanq.

Tzolok sa’ komonil

Re aatinak chirix Isaias 1–12, naru taapatz’ reheb’ li saaj naq te’xk’am sa’ li tzoleb’aal jun k’a’aq re ru kaq ut jun k’a’aq re ru saq. Naru taak’uteb’ li k’a’aq re ru a’an naq nekeril Isaias 1:16–18. Toja’ naq eb’ li saaj te’xye k’a’ru xe’xtzol sa’eb’ li raqal a’an. (Chi’ilmanq li raatin li Hermana Sharon Eubank chirix li raqal 18 sa’ “Li Kristo: Li saqen li nalemtz’un sa’ q’ojyin.”) Naru xb’aanunkil a’in re xnimob’resinkil xpaab’aaleb’ li saaj chirix lix wankilal li Kolonel re xsaqob’resinkil qu.

• Rilb’al resil li jalb’a-k’a’uxlej sa’ li loq’laj hu naru tixnimob’resi xpaab’aaleb’ li saaj naq li Jesukristo naru tixsaqob’resi ruheb’ sa’ musiq’ej. Naru taatz’iib’a chiru li pizarron eb’ li k’ab’a’ej Sawlo (a’an ajwi’ laj Pablo), Alma li alalb’ej, Tzeesrom, ut Anti-Nefi-Lehi. Naru ajwi’ taatz’iib’a wiib’ ch’uut chi raqal re li loq’laj hu: Hechos 8:3; Mosiah 27:8–10; Alma 11:21–23; Alma 17:12–15 (eb’ li kristiaan naq toj aj maakeb’) ut Hechos 9:13–20; Alma 36:17–24; Alma 15:5–12; Alma 23:6–12 (chirix naq ke’xsik’ li Kolonel ut ke’xjal xk’a’uxl). Eb’ li saaj naru te’xye xk’ab’a’ li kristiaan li wan sa’ li junjunq raqal. K’a’ru ke’xb’aanu li kristiaan a’an re xjalb’aleb’ xk’a’uxl? K’a’ru neke’xk’ut li seraq’ a’in chirix li rajom li Kolonel chixkuyb’al li qamaak? Ma naqil li na’leb’ naru taqayu’ami?

• Re xtenq’ankileb’ li saaj chixtawb’al ru li kuyuk maak, naru taak’e reheb’ jun jaljookil ru aatin re te’xtz’il rix. Maare a’an li alalb’ej sachenaq (chi’ilmanq Lukas 15:11–24); li Kolonel jo’ aj K’aak’alehom qe (eb’ li raqal 5–8 re li raatin li Elder Dale G. Renlund, “Li qaChaab’il aj Ilol Karneer” [Jolomil ch’utub’aj-ib’ re abril 2017]); ut jun li piano toqb’il (sa’ xtiklajik li raatin li Hermana Cristina B. Franco, “Lix wankilal li Jesukristo re k’irtesink” [Jolomil ch’utub’aj-ib’ re octubre 2020]). Eb’ li saaj naru te’xye chi k’osb’il ru k’a’ru naxye li jaljookil ru aatin, ut te’aatinaq chirix li naxk’ut chirix lix rahom li Kolonel ut lix wankilal re xtojb’al qix.

• Reek’ankil li rahilal xb’aan li qamaak naru tooxtenq’a chixjalb’al qak’a’uxl. Lix luktajik ut li xkab’ rix qach’ool xb’aan li qamaak ink’a’ nokoxtenq’a ut naru nokoxram naq naqaj xjalb’al qak’a’uxl. Eb’ li saaj naru te’ril li raqal “La tristeza según Dios” sa’ li raatin li Awa’b’ej Dieter F. Uchtdorf, “¡Pueden hacerlo ahora!” (Liahona, noviembre 2013, 55–57). Chan ru naq jalan li rahilal xb’aan li qamaak li nokoxk’am chixjalb’al qak’a’uxl rik’in li rahilal li nokoxk’am sa’ xsachik li qayo’onihom? (chi’ilmanq ajwi’ 2 Korintios 7:9–10; Mormon 2:12–14). Wi ta wan ani nareek’a nimla xutaan ut rahilal xb’aan xmaak, k’a’ raj ru taqaye re, re xtenq’ankil a’an chixsik’b’al li Kolonel? Patz’ reheb’ li saaj naq te’xch’olob’ xyaalal li Kolonel ut li ruxtaan.

K’anjelak rik’in paab’aal

Waklesi xch’ooleb’ li saaj chixk’oxlankil ut chixtz’iib’ankil chan ru te’xb’aanu li k’a’ru x’ok sa’ xk’a’uxleb’ anajwan. Wi te’raj, naru te’xwotz xna’leb’. Ye reheb’ naq te’xk’oxla chan ru naq xb’aanunkil li k’a’ru x’ok sa’ xk’a’uxleb’ tixkawob’resi li komonil wankeb’ wi’ rik’in li qaChoxahil Yuwa’ ut li Jesukristo.

Xkomon chik li tenq’

• Dallin H. Oaks, “Saqob’resinb’il qu xb’aan li jalb’a-k’a’uxlej,” Jolomil ch’utub’aj-ib’ re abril 2019

• “El arrepentimiento mediante la expiación de Jesucristo,” sa’ li ch’ol 3 re Predicad Mi Evangelio (2019), 62–63

• “El arrepentimiento: Una gozosa elección” (video), ChurchofJesusChrist.org

Li k’utuk jo’ li Kolonel

“Lix nawom xch’ool li Kolonel kixk’e xwankilal li raatin. … Naq laa’at nakach’olob’ xyaalal li yaalil tzol’leb’, li Musiq’ej tixxaqab’ xwankil lix yaalalil li tzol’leb’ sa’ xch’ooleb’ li ani tzolb’ileb’ aab’aan” (Li k’utuk jo’ li Kolonel, 21).