Jeptōm̧ba 25

Ta Eddo ko Ad ilo Jerbal in Lo̧mo̧o̧r Eo im Mour ilo Aiboojoj eo Eutiejtata?

Aiseia 40–49

Ko̧o̧njeļ Ippān Doon

Kar tōl jān juon uwaan būreejtōnji eo an doulul eo ak kūlaaj eo; 10–-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ Ro ak Unin Tōl eo an Doulul eo an Priesthoood eo an Aron. Innem tōl juon iien ekōnono kōn jerbal in lo̧mo̧o̧r eo im mour ijo eutiejtata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe Eļap, 10.2, 11.2, ChurchofJesusChrist.org). Karōk wāween ko n̄an jerbali ta eo kom̧ kar kōnono kake.

• Mour kōn gospel eo. Ta eo jekar ekōnono kake āliktata, im ta kūr ko ak ijjitōn̄ ko rekar kōm̧m̧an? Ta eo em̧ōj ad kōm̧m̧ani n̄an kōm̧m̧an ekkar n̄an kūr im ijjitōn̄ ko?

• Kea kōn ro rej pād ilo aikuj. Ta eo jemaron̄ kōm̧m̧ane ak ba n̄an tōpar im jipan̄ ro remaron̄ en̄jake aer ajimakeke ak ettoļo̧k jān Jemedwōj Ilan̄?

• Karuwaineneik aolep n̄an bōk gospel eo. Ta jet iaan wāween ko jemaron̄ jipan̄ ro jet en̄jake iakwe eo an Jisōs Kraist?

• Kobaik baam̧le ko n̄an indeeo. Ta ļōmņak ko jemaron̄ jeere n̄an ro jet n̄an jipan̄ kōkajoorļo̧k baam̧le ko ad?

Ilo jem̧ļo̧kin katak in, n̄e ekkar, kōm̧m̧an laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak jodikdik; 25–-35 minit ko

Kōpooj Eok Make ilo Jetōb

Ej alikkar jān jeje ko rekwojarjar bwe jipan̄ ilo jerbal in an Irooj ejjab n̄an rūtto wōt. Samuel ekar juon ļaddik jidikdik ke Irooj ekar kōnono n̄an e. Meri emaron̄ kar juon jiron̄ ke juon enjeļ ekar waļo̧k n̄an e, karon̄ e bwe enaaj jinen Rilo̧mo̧o̧r. Im Josep Smith ekar 14 an iiō ke Irooj ekar kūr e n̄an kōjepļaaktok gospel eo. Kiiō epaak, Būreejtōn Russell M. Nelson ekar karuwaineneik aolep rūm̧m̧an ded ro n̄an “bōk koņaam̧ ilo jarin tariņae an jodikdik ro an Irooj n̄an jipan̄ aiintok Israel (“Hope of Israel” [worldwide youth devotional, June 3, 2018], ChurchofJesusChrist.org). Ilo m̧ool, ke Irooj ekar ba, “A kwe, Israel, rikarijera” (Aiseia 41:8), menin ekoba aolep armej in bujen ro An, ekoba ro ilo kūlaaj ak doulul eo.

Men̄e aolep bujen ko n̄an jerbal n̄an Anij ke jej peptaij, ejjab aolep rūm̧m̧an ded ro rej lo er make āinwōt rikarejeran Irooj. Remaron̄ kile wāween ko rejeņoļo̧k me remaron̄ jipan̄ kōn jerbal eo An. Kappukot eoon ko ilo Aiseia 41–44 im jekjen 1.2 ilo Bok in Bōk Meļeļe Eļap: Jerbal ilo Kabun̄ eo an Jisōs Kraist ilo Raan Ko Āliktata me emaron̄ jipan̄ jodikdik ro meļeļe ta meļeļein erom̧ rikarejeran Irooj.

Kajjojo jodikdik rejeņoļo̧k remaron̄ leļo̧k jipan̄ n̄an jerbal in lo̧mo̧o̧r eo im mour mour ijo eutiejtata.

Ekkatak Ippān Doon

Aiseia 41–44 emaron̄ jipan̄ jodikdik ro meļeļe ta meļeļein n̄an erom̧ rikarejeran Irooj. N̄an jinoe juon kōnono, Kwomaron̄ jei ioon boot eo: Aiseia 41:8–10; 42:6–7; 43:9–12; 44:21. Kajjojo armej remaron̄ bōk juon ennaan, riiti, im kwaļo̧k ta eo armej eo ej ekkatak kōn ta meļeļein n̄an erom̧ juon rikarejeran Irooj. Ilo wāween ta kōj jej rikarejeran Irooj? Ta kōjeram̧m̧an ko rej itok n̄e jej pād ilo jerbal in An? Erkein rej jet iaan wāween ko n̄an jipan̄ ro kwoj katakin er bōktok armej n̄an Kraist āinwōt jet ro rej bōk koņaer ilo jerbal eo An.

• Ro kwoj katakin er rej meļeļe ke ta in “jerbal in lo̧mo̧o̧r eo im mour ijo eutiejtata” ej? N̄an jipan̄ er, kwomaron̄ jitōn̄ er n̄an ekkatak (kajjojo ak ilo kurup ko jiddik) juon iaan m̧ōttan jekjen ko emān ilo jekjōn 1.2 in Bok in Bōk Meļeļe. Kajjojo m̧ōttan jekjōan ko rej kōm̧eļeļe juon m̧ōttan jerbal. Kajjitōk ippān jodikdik ro n̄an kejōkļo̧kjeņ kōn kajjitōk āinwōt kein: Ta ko men ko ralikkar juon armej iiō eo aō emaron̄ kōm̧m̧ane n̄an bōk koņaaō ilo m̧ōttan in eaorōk ilo jerbal in lo̧mo̧o̧r in? Ta eo kūlaaj ak doulul ko ad remaron̄ kōm̧m̧ane? Kajjojo armej ak kurup remaron̄ kwaļo̧k ta eo rekar ekkatak, ippān ļo̧k uwaak ko n̄an kajjitōk ko.

• Ro kwoj katakin er remaron̄ jeraam̧m̧an ilo aer ekkatak eļapļo̧k kōn m̧ōttan ko emen ilo jerbal in jerbal in lo̧mo̧o̧r im mour ippān Anij ilo aibojooj ilo ijo eutiejtata—mour kōn gospel eo, kea kōn ro rej aikuj, karuwaineneik aolep n̄an bōk gospel eo, im kakobaik baam̧le ko n̄an mour indeeo. Remaron̄ kālet m̧ōttan eo me rej itok limoier ilo im kappukot jet iaan itōm̧ ko me rej iookļo̧k ko rej pād ilo “Supporting Resources.” Kōtļo̧k an jodikdik ro kwaļo̧k ta eo rej lo me rej im̧we er n̄an lukkun oktak ļo̧k n̄an Irooj im jipan̄ ro jet kōm̧m̧ane ejja āindein wōt. Innem remaron̄ kōm̧m̧an karōk ko n̄an kōm̧m̧ane juon en eo me ejipan̄ kōttōprak jerbal in. Būreejtōn eo an kūlaaj eo ak doulul eo remaron̄ tōl ekōnono in.

• N̄an jipan̄ jodikdik ro kejokļo̧kjeņ kōn wāween aer maron̄ kōjerbal taļōn ko aer n̄an bōktōk jetōb ko n̄an Kraist, kwomaron̄ kajjitōk ippān kajjojo iaer n̄an ekkatak juon jekjen an ennaan eo an Elder John C. Pingree Jr. ““Ewōr juon Jerbal Ippa n̄an Kwe” (Liaona, Nob. 2017, 32–35). Remaron̄ kwaļo̧k ewi wāween ta eo rekar ekkatak emaron̄ jipan̄ juon armej eo me ejjab lukkun jeļā bwe e emaron̄ jipan̄ ilo jerbal in an Irooj. Kwomaron̄ etale ippān doon jekjen in “Lo im Kōļapļo̧k Menin Letok ko ilo Jetōb” ilo ennaan eo an Elder Pingree. Ewi wāween an Irooj jipan̄ kōj lo im kōļapļo̧k taļōn ko ad?

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Mour kōn gospel eo an Jisōs Kraist: 2 Nipai 31:17–21; 3 Nipai 27:13–21; “Following God” (pija in alooj), ChurchofJesusChrist.org

• Kea kōn ro rej pād ilo aikuj: Matu 25:34–40; Mosaia 18:8–9; “You Are the Gift” (video), ChurchofJesusChrist.org

• Karuwaineneik aolep n̄an bōk gospel eo: Matu 5:14–16; 1 Piter 3:15; “Sharing Your Beliefs” (pija in aloooj), ChurchofJesusChrist.org

• Kakobaik baam̧le ko n̄an mour indeeo: Katak im Bujen Ko 2; 128:18; “Because of James” (video), ChurchofJesusChrist.org

Teaching in the Savior’s Way

“Eļan̄n̄e jodikdik ro rej en̄jake bwe kwoj lōke er, lōke ko aer ilo maron̄ eo ekwojarjar enaaj ļapļo̧k” (Teaching in the Savior’s Way, 28).