Faufaʼa Tahito 2022
25 nō Tetepa. E aha tā tātou mau hōpoi’a i roto i te ’ohipa nō te fa’aorara’a ’e te fa’ateiteira’a ? Isaia 40–49

« 25 nō Tetepa. E aha tā tātou mau hōpoi’a i roto i te ’ohipa nō te fa’aorara’a ’e te fa’ateiteira’a ? Isaia 40–49 », Mai, pe’e mai—nō te mau pupu Autahu’ara’a a Aarona ’e te mau piha Feiā ’Āpī Tamāhine : Mau tumu parau o te ha’api’ira’a tumu – 2022 (2021)

« 25 nō Tetepa. E aha tā tātou mau hōpoi’a i roto i te ’ohipa nō te fa’aorara’a ’e te fa’ateiteira’a ? » Mai, pe’e mai—nō te mau pupu Autahu’ara’a a Aarona ’e te mau piha Feiā ’Āpī Tamāhine : Mau tumu parau o te ha’api’ira’a tumu – 2022

Hōho’a
feiā ’āpī i rāpae i te hiero

25 nō Tetepa

E aha tā tātou mau hōpoi’a i roto i te ’ohipa nō te fa’aorara’a ’e te fa’ateiteira’a ?

Isaia 40–49

Hōho’a
ītona tāu’aparau ʼāmui

Tāu’aparau ʼāmui

Arata’ihia e te hō’ē melo o te peresidenira’a pupu ’aore rā piha ; 10–20 minuti

I te ’ōmuara’a o te rurura’a, ’a tai’o ’āmui i te Parau tai’o a te Feiā ’Āpī Tamāhine ’aore rā, te Parau tai’o a te pupu Autahu’ara’a a Aarona. I muri iho, ’a arata’i i te hō’e ’āparaura’a nō ni’a i te ’ohipa nō te fa’aorara’a ’e te fa’ateiteira’a ma te fa’a’ohipa hō’ē uira’a i raro nei, ’aore rā hau atu, ’aore rā, tā ’outou iho mau uira’a (hi’o Buka arata’i rahi, 10.2, 11.2, ChurchofJesusChrist.org). ’A fa’anaho i te tahi ’ohipa nō te rave i te mea i tāu’aparauhia.

  • Ora i te ’evanelia. E aha tā tātou i ’āparau i te taime i ma’iri a’e nei, ’e e aha te mau anira’a ’aore rā te mau fa’auera’a ’ohipa i ravehia ? E aha tā tātou i rave nō te ’ohipa i ni’a i teie mau anira’a ’aore rā fa’auera’a ’ohipa ?

  • Aupuru i te feiā tei hina’aro i te tauturu. E aha tā tātou e nehenehe e rave ’aore rā, e parau nō te toro atu i te rima i te feiā e mana’o mo’emo’e ’e te ātea i te Metua i te ao ra ?

  • Ani manihini i te mau ta’ata ato’a ’ia fāri’i i te ’evanelia. E aha te tahi mau rāve’a e nehenehe ai tātou e tauturu ia vetahi ’ē ’ia ’ite i te here o Iesu Mesia ?

  • Tāhō’ē i te mau ’utuāfare ē a muri noa atu. E aha te mau manaʼo tā tātou e faʼaʼite i te tahi ʼe te tahi e ha’apūai ai i tō tātou mau ’utuāfare ?

I te hope’a o te ha’api’ira’a, mai te mea e tano, e rave i te mau mea i muri nei :

  • Fa’a’ite pāpū nō te mau parau tumu i ha’api’ihia.

  • Fa’ahamana’o i te mau melo nō te piha ’e nō te pupu nō ni’a i te mau ’ohipa i fa’anahohia ’e te mau anira’a manihini i ravehia i roto i te rurura’a.

Ha’api’i i te ha’api’ira’a tumu

Arata’ihia e te hō’ē ti’a fa’atere pa’ari ’aore rā taure’are’a ; 25–35 minuti

Fa’aineine ia ’outou iho i te pae vārua

E mea pāpū maita’i i roto i te mau pāpa’ira’a mo’a ē e ’ere te tauturura’a i te ’ohipa a te Fatu nā te mau ta’ata pa’ari ana’e. E tamaiti ’āpī ’o Samuela i te paraparaura’a te Fatu iāna. E mea pāpū ē, e tamāhine ’āpī roa ’o Maria ’a haere mai ai te melahi e fārerei iāna, ma te fa’a’ite ē, e riro ’oia ’ei metua vahine nō te Fa’aora. E 14 matahiti tō Iosepha Semita ’a pi’i ai te Fatu iāna nō te fa’aho’i-fa’ahou-mai i te ’evanelia. ’Ua ani manihini te peresideni Russell M. Nelson i te feiā ’āpī ato’a ’ia « tomo i roto i te nu’u feiā ’āpī a te Fatu nō te tauturu i te ha’aputuputura’a ia ’Īserā’ela (« Ti’aturira’a nō Ziona » [Purera’a nā te feiā ’āpī ’ati ti’a i te ao nei, 3 nō Tiunu 2018], ChurchofJesusChrist.org). ’Oia mau, i tō te Fatu paraura’a ē : « ’O ’oe, ’Īserā’ela, ’o ta’u ïa tāvini » (Isaia 41:8), ’o te tā’āto’ara’a ïa o tōna nūna’a fafauhia, ’e tae noa atu te feiā i roto i tā ’outou piha ’aore rā pupu.

Noa atu ā ’ua fafau tātou pā’āto’a e tāvini i te Atua i te bāpetizora’ahia tātou, e ’ere te mau feiā ’āpī ato’a e hi’o nei ia rātou iho ’ei mau tāvini nā te Fatu. ’Aita paha rātou e ’ite nei i te mau rāve’a ta’a ’ē roa e nehenehe ai ia rātou ’ia tauturu i tāna ’ohipa. ’A hi’o i te mau ’īrava i roto i te Isaia 41–44 ’e te tuha’a 1.2 nō te Buka arata’i rahi : Te tāvinira’a i roto i te ’Ēkalesia a Iesu Mesia i te Feiā Mo’a i te Mau Mahana Hope’a nei ’o tē nehenehe e tauturu i te feiā ’āpī ’ia māramarama i te aura’a ’ia riro ’ei mau tāvini nā te Fatu.

Hōho’a
feiā ’āpī tamāhine i rāpae i te hiero

E nehenehe tā te feiā ’āpī tāta’itahi e tauturu i te ’ohipa nō te fa’aorara’a ’e te fa’ateiteira’a.

Ha’api’i ’āmui

E nehenehe i te Isaia 41–44 e tauturu i te feiā ’āpī ’ia hāro’aro’a i te aura’a ’ia riro ’ei tāvini nā te Fatu. Nō te ha’amata i te ’āparaura’a, e nehenehe ’outou e pāpa’i i te mau fa’ahorora’a mai teie i ni’a i te ’iri pāpa’ira’a : Isaia 41:8–10 ; 42:6–7 ; 43:9–12 ; 44:21. E nehenehe te ta’ata tāta’itahi e rave mai i te hō’ē ’īrava, e tai’o i te reira, ’e e fa’a’ite mai i te mea tāna i ha’api’i mai nō te aura’a ’ia riro ’ei tāvini i te Fatu. E mea nāhea tātou ’ia riro ’ei mau tāvini nō te Fatu ? E aha te mau ha’amaita’ira’a e tae mai ’ia rave ana’e tātou i tāna ’ohipa ? Teie te tahi atu mau rāve’a nō te tauturu i te feiā tā ’outou e ha’api’i ra ’ia ’āfa’i mai i te ta’ata i te Mesia ra, ’ia fa’aitoito i te rave i tāna ’ohipa.

  • ’Ua ta’a ānei i te feiā tā ’outou e ha’api’i ra e aha « te ’ohipa nō te fa’aorara’a ’e te fa’ateiteira’a » ? ’Ei tauturura’a, e nehenehe e fa’aue ia rātou ’ia tuatāpapa (’ei ta’ata hō’ē ’aore rā ’ei pupu na’ina’i) i te hō’ē o nā tuha’a na’ina’i e maha o te tuha’a 1.2 nō te Buka arata’i rahi. E fa’ata’a mai te tuha’a tāta’itahi i te hō’ē pae o te ’ohipa. ’A ani i te feiā ’āpī ’ia feruri i te mau uira’a mai teie te huru : E aha te mau mea ta’a ’ē tā te hō’ē ta’ata nō tō’u matahiti e nehenehe e rave nō te ’āmui atu i roto i te ’ohipa nō te fa’aorara’a ? E aha tā tō tātou piha ’aore rā pupu e nehenehe e rave ? E nehenehe te ta’ata tāta’itahi ’aore rā te pupu e fa’a’ite mai i te mea tāna i ha’api’i mai, ’e tae noa atu i te mau pāhonora’a i te mau uira’a.

  • E fāna’o rahi atu ā te feiā tā ’outou e ha’api’i nei ’ia ha’api’i rātou nō ni’a i nā tuha’a e maha nō te ’ohipa nō te fa’aorara’a ’e nō te fa’ateiteira’a—te orara’a i te ’evanelia a Iesu Mesia, te aupurura’a i te feiā tei hina’aro i te tauturu, te ani-manihini-ra’a i te mau ta’ata ato’a ’ia fāri’i i te ’evanelia ’e te tāhō’ēra’a i te mau ’utuāfare ē a muri noa atu. E nehenehe tā rātou e mā’iti i te hō’ē tuha’a ’o tā rātou e ’ana’anatae ’e e hi’o haere i te tahi o te mau mea e tū’ati i te reira i roto i te « Pu’e parau ha’amāramaramara’a ». ’A vaiiho i te feiā ’āpī ’ia fa’a’ite mai i te mea tā rātou i ’ite ’o tei fa’auru ia rātou ’ia fa’afāriu rahi atu ā i te Fatu ’e ’ia tauturu ia vetahi ’ia rave ato’a i te reira. I muri iho, e nehenehe rātou e fa’anaho i te mau fa’anahora’a nō te rave i te tahi mea e tauturu i te fa’atupura’a i teie ’ohipa. E nehenehe te peresideni piha tamāhine ’aore rā te peresideni pupu autahu’ara’a e arata’i i teie ’āparaura’a.

  • Nō te tauturu i te feiā ’āpī ’ia feruri nāhea rātou e nehenehe ai e fa’a’ohipa i tō rātou mau tārēni nō te ’āfa’i mai i te mau vārua i te Mesia ra, e nehenehe tā ’outou e ani ia rātou tāta’itahi ’ia tuatāpapa i te hō’ē tuha’a o te a’ora’a a Elder John C. Pingree Jr. « E ’ohipa tā’u nā ’oe » (Liahona, Novema 2017, 32–35). E nehenehe tā rātou e fa’a’ite mai nāhea te mea tā rātou i ha’api’i mai e tauturu ai i te tahi ta’ata tei ’ore i pāpū e nehenehe tāna e tauturu i te ’ohipa a te Fatu. E nehenehe ato’a ’outou e hi’o fa’ahou i te tuha’a « ’Imi ’e fa’ahotu i te mau hōro’a pae vārua » i roto i te a’ora’a a Elder Pingree. E nāhea te Fatu i te tauturu ia tātou ’ia ’ite ’e ’ia fa’ahotu i tō tātou mau tārēni ?

Rave ma te fa’aro’o

’A fa’aitoito i te mau melo nō te piha ’aore rā nō te pupu ’ia feruri ’e ’ia pāpa’i i te mea tā rātou e rave nō te fa’a’ohipa i te mau fa’aurura’a tā rātou i fāri’i i teie mahana. Mai te mea e hina’aro rātou, e nehenehe rātou e fa’a’ite mai i tō rātou mau mana’o. E ani ia rātou ’ia feruri e nāhea te fa’a’ohipara’a i te mau mana’o tei tae mai, ’ia ha’apūai i tō rātou tā’amura’a i te Metua i te ao ra ’e ia Iesu Mesia.

Pu’e parau ha’amāramaramara’a

Ha’api’ira’a mai tā te Fa’aora

« Mai te mea e ’ite te u’i ’āpī tē ti’aturi ra ’outou ia rātou, e tupu i te rahi tō rātou ti’aturira’a ia ’outou, ’e i tō rātou iho fāito ’aravihi hanahana » (Ha’api’ira’a mai tā te Fa’aora, 28).

Nene’i