“Oktubre 23. Naisurat Kadi ti Ebanghelio iti Pusok? Jeremias 30–33; 36; Dagiti Un-unnoy 1; 3,” Umaykayo, Sumurot Kaniak—Para Kadagiti Korum ti Aaronic Priesthood ken Klase ti Young Women: Dagiti Topiko a Mainaig iti Doktrina 2022 (2021)
“Oktubre 23. Naisurat Kadi ti Ebanghelio iti Pusok?” Umaykayo, Sumurot Kaniak—Para Kadagiti Korum ti Aaronic Priesthood ken Klase ti Young Women: Dagiti Topiko a Mainaig iti Doktrina 2022
Oktubre 23
Naisurat Kadi ti Ebanghelio iti Pusok?
Agiinnuman
Idauluan ti maysa a miembro ti panguluen ti korum wenno klase; 10–20 a minuto
Iti rugi ti miting, aggigiddan a mangulit iti Tema ti Young Women wenno ti Tema ti Korum ti Aaronic Priesthood Kalpasanna idauluan ti panaglilinnawag maipapan iti aramid ti pannakaisalakan ken pannakaitan-ok nga us-usaren ti maysa wenno ad-adu pay a saludsod iti baba wenno saludsod a bukodmo (kitaen iti Sapasap a Hanbuk, 10.2, 11.2, ChurchofJesusChrist.org). Mangplano kadagiti wagas nga agtignay iti no ania ti paglilinnawaganyo.
-
Agbiag iti ebanghelio. Ania ti napaglilinnawagantayo itay napalabas, ken ania dagiti awis wenno naidutok nga aramiden a naaramid? Ania ti naaramidtayo tapno agtignay kadagitoy nga awis ken naidutok nga aramiden?
-
Aywanan dagiti agkasapulan. Ania ti maaramid wenno maisaotayo a mangtulong kadagiti mabalin a makarikna iti panagmaymaysa wenno adayo iti Nailangitan nga Ama?
-
Awisen ti amin nga umawat iti ebanghelio. Ania dagiti sumagmamano a wagas a pakatulongantayo kadagiti dadduma a makarikna iti ayat ni Jesucristo?
-
Pagkaykaysaen dagiti pamilia para iti kinaagnanayon. Ania dagiti kapanunotan a maibinglaytayo iti tunggal maysa a makatulong a mangpapigsa kadagiti pamiliatayo?
Iti ungto ti adalen, no maitutop, aramiden dagiti sumaganad:
-
Paneknekam dagiti pagbatayan a naisuro.
-
Palagipam dagiti miembro ti klase wenno korum maipapan kadagiti plano ken awis a naaramid bayat ti miting.
Isuro ti Doktrina
Idauluan ti maysa a nataengan a lider wenno agtutubo; 25–35 a minuto
Isaganam ti Bagim a Naespirituan
Imbaga ti Apo ken ni propeta Jeremias a kadagiti masungad nga aldaw, ummongennanto ti Israel ket mangaramid iti “baro a katulagan” kadagiti taona. Impakdaarna, “Isaadkonto ti lintegko iti unegda, ken isuratkonto iti pusoda; ket siakto ti Diosda, ket isudanto dagiti taok” (kitaen iti Jeremias 31:31–34). Ita nga aldaw dagita nga aldaw, ket datayo dagiti tao ti Dios. Dagitoy a pannursuro ti mabalin a mangiparikna kenka—ken kadagiti sursuruam—a mangsaludsod iti, Ania ti kayat a sawen ti ebanghelio a maisurat iti pusok? Naisurat kadi ti ebanghelio iti pusok? No saan, ania ti maaramidko maipapan iti daytoy?
Ibilangmo no kasano a matulongamto dagiti miembro ti klasem wenno korummo a mangutob kadagitoy a saludsod para iti bagbagida. Tapno agsagana a mangisuro, mabalin masarakam dagiti mensahe nga ibinglay manipud iti Jeremias 30–33; 36; manipud iti mensahe ni Presidente Russell M. Nelson iti “Bay-an nga Agballigi Dios” (Liahona, Nob. 2020, 92–95); ket manipud iti mensahe ni D. Todd Christofferson a “When Thou Art Converted” (Liahona, Mayo 2004, 11–13).
No ayatentayo ti Apo ket agkalikagum nga agsursuro maipapan Kenkuana, maisuratto ti ebanghelio iti puspusotayo.
Aggigiddan a Masursuruan
Allukoyem dagiti agtutubo a mangilawlawag iti Jeremias 31:31–34. Tapno maaramid daytoy, mabalin nga ikkam ida kadagiti papel a sinanpuso iti sumagmamano a saludsod a naisurat kadakuada maipapan iti no ania ti kaipapanan ti ebanghelio iti puspusotayo, kas kadagiti masarakan iti “Isaganam ti Bagim a Naespirituan.” Ti panagtrabaho a saggaysa, iti kada paris, wenno iti babassit a grupo, mabalin a basaen dagiti agtutubo dagitoy a bersikulo manipud iti Jeremias ket utoben no kasano ti panangsungbatda kadagiti saludsod. Paibinglay kadakuada dagiti saludsod ken sungbat a napanunotda. Iti baba ti ad-adu pay a kapanunotan a makatulong kenka a mangisuro kadagiti agtutubo maipapan iti no kasano a maisurat ti ebanghelio iti puspusoda.
-
Idi nangted ni Moises iti sumagmamano a maudi a pannursurona kadagiti Israelite, ginuyugoyna ida nga umawat kadagiti balikas ti Dios iti puspusoda. Kasta met nga insurona kadakuada ti sumagmamano a wagas a mabalinda nga aramiden daytoy, kas masarakan iti Deuteronomio 6:3–9. Kas maysa a klase wenno korum, aggigiddan a mangbasa kadagitoy a bersikulo ket paglilinnawagan dagiti wagas a mabalintayo nga aramiden no ania ti imbalakad ni Moises. Para iti sumagmamano a kapanunotan, mabalin a buyaen ti klasem wenno korummo ti video “Come, Follow Me: These Words” (ChurchofJesusChrist.org Mabalin met nga adalenda ti Alma 5:14, 26–35 a mangsapsapul iti no ania ti insuro ni Alma maipapan iti no kasano a pagtalinaedentayo ti ebanghelio a nakasurat iti puspusotayo.
-
Iti mensahena a “When Thou Art Converted,” inladawan ni Elder D. Todd Christofferson no ania ti maaramidtayo a nakasurat ti ebanghelio iti puspusotayo. Ania ti masursurotayo manipud iti umuna nga uppat a parapo maipapan iti no ania ti kaipapanan ti ebanghelio a nakasurat iti puspusotayo? Mabalinmo nga awisen ti tunggal agtutubo a mangbasa iti maysa wenno ad-adu pay a nabati a parapo ken mangsapul iti no ania ti nasken nga aramidentayo para iti daytoy a mapasamak. Ania ti papel nga akmen ti Mangisalakan? Ania ti akem nga aramidentayo? Allukoyem dagiti agtutubo a mangibinglay kadagiti sungbatda, kasta met dagiti dadduma pay a nalawag a pannakaammo ken pannakaawat nasarakanda. Ania dagiti padas a nakatulong kadatayo nga adda ti ebanghelio a naisurat iti puspusotayo? Ania ti papel nga akmen ti panagtungpal kadagiti katulagantayo iti daytoy a proseso?
-
Inlawlawag ni Presidente Russell M. Nelson a ti balikas nga Israel “maitudo iti maysa a tao a siaayat a mangpalugod iti Dios nga agballigi iti biagna”(“Let God Prevail,” 92). Mabalinmo nga awisen dagiti agtutubo a mangsukisok iti umuna nga innem a parapo ti mensahe ni Presidente Nelson ken ti maudi a paset ti mensahe a mangrugi iti “Dagiti saludsod para iti tunggal maysa kadatayo.” Kiddawem kadakuada a mangsapul iti maysa a banag a makatulong kadakuada a makaawat no ania ti kayat a sawen ti “mangpalugod iti Dios nga agballigi” iti biagna. Kasano ti rikna ken tignaytayo no agballigi ti Dios iti biagtayo? Ania ti insuro ni Presidente Nelson maipapan no kasano a ti kaadda iti ebanghelio a naisurat iti puspusotayo ket mangapekto kadagiti panagkagumaantayo a mangummong iti Israel?
Agtignay iti Pammati
Allukoyem dagiti miembro ti klase wenno korum a mangutob ken mangisurat no anianto ti aramidenda nga agtignay kadagiti impresion nga inawatda ita nga aldaw. No kayatda,mabalinda nga ibinglay dagiti kapanunotanda. Awisem ida a mangpanunot maipapan no kasano a ti panagtignay kadagiti impresionda ti mangpapigsanto kadagiti relasionda iti Nailangitan nga Ama ken ni Jesucristo.
Dagiti Pangsuporta a Resources
-
Henry B. Eyring, “Write upon My Heart” (Liahona, Nob. 2000, 85–87)
-
Linda K. Burton, “Is Faith in the Atonement of Jesus Christ Written in Our Hearts?” (Liahona, Nob. 2012, 111–15)
Panangisuro iti Wagas ti Mangisalakan
“Ti doktrina a masarakan kadagiti nasantuan a kasuratan ken balikas dagiti propeta iti ud-udina nga aldaw ket addaan iti bileg a mangbalbaliw kadagiti puspuso ken mangpapigsa iti pammati. No sika ken dagiti sursuruam ket ‘padasenyo ti saguday ti balikas ti Dios,’ matakuatanyonto nga addaan daytoy iti ‘dakkel a pigsa a mangiturong kadagiti tao nga agaramid [iti] maikanatad’ (Alma 31:5)” (Panangisuro iti Wagas ti Mangisalakan, 5).