Nobiembre 13

Kasano a Makaawatak iti Panangibukbok ti Espiritu ti Apo?

Oseas 1–6; 10–14; Joel

Agiinnuman

Idauluan ti maysa a miembro ti panguluen ti korum wenno klase;10–20 a minuto

Iti rugi ti miting, aggigiddan a mangulit iti Tema ti Young Women wenno ti Tema ti Korum ti Aaronic Priesthood. Kalpasanna idauluan ti panaglilinnawag maipapan iti aramid ti pannakaisalakan ken pannakaitan-ok nga us-usaren ti maysa wenno ad-adu pay a saludsod iti baba wenno saludsod a bukodmo (kitaen iti Sapasap a Hanbuk, 10.2, 11.2, ChurchofJesusChrist.org). Mangplano kadagiti wagas nga agtignay iti no ania ti paglilinnawaganyo.

• Agbiag iti ebanghelio Ania dagiti nabiit pay a padas a nangpapigsa kadagiti pammaneknektayo?

• Aywanan dagiti agkasapulan. Asino ti agkasapulan iti tulong ken karkararagtayo? Ania ti mariknatayo nakaawisan ti rikna tayo a makatulong kadakuada?

• Awisen ti amin nga umawat iti ebanghelio. Kasano a makapagbalintayo a silaw kadagiti miembro ti pamilia wenno gagayyem a saan a kapada ti pammatitayo?

• Pagkaykaysaen dagiti pamilia para iti kinaagnanayon. Kasano a maipakitatayo ti ad-adu pay nga ayat ken suporta para kadagiti pamiliatayo ken makaaramid iti positibo a pakaidumaan kadagiti pagtaengantayo?

Iti ungto ti adalen, no maitutop, aramiden dagiti sumaganad:

• Paneknekam dagiti pagbatayan a naisuro.

• Palagipam dagiti miembro ti klase wenno korum maipapan kadagiti plano ken awis a naaramid bayat ti miting.

Isuro ti Doktrina

Idauluan ti maysa a nataengan a lider wenno agtutubo; 25–35 a minuto

Isaganam ti Bagim a Naespirituan

Saan a mapagduaduaan nga agbibiagtayo iti maysa a panawen ti panagduadua ken buteng. Inladawan ti propeta iti Daan a Tulag a ni Joel ti panawentayo—ti aldaw ni Jehova”— kas “maysa nga aldaw ti kinasipnget” ken “naindaklan ken nakaam-amak” (Joel 2:1–2, 11). Ngem a saan a kaipapanan dayta nga awan namnama dagiti aldawtayo. Ibilang daytoy a kari ni Elder Dieter F. Uchtdorf: “Nupay no dadduma mabalin a mariknatayo a naitanemtayo kadagiti pannubok ti biag wenno napalikmutan iti emosional a kasipngetan, ti ayat ti Dios ken dagiti bendision ti naisubli nga ebanghelio ni Jesucristo ti mangisangbayto iti maysa a banag a di maarapaap nga agsulbod” (“God Will Do Something Unimaginable,” Liahona, Nob. 2020, 52).

Isu a no madlawmo ti sipnget ken liday ti panawentayo, laglagipem nga inkari ti Apo nga adda pay dagiti naindaklan—uray saan a maarapaap—a bendision: “Ibukbokkonto ti espirituk iti amin a lasag; ket agipadtonto dagiti annakyo a lallaki ken babbai(Joel 2:28; kitaen met iti Joseph Smith—Pakasaritaan 1:41). Kitaem dagiti masinunuo a kari nga ibukbokto ti Espiritu ti Dios kadagiti agtutubo a lallaki ken agtutubo a babbai. Apay a mariknam a napateg a maawatan dagiti sursuruanyo dayta? Utobem daytoy a saludsod bayat ti panangbasam iti Joel 2 ken ti mensahe ni Elder Uchtdorf a mensahe iti panagsaganam a mangisuro.

Inkari ti Apo a kadagiti maudi nga aldaw, ibukboknanto ti Espirituna, ken “agipadtonto dagiti annakyo a lallaki ken annakyo a babbai” (Joel 2:28).

Aggigiddan a Masursuruan

Tapno matulongan dagiti sursuruam a nasaysayaat a makaawat iti Joel 2:28–29, mabalinmo ti mangikabil iti maysa a banag iti maysa a malukong ket paibukbokmo iti maysa a tao ti danum iti daytoy. Kasano a makatulong daytoy kadatayo a makaawat no ania ti kayat a sawen para iti Apo ti “ibukbok ti espiritu[na] iti amin a lasag”? Kasano a maipatpatungpal ti padto iti Joel 2:28–29 ? Adtoy ti sumagmamano a kapanunotan a makatulong kadagiti agtutubo a nasaysayaat a makaawat no kasano nga ibukbukbok ti Apo ti Espirituna iti agdama.

• Isurat dagiti nasantuan a kasuratan ti adu a pagarigan idi imbukbok ti Apo ti Espirituna kadagiti taona. Ti panangrebyu iti sumagmamano kadagitoy ket makatulong kadagiti agtutubo a makaawat a nasaysayaat no kasano ti umawat iti panangibukbok iti Espiritu ti Dios iti biagda. Ibilang ti panangidrowing iti pisarra iti maysa a dakkel a pitser nga agibukbukbok iti danum ken panangidawat iti tunggal maysa wenno iti babassit a grupo a mangbasa iti maysa wenno ad-adu pay kadagiti binatog ti nasantuan a kasuratan iti “Dagiti Pangsuporta a Resources.” Mabalinda nga isurat iti pisarra iti lawlaw ti pitser no ania ti inaramid dagiti tao iti binatog ti nasantuan a kasuratanda tapno maibukbok ti Apo ti Espirituna ken kasta met nga ania dagiti bendision a simmaruno. Kaano a nariknatayo ti panangliwliwa, panangtarabay, wenno panangdalus ti Espiritu kadatayo?

• Mabalinmo nga isurat dagitoy a balikas manipud ken ni Elder Dieter F. Uchtdorf iti pisarra: “Adda maysa a banag a di maarapaap iti panunot para kadakayo a personal ken ti Simbaan a kas ragup—maysa a datdatlag nga aramid ken pagsidsiddaawan” (“God Will Do Something Unimaginable,” 53). Ibilang ti panangidawat kadagiti agtutubo a mangsapul iti mensahe ni Elder Uchtdorf mensahe para kadagiti di maarapaap a bendision nga inted ti Dios kadagiti tao iti nasantuan a kasuratan kalpasan dagiti panawen ti rigat. Ania ti insuro ni Elder Uchtdorf nga aramidentayo tapno makaaramidtayo kadagiti nasayaat a pangngeddeng no maipasangotayo iti rigat? Awisem dagiti agtutubo a mangilista kadagiti banag a “di maarapaap” a mabalin a pampanunoten ti Dios para kadatayo. Awisem dagiti sursuruam a mangutob no ania ti natallugod nga aramidenda tapno maawat dagitoy a bendision.

• Ibilang ti panangipabuya iti video a “President Nelson: Hear Him—Personal Revelation” (ChurchofJesusChrist.org). idawatmo kadagiti agtutubo a dumngeg kadagiti nalawag a pannakaawat maipapan iti no kasano a makisao ti Espiritu kadatayo ken no kasano a bendisionanna ti biagtayo. Mabalinda pay nga irebyu ti mensahe ni Presidente Russell M. Nelson a “Revelation for the Church, Revelation for Our Lives” (Liahona, Mayo 2018, 93–96).). Kiddawem kadakuada a mangsapul kadagiti sungbat kadagiti saludsod kas kadagitoy: Kasano a sinapul ken inawat ni Presidente Nelson dagiti pannignay ti Espiritu? Ania ti masursurotayo manipud ken ni Joseph Smith maipapan iti kinatallugod ti Dios a makisao kadagiti annakna? Ania ti impaganetget ni Presidente Nelson nga aramidentayo? Isaritam kadagiti agtutubo maipapan iti maysa a panawen idi nariknam ti Apo a mangiibukbukbok iti Espirituna. Awisem ida a mangutob kadagiti padasda no mariknada ken, no komportableda, ibinglayda.

Agtignay iti Pammati

Allukoyem dagiti miembro ti klase wenno korum a mangutob ken mangisurat no anianto ti aramidenda nga agtignay kadagiti impresion nga inawatda ita nga aldaw. No kayatda, mabalinda nga ibinglay dagiti kapanunotanda. Awisem ida a mangpanunot maipapan no kasano a ti panagtignay kadagiti impresionda ti mangpapigsanto kadagiti relasionda iti Nailangitan nga Ama ken ni Jesucristo.

Dagiti Pangsuporta a Resources

• Dagiti Aramid 2:1–6, 14–21; Jacob 7:1–8; Mosiah 4:1–3, 19–20; 18:7–11; Alma 19:14, 28–36; Helaman 6:34–36; Doktrina ken Katulagan 19:37–41

Panangisuro iti Wagas ti Mangisalakan

“Kas nayon iti panangisuro kadagiti agad-adal a mangrikna ken mangbigbig iti Espiritu, tulongan ida nga agtignay a maibatay kadagiti pannignay nga awatenda” (Panangisuro iti Wagas ti Mangisalakan,10.)