Tadra nei Liai, mai vei Steven Lloyd Neal

15–21 ni Janueri: “Lako Mai ka Kania na Vuanikau.”

1 Nifai 6–10

Na tadra nei Liai—kei na kena titoko kaukamea, na kabu ni butobuto, na vale levu ka vakaitamera, kei na vunikau e “kamica duadua” na vuana—e veisureti veivakauqeti meda ciqoma na veivakalougatataki ni loloma kei na veisorovaki ni iVakabula. Kivei Liai, na tadra talega oqo e baleta na nona vuvale: “Ka raica, ena vuku ni veika au a raica, sa dodonu me’u marau kina vua na Turaga ena vukui Nifai kei Semi talega. … Ia raica, Leimani kei Lemueli, au sa ririko vakalevu ena vukumudrau” (1 Nifai 8:3–4). Ni sa oti na nona vakamacalataka o Liai na nona tadra, e vakamasuti Leimani kei Lemueli me “rau muria na nona vosa, de na qai lomani rau kina na Turaga” (1 Nifai 8:37). Kevaka madaga o sa vulica vakavica vata na raivotu nei Liai, gauna oqo vakasamataka mada me vakataki Liai—vakasamataka e dua o daulomana. Ni o kitaka vakakina, na veitaqomaki ni tautauri kaukamea, na rerevaki ni vale levu ka vakaitamera, kei na kamikamica ni vuanikau ena vakavoutaki na kena i balebale. O na qai kila vakavinaka cake vakatitobu na “veikauwaitaki taucoko vakaitubutubu dau loloma” ka ciqoma na tadra vakasakiti oqo.

Vakasama eso ni Vuli ena iTikotiko kei na Lotu

1 Nifai 7:6–21

Au rawa ni vosoti ira na tamata.

Na cava e vakauqeti iko me baleta na ivakaraitaki nei Nifai ena 1 Nifai 7:6–21? E vakalougatataki vakacava na noda vuvale nida “[vei]vosoti dina sara”? Na vidio “The Lord Delivers Nephi from His Rebellious Brothers” (Gospel Library) ena rawa me vukea na nomu vuli.

1 Nifai 8

Niu ququmi matua ki na vosa ni Kalou ena liutaki au vua na iVakabula ka vukei au meu vakila na Nona loloma.

Na raivotu nei Liai e veisureti mo raica na vanua o lakova tiko ena nomu sasaga vakai iko mo vakataki Karisito. E kaya o Peresitedi Boyd K. Packer: “O sa tiko kina; eda sa tiko kece kina. Na tadra se na raivotu nei Liai me baleta na itautauri kaukaumea sa tiko kina na veika kece … e gadreva e dua na Yalododonu Edaidai me kila vinaka cake na veivakatovolei ni bula” ( (“Lehi’s Dream and You,” New Era, Janu. 2015, 2).

Ni o vuli tiko, sa rawa mo vakalewena e dua na ituvatuva me vakaoqo.

Na ivakatakilakila mai na raivotu nei Liai	Kena ibalebale	Taro me vakasamataki vakatitobu
Na ivakatakilakila mai na raivotu nei Liai Na vunikau kei na vuana (1 Nifai 8:10–12)		Taro me vakasamataki vakatitobu Na cava au sa cakava tiko meu sureti ira na tani me ra vakaivotavota ena loloma ni Kalou?
Na ivakatakilakila mai na raivotu nei Liai Uciwai (1 Nifai 8:13)
Na ivakatakilakila mai na raivotu nei Liai iTautauri kaukamea (1 Nifai 8:19–20,30)
Na ivakatakilakila mai na raivotu nei Liai Kabu ni butobuto (1 Nifai 8:23)
Na ivakatakilakila mai na raivotu nei Liai Vale levu ka vakaitamera (1 Nifai 8:26–27,33)

E rawa talega ni o vakasaqara na veitikina oqo mo vulica kina e va na ilawalawa tamata a raica o Liai: 1 Nifai 8:21–23, 24–28, 30, kei na 31–33. Na duidui cava o raica vei ira na ilawalawa oqo? Na cava na vuna era biubiu kina eso na tamata ena gauna era sa yacova kina na vunikau ka tovolea na vuanikau (raica na tikina e 24–28)? Na cava o vulica rawa mai na veika a yaco oqo?

Raica talega na Kevin W. Pearson, “Tu e Yasa ni Vunikau,” Liaona, Me 2015, 114–16; “Lehi Sees a Vision of the Tree of Life” (vidio), Gospel Library.

Me ra qai wasea na vuli na veika era sa dui kunea. Vakasamataka mo sureti ira na vuli me ra vakasaqara vakataki ira na ivolanikalou me baleta na dina era kunea. Me ivakaraitaki, e rawa ni o sureti ira me ra vakasaqaqara ena tiki ni ivolanikalou ena ituvatuva vakataki ira ga se vakailawalawa lalai. Era na nanuma ka vakamareqeta na dina era sa kunea.

Wa Matau, mai vei Kelsy kei Jese Barrett

1 Nifai 10:2–16

Era kila me baleta nai lesilesi i Jisu Karisito o ira na parofita ni gauna makawa ka ra vakadinadinataki Koya.

Na cava o nanuma e vinakata kina na Turaga na matavuvale nei Liai—kei keda kece—meda kila na dina e tiko ena 1 Nifai 10:2–16? Vakasamataka na sala e rawa ni o vukei ira kina na nomu daulomani me ra sureta na iVakabula ki na nodra bula.

1 Nifai 10:17–19

Ena vakatakila vei au na Kalou na dina ena kaukauwa ni Yalo Tabu. 

Na cava o na tukuna ni kerei mo bulataka e dua na ivakavuvuli ni kosipeli o sega ni kila vinaka? Ena ivolanikalou e tarava, raica kina na duidui ni veika a kaya o Nifai ena raivotu nei Liai (raica na 1 Nifai 10:17–19; 11:1) kei na nodrau sauma o Leimani kei Lemueli (raica na 1 Nifai 15:1–10). Na dina cava soti a kila o Nifai ni a muataki koya me cakava na ka a cakava?

Ni da vakananuma tiko na ivakaraitaki nei Nifai, cakava e dua na ituvatuva ni ivakavuvuli ni kosipeli o na via kila vakavinaka cake. Na cava o rawa ni cakava mo kunea kina na isaunitaro me baleti iko ga? (Raica talega na “Na Dina ena Sereki Iko” ena Me iSakisaki ni iTabagone: Na iDusiudusi ni Lewa ni Digidigi, 30–33.)

Me vaka ga ni a kila vakataki koya o Nifai ni dina na vosa nei tamana, sa rawa me da vakakina ni da rogoca na nodra vosa na parofita kei na iapositolo ena gauna oqo. Na cava era vakavulica vei keda na parofita kei na iapositolo ena koniferedi raraba sa oti? O sa rawata vakacava e dua na ivakadinadina ni veika era sa vakavulica?

Raica talega na 1 Nifai 2:11–19; Vunau kei na Veiyalayalati 8:1–3; “Search, Ponder, and Pray,” Nodra Sere na Lalai, 109; Gospel Topics, “Revelation,” Gospel Library.

Me baleta na vakasama tale eso, raica na ilavelave ni vula oqo ni Liaona kei na mekasini Me iSakisaki ni iTabagone.

Vakasama baleta Nodra Tuberi na Gonelalai

1 Nifai 8

Na vosa ni Kalou e kauti au vua na Kalou ka vukei au meu vakila na Nona loloma.

• E rawa ni ra marautaka na luvemuni me ra droinitaka e dua na iyaloyalo ni tadra nei Liai ni o ni wilika vata na 1 Nifai 8 . Me ra wasea na nodra iyaloyalo, ka vukei ira me ra kunea na ivakatakarakara ena tadra e matataki kina (raica na 1 Nifai 11:21–22; 12:16–18; 15:23–33, 36 kei na tabana ni itaviqaravi ena macawa oqo). Kerei ira me ra wasea na levu ga ni isaunitaro ena rawata ena taro oqo: Na cava eda vulica mai na tadra nei Liai?

• E tiko beka e dua na ka e rawa ni matataka na itautauri kaukamea ena tadra nei Liai, me vaka e dua na paipo se kau? Kerei ira na gone me ra taura toka ni o liutaki ira wavoki ena rumu ki na dua na iyaloyalo ni iVakabula. Na cava sa rui bibi kina na itautauri kaukamea ena tadra nei Liai? (Raica na 1 Nifai 8:20–24, 30). E tautauvata vakacava na itautauri kaukamea ki na vosa ni Kalou.

• Sureti ira eso na gone me ra wilika na 1 Nifai 8:10–12 ka vakamacalataka na ka a raica o Liai. Kerei ira tale eso me ra wilika na 1 Nifai 11:20–23 ka vakamacalataka na ka a raica o Nifai. Na cava e vakaraitaka kina vei Nifai na agilosi na gonelailai ko Jisu me vakavulica vua baleta na loloma ni Kalou? Veitalanoa vata kei ira na luvemuni me baleta na sala era sa vakila kina na loloma ni Kalou ena nodra bula. E dua na sere me vakataka na “I Feel My Savior’s Love” (Nodra Sere na Lalai, 74–75) ena vukea nodra vakasamataka na ivakaraitaki eso.

1 Nifai 10:17–19; 11:1

Ena vakatakila vei au na Kalou na dina ena kaukauwa ni Yalo Tabu.

• O na vukei ira vakacava na luvemu me ra kila na veika e vakavulica o Nifai ena 1 Nifai 10:19? Sa rawa mo lobika e dua na iyaloyalo ni iVakabula se dua tale na ka digitaki ena loma ni dua na itutuvi ka sureti ira na luvemu me ra tevuka. Ni o wilika na 1 Nifai 10:19, e rawa ni ra laveta na ligadra ni ra rogoca na vosa “tevuki” kei na “Yalo Tabu.” Sa rawa ni o qai wasea e dua na gauna a vukei iko kina na Yalo Tabu mo kunea na dina.

• Kerei ira na luvemu me ra tukuna na sala e rawa ni ra kunea kina na isau ni dua na taro. Na cava beka ena kaya o Nifai kevaka e dua e tarogi koya me laurai vakacava na isau ni dua na taro baleta na kosipeli? Vakayaloqaqataki ira na gone me ra raica ena nodra wilika na 1 Nifai 10:17–19; 11:1.

• Era sa bau vakila mada na luvemu ni a vukei ira na Yalo Tabu me ra kila ni dina e dua na ka? Me ra qai wasea na ka era sotava. Na cava eda rawa ni kaya vua e dua na itokani e nanuma ni sega ni rawa ni ciqoma na isaunitaro mai vua na Yalo Tabu. Na cava eda sa kunea rawa ena 1 Nifai 10:17–19 kei na 11:1 e rawa ni vukea na itokani oya?

Me baleta na vakasama tale eso, raica na ilavelave ni vula oqo ena mekasini na iTokani .

Na Vunikau ni Bula, mai vei Avon Oakeson