Kamatataan tamnein Nibwaai inanon ana onaroka ae te taua iroun Jerry Thompson

Tebetembwa 2–8: “Uringa te Uea”

Ereman 7–12

Taman Nibwaai, ae Ereman, e kaumakiia natina mwaane bwa a na “uringnga, uringnga.” Te tangiriia bwa a na uringiia aia bakatibu, uringa aia taeka burabeti, ao ae kakawaki riki n uringa “ara Tia Kabooira, are Kristo” (taraa Ereman 5:5–14). E mataata raoi bwa e uringnga Nibwaai ibukina bwa aio te rongorongo naba are e katanoata n ririki ake imwiina “ma te aki kua” nakoia ana aomata” (Ereman 10:4). “O kam kanga ni mwaninga taekan Atuami?” e titiraki (Ereman 7:20). Ana mwakuri ni kabane Nibwaai—ni kabwarabwara, tataro, karaoi kakai, ao ni bubutia te Atua ibukin te rongo—bon kakatai ake e buokiia iai aomata n rairaki nakon te Atua ao n Uringnga. N aro aika bati, mwanuokan te Atua bon te kanganga ae bubura riki nakon aki Kinakina. Ao e kai mwanuokinaki ngkana a katabeaki ara iango man “bwain te aonaaba aio ae akea manenaia” ao ni kaonaki ma te bure (Ereman 7:21; taraa naba Ereman 12:2). Ma, ngke e a kaoti ana ibuobuoki Nibwaai, e bon aki kona ni iremwe uringakina ao “n rairaki … nakon te Uea ae Atuam” (Ereman 7:17).

Iango ibukin Reiakinana n te Mweenga ao n te Taromauri

Ereman 7-11

Burabeti a kaota nanon te Atua nakoia aomata.

Helaman 7–11 bon te tabo ae nakoraoi ibukin reiakinana bwa tera ae a karaoia burabeti. Ngkana ko wareki kabanean kibuntaeka n taian areru aikai, iangoi bukina ngkai ko na riai ni kamoamoaa te Uea. E na kanga ana ibuobuoki Nibwaai ni buokiko ni kaotako riki n tabeia burabeti? Aikai tabeua katooto. Tera riki ae ko kunea?

• Ereman 7:17–22: Burabeti a takaruaea te rairannano ao ni kauring boon mwiin te bure.

• Ereman 7:29; 9:21–36:

• Ereman 8:13–23:

• Ereman 10:7:

• Ereman 10:4–7, 11–12:

Ni boboto iaon ae ko a tia ni warekia, ko na kanga ni kabwarabwara bwa tera te burabeti ao tera ae e kakaraoia? Iangoia bwa kona korea kabwarabwarana ae kimototo. Ngkanne nooria bwa tera ae ko kona ni manga raonna iai am kabwarabwara imwiin warekan te mwakoro ibukin “Burabeti” inanon te Kairi nakon Koroboki aika Tabu (Gospel Library) ke “Follow the Living Prophet” (Teachings of Presidents of the Church: Ezra Taft Benson [2014], 147–55).

Ko noora ae kanga e rangi ni matoa Nibwaai n Ereman 7:11–29? E aera ngkai ko namakina bwa n tabetai a riai n taetae burabeti ni matoatoa n aron Nibwaai? Iangoia bwa kona kakaei kaeka man te mwakuri ae atuunaki n “Tai Kubanako” n ana rongorongo Unimwaane Neil L. Andersen “Ana Burabeti te Atua” (Riaona, Meei 2018, 26).

Ma koaua aikai n am iango, iangoia inanom aron te Uea ni kakabwaiako rinanon aia mwakuri Ana burabeti. Tera ae E a tia n reiakiniko ngkai rinanon ara burabeti ae maiu? Tera ae ko karaoia ni kakauongo nakon ao n irii ana kaetieti?

Tarai naba Gospel Topics, “Prophetstopics.ChurchofJesusChrist.org.

Ereman 9; 10:1, 12–15

Au onimaki iroun Iesu Kristo e riai ni kateaki iaon riki kanikinaa ao kakai.

Ngkana kanikinaa ke kakai a tau ni bita nanon te aomata, ngkanne a na bon bane n tia n rairaki ni kabane Nibwaite man te kanikinaa ae kamiimi ae anga Nibwaai n Ereman 9. Ma e aki riki anne. Kataia noorii kawai aika kakaokoro ake a karaoia aomata ngke a ataa te kakai inanon Ereman 9–10. Te katooto, ko kona n kabotaua te kaeka mai irouia mwaane ake niman ao taan moti inanon Ereman 9:1–20 (taraa naba Ereman 9:39–41; 10:12–15). Tera ae ko reiakinna man taneiai aikai bwa ko kanga n kakorakora am onimaki iroun Iesu Kristo?

Taraa naba 3 Nibwaai 1:22; 2:1–2.

Ereman 10:1–12

Te Uea e anga te korakora nakoia te koraki ake a ukora Nanona ao a keiaki mwaaka ni kawakin Ana tua.

Ngkai ko kamatebwaia Ereman 10:1–12, taraia bwa tera ae e karaoia Nibwaai ni karekea te onimakinaki iroun te Uea. E kanga Nibwaai ni kaotia bwa e ukoukora ana kaantaninga te Uea nakon are bon ana kaantaninga? Tera ae e kaungako ana taneiai Nibwaai bwa kona karaoia?

Ereman 10:2–4

Karauan iangoakin ana taeka te Atua e karekea te kaotioti.

Ngkana ko a tia n namakina te rawawata, te ingainga, ke te nanououa, ko na reiakina te reirei ae kakawaki man ana katooto Nibwaai n Ereman 10:2–4. Tera ae karaoia ngke e namakinna bwa e “bwaka inano”? (te kibu 3).

E kabwarabwara Beretitenti Henry B. Eyring, “Ngkana ti iango, ti kaoa te kaotioti man te Tamnei.” (“Serve with the Spirit,” Riaona, Nobembwa 2010, 60). Ko na kanga ni karekea te katei n iango?

Ereman 12

Te Uea e tangirai bwa N na Uringnga.

Ko kanga n uringii rongorongo aika rangi ni kakawaki—n aron ana bongi ni bung temanna kain am utu ke tao rongorongo ibukin te ukeuke? E kangaa aei n titebo ma te kekeiaki are e kainnanoaki n “uringa te Uea”? (Ereman 12:5). E kangaa ni kaokoro?

Ereman 12 e kabwarabwarai tabeua bwaai ake e kona n karika te aomata bwa e na mwaninga taekan te Uea. Tao ko kona n karinanna rikaaki ao n karaua n iangoia inanom bwa tao a kona naba n kairiko nako naba mai Irouna. Tera ae buokiko n uringa Iesu Kristo? Tera ae ko kaungaaki bwa kona karaoia n ineti ma te bwai ae ko a tia n reitakinna?

Taraa naba Reirei ao Berita aika Tabu 20:77, 79; “Reverently and Meekly Now,” Anene n Taromauri, nambwa 185.

Kabonganaa te reirei ma bwaai ni kabotau. Te Tia Kamaiu e aki toki n kabotauii bwaai aika ti karaoi ni katoa bong ma reirein te euangkerio ake ti bon taneiai iai. Inanon tain reiakinan ke n reirei iaon Ereman 12:1–6, ko kona n kabotaua bwa “aki teimatoan nanoia … aomata” kanga aiaron ae ti kataia n te iaon waera ae ti te aina. Ti na kanga n tiku n teimatoa n te tamnei?

Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

Ereman 7:20–21

E tangirai te Uea bwa N na uringnga.

• Ni moana te marooro iaon uringakin te Uea, ko kona ni karakina te tai teuana ngke iai te bwai ae ko mwaninga ae kakaawaki. Anganiia te tai bwa ana tibwauaa naba aia taneiai n aron are ko tibwauaia. Ikotaki wareka Ereman 7:20–21 ao titirakiniia ataei bwa tera n aia iango ae nanonaki ni mwaninga taekan te Atua. Tao a kona am ataei n korea tamnei iaon bwaai ake a kona n karikiira bwa tina mwaninga taekan te Uea ao kabonganai aia tamnei bwa ana rabuna tamnein Iesu. Ao a kona ni manga iangoi bwaai ake a kona ni karaoi bwa aonga n Uringnga. Ngkai a tibwai aia iango, a kona n anai tamnei teuana imwiin teuana ni karokoa e kaoti tamnein te Tia Kamaiu.

Ereman 8:13–23

Burabeti a kakoaua ibukin Iesu Kristo.

• Buokiia am ataei n ukora Motiaea 8:13–23 ni kakaea araia burabeti ake a reirei n tibwaua taekan Iesu Kristo. Tao a kona n kabutia inanon am mronron tamnei Iesu ni katoa tai a kunea teuana. Tera ae ea tia n reireiniira ara burabeti ae maiu i aon te Tia Kamaiu?

• Kam kona naba n ikotaki n anenea te anene ibukin te burabeti, n aron “Follow the Prophet” (Aia Boki n Anene Ataei,, 110–11). Tao ngkoe ke bon am ataei a kona n katebenakoa te kibuntaeka man te anene ao korea teuana te taeka man te kibuntaeka anne ni katoai beeba ake iai mwaneka iai. Ngkanne a kona ni kawenei mwaneka iaon te timanti are e kaineti nakon tamnein te Tia Kamaiu, ao am ataeie a kona n iiri mwaneka akanne nakon te tamnei. E kanga iriirakin te burabeti n kairiira nakon Iesu Kristo?

Ereman 10:1–4

Iangoakin ana taeka te Atua e karekea te kaotioti.

• Buokiia ataei n ota n te bwai ae nanonaki n iangoia raoi, kam kona ni uaia n warekia “Iangoia Raoi” inanon Bwai ni Kairi nakon Koroboki aika a tabu (Gospel Library). Tera taeka tabeua ae e kuri n titebo nakon karaua iangoia? Tao kam kona ni wareka Ereman 10:1–3 n ikotaki ao n onea mwiin te taeka ae iangoia raoi ma taeka akanne. Marooro ma am ataei iaon kawai ake a kona ni karika te karaurau ni iango bwa mwakoron kamatebwaian koroboki aika tabu.

Ereman 10:11–12

N na ongotaeka iroun Tamara are i Karawa.

• Nibwaai e ongeaba nakon Tamana are i Karawa e ngae ngkana nanona bwa e na karaoa te bwai ae e kaangaanga. Te katoto iaon aio, ko kona ni wareka aio ma am ataei Helaman 10:2, 11–12. Tao am ataei a kona n katea kain te bwai ae karaoia Nibwaai—nakonako nakon iteran te ruu (n aron are a okira mweengaia), tei, rairaki, ao nakonako ni kaineta iteran te ruu (kaanga angkoa a oki n reireiniia aomata). Tera bwaai tabeua ae tangiria Tamara are i Karawa bwa ti na karaoi?

Ibukin iango riki tabeua, taraa te beeba ni kaongora n te namwakaina aio n te Rao maekatiin.

Rinanon te bwaintangira n taetae ni burabeti, e kona Nibwaai ni kaotia nakoia te tia tiringa te tia moti ae rietata.

© Ana Boki Moomon ibukiia Taan Wareware aika Kairake, Seantum—E a Reke te Tia Tiritiri, iroun Briana Shawcroft; e na aki kaobinaki