Bwa E na Ataia, iroun Gary L. Kapp

Ritembwa 16–22: “Nakomai nakon Kristo, ma Ni Kakororaoaki Irouna”

Moronaai 10

E moanaki ana Boki Moomon ma ana berita Nibwaai bwa e na kaotia nakoira bwa “ana nanoanga te Uea e mena i aoia ni kabane ake e a tia n rineia, ibukin aia onimaki” (1 Nibwaai 1:20). E kainiin te boki ma te kakao ae ai aron naba anne mairoun Moronaai: “kam na uringnga bwa e a tia n nanoanga te Uea” (Moronaai 10:2–3). Tera taian katooto n ana nanoanga te Uea are kam a tia n nooria n ana Boki Moomon? Ko na iangoa te kawai n akoi are e kairiia iai ana utu Riaai te Atua rinanon te rereua ao rinanon marawa aika a korakora, ana nanoanga aika a mwaiti aika E kaotii nakon Enoti ngke e korakai ibukin te kabwarabure, ke te nanoanga ae kaotia nakon Aramwa, ana kairiribai te Ekaretia are e riki bwa temanna te tia kamanoa te Ekaretia ae aki mamaaku. Ke e kona am iango n rairaki nakon te nanoanga are e kaotia te Tia Kamaiu nakoia aomata ngke E kamaiua aia aoraki ao ni kakabwaia ataei aika a uarereke. Ae kakawaki riki, bwaai aikai ni kabane a kauringko bwa “e kanga ana nanoanga te Uea” nakoim, oin bukina teuana Ana Boki Moomon bwa e na kaoia ngaira n tatabemaniira nako bwa ti na karekea ana nanoanga te Atua—te kakako ae kabwarabwaraaki ni kabebeteaki n ana taeka ni kabo Moronaai, “Nakomai nakon Kristo, ma ni kakororaoaki irouna” (Moronaai 10:32).

Iango ibukin kamatebwai n te Umwantabu ao n te Mweenga

Moronaai 10:3–7

I kona n atai koauan bwaai ni kabane man mwaakan te Tamnei ae Raoiroi.

Te berita inanon Moronaai 10:3–7 e a tia ni bita maiuia mirion aomata n te aonaaba. E kanga n tia ni bita maium? Ngkai ko wareka Moronaai 10:3–7, iangoia ni karaurau riki ni warekia nakon warekana are mai imwaina. Ko kona n rinanoi mwakoro n taeka, ao titirakiniko titiraki n aron aikai: Tera nanon aei? N na Kanga ni kanakoraoa riki aei? Tera taneiai aika I a tia ni karekea ma te bwai aei?

Ngkai ko iangoia inanom am kakaei ibukin koauan te maiu n tamnei, e kona n ibuobuoki aroia tabeman ni kunea te koaua man mwaakan te Tamnei ae Raoiroi. Unimwaane Mathias Held e kabwarabwara arona ngke e moan kaina te Ekaretia (taraa “Ukoukoran te Ataibwai man te Tamnei,” Riaona, Meei 2019, 31–33). Unimwaane David F. Evans e kabwarabwara arona ngkai temanna ae kaikawaaki inanon te Ekaretia ma e teimatoa n iai ana titiraki (taraa “Koauan Bwaai ni Kabane,” Liahona, Nov. 2017, 68–70). Iangoia wareka teuana ke ni kauoua rongorongo ao korei bwaai ake a reiakin man aia kakae ibukin te koaua are e buokiia ma are ko bon otaia.

Kona bae ni kakaea te bwai are e a tia te Atua n reireia iaon te koaua man warekan tabeua rongorongo inanon te Guide to the Scriptures, “Truth” (Gospel Library). Te kibu raa ae taraa n rang anainano riki iroum? Tao ko kona n rinea teuana n tibwaia ma temanna are e ukoukora naba te koaua man te Tamnei.

Taraa naba Henry B. Eyring, “Te Onimaki n Titiraki ao imwiina ni Karaoia,” Liahona, Nov. 2021, 74–76; “Let the Holy Spirit Guide,” Hymns, no. 143; Gospel Topics, “Seek Truth and Avoid Deception,” Gospel Library.

Korei am namakin. N te rairake nakon ana euangkerio Iesu Kristo nanona bon ataakin ao maiuakinan te euangkerio. Kona rang kona riki ni karaoa nanon te bwai are ko reiakinna ngkana ko koreia. Ngkana ko angareirei, kaoia aomata ake ko reireiniia bwa a na korei aia namakin n tamnei.

Moronaai 10:8–25

Te Atua e a tia n anganai bwaai n tituaraoi n tamnei.

A mwaiti kawai aika e kona te aomata n “aki kakoaua … ana bwaintituaraoi te Atua” (Moronaai 10:8). Tabeman aomata aki kakoaua ae bon iai te bwaintituaraoi aei. Tabeman a kakeai aia bwaintituaraoi man aki tabeakinakiia ke ni kabwaka man karikirakeaia. Ngkana ko wareka Moronaai 10:8–25, tarai koaua ake a na buokiko ni kunei am bwaitnituaraoi n te tamnei ao kabonganai ma te mwaaka ae korakora ni kakabwaiakiia tabeman. Titiraki n aron aikai a kona n ibuobuoki: Tera bwaintangira n tamnei? A anganaki antai? Bukin tera a anganaki? Ti na kanga ni karekei? Ko kona n iangoi katooto iaoia aomata ake a kabongana te bwaintangira ake a karinanaki n Moronaai 10:9–16?

Moronaai 10:30–33

I kona ni kakororaoaki rinanon ana nanoanga Iesu Kristo.

Ana reirei Moronaai n “nakomai nakon Kristo” e karekerekea ae mwaiti riki nakon kamatebwaian ao iangoakina. Irarikin anne, aio te kakao n nakomai nakon Kristo n arona ae bwanin—n rikin ai Arona. Ngkai ko wareka Moronaai 10:30–33, katebenakoi kibuntaeka ake a buokiko n ota n te bwai ae nanonaki n nakomai nakon Kristo, e na kanga ni kona n riki, ao tera mwiin karaoakina.

Ururing rikaaki n am kamatebwai n ana Boki Moomon n te ririki aei, ao iangoa te bwai are ko a tia n namakinna ao n reiakinna iroun Iesu Kristo. Te katooto, e kanga ana Boki Moomon ni buokiko n Nakoina? E kangaa ni buokiko ni katuka am onimaki ae bwanin iaon ana tangira Kristo? E kangaa ni buokiira n “aki kaakea” mwaakan te Tia Kamaiu? Iangoia n tibwai am kakoaua n ana Boki Moomon ma temanna ae kainnanoia n ongora, n raonaki ma ake ko tangiriia ao rao ake aki ata rongorongona.

Taraa naba “Moroni Invites All to Come unto Christ” (video), Gospel Library.

Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

Moronaai 10:3–4

I kona n ataia i bon irou bwa e koaua Ana Boki Moomon.

• Kona kanga ni buokiia ataei bwa a na butimwaea ana kakao Moronaai ni butiia te Atua bwa e koaua Ana Boki Moomon? Iangoia n anganiia mwakoro ni beeba ma taekana Warekia, Uringnga, Iangoia, ao Butiia ae mwakoro iaoia. Am ataei a kona nikarekei taeka aikai ni Moronaai 10:3–4. Tera ae ti riai ni warekia, n uringnga, n iangoia, ao n titiraki bwa ti aonga ni karekea ke ni kamatoatoa ara koaua n Ana Boki Moomon? Tuangiia ataei bwa a na tarai koaua aika titebo ibuakon kibu aikai ao te anene “Search, Ponder, and Pray” (Aia Boki n Anene Ataei,,109).

• Am ataei a kona ni kabonganai tamnein ibukin te kamatata aei ni maroroakina taekan Moronaai ngke e tauni bwatua aika koora (taraa naba “Mwakoro 54: Berita n Ana Boki Moomon,” Book of Mormon Stories, 156). Ataei ake a uarereke riki a kukurei ni baka n riki bwa Moronaai ngke e koroboki iaon bwaatua man tauni. Tibwaia imarenami ami koaua iaon Ana Boki Moomon.

Moronaai 10:8–19

Tamara are i Karawa e anganai bwaintangira n tamnei.

• N reiakinaia am ataei taekan te bwaintangira n tamnei, ko kona ni korei nambwa man 9 nakon 16 iaon te mwakoro ni beeba teuana ao ko rukumi beeba nako n ai aron te bwaintangira. Am ataei a na ikaruoruo ni kabwarai niniran bwaintangira, wareki kiibu man Moronaai 10:9–16 ake a airi ma nambwa, ao ni kabwarabwarai bwaintangira nako n tamnei. Ko kona ni maroroakina aron Tamara are i Karawa are e tangiriira iai ni kabonganaan bwaintangira aikai ni kakabwaiaia Natina. Ko kona naba ni buokiia am ataei ni kinai bwaintangira ake e a tia n anganiia Tamara are i Karawa.

Moronaai 10:32–33

Iesu Kristo e tangirai bwa N na Nakoina.

• A ataia am ataei bwa tera ae nanonaki bwa a na “nako nakon Kristo”? Tao ko kona ni wareka Moronaai 10:32 ao ko kaoia bwa a na kaokioka te kibuntaeka ma ngkoe. Imwiina a kona ni kamaki mataia ngkai ko katekea tamnein Iesu n te tabo teuana inanon te ruu. Imwiina tuangiia bwa a na kaurei mataia, ni kakaea te tamnei, n ikotaki irarikina, ao ni maroroakin kawai ake ti kona iai n nakon Kristo. Tao e kona n ibuobuoki korean te titiraki ae Tera ae e nanonaki n nakomai nakon Kristo? Buokiia bwa a na kakaea Moronaai 10:32–33 ni karekei iai kaeka aika tau (tara naba Taekan te Onimaki 1:3–4). Bootaki ni mwakuri ni korei baike e tangiri Kristo bwa ti na karaoi ao baike E berita bwa e na karaoi ibukira.

• Tao am ataei a na kukurei ni karaoi taian baati ae tein te aati ae korobokiaki n ae kangai “I tangira te Atua ma korakorau, au iango, ao marurungiu ni kabane” (taraaMoronaai 10:32). Ngkai a karaoia, maroro ma ngaiia bwa tina kangaa ni kaotia nakon te Atua bwa ti tangiria.

Ibukin iango riki tabeua, taraa te beeba ni kaongora n te namwakaina aio n te Te Rao maekatiin.

Imwain ae tauni rekooti, e kaoira Moronaai bwa ti na “uringnga bwa aekakira ana nanoanga te Uea nakoia aomata” (Moronaai 10:3)