Na ikuri ni ivakamacala C

Me Baleti Ira na Lalai—iDusidusi ni Gauna ni Lagasere kei na Nodra Vakaitavi na Gone ena Soqoni ni Sakaramede

Era sa iyaya ni cakacaka kaukauwa sara na sere ni Lalai ena nodra vukei na gone ni vulica na yavu ni bula marau ni Tamada Vakalomalagi kei na veika dina ka yavu ni kosipeli i Jisu Karisito. Ni ra lagata tu na gone nai vakavuvuli ni kosipeli, na Yalo Tabu ena vakadinadinataka na kena dina taucoko. Na tiko ga na qaqana kei na vakatagi ena nodra vakasama kei na lomadra na gone ena nodra bula taucoko.

Vakasaqara na veivuke ni Yalotabu ni ko vakarau tu ni vakavulica na kosipeli ena sereivakatagi. Wasea na nomu ivakadinadina me baleta na veika dina o lagata tu. Vukei ira na gone ni raica na sala e semati kina na sereivakatagi ki na ka era sa vulica ka sotava tiko e vale kei na kalasi ni Lalai.

iDusidusi me Baleta na Tautau ena Soqoni ni Sakaramede

Ena veidusimaki ni bisopi, na nodra vakaitavi na gone ena soqoni ni sakaramede e sa dau vakayacori tu enai kava ni vulatolu ni yabaki. Me vaka ni ratou mataveiliutaki ni Lalai kei na iliuliu ni sere, cakacaka vata kei daunivakasala ena matabisopi e raica raraba na Lalai me tuvalaka na soqoni ni sakaramede.

Na tautau e dodonu me vakatarai ira na gone me ra tauca na ka era sa vulica kei na nodra matavuvale mai na iVola i Momani e vale kei na Lalai, oka kina na sere ni Lalai era lagata tiko ena loma ni yabaki. Ni o tuvanaka na tautau, vakasamataka na sala eso e rawa ni vukea na ivavakoso me vakanamata vua na iVakabula kei na Nona ivakavuvuli.

Sa rawa ni navuca na tabanilotu era lewe lailai kina na gone na sala eso era na rawa ni vakaitavi kina na lewe ni matavuvale kei na luvedra. Sa rawa ni vakacavara na soqoni e dua na lewe ni matabisopi ena so nai tukutuku lekaleka.

Ni ko vakarautaka na vakaitavi, nanuma na dusidusi eso oqo:

• Na vakatovotovo e sega ni dodonu me vakayagataki gauna tawaganiti tani tu mai na kalasi ni Lalai se matavuvale.

• Era sa sega ni veiganiti kaya na soqoni ni sakaramede na vakaitavi tu ena yaloyalo, sulusulu, kei na vakauitukutuku.

Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 12.2.1.2.

iDusidusi ni Gauna ni Lagasere

5 na miniti (mataveiliutaki ni Lalai): iDolamasu, ivolanikalou se yavu ni vakabauta, kei na dua na vosa

20 na miniti (liuliu ni sereivakatagi): Gauna ni Lagasere

Na digitaka na sere ni vula yadua na mataveiliutaki ni Lalai kei na iliuliu ni sereivakatagi me vaqaqacotaka na ivakavuvuli eso era sa vulica tiko na gone ena nodra kalasi vakakina e vale. E dua na lisi ni sere e vaqaqacotaka na veivakavuvuli oqo e sa okati ena idusidusi oqo.

Ni ko vakavulica na sere eso vei ira na gone, sureti ira me ra wasea na veika era sa vulica me baleta na italanoa kei na ivakavuvuli vakaivunau e vakavulica na sere. Ni ko railesuva, sureti ira na gone ni wasea na nodra vakasama kei na nanuma me baleta na dina era tiko ena sere.

Na iVolanisere ni Gonelalai sa yavu ni ivurevure me baleta na sereivakatagi ena Lalai. Na sere ni lotu kei na sere era tiko ena iTokanikei na Liaonaera yaga talega. Na vakayagataki ni duatani mai na sere ena Lalai e dodonu me na vakadonui mai vei iratou na matabisopi (raica na iVoladusidusi ena Lotu, 11.2.4).

Sereivakatagi ena Gauna ni Lagalagasere

Janueri

• “iTalanoa ena iVola i Momani,” iVolanisere ni Lalai,, 62

• “Talairawarawa ki na iVunau,” iVolanisere ni Gonelalai, 68

• “Na iToko Kaukamea,” Serenilotu,, naba 167

Feperueri

• “Yaloqaqa nei Nifai,” Volanisere ni Gonelalai, 62

• “Au Vakilai Koya,” iVolanisere ni Gonelalai, 42

• “Digitaka na Dodonu,” Sere ni lotu, naba 142.

Maji

• “Raica na Valetabu,” iVolanisere ni Gonelalai, 99

• Vaqara Drodrolagi Ni Bula Vesu No,” iVolanisere ni Gonelalai, 53

• Easter Hosanna,” Children’s Songbook,, 68–69

Epereli

• Tamaqu Mai Lagi,” iVolanisere ni Gonelalai, 6

• “Na Cakavinaka,” Sere ni Lotu, naba, 131.

Me

• Dou Veilomani,” iVolanisere ni Gonelalai, 74

• Meu Dina Tu,” iVolanisere ni Gonelalai,, 85

• Ni Vukei Au Mai Noqu Kalou,” iVolanisere ni Gonelalai,, 52

June

• Testimony,” Hymns,, no. 137

• Ko Vuravura Me Sa Lotu,” iVolanisere ni Gonelalai, 92

• Vakamuria na Parofita,” iVolanisere ni Gonelalai,, 58

Julai

• Au Bole Meu sa Kaulotu Edai,” iVolanisere ni Gonelalai,, 90

• Rogoca na Sere ni Manumanu,” Volanisere ni Gonelalai, 16

• Vakabauta,” iVolanisere ni Gonelalai. 50

Okosita

• As I Search the Holy Scriptures,” Hymns,, no. 277

• Vale Me Vaka mai Lagi,” Sere ni Lotu,, naba 181

Sepiteba

• The Still Small Voice,” Children’s Songbook,, 106–7

• Samuel Tells of the Baby Jesus,” Children’s Songbook, 36

• Meu Na Muri Jisu Tu,” iVolanisere ni Gonelalai, 40

Okotova

• Matavuvale me Tawamudu Tu,” iVolanisere ni Gonelalai, 98

• Au Lewe ni Lotu i Jisu Karisito,” iVolanisere ni Gonelalai, 48

Noveba

• Mo Bolea Mo Dina Tu,” iVolanisere ni Gonelalai,, 80

• Au Kilai Jisu,” Serenilotu,, naba. 74

Tiseba

• Vaqaqara ka Masu,” iVolanisere ni Gonelalai, 66

• Mai Peceliema,” Volanisere ni Gonelalai,, 42–43

• Tala Mai Na Luvena,” iVolanisere ni Gonelalai, 20

Vakayagataki ni Sereivakatagi me Vakavulici kina na iVunau

Na gauna ni lagalagasere e kena inaki me vukei ira na gone me ra vulica na dina ni kosipeli. Na veivakasama oqo sa rawa ni vakauqeti iko ni o tuvana tu na sala eso me vakavulici kina na ivakavuvuli ni kosipeli era tiko ena serenilotu kei na nodra sere na Lalai.

Wilika na ivolanikalou veisemati. Ki na vuqa na sere mai na iVolanisere ni Gonelalai kei na serenilotu, era cavuti kina na tiki ni ivolanikalou veisemati. Vukei ira na gone me ra wilika eso na tikina oqo, ka veitalanoataka e semati vakacava na ivolanikalou ki na sere. Sa rawa talega mo vola e vica na tiki ni ivolanikalou ena papa ka sureta na gone me ra vakasotara vata na tikina yadua ki na dua na sere se tikina mai na dua na sere.

Vakalewena na vanua lala Vola e dua na qaqa ni sere ena papa ni volavola ka yali tiko kina e vica na vosa bibi. Qai kerei ira na gone me ra lagata na sere, ka vakarorogo ki na vosa mena vakatawana na vanua lala. Ni ra vakalewena tiko na vanua e lala yadua, veitalanoataka na ivakavuvuli cava ni kosipeli o sa vulica mai na vosa me vakaleweni.

Vakadinadinataka. Vakadinadinataka vakalekaleka vei ira na gone na dina ni kosipeli era kune ena sere ni Lalai. Vukea me ra kila vakamatata na gone ni lagasere e sa dua na sala era rawa ni wasea kina na nodra ivakadinadina ka vakila na Yalotabu.

Tucake vaka e dua na ivakadinadina Sureti ira na gone me ra veivukevuke ni tucake ka wasea na veika era sa vulica mai na sere era lagata se na veika era vakila me baleta na dina e vakavulici tiko ena sere. Tarogi ira ena veika era vakila ni ra lagata na sere, ka vukei ira mera raica rawa na veiyavalati ni Yalo Tabu.

Vakayagataka na iyaloyalo. Kerei ira na gone me ra vukei iko ni raica se cakava nai yaloyalo era sala vata na vosa se malanivosa bibi eso ena sere. Sureti ira me ra wasea na sala era semati kina ki na sere nai yaloyalo kei na ka e vakavulica tu na sere. Me ivakaraitaki, kevaka o vakavulica tiko na sere “Na iToko Kaukamea” (Serenilotu,, naba 167), o rawa ni veibiuyaka na iyaloyalo ena loma ni rumu e vakaraitaki kina eso na vosa bibi mai na sere (me vakataka na ititoko kaukamea, vosa ni Kalou, idusidusi, veitemaki kei na lomalagi). Kerea me ra kumuna na yaloyalo na gone ka tauri ira cake ena kena ituvatuva dodonu ni lagati vata tu na sere.

Wasea e dua na lesoni vakatakarakara. Sa rawa mo vakayagataka e dua na vakatakarakara me vakauqeta na veivosakitaki ni dua na sere. Me ivakaraitaki, na sere “Vakabauta” iVolanisere ni Gonelalai, 50), e vakamacalataka tu e dua na sorenikau lailai. O rawa ni vakaraitaka vei ira na gone e dua na sorenikau ka veitalanoataka se eda sa vakaraitaka tiko vakacava na vakabauta ni da tea na sorenikau; oqo ena muataki ki na dua na veivosaki me baleta na sala eda vakaraitaka kina na vakabauta vei Jisu Karisito, me vaka e vakamacalataki ena sere.

Sureti ira me ra wasea na veika era sotava yadua. Vukei ira gone ni semata na ivakavuvuli era vakavulici ena sere ki na veika era sa sotava kei na veivakavuvuli o ya. Me ivakaraitaki, ni bera ni lagati na “Raica na Valetabu” (iVolanisere ni Gonelalai, 99), o rawa ni kerea na gone me ra lave liga kevaka era sa raica oti e dua na valetabu. Sureta me ra vakasama ni ra lagata tu na ka era vakila ni ra raica na valetabu.

Vakatataro. E vuqa tu na taro o rawa ni taroga ni o lagasere voli. Me ivakaraitaki, o rawa ni tarogi ira na gone ena ka era sa vulica mai na qaqa ni sere yadua. Sa rawa talega ni o kerea me ra vakasamataka na taro eso ka sauma tu na sere. Oqo e rawa ni muataki ki na veivosakitaki ni dina eso e vakavulici tu ena sere.

Vakayagataka nai moimoi ni liga. Sureti ira na gone me ra vakasamataka eso nai moimoi ni liga rawarawa me vukei ira ni nanuma na vosa kei na itukutuku eso ni dua na sere. Me ivakaraitaki, ni o lagata na ikarua ni qaqa ni “Rogoca na Sere ni Manumanu” (iVolanisere ni Gonelalai,, 16), e rawa mo sureti ira na gone me ra dusia na matadra, vuka vaka na bebe, ka qovia na ligadra e daku ni daligadra. Kerei ira me ra tavara na ligadra ki utodra ni ra lagata, “Io, au kila ni lomani au na Tamada Vakalomalagi.”