Na iKuri ni iVakamacala D

Me baleta na vei Kuoramu ni Matabete i Eroni kei na Kalasi ni Goneyalewa—Tuvatuva ni Bose

Tikinisiga ni sota:

Veiliutaki (lewe ni mataveiliutaki ni kuoramu):

iDola

Serenilotu (nomu digidigi):

Masu:

Tokaruataka na iToko ni Goneyalewa se na iToko ni Kuoramu ni Matabete i Eroni.

Veivakasalataki vata

Ena veiliutaki nei koya e veiliutaki tiko ena soqoni, era na veivakasalataki na kalasi se kuoramu ena 5 ki na 10 na miniti me baleta na nodra itavi ena cakacaka ni veivakabulai kei na bula vakacerecerei. Oqo na madigi vei iratou na mataveiliutaki ni kalasi se kuoramu me ratou talemuria na veika e veivosakitaki ena bose ni mataveiliutaki se matabose ni itabagone ni tabanalevu.

Na tamata e veiliutaki tiko ena rawa talega ni vakayagataka e dua se sivia na taro oqo:

Bulataki ni Kosipeli

• Na veika sotavi wale tikoga oqo sa vaqaqacotaka na noda ivakadinadina baleti Jisu Karisito kei na Nona kosipeli?

• Na cava e rawa ni da cakava me da voleka tikoga kina vua na iVakabula? Eda tovolea tiko vakacava meda vakataki Koya vakalevu cake?

• Eda vakila vakacava na veidusimaki ni Turaga ena noda bula?

Nodra vukei o ira era gadreva tu na veivuke

• O cei eda sa vakila ni da dusimaki me da veivuke se veiqaravi? Na ilesilesi cava eda sa ciqoma mai vei iratou na matabisopi me vukea e dua e vakaleqai tu?

• E rawa nida veitokoni vakacava vakaikeda ena veika eda lako curuma tiko?

• E dua beka e se qai toki vou mai kina neitou tabanalevu se lewe ni Lotu vou? E rawa vakacava meda vukei ira mera vakila ni ra ciqomi?

Sureti ira na tamata kecega me ra ciqoma na kosipeli

• Na cava eda rawa ni cakava me vukea na tamata kecega mera vakila na loloma ni Kalou?

• Na itaviqaravi cava soti e vakarau yaco ka rawa nida sureti ira na noda itokani mera tiko kina?

• Na ituvatuva cava me wasei kina na kosipeli sa veivosakitaki ena bose ni matabose ni itabagone ni tabanalevu? Ena rawa ni vakaitavi vakacava na noda kalasi se kuoramu?

Vakaduavatataki me tawamudu na matavuvale

• Na cava eso na sala e rawa nida sema vakavinaka cake kina vei ira na isema ni lewe ni matavuvale, me vakataki ira na tubuda kei na tavaleda?

• Na cava eda cakava tiko me kunei kina na yacadra na noda qase e liu era gadreva tu na cakacaka vakalotu ni valetabu? Na cava eda rawa ni cakava meda vukei ira tale eso mera kunea na yacadra na nodra qase e liu?

• E rawa vakacava ni da vakaitavi vakalevu cake ena cakacaka ni valetabu—yadudua ka vakalasi se kuoramu?

Vulica vata

Ena liutaka e dua na iliuliu uabula se dua na lewe ni kuoramu se kalasi na ivakasala me baleta na iwliwili ni Lako Mai, Mo Muri Au ena macawa oqo. Ena vakayagataka o koya na vakasama ni vuli ena Lako Mai, Mo Muri Au —Me Vulici e Vale kei na Valenilotu. Na vakasama ni vuli ne tiko ena ivakatakilakila oqo e veidonui kei na semineri ka veirauti vinaka vei ira na itabagone. Ia, e rawa ni vakayagataki eso na vakasama ni vuli. Na iwase ni soqoni raraba oqo e taura e rauta ni 35 ki na 40 na miniti.

Itinitini

Na tamata e liutaka tiko na soqoni:

• Vakadinadinataka na ivakavuvuli eso e sa vakatavulici.

• Veivosakitaka na sala era na cakacakataka kina na kalasi se kuoramu na veika era sa vulica—vakailawalawa se yadudua.

Masu: