Go Sokologa Ke Maikaelelo a Rona

Maikaelelo otlhe a go ithuta le go ruta efangele ke go godisa go sokologa ga rona le go re thusa go nna jaaka Jeso Keresete. Ka lebaka le, fa re ithutuntsha efangele, ga re lebelele fela molaetsa o mošha, re batla go nna “dibopiwa tse disha” (2 Bakorintha 5:17). Seno se raya go ikaega ka Rara wa Legodimo le Jeso Keresete gore ba re thuse go fetola dipelo tsa rona, megopolo ya rona, ditiro tsa rona, le botho jwa rona.

Mme mokgwa wa go ithuta le go ruta efangele o o nonotshang tumelo ya rona le go re isa kwa kgakgamatsong ya go sokologa ga go diragale ka gangwe fela. E atolosa go tswa mo ntlwaneng ya borutelo go ya mo dipelong tsa batho le magae. Go tlhoka maiteko a a sa kgaotseng, a letsatsi le letsatsi go tlhaloganya le go tshela efangele. Go sokologa ga boammaaruri go tlhoka thotloetso ya Mowa o o Boitshepo.

Mowa o o boitshepo o re kaela go ya kwa boammaaruring mme o fa bopaki jwa boammaaruri joo (bona Johane 16:13). O sedimosa ditlhaloganyo tsa rona, o dira gore re tlhaloganye dilo ka bonako, le go ama dipelo tsa rona ka tshenolo go tswa go Modimo, Mowa o o Boitshepo o phepafatsa dipelo tsa rona. O dira gore re nne le keletso go tshela ka boammaaruri, mme o re sebetsa ditsela tsa go dira se. Ka boammaaruri, “Mowa o o Boitshepo … o tla [re] ruta dilo tsotlhe” (Johane 14:26).

Ka mabaka a, mo maitekong a rona a go tshela, go ithuta, le go ruta efangele, re tshwanetse lantlha le mo go botlhokwa re batle bopati jwa Mowa. Maikaelelo a a tshwanetse go busa ditshwetso le go kaela dikakanyo tsa rona le ditiro. Re tshwanetse go batla sengwe le sengwe se se laletsang thotloetso ya Mowa le go ganetsa sengwe le sengwe se se kobang thotloetso eo—gonne re itse gore fa re ka itekanelela boleng teng jwa Mowa o o Boitshepo, re ka itekanela gape go tshela mo boleng teng jwa ga Rara wa Legodimo le Morwa wa Gagwe, Jeso Keresete.