Nchepụta niile iji Mee ka Ọmụmụ ihe N’Ebe Obibi na na Nzukọ nsọ Dikwuo mma

Dị ka ị na-amụ ozi ọma nke Onye Nzọpụta n’ebe obibi ma na nzukọ nsọ, tulee ajụjụ ndị a sotere:

• Kedụ otu i nwere ike i si kpọbata Mmụọ niime ihe ọmụmụ gị?

• Olee otu i nwere ike i si lekwasị anya na Onye Nzọpụta n’ihe ọmụmụ gị?

• Kedu ka ị ga-esi jiri oge mmụta kwa ụbọchị mee ihe?

• Kedụ otu i nwere ike i si gbaa ndị òtù ezi na ụlọ na ndị òtù klas gị ume ịmụ akwụkwọ nsọ n’onwe ha ma kesaa ihe ha na-amụ?

Nke a bụ ụfọdụ ụzọ ndị dị mfe iji melite ọmụmụ okwu nke Chineke.

Kpee ekpere maka mkpatemmụọ

Akwụkwọ nsọ bụcha okwu Chineke, ya mere rịọ Ya maka enyem aka iji ghọta ha.

Chọọ eziokwu ndị gbasara Jizọs Kraist

Ihe niile na-agba ama banyere Kraịst (lee 2 Nefi 11:4; Moses 6:63), ya mere tulee idetu ma ọ bụ ịkanye amaokwu ndị a na-agba ama banyere Onye Nzọpụta akara, mee ka ịhụnaanya gị maka Ya dị omimi, ma kuzie otu e si esoro Ya. Mgbe ụfọdụ eziokwu niile banyere Onye Nzọpụta na ozi ọma Ya ka a na-ede n’ụzọ kwụ ọtọ, ma mgbe ụfọdụ a na-etinye ha n’uche site n’otu ọmụmaatụ ma ọ bụ akụkọ. Jụọ onwe gị, “Kedụ eziokwu ndị dị ebighị ebi ndị a kuziri na-amaokwu ndị a? Kedụ ihe eziokwu ndị a na-akuziri m banyere Onye Nzọpụta?”

Gee Mmụọ ahụ ntị

Gee ntị na echiche gị niile na mmetụta gị niile, ọbụrụgodi na ha emetụtaghị ihe ị na-agụ. Ihe ndị ahụ na-agbata n’uche nwere ike ị bụ ihe Nna gị nke Eluigwe chọrọ ka ị mụọ.

Dedata ihe ndị na-agbata gị n’uche

E nwere ọtụtụ ụzọ esi ededata echiche ndị na-agbata gị n’obi mgbe ị na-amụ ihe. N’ịmaatụ, i nwere ike chọpụta na mkpụrụ okwu na nkebiokwu ndị dị ańaa dị n’akwụkwọ nsọ na-emetụta gị n’obi; i nwere ike kanye ha akara ma dedata echiche gị niile dị ka ị na-ahụba ha ama niime akwụkwọ nsọ. I nwekwara ike debe jonalụ nke nghọta niile, mmetụta niile, na echiche ndị ị natara.

Kesaara ndị ọzọ ihe ị na-amụ

Ịkparịta nghọta ndị sitere na ọmụmụ ihe nke onwe gị bụ ụzọ dị mma iji kuziere ndị ọzọ ihe, ma ọ nakwa akwadosi ike nghọta gị banyere ihe ị gụworo. Kesaa ihe ị na-amụ gị na ndị òtù ezi na ụlọ na ndị enyi (na mmadụ ma ọ bụ n’ikuku), ma kpọkuo ha ime otu ahụ kwa.

Tụnyere akwụkwọ nsọ ahụ na ndụ gị

Tụlee otu akụkọ na nkuzi niile ahụ ị na-agụ ji gbasa ndụ gị. Ịmaatụ, i nwere ike jụọ onwe gị, “Kedụ nhụmiihe ndị m nweteworo yiri ihe m na-agụ?”

Jụọ ajụjụ dị ka ị na-amụ ihe

Dị ka ị na-amụ akwụkwọ nsọ, ọtụtụ ajụjụ nwere ike gbata gị n’uche. Ajụjụ ndị a nwere ike gbasa ihe ị na-agụ ma ọ bụ gbasa ndụ gị n’izugbe. Tụlee ajụjụ ndị a ma chọọ azịza niile dị ka ị na-aganiihu na-amụ akwụkwọ nsọ.

Jiri enyemaka ọmụmụ akwụkwọ nsọ niile

Na inweta mgbakwunye nghọta niime amaokwu ndị ị na-agụ, jiri nkọwada niile, na Nduzi nke Isiokwu, na Ọkọwaokwu Baịbụl, na Nduzi nye Akwụkwọ nsọ niile, na ihe ndị enyemaka ọmụmụ ihe ndị ọzọ.

Tụlee ọnọdụ nke akwụkwọ nsọ niile

I nwere ike ịchọta nghọta ndị bara uru banyere otu edereede akwụkwọ nsọ dị ka ị na-atule ọnọdụ ya, gụnyekọta ọnọdụ niile ma ọ bụ ntọala o si na ya bịa. Na ịmaatụ, ị mara esiripụta na nkwenye niile nke ndị ahụ Chineke gwara okwu nwere ike nyere gị aka ghọta ebumnuuche nke okwu Ya niile n’ụzọ kacha mma. I nwere ike mụta ihe banyere ha niime Ndị Nsọ, Mkpughe niile dị n’Ọnọdụ, isi nkeji ahụ dị niime Ozizi na Ọgbụgba ndụ niile, na akụrụngwa ndị ọzọ.

Mụọ okwu niile nke ndị amụma na ndịozi ụbọchị ikpeazụ a

Gụọ ihe ndị amụma na ndịozi ụbọchị ikpeazụ a kuziworo gbasara ụkpụrụ niile ị na-ahụ niime akwụkwọ nsọ.

Bie ndụ site na ihe ị na-amụ

Ọmụmụ akwụkwọ nsọ ekwesighị naanị ịkpatemmụọ anyị mana gakwa eduba anyị ịgbanwe ụzọ anyị si ebi ndụ. Gee ntị na ihe Mmụọ ahụ na-akwagide gị ime mgbe ị na-agụ ihe ọgụgụ, ma emesịa mee ihe ndị ahụ akwagidere gị mee.

Jiri Egwu

Abụ ndị arọpụtara na egwu nke ụmụntakịrị ka a na-ahụta na gburugburu Bịanụ, Soro M. Jiri egwu ndị dị nsọ ji kpọbata Mmụọ ma mee ka okwukwe na ama gị banyere eziokwu niile nke ozi ọma dị omimi.

Buru akwụkwọ nsọ n’isi

Họrọ otu edereede akwụkwọ nsọ nke baara gị, ezi na ụlọ gị, ma ọ bụ klas gị uru, ma buru ya n’isi site na ị na-ekwugharị ya kwa ụbọchị ma ọ bụ site na-ime ihe egwuregwu mbu nuuche.

Kesaa ọmụmụ ihe ndị enwere ike imetụ aka

Chọta ihe ndị enwere ike imetụ aka nke metụtara isi na amaokwu ndị unu na-agụ. Tulee otu ihe ndị ahụ si metụta nkuzi ndị dị niime akwụkwọ nsọ ndị ahụ.

See ihe, chọta, ma ọ bụ see otu foto

Gụọ amaokwu ole ma ole, ma emesịa see otu ihe nke metụtara ihe ị na-agụ. Ma ọ bụ i nwere ike chọọ otu foto niime Akwụkwọ Nka Ozi ọma ma ọ bụ ebe ọzọ niime Ọba akwụkwọ Ozi ọma. I nwekwara ike see otu foto nke na-egosipụta ihe ị mụrụ.

Mee nụ ejije otu akụkọ

Mgbe a gụchara otu akụkọ, kpọkuo ndị òtù ezi na ụlọ ma ọ bụ klas iji ya mee ejije. Emesịa nke a, kwuo okwu otu akụkọ ahụ si metụta ihe ndị unu na-enwe nhụmiihe na ya.

Ejidesila ihe aka ike n’ebe obibi

Ọ bụrụ na i nwere ndị òtù ezi na ụlọ ndị na-adịghị njikere isonye n’ọmụmụ akwụkwọ nsọ ezi na ụlọ, chọọ ụzọ ndị ọzọ iji jikọọ ha nebe ị nọ. N’ịmaatụ, i nwere ike ikesa eziokwu dị ebighị ebi n’ụzọ dị mfe na mkparịta ụka unu ma ọ bụ kesaa akwụkwọ nsọ bara uru n’ụzọ na-adịghị ka ikwusa ozi ọma ma ọ bụ imebiga ihe ókè? Ọmụmụ akwụkwọ nsọ ekwesịghị iyi otu n’ezi na ụlọ ọbụla. Ụfọdụ ụmụntakịrị nwere ike kacha dị njikere n’ọmụmụ akwụkwọ nsọ otu na otu. Dịrị ike n’ekpere ma soro nkwalite niile nke Mmụọ.

Nzukọ kansụl ndị nkuzi maka ndị nne na nna. Ọ bụrụ ma gị chọkwuo enyemaka na mgbalị gị ikuziri ụmụ gị ihe, chọpụta ma ngalaba ukwu gị ha na-eme nzukọ kansụl ndị nkuzi maka ndị nne na nna (lee Akwụkwọ Ntuziaka Izugbe, 17.5). Nzukọ ndị a bụcha ohere maka ndị nne na nna iji nye ndụmọdụ ma mụkọọ ihe ọnụ banyere otu esi ka nkuzi ihe ha dịkwuo mma. Ha nwere ike kpakọrịta nkata na ụkpụrụ ndị dị niime Ikuzi ihe n’Ụzọ nke Onye Nzọpụta, nchepụta niile dị na ihu akwụkwọ ndị a maka ime ka ọmụmụ akwụkwọ nsọ ezi na ụlọ dịkwuo mma, ma arọ ịmụ ihe na ikuzi ihe ana ahụ na gburugburu Bịanụ, Soro M.