Sanza ya Minei 7–13: “Botombola Mingongo na Bino … Mpo na Kosakola Nsango Malamu na Ngai”

Malongi mpe Mayokani 30–36

Parley P. Pratt azalaki mondimi ya Eklezia mpo na pene sanza moko ntango abiangemaki “na esobe” mpo na koteya nsango malamu (Malongi mpe Mayokani 32:2). Thomas B. Marsh azalaki mondimi kutu ya ntango moke koleka ntango bayebisaki ye, “Ngonga ya misio na yo ekomi” (Malongi mpe Mayokani 31:3). Orson Pratt, Edward Partridge, mpe ebele ya basusu bawutaki kobatisama ntango mabiangi ya misio na bango eyaki. Ntango mosusu ezali na liteya na emekoleli oyo mpo na biso lelo: soki boyebi mingi ekoki mpo na kondima nsango malamu ezongisama na libatisi, boyebi mingi ekoki mpo na kokabola yango na basusu. Ya solo, tolukaka ntango nyonso kobakisa boyebi na biso ya nsango malamu, kasi Nzambe atatabanaka te kobianga baoyo “batanga mingi te” mpo na koteya nsango malamu na Ye (Malongi mpe Mayokani 35:13 Solo, abengisi biso banso, “Fungola monoko na yo mpo na kosakola nsango malamu na ngai” (Malongi mpe Mayokani 30:5). Mpe tosalaka yango ya malamu koleka na nzela ya bwanya mpe boyebi na biso moko te kasi “na nguya [ya] Molimo” (Malongi mpe Mayokani 35:13).

Tala lisusu “The Faith and Fall of Thomas Mars [Bondimi mpe Bokwei ya Thomas Marsh],” “Ezra Thayer: From Skeptic to Believer [Ezra Thayer: Uta na Ntembe na Kimondimi],” “Orson Pratt’s Call to Serve [Libiangi ya Orson Pratt mpo na Kosala,” na Revelations in Context,,54–69.

Makanisi mpo na Koyekola na Ndako mpe na Eklezia

Malongi mpe Mayokani 30–36

Nabiangemi mpo na kozala nzeneneke ya Yesu Klisto.

Soki to te bozali na libiangi ya lokumu lokola misionele, bokoki kozala nzeneneke ya Yesu Klisto “na ngonga nyonso, na makambo nyonso, mpe na bisika nyonso”. (Mosiya 18:9). Ntango bozali koyekola Malongi mpe Mayokani 30–36, bokoma oyo boyekoli etali mabaku na bino ya kokabola nsango malamu. Bokoki kokoma molongo ya makambo Nkolo asengi bino mpe molongo mosusu ya bilaka Nkolo asalaka ntango bozali kokabola nsango malamu (ndakisa, tala Malongi mpe Mayokan 30:8; 31:3–5; 32:1, 5; 35:13–15, 24). Bokoki lisusu koluka mabongisi oyo ekoki kosalisa bino bokabola nsango malamu. Bozwi nini oyo efuli bino mpo na “kosakola nsango ya nsai ya bosepeli monene”? Malongi mpe Mayokani 31:3

Mpaka Gary E. Stevenson ateyaki ete kosakolaka nsango malamu “ekoki kokokisama na nzela ya mibeko ya pete, ya kososola na mpasi te eteyama na moko na moko na biso uta na bomwana: kolinga, kokabola, mpe kobengisa” (“Love, Share, Invite [Bolinga, Bokabola, Bobengisa],” Liahona, Sanza ya mitano 2022, 85). Bokanisa koyekola nsango na ye ntango bozali kokanisa oyo etali bayebani, baninga, mpe libota na bino. Makanisi nini eyeli bino etali lolenge nini bokoki kokabola elongo na bango maye [bino] bolingaka etali nsango malamu ya Klisto”? Na ndenge nini ekoki bino kobengisa bango “koya mpe komona,” “koya mpe kosalela,” mpe “koya mpe kozala na kati”? Ntango bozali koyemba to koyoka “I’ll Go Where You Want Me to Go [Nakokende Epayi Yo Olingi Ngai Nakende]” (Hymns, no. 270) to loyembo ekokani na yango, bokoki komituna, “Nini Kolo alingi ngai naloba mpe nazala mpo na kokabola nsango malamu na Ye”

Tala lisusu Marcos A. Aidukaitis, “Botombola Mitema na Bino mpe Bosepela,” Liahona, Sanza ya mitano 2022, 40–43; Makambo mpe Mituna, “Kobengisa Banso mpo na Koyamba Nsango Malamu ya Yesu Klisto,” “Ministering as the Savior Does [Kosalisa lokola Mobikisi Asalaka],” Biblioteke ya Nsango Malamu; “Inviting All to Come unto Christ: Sharing the Gospel [Kobengisa Banso Baya Epayi ya Klisto: Kokabola Nsango Malamu]” (video), Biblioteke ya Nsango Malamu.

Inviting All to Come unto Christ: Sharing the Gospel

Malongi mpe Mayokani 31:1–2, 5–6, 9, 13

Nkolo akoki kosalisa ngai na mikangano na ngai ya libota.

Mabota na mibu 1830 bamitungisaki na makambo mingi ya lolenge oyo mabota ezali kokutana na yango lelo. Bokambi mpe bilaka nini Nkolo apesaki Thomas B. Marsh etali libota na ye na Malongi mpe Mayokani 31? (tala mingimingi milongo 1–2, 5–6, 9, 13). Lolenge nini maloba na Ye ekoki kosalisa bino na mikangano ya libota na bino?

Mpo na kozwa nsango mingi koleka etali Thomas B. Marsh, tala Basantu, 1:79–80, 119–20

Malongi mpe Mayokani 32–33; 35

Nkolo alengelaka ngai mpo na mosala oyo Ye alingi ngai nasala?

Koyekola bomoi ya bato balobelami na Malongi mpe Mayokani 32–33; 35 ekoki kosalisa bino boyeba lolenge nini Nkolo azali kolengela bino mpo na mosala na Ye. Mpo na ndakisa, bokoki kotanga oyo etali mokangano katikati ya Parley P. Pratt mpe Sidney Rigdon “Mingongo ya Bozongisi : Babongwani ya Ebandeli.” Lolenge nini mokangano oyo epambolaki bana ya Nzambe? (tala Malongi mpe Mayokani 35).

Tala ndakisa mosusu: Ezra Thayer akomaki ete ntango moko liboso abatisama, azwaki limoni kati na yango “moto moko ayaki mpe amemelaki ngai liboke ya pappie mpe alakisaki ngai yango, mpe lisusu kelelo moko mpe alobaki na ngai [nabeta] yango. Nalobaki na ye ete [nabeta] naino moko te na bomoi na ngai. Alobaki bokoki [kobeta] yango, meka yango. … Ebimisaki lokito ya kitoko mpenza oyo nayoka naino te” (“Revelation, October 1830–B, Revelation Book 1 [Emoniseli, Sanza ya zomi mobu 1830–B, Emoniseli Buku 1,” boyingisi eyebana, josephsmithpapers.org). Nsima ntango Joseph Smith azwaki emoniseli moko mpo na Ezra Thayer mpe Northrop Sweet, sikawa ekomami lokola Malongi mpe Mayokani 33, Ezra abongolaki emoniseli yango lokola liboke ya papie kati na limoni na ye. Lolenge nini Nkolo azalaki kolengela Ezra mpo na misio oyo Ye apesaki ye na Malongi mpe Mayokani 33:1–13?

Bosolo nini emonani na miso bomoni oyo loboko ya Nkolo ezalaki na bomoi ya bandimi ya Eklezia ya ebandeli oyo? Nani Nkolo atie na bomoi na bino mpo na kosalisa bino boya epai ya Klisto? Lolenge nini ezali Ye kolengela bino bopambola basusu na nzela ya bosembo, bolingo, to libengisi na bino?

Tala lisusu “A Mission to the Lamanites [Misio Epayi ya Balamani],” na Revelations in Context, 45–49.

Malongi mpe Mayokani 33:12–18

Soki natongi bomoi na ngai likolo ya nsango malamu ya Mobikisi, nakokweya te.

Malongi mpe Mayokani 33 elobamaki na Northrop Sweet mpe Ezra Thayer, bandimi mibale ya sika ya Eklezia. Northrop atikaki Eklezia moke nsima ete emoniseli oyo epesama. Ezra asalelaki na bondimi mpo na mwa ntango, kasi ye lisusu asukaki na kokweya. Kotangaka oyo etali bango na eteni oyo ekoki kotindika bino bokanisa lolenge nini botongami makasi “likolo [ya] libanga monene” (molongo 13) ya nsango malamu. Makambo ya solo nini na kati ya milongo oyo ekoki kosalisa bino botikala sembo na Mobikisi?

Tala lisusu Elamani 5:12.

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 30:1–2

Nasengeli koyekama mingi na makambo ya Nzambe koleka makambo ya mabele.

• Ekoki kosepelisa bana na bino bameka kosala misala mibale na mbala moko, ndakisa, kolobaka na moto maloba ya loyembo balingaka ntango bazali kokoma bankombo ya bato ya libota na bango nyonso. Mpo na nini ezali kpokoso kosala makambo mibale na mbala moko? Nsima bokoki kotanga Malongi mpe Mayokani 30:1–2 elongo. Nini ezali mwa “makambo mosusu ya mabele” oyo ekoki kobenda likebi na biso libanda ya bomikundoli Yesu Klisto mpe nsango malamu na Ye? Lolenge nini tokoki koyekama likolo na Ye?

Malongi mpe Mayokani 33:2–3, 6–10

Nakoki kokabola nsango malamu ya Yesu Klisto.

• Mpo na kosalisa bana na bino basosola Malongi mpe Mayokani 33:8–10, bokoki kobengisa bango bameka koloba liboke moko ya maloba na minoko na bango ya kokangama ntango bino to bana na bino misusu bazali kokanisa maye bazali koloba. Botanga milongo 8–10 mpe bosenga bango bafungola minoko na bango ngonga moko moko liboke ya maloba “bofungola minoko na bino” ezongelami. Mpona nini tata na Lola alingaka biso tofungola minoko na biso mpe tokabola nsango malamu na basusu? Tokoki koloba nini na libota mpe baninga na biso oyo etali Mobikisi to nsango malamu na Ye?)- Bokoki lisusu koyemba loyembo, lokola “We’ll Bring the World His Truth [Tokomemela Mokili Bosolo na Ye]” (Children’s Songbook, 172–73).

• Bokanisa kokabola boyebi bozwi elobeli mabongisi to bilaka na Malongi mpe Mayokani 30–34. Nini boyekolaki to boyokaki etali Mobikisi na bino mpe mosala na Ye ntango bozalaki kosalela Ye?

Ezali na banzela mingi ya kokabola nsango malamu.

Botatola na ntina ya mapamboli elakama. Ntango bobengisi bana basalela mabongisi ya nsango malamu, bokoki kokabola bilaka oyo Nzambe apesaki bato oyo basaleka mabongisi wana. Ndakisa, Bokoki kotatola na ntina ya mapamboli oyo Ye apesaka biso ntango tofungolaka minoko na biso mpe tokabolaka nsango malamu.

Malongi mpe Mayokani 33:12–13

Nakoki kotonga bomoi na ngai likolo ya nsango malamu ya Yesu Klisto.

• Bokoki komema bana na bino libanda mpo na komona moboko ya ndako na bango to etonga ya Eklezia mpe kosenga bango balimbola yango. Mpo na nini etonga esengeli na moboko ya makasi, ya sikisiki? Botanga elongo na bango Malongi mpe Mayokani 33: 12– 13, mpe bokabola elongo na moko na mosusu mayoki na bino etali mpo na nini Nkolo alingaka biso totonga bomoi na biso likolo ya nsango malamu na Ye. Mpo na nini “libanga monene” ezali liloba malamu mpo na kolimbola nsangu malamu? Lolenge nini ekoki biso kotonga bomoi na biso likolo ya libanga ya Nsango malamu? (tala lisusu Mateya 7:24–29).

Mpo na makanisi koleka, botala nsango ya sanza oyo na magazini Moninga .

Kende na Esobe, na Robert T. Barrett