Sanza ya Misato 31–Sanza ya Minei 6.: “Yesu Klisto Akosangisa Bato na Ye”

Malongi mpe Mayokani 29

Atako Eklezia ya Yesu Klisto ebongisamaki na mobu 1830, makambo mingi ya solo ya nsango malamu ezali kaka ya kobimisama naino, mpe bandimi mingi ya Eklezia ya ebandeli bazalaki na mituna. Batangaki masakoli na Buku ya Mormon etali bosangani ya Yisalaele mpe botongi ya Siona (tala 3 Nefi 21). Lolenge nini yango ekosalema? Bimoniseli oyo Hiram Page asakolaki kozwa elobaki mpamba mpamba likolo ya likambo wana, oyo esalaki bobele komatisa mposa ya koyeba ya bandimi (tala Malongi mpe Mayokani 28 Bato basusu bazalaki komituna na oyo etali Bokweyi ya Adama mpe Ewa mpe liwa ya molimo. Nkolo ayambaki mituna oyo na mobu 1830, mpe Ye ayambaka mituna na biso lelo. “Nyonso oyo bokosenga na bondimi,” Alobelaki Basantu, “ntango bozali na bomoko na losambo engebene na motindo na ngai, bokozwa” (Malongi mpe Mayokani 29:6). Solo, lokola emoniseli oyo etonda na malongi ya motuya na Malongi mpe Mayokani 29 elakisi, Nkolo ntango mosusu ayanolaka na mituna na biso na kopesaka biso bosolo mpe boyebi mosika koleka maye totunaka.

Makanisi mpo na Koyekola na Ndako mpe na Eklezia

Malongi mpe Mayokani 29

Tata na Lola azali na mwango mpo na lobiko ya bana na Ye.

Malongi mpe Mayokani 29 eteyi makambo mingi ya solo etali mwango ya Nzambe mpo na bino. Ntango bozali kotanga, boluka bosolo oyo boyekoli etali moko moko ya biteni bilandi ya mwango na Ye:

• Bomoi yambo na bomoi ya kufa (tala milongo 36–37)

• Bokeli (tala milongo 31–33)

• Bokweyi ya Adama mpe Ewa (tala milongo 40–41)

• Bomoi ya kufa (tala milongo 39, 42–45)

• Bomikabi ya Yesu Klisto (tala milongo 1, 42–43, 46–50)

• Lisekwa (tala milongo 13, 26)

• Bosambisi ya Nsuka (tala milongo 12–13, 27–30)

Boyebi ya mozindo nini bozwi? Soki ezali na ntina mpo na bino, bokoki kokoma yango na esika epesami na bilili na nsuka ya liteya oyo. Lolenge nini bosolo oyo epesi nguya na bomoi na bino?

Tala lisusu Makambo mpe Mituna, “Plan of Salvation[Mwango ya Lobiko],” Biblioteke ya Nsango malamu.

Makambo mike mike uta na Boya Epayi na Ngai, na Simon Dewey

Malongi mpe Mayokani 93:1–28

Yesu Klisto abengisi ngai nasalisa kosangisa bato na Ye liboso ya Boyei na Ye ya Mibale.

Yesu Klisto azali koloba na ntina ya kosangisa bato na Ye “lokola soso asangisaka bana na ye na nse ya mapapu na ye” (Malongi mpe Mayokani 29:2). Bokokisanisi oyo eteyi bino nini na oyo etali Yesu Klisto? Makanisi to mayoki nini mosusu ekomeli bino ntango bozali koyekola elilingi ya soso ya mwasi mpe bana soso na liteya oyo? Bokanisa oyo etali lolenge nini boyokaki Yesu Klisto kosangisaka mpe kobatelaka bino.

Ntango bozali kotanga Malongi mpe Mayokani 29:1–11, boluka boyebi etali:

• Nani akosangisama.

• Elingi koloba nini “kosangisa” epayi ya Klisto.

• Mpo na nini tosanganaka epai na Ye.

Bomanyola mpo na nini bolingaka bato mosusu basangana epayi ya Yesu Klisto. Boyoki nini oyo efuli bino bosala mpo na kosalisa?

Bokoki komituna mituna se moko ntango bozali kotala video “A Witness of God [Nzeneneke ya Nzambe]” (Biblioteke ya Nsango Malamu) to bozali kotanga to bozali koyoka loyembo etali bosangani, lokola “Israel, Israel, God Is Calling” (Hymns, no. 7). Boyoki nini oyo Nkolo azali komeka koteya bino na ntina ya mosala na Ye ya kosangisa?

A Witness of God

Mokambi Russell M. Nelson alobaki: “Sikawa bosangisi esalemaka na ekolo moko na moko. Nkolo asakoli botongi ya Siona na bokonzi moko na moko esika eye Ye apesaki Basantu na Ye mbotama mpe ekolo na bango ” (“The Gathering of Scattered Israel [Bosangani ya Yisalaele Epanzana],” Liahona, Sanza ya zomi na moko 2006, 81). Lolenge nini bosangani na lolenge oyo esalisaka biso “komilengela na makambo nyonso” mpo na Boyei ya Mibale ya Mobikisi? (molongo 8; tala lisusu milongo 14–28).

Tala lisusu Russell M. Nelson mpe Wendy W. Nelson, “Hope of Israel [Elikya ya Yisalaele” (losambo ya bilenge ya mokili mobimba, sanza ya motoba 3, 2018), Biblioteke ya Nsango Malamu, D. Todd Christofferson, “Malongi ya Bozali na Kati,” Liahona, Sanza ya zomi na moko 2022, 53–56; Makambo mpe Mituna, “Gathering of Israel [Bosangani ya Yisalaele],” Biblioteke ya Nsango Malamu.

Malongi mpe Mayokani 29:31–35

“Makambo nyonso epayi na ngai ezali ya molimo.”

Ntango bozali koyekola Malongi mpe Mayokani 29:31–35, bomituna “Na lolenge nini mitindo nyonso ezali ya molimo?” Bosengeli kokoma molongo ya mwa mitindo mpe koyeba bosolo ya molimo oyo ekangami na moko moko. Botali lisusu ya Mpo na Bokasi ya Bilenge: Bokambi mpo na Kosala Maponi ekoki kosalisa—eteyaka misusu ya bosolo ya seko oyo ezali nsima ya mingi ya mitindo ya Nzambe.

Lolenge nini koyebaka ete “makambo nyonso … ezali ya molimo” etutaka lolenge botalelaka mitindo ya Nzambe? Bokanisa koluka ndimbola to ntina ya molimo na makambo mosusu ya bomoi lokola.

Tala lisusu 2 Nefi 9:39.

Kangama na Klisto. “Likambo nyonso ya nsango malamu [ezali] libaku ya koteya mpe koyekola oyo etali Yesu Klisto” (Koteya na Lolenge ya Mobikisi, 6). Boyekoli nini etali bizalela na ye, mosala na Ye, mpe ndakisa na Ye ntango bozali kotanga Malongi mpe Mayokani 29?

Malongi mpe Mayokani 29:36–50

Yesu Klisto asikoli biso uta na Bokwei.

Lolenge nini bokoki kosalela Malongi mpe Mayokani 29:36–50 mpo na kolimbola mpo na nini tozali na mposa ya bosikoli na nzela ya Yesu Klisto?

Bokwei ya Adama mpe Ewa ememaki liwa mpe lisumu kati na mokili, kasi elengelaki lisusu nzela mpo na bosikoli mpe esengo na nzela ya Klisto. Na likanisi wana na moto, botanga milongo 39–43 mpe bokoma maloba mpe maboke ya maloba oyo ememelaka bino esengo. Nini ekamwisaka bino etali maye Adama mpe Ewa balobaki etali Bokwei na Moise 5:10–12?

Tala lisusu “Why We Need a Savior [Mpo na nini Tosengeli na Mobikisi]” (video), Biblioteke ya Nsango Malamu.

Why We Need a Savior

Mpo na makanisi koleka, botala nsango ya sanza oyo na magazini Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 29

Tata na Lola azali na mwango mpo na lobiko ya bana na Ye.

• Mpo na kobanda lisolo etali mwango ya Tata na Lola mpo na biso, bino mpe bana na bino bokoki kosolola oyo etali ngonga oyo bosalaki mwango moko, lokola mpo na mobembo to mpo na kokokisa mokumba. Bokoki lisusu kokabola bandakisa ya myango, ndakisa manaka moko na milulu ekomama likolo na yango to mitindo mpo na kosala eloko moko. Mpo na nini myango ezalaka ntina? Nsima bokoki kolobela maye Tata na Lola alingi kokokisa mpe lolenge nini mwango na Ye esalisaka biso tokokisa yango.

• Bokoki kosalela bilili na nsuka ya liteya oyo mpo na kosalisa bana na bino bamona milongo na Malongi mpe Mayokani 29 oyo eteyi oyo etali biteni ekeseni ya mwango ya Tata na Lola. Bokoki lisusu kokata kata bilili yango mpe kosenga bana na bino batia yango na molongo esembolama. Mpo na nini tozali na botondi ya koyeba ete Tata na lola azali na mwango mpo na biso? Lolenge nini koyeba yango ezali na litomba na bomoi na biso ya mikolo na mikolo?

Malongi mpe Mayokani 29:1–2, 7–8

Yesu Klisto azali kosangisa bato na Ye liboso Ye aya lisusu.

• Elilingi oyo ezali na nse ya soso ya mwasi kosangisaka bana na ye to video “Chicks and Hens [Bana soso mpe Bamama soso]” (ChurchofJesusChrist.org) ekoki kosalisa bana na bino bamona lisese oyo ezali na Malongi mpe Mayokan 29:1–2. Nsima bokoki kotanga milongo oyo elongo mpe kosolola na moko na mosusu oyo etali lolenge nini mama soso abatelaka bana na ye mpe lolenge nini wana ekokani na maye Mobikisi akoki kosala mpo na biso.

  Chicks and Hens

  

  Nakosangisa Bino, na Liz Lemon Swindle

• Nini ekofula bana na bino balinga kosalisa Mobikisi asangisa bato na Ye? Ntango mosusu bakolinga koyoka boyebi ya moto moko oyo “asangisamaki ” na Ye na kokotaka na Eklezia na Ye. Ndakisa, nani ayingisaki libota na bino na Eklezia? Lolenge nini topambolamaki na koyambaka libiangi ya Nkolo mpo na kosangana na Ye? Lolenge nini tokoki kosunga basusu basangana na Ye? (Tala “A Message for Children from President Russell M. Nelson [Nsango mpo na Bana uta na Mokambi Russell M. Nelson]” [video], ChurchofJesusChrist.org.)

  Video: A Message for Children from President Russell M. Nelson

Malongi mpe Mayokani 29:11

Yesu Klisto akoya lisusu.

• Elilingi ya Boyei ya Mibale ya Mobikisi (ndakisa Gospel Art Book [Buku ya Ntoki ya Nsango Malamu], no. 66) to loyembo etali yango (ndakisa “When He Comes Again [Ntango Akoya Lisusu],” Children’s Songbook, 82–83) ekoki kosalisa bino mpe bana na bino balobela Malongi mpe Mayokan 29:11. Bosalisa bana nabino bamona maboke ya maloba na makomi oyo ekokani na eloko moko na elilingi to loyembo. Bokabola moko na mosusu lolenge nini boyokaka na oyo etali Yesu Klisto koyaka na mabele lisusu.

Mpo na makanisi koleka, botala nsango ya sanza oyo na magazini Moninga .