Sanza ya Misato 24–30: “Makambo Nyonso Esengeli Kosalema na Molongo”

Malongi mpe Mayokani 27–28

Emoniseli ezalaki kaka ata na moke likanisi ya sika mpo na Basantu ntango Bozongisi ekobaki kobimisama. Bandimi ya Eklezia ya ebandeli bayebaki ete Profeta Joseph Smith akokaki kozwa emoniseli mpo na Eklezia. Kasi ekokaki basusu? Mituna lokola oyo ekomaki makasi ntango Hiram Page, moko ya Banzeneneke Mwambe ya bapalaki ya wolo, andimaki ete azwaki bimoniseli mpo na Eklezia. Basantu mingi ya bosembo bandimaki ete bimoniseli oyo ewutaki na Nzambe. Nkolo ayanolaki na koteyaka ete kati na Eklezia na Ye “makambo nyonso esengeli kosalema na molongo” (Malongi mpe Mabongisi 28:16). Yango elingaki koloba kozala bobele na moto se moko “aponami mpo na kozwa mitindo mpe bimoniseli” mpo na Eklezia mobimba (Malongi mpe Mayokani 28:2). Nzokande, basusu bakokaki kozwa emoniseli ya moto se moko mpo na eteni na bango na mosala ya Nkolo. Solo, maloba ya Nkolo epayi ya Oliver Cowdery ezali bokundoli epayi na biso nyonso: “ekopesamela yo … oyo okosala” (Malongi mpe Mayokani 28:15).

Tala lisusu “Makambo Nyonso Esengeli Kosalema na Molongo,” na Revelations in Context [Bimoniseli na Ndimbola], 50–53.

Makanisi mpo na Koyekola na Ndako mpe na Eklezia

Malongi mpe Mayokani 27:1–4

Naliaka elambo na bomikundoli ya Yesu Klisto.

Sally Knight mpe Emma Smith babatisamaki na Sanza ya motoba 1830, kasi nkotisa na bango ekatanamaki na batomboki. Nsima ya basanza mibale, Sally mpe mobali na ye, Newel, bayaki kotala Emma mpe Joseph, mpe mokano ezwamaki ete bakulisama sikawa nkotisa mpe ete lingomba ya bato wana ekolia elambo elongo. Ntango azalaki na nzela kokendeka mpo na kozwa vinyo ya elambo, Joseph atelemisamaki na anjelu moko.

Botanga Malongi mpe Mayokani 27:1–4 mpo na komona maye anjelu ateyaki ye etali elambo. Milongo oyo epesi makanisi nini oyo etali lolenge nini Mobikisi alingi bino bosalela elambo? Bokanisi elingi koloba nini kolia yango “na lisu kotalaka epayi ya nkembo [na Ye]”? Bomanyola oyo—mpe boluka bososoli na oyo etali elambo—ntango bozali kotanga Luka 22:19–20 mpe 3 Nefi 18:1–11. (Botala lisusu bavideo “The Last Supper,[Elambo ya Nsuka]” “Jesus Christ Blesses Bread in Remembrance of Him, [yesu Klisto Apamboli Lipa na Bomikundoli Ye]” mpe “Jesus Christ Blesses Wine in Remembrance of Him, [Yesu Klisto Apamboli vinjo na Bomikundoli Ye” Biblioteke ya Nsango Malamu).

The Last Supper

Jesus Christ Blesses Bread in Remembrance of Him | 3 Nephi 18:1-7

Jesus Christ Blesses Wine in Remembrance of Him | 3 Nephi 18:8-11

Mpo na koyekola oyo etali kosala elambo likambo moko ya kokumbamela, bokanisa koyekola nsango ya Mpaka D. Todd Christofferson “The Living Bread Which Came Down from Heave [Limpa na Bomoi Oyo Ekitaki uta na Lola]” (Liahona,, Sanza ya zomi na moko 2017, 36–39). Mpaka Christofferson ateyaki nini oyo ekoki kosalisa bino boyoka mokangano monene koleka epayi ya Mobikisi na nzela ya elambo? Bomanyola oyo bokoki kosala mpo na komilengela malamu koleka mpo na kolia bilembo ya Bomikabi ya Mobikisi mpe bozwa yango na limemia to ntina.

Bokanisa koyemba, koyoka, to kotanga loyembo ya elambo, lokola “As Now We Take the Sacrament” (Hymns, no. 169), mpe bokoma mayoki na bino etali kosala elongo na bokuli ya bule oyo.

Bosalela miziki Miziki ya bule ebengisaka Molimo mpona kotatola bosolo ya nsango malamu. Ekoki kosalisa bino bososola mpe boyoka bosolo oyo na lolenge moko ya kobosana te. Miziki lisusu esalisaka koyekola esepelisa mingi.

Tala lisusu Malongi mpe Mayokani 20:77, 79; 59:9–13; Makambo mpe Mituna, “Sacrament [Elambo],” Biblioteke ya Nsango Malamu; “Obtaining and Retaining a Remission of Sins through Ordinances [Kozwa mpe Kokanga Bolimbisi ya Masumu na nzela ya Makuli],” na David A. Bednar, “Always Retain a Remission of Your Sins [Ntango nyonso Kokanga Bolimbisi ya Masumu na Bino],” Liahona, Sanza ya mitano 2016, 60–62.

Always Retain a Remission of Your Sins

Malongi mpe Mayokani 27:5–14

Nkolo apesaka basali na Ye bafungola ya bonganzambe mpona koyangela mosala na Ye.

Boyebi nini etali baprofeta balobelami na milongo oyo? Bokoki koluka nsango etali bango na Mokambi na Makomi. Mapamboli nini mafungwami mpo na bino na nzela ya bafungola oyo baprofeta oyo bazali na yango?

Malongi mpe Mayokani 27:15–18

Ebundeli ya Nzambe esalisaka ngai natelemela mabe.

Mokambi M. Russell Ballard alobaki: “Ezali na eloko moko te ya monene mpe ya ntina tokoki kosala mpo na komilatela ebundeli ya molimo biso moko. Nguya ya solo ya molimo efandi na misala ya mike mike mingi esangana elongo na kosala etongeli moko ya makasi ya molimo oyo ebatelaka mpe ebombaka biso uta na mabe nyonso” (“Be Strong in the Lord [Bozala Makasi kati na Nkolo],” Ensign,, Sanza ya nsambo 2004, 8).

Ntango bozali koyekola oyo etali ebundeli ya Nzambe na Malongi mpe Mayokani 27:15–18, bokoki kosala mesa lokola oyo na nse. Bozali kosala nini mpo na kolata eteni moko moko ya ebundeli ya Nzambe?

Eteni ya ebundeli	Eteni ya nzoto oyo ebatelami	Nini eteni ya nzoto wana ekoki kolakisa
Eteni ya ebundeli Palaki ya ntolo ya bosembo	Eteni ya nzoto oyo ebatelami Motema	Nini eteni ya nzoto wana ekoki kolakisa Bamposa mpe bolingo na ngai
Eteni ya ebundeli Ekoti ya lobiko	Eteni ya nzoto oyo ebatelami Moto mpe makanisi	Nini eteni ya nzoto wana ekoki kolakisa
Eteni ya ebundeli	Eteni ya nzoto oyo ebatelami	Nini eteni ya nzoto wana ekoki kolakisa
Eteni ya ebundeli	Eteni ya nzoto oyo ebatelami	Nini eteni ya nzoto wana ekoki kolakisa

Tala lisusu Baefese 6:11–18; Jorge F. Zeballos, “Kotonga Botelemeli Moke na Monguna,” Liahona, Sanza ya zomi na moko 2022, 50-52.

Malongi mpe Mayokani 28

Yesu Klisto ayangelaka Eklezia na Ye na nzela ya profeta na Ye na bomoi.

Bokanisa elingaki kozala lolenge nini soki moto nyonso akokaki kozwa mitindo mpe emoniseli mpo na Eklezia mobimba. Ntango Hiram Page alobaki ete azwaki emoniseli ya boye, bandimi mingi ya Eklezia bazalaki na mobulungano. Na Malongi mpe Mayokani 28, Nkolo amonisaki molongo ya makambo mpo na kozwa emoniseli na Eklezia na Ye. Nini boyekoli uta na eteni oyo etali mosala ya ye moko Mokambi ya Eklezia? Boyekoli nini etali lolenge Nzambe akoki koyangela bino?

Botala lisusu Dale G. Renlund, “Efandelo mpo na Emoniseli ya Moto se Moko,” Liahona, Sanza ya zomi na moko 2022, 16–19.

Malongi mpe Mayokani 28:8–9

Mpo na nini misio epayi ya Balamani ezalaki na ntina?

Ntina moko ya Buku ya Mormon ezali “ete Balamani bakoka kozwa boyebi ya batata na bango, mpe ete bakoka koyeba bilaka ya Nkolo” (Malongi mpe Mayokani 3:20). Yango oyo ekokanaki na bilaka Nkolo asalaki na baprofeta mingi ya Buku ya Mormon (tala, ndakisa, 1 Nefi 13:34–41; Enos 1:11–18; Elamani 15:12–13). Bandimi ya Eklezia ya ebandeli bakanisaki Baindia ya Amerika bazalaki bakitani ya bato ya Buku ya Mormon. (Makanisi mayebani ya Eklezia ya lelo ezali ete Balamani “bazali kati na bankoko ya Baindia ya Amerika” [Boyingisi na Buku ya Mormon].)

Mpo na kotanga mingi oyo etali misio ya Oliver epayi ya bikolo ya pembeni ya BaIndia ya Amerika, tala “A Mission to the Lamanites [Misio epai ya Balamani],” Revelations in Context,45–49). Misio oyo etei bino nini etali Nkolo mpe mosala na Ye?

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 27:1–2

Elambo esalisaka ngai nakanisa Yesu Klisto.

• Bana bakoki kokamwa mpo na nini tosalelaka mayi mpo na elambo kasi Yesu asalelaki vinjo (tala Luka 22:19–20; 3 Nefi 18:1–11). Bokoki kotanga Malongi mpe Mayokani 27: 1–2 elongo mpe kosolola maye elingi koloba kolia elambo “na liso bobele na nkembo ya Nzambe]” (molongo 2). Nini tokoki kosala mpo na koyekama na Mobikisi ntango toliaka elambo?

• Ntango mosusu kozala na bililingi, milongo ya makomi, to maloba ya nzembo etali Mobikisi ekoki kosalisa bana na bino bamikundola Ye ntango bazali kolia elambo. Bakoki kosepela kokela mwa buku na bililingi, milongo, mpe maloba oyo misusu. Bakoki koyema bililingi na bango moko to kozwa misusu na magazini Moninga .

Makambo mike mike uta na Elambo ya Nsuka, na Simon Dewey

Malongi mpe Mayokani 27:15–18

Ebundeli ya Nzambe ebatelaka ngai.

• Bokoki kolakisa bana na bino elilingi ya ebundeli lokola moko oyo ezali na liteya oyo to na lokasa ya milulu na liteya mpo na baefese na Yaka, Landa Ngai—Mpona Eteyelo ya Bana: Boyokani ya Sika 2023. Ntango bozali kotanga Malongi mpe Mayokani 27:15–18, bosalisa bango bamona biteni ya ebundeli na elilingi yango. Lolenge nini ebundeli ya Nzambe ekoki kosunga biso “kotelemela mokolo mabe”? (molongo 15).

Malongi mpe Mayokani 28:2, 6–7.

Profeta azwaka emoniseli mpo na Eklezia; nakoki kozwa emoniseli mpo na bomoi na ngai.

• Soki bozali na bana ebele, bokoki kobengisa bango basala lisano “bolanda mokambi,” kasi bosenga bana mibale to mingi koleka bazala mokambi na mbala moko. Nini esalemaka soki ezali mingi koleka mokambi moko? Nsima bokoki koyekola oyo etali Hiram Page (tala “Eteni ya 14: Profeta mpe Bimoniseli mpo na Eklezia,” na Masolo ya Malongi mpe Mayokani, 56–57, to na video ekokani na yango na Biblioteke ya Nsango Malamu; to eteni ya moto mpo na Malongi mpe Mayokani 28). Lolenge nini Tata na Lola asembolaki mobulungano ya bandimi ya Eklezia ya ebandeli? Lolenge nini Ye akambaka Eklezia lelo? (tala Malongi mpe Mayokani 28:2). Bokabola litatoli na bino ete profeta ya sikawa abiangami na Nkolo mpo na kokamba Eklezia na Ye na mikolo na biso.

  Chapter 14: The Prophet and Revelations for the Church: September 1830

• Ntango emoniseli mpo na Eklezia ekopesama ntango nyonso na nzela ya profeta, tokoki banso kokambama na Molimo Mosantu. Bokoki kosalisa bana na bino baluka na misusu ya makomi elandi mpe basala molongo ya banzela Molimo Mosantu akoki kokamba biso: Malongi mpe Mayokani 28:1, 4, 15; Yoane 14:26; Moroni 8:26; 10:4–5. Bokabola moko na mosusu lolenge nini bokambamaki na Molimo Mosantu.

Mpo na makanisi koleka, botala nsango ya sanza oyo na magazini Moninga .