Sanza ya Misato 17–23: “Boluka Makambo ya Mokili Malamu Koleka”

Malongi mpe Mayokani 23–26

Mpo na bato mingi mpenza, kobatisama ezali likambo moko ya limemia, ya kimia. Nzokande, libatisi ya Emma Smith mpe basusu ekatamaki na etuluku moko ya bato mabe oyo basekaki bango, babangisaki bango, mpe batindikaki bango na makasi bakima. Nsima, kaka ntango Joseph akomaki pene ya kokulisa nkotisa bandimi ya sika, bakangaki ye mpo na kotia mobulu na lisanga ya bato na mateya na ye. Na botelemeli nyonso oyo, lolenge nini ekokaki Emma kozwa bozongisi kondima ete azalaki kosala likambo ya malamu? Na esika se moko tokoki banso kozwa yango—na nzela ya emoniseli uta na Nkolo. Alobelaki Emma oyo etali “makambo ya [mokili] malamu koleka”—Bokonzi na Ye—mpe esika na ye kati na yango. Alobaki na ye abanga te, “atombola [ya ye] motema mpe asepela,” mpe akangama na mayokani [ye] asalaki.” Mpe maloba oyo ya bopesi makasi mpe toli ezali ya Ye “mongongo epayi ya banso” (Malongi mpe Mayokani 25:9–10, 13, 16).

Tala lisusu Basantu, 1:89–90, 94–97.

Makanisi mpo na Koyekola na Ndako mpe na Eklezia

Malongi mpe Mayokani 24

Mobikisi akoki kotombola ngai “uta na minyoko na [ngai].”

Emoniseli na Malongi mpe Mayokani 24 epesamaki mpo na “kolendisa, kopesa makasi, mpe koteya” Joseph Smith mpe Oliver Cowdery na ngonga moko ya momekano (eteni ya moto; tala lisusu Basantu, 1:94–96). Boluka maloba na Malongi mpe Mayokani 24 oyo boyoki ete elendisaki mpe epesaki bango makasi.

Makomi oyo elandi epesi bino makanisi nini etali lolenge nini Mobikisi asungaka bino na mikakatano na bino?

Malongi mpe Mayokani 24:1–3

Malongi mpe Mayokani 24:8

Malongi mpe Mayokani 121:7–8

Yisaya 40:28–31

Mozia 24:14–15

Makambo mikemike uta na Abikisaki Bato Mingi ya Bokono ya Ndenge na Ndenge, na J. Kirk Richards

Malongi mpe Mayokani 25

Nazali na mosala ya motuya ya kosala na bokonzi ya Nzambe.

Ntango Emma Smith atalaki Bozongisi komonisama na nzela ya mobali na ye, Joseph Smith, akokaki komituna nini mosala na ye ekokaki kozala. Boluka biyano oyo Nzambe apesaki na Malongi mpe Mayokani 25 Bomoni likambo moko na eteni oyo oyo boyoki ezali ya Ye “mongongo epai na [bino]”? (molongo 16).

Tala lisusu “An Elect Lady [Mwasi Moponami]” (video, ChurchofJesusChrist.orgThou Art an Elect Lady [Ozali Mwasi Moponami],” na Revelations in Context, 33–39; Joy D. Jones, “An Especially Noble Calling [Libiangi ya Lokumu ya Bokeseni],” Liahona, Sanza ya mitano 2020, 15–18.

"An Elect Lady"

Malongi mpe Mayokani 25:5, 14

“Bokoba kati na molimo ya bosokemi”

Nini biteni ya maloba “molimo ya bosokemi” elingi koloba mpo na bino? Bokanisa koluka eteni 25 maloba mpe biteni ya maloba oyo esalisaka bino bososola nini yango elingi koloba kozala mosokemi. Nsango ya Mpaka David A. Bednar “Meek and Lowly of Heart [Mosokemi mpe ya Bomikitisi]” ekoki lisusu kosalisa (Liahona, Sanza ya zomi na moko 2018, 30–33). Lolenge nini Yesu Klisto azali ndakisa ya bosokemi mpo na bino? (tala Matai 11:28–30). Bokanisa oyo etali makambo na bomoi na bino oyo bokoki kosala “kati na molimo ya bosokemi.”

Malongi mpe Mayokani 25:10, 13

“Botia pembeni makambo ya mokili oyo, mpe boluka makambo ya malamu koleka.”

Ntango bozali komanyola toli ya Nkolo na Malongi mpe Mayokani 25:10, ekoki kosalisa kosala molongo ya “makambo ya mokili oyo” Ye alingi bino “botia pembeni.” Nsima bokoki kosala molongo ya “makambo ya [mokili] malamu koleka” Ye alingi bino boluka. Bokoki kopona pene likambo moko uta na molongo ya yambo oyo bokotia pembeni mpe likambo moko uta na molongo ya mibale oyo bokoluka.

Mokambi Russell M. Nelson apesi toli mpe bilaka etali “[kotiaka] pembeni makambo mingi ya mokili oyo.” Boluka yango na lokasa 77 ya nsango na ye “Spiritual Treasures [Biloko ya Motuya ya Molimo]” (Liahona, Sanza ya zomi na moko 79). Lolenge nini bokolandela toli na ye?

Ntango bozali kotanga molongo 13, bokanisa oyo etali mayokani bosalaki na Tata na Lola mpe Yesu Klisto. Elingi koloba nini “kokangama na” mayokani oyo? Lolenge nini mayokani na bino esalisaka bino “botia pembeni makambo ya mokili oyo, mpe boluka makambo ya malamu koleka”?

Tala mwa makomi misusu oyo ekoki kosalisa bino bososola katikati ya “makambo ya mokili oyo” mpe “makambo ya malamu koleka”: Matai 6:19, 21, 25–34; Luka 10:39–42; 2 Nefi 9:51.

Tala lisusu Makambo mpe Mituna, “Baprofeta,” Biblioteke ya Nsango malamu.

Bobengisa mpo na kokabola. Soki bozali koteya basusu oyo etali lolenge nini “kotia pembeni makambo ya mokili,” bokanisa banzela ya kobengisa bango bakabola maye bazali kosala mpo na kolanda toli oyo. Tokoki kobenda bokasi monene mpe mpiko uta na koyokaka makanisi mpe boyebi ya moko na mosusu.

Malongi mpe Mayokani 25:11–12

Nkolo asepelaka na ya ngai “loyembo ya motema.”

Nini ezali mwa “loyembo to nzembo ya motema” na bino misusu—nzembo oyo elobaka mayoki na bino etali Tata na Lola to Yesu Klisto? Bokanisa koyemba to koyoka moke na yango. Nzembo oyo elobeli nini oyo esali yango ezala ya kokesena epayi na bino?

Bokoki lisusu komanyola lolenge nini nzembo oyo ezali lokola losambo. Nini miziki mpe losambo ya bule ezali na yango ya kokokana? Lolenge nini nzembo na bino ya bule “eyanolami na lipamboli”?

Tala lisusu “Oh, What Songs of the Heart,” Hymns, no. 286.

Malongi mpe Mayokani 26:2

“Makambo nyonso ekosalama na bondimami ya bato nyonso kati na Eklezia”

Liboke ya maloba “bondimami ya bato nyonso” kati na molongo oyo elobeli ekela ya kotombola maboko na biso mpo na kolakisa ete tosungi mpe totelemisi moto moko oyo azali kozwa libiangi to bokuli ya bonganganzambe. Lolenge nini bokolimbolela mopaya na liyangani moko ya Eklezia maye elingi koloba ntango tozali kosunga moto moko? Biyano nini bozwi na nsango ya Mokambi Henry B. Eyring “Nguya ya Kosungaka Bondimi”? Liahona, Sanza ya mitano 2019, 58–60).

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 24:1, 8

Mobikisi akoki kotombola ngai “uta na minyoko na [ngai].”

• Mpona koyekola oyo etali misusu ya minyoko to mikakatano, Joseph mpe Basantu ya ebandeli bakutanaki na yango, bokoki kotala lisusu “Mokapo 11: Bato mingi koleka bakotaki na Ekleziia,” na Masolo ya Malongi mpe Mayokani, 46–47, to video ekokani na yango na Biblioteke ya Nsango Malamu. Nsima bino mpe bana na bino bokoki komona maye Nkolo alobelaki Joseph etali minyoko na ye na Malongi mpe Mayokani 24:1, 8. Bokokaki lisusu kokabola moko na mosusu lolenge nini Nkolo asalisaka bino na ntango ya mpasi.

  Chapter 11: More People Join the Church: April–June 1830

• Mpo na koyekola nini elingi koloba kozala “bompikiliki na minyoko [na biso],” bino mpe bana na bino bokoki kokela lisusu makambo oyo ezali na video “Continue in Patience [Bokoba na Bompikiliki]” (Biblioteke ya Nsango Malamu). Nini Malongi mpe Mayokani 24:8 eteyi biso na oyo etali bompikiliki? Lolenge nini Mobikisi atikaka biso toyeba ete Ye azali “elongo na [biso]” na ntango ya minyoko na biso?

  Continue in Patience

Malongi mpe Mayokani 25:11–12

Yesu alingaka “loyembo ya motema.”

• Nsima ya kotanga Malongi mpe Mayokani 25:12, bokoki koloba na moko na mosusu oyo etali loyembo na bino bolingaka mingi to loyembo ya Eklezia— “loyembo ya motema” na bino—mpe koyemba yango elongo. Bokabola moko na mosusu mpo na nini bolingaka nzembo oyo. Mpo na nini Nkolo azali na esengo ntango toyembaka nzembo oyo? Lolenge nini boyembi na biso ezali lokola “losambo epayi na [Ye]”?

Malongi mpe Mayokani 25:13, 15

Mayokani na ngai na tata na Lola ememelaka ngai esengo.

• Mpo na kososola nini elingi koloba “kokangama na mayokani” (Malongi mpe Mayokani 25:13), bana na bino bakoki kosala ngala kosimbaka eloko moko makasi ndenge ekoki bango kosala. Nsima bino mpe bana na bino bokoki kosolola etali lolenge nini bino “bokangami” to bosimbaka mayokani na bino. Soki esengeli, botala lisusu elongo na bana na bino mayokani tosalaka (tala Mosiya 18:8–10; Malongi mpe Mayokani 20:37; mpe lokasa ya milulu ya poso oyo).

• Mpo na kopesa bana na bino likanisi mpo na Malongi mpe mayokani 25:13, bokoki koloba ete oyo ezali likambo moko Nkolo alobaki na Emma Smith noki nsima ya libatisi na ye. Mpo na nini yango ekozala toli malamu mpo na moto moko oyo abatisamaki kala te?

Mpo na makanisi koleka, botala nsango ya sanza oyo na magazini Moninga .

Nzembo ya Emma, na Liz Lemon Swindle