Sanza ya Mibale 24–Sanza ya Misato 2: “: “Motuya ya Milimo Ezali Monene”

Malongi mpe Mayokani 18

Ezali na banzela ekeseni mingi ya komeka komezile motuya ya moto. Talanta, boyekoli, nkita, mpe lolenge ya nzoto nyonso ekoki kotuta na lolenge nini totiaka motuya ya moko na mosusu—mpe bisomei. Kasi na miso ya Nzambe, motuya na biso ezali likambo ya pete koleka, mpe elobami na polele na Malongi mpe Mayokani 18: “Bomikundola ete milimo ezali na motuya monene na miso ya Nzambe” (milongo 10). Bosolo ya pete oyo elimboli mingi mpenza maye Nzambe asalaka mpe mpo na nini Ye asalaka yango. Mpo na nini Atindaki Joseph Smith mpe Oliver Cowdery batia Eklezia ya Yesu Klisto na mikolo na biso? (tala milongo 1–5). Mpo motuya ya milimo ezali monene. Mpo na nini Ye “atindaka bato nyonso bisika nyonso bayambola” mpe atindaka Bapostolo bateya boyamboli? (molongo 9). Mpo motuya ya milimo ezali monene. Mpe mpo na nini Yesu Klisto anyokwamaki “liwa kati na mosuni” mpe “mpasi ya bato nyonso”? (molongo 11). Mpo motuya ya milimo ezali monene. Soki kutu moko ya milimo oyo eponi koyamba likabo ya Mobikisi, Ye asepelaka, mpo “monene ezali bosepeli na ye na molimo oyo ayamboli” (molongo 13).

Makanisi mpo na Koyekola na Ndako mpe na Eklezia

Malongi mpe Mayokani 18:1–5

“Botonga eklezia na ngai.”

Na eteni 18, Nkolo apesaki Oliver Cowdery mitindo asalisa kofandisa moboko ya Eklezia ya Yesu Klisto. Bomoni nini etali toli Ye apesaki—mingimingi na milongo 1–5? Bokoki kokanisa lolenge toli se moko oyo esalelamaka epayi na bino ntango bino “botongi” bondimi na bino na Klisto. Ndakisa:

• “Bolingi koyeba” nini na ntina ya Nkolo? (molongo 1).

• Elingi kolobela bino nini “kotalela makambo oyo makomami”? (eteni 3). Lolenge nini Molimo “amimonisaki epayi na bino” ete makambo oyo ezali solo? (molongo 2; tala lisusu Malongi mpe Mayokani 6:22–24).

• Lolenge nini botongaka bomoi na bino likolo ya “moboko ya nsango malamu ya [Mobikisis] mpe libanga [na Ye]”? (molongo 5).

Botuna mituna. Malongi mpe Mayokani ezali elembo ya solo ete mituna ekambaka na emoniseli. Ntango bozali kotanga makomi, bokoma mituna oyo bozali na yango. Nsima bomanyola mpe bosambela mpo na koluka biyano.

Doctrine et Alliances 18:10–13.

“Motuya ya milimo ya bato ezali monene na miso na Nzambe.

Lolenge nini tomonelaka motuya ya eloko? Ndakisa, mpo na nini moko ya eloko na zando ezali talo mingi koleka mosusu? Ntango bozali kotanga eteni 18 poso oyo, mingimingi milongo 10–13, bokoki kokesenisa lolenge bato mbala mingi bamonelaka motuya na oyo esalaka molimo ezala motuya na miso ya Nzambe. Bokanisa kosobitina nkombo na bino na esika ya maloba “molimo,” “milimo,” mpe “bato nyonso.” Lolenge nini milongo oyo ekoki kosalisa moto moko oyo atielaka motuya na ye ntembe?

Tala mwa biteni misusu ya makomi oyo eteyi na ntina ya motuya ya molimo: Luka 15:1–10; Yoane 3:16–17; 2 Nefi 26:24–28; Moses 1:39. Engebene na biteni ya makomi oyo, lolenge nini bokokomisa mokuse lolenge Nzambe amiyokaka na ntina na bino? Bokoki lisusu koluka na nsango ya Mokambi Dieter F. Uchtdorf “Bozali ntina mpo na Ye” (Liahona, Sanza ya zomi na moko 2011, 19–22) mpo na kozwa maloba mpe biteni ya maloba oyo eko salisa bino boyeba oyo etali motuya na bino epayi ya Nzambe.

Lolenge nini Nzambe alakisaka bino ete bozali motuya monene mpo na Ye? Boniboni yango etutaka lolenge bozali koyoka na ntina ya binomei mpe basusu?

Tala lisusu Joy D. Jones, “Motuya Koleka Emekoli; Liahona, Sanza ya zomi na moko 2017, 13–15; Makambo mpe Mituna, “Children of God ( Bana ya Nzambe),” Biblioteke ya Nsango Malamu.

Malongi mpe Mayokani 18:11–16;

Nkolo asepelaka ntango nayambolaka.

Botala mbala boni maloba lokola koyambola mpe boyamboli esalelami na Malongi mpe Mayokani 18mobimba. Bomanyola maye boyekoli uta na maloba oyo ngonga moko na moko esalelami. Bokanisa mingimingi milongo 11–16. Lolenge nini milongo oyo esimbi lolenge boyokaka na oyo etali boyamboli—boyamboli na yo moko mpe mokumba ya kobengisa bato mosusu bayambola mpe babongwama? Botala nzela moko ya kokoma maye boyekoli: bosala molongo ya banzela mingi oyo bokosalela mpo na kotondisa molongo “Boyamboli ezali .”

Tala lisusu Alma 36:18–21; Bokambi na Makomi, “Boyamboli,” Biblioteke ya Nsango Malamu; Dale G. Renlund, “Boyamboli: Boponi Moko ya Esengo,” Liahona, Sanza ya zomi na moko. 2016, 121–24.

Makambo ya mikemike uta na Mwana mobali Abunga Nzela, na Clark Kelley Price

Malongi mpe Mayokani 18:14–16;

Esengo eyaka uta na kosalisaka basusu baya epaii ya Klisto.

Ntango bozali kotanga milongo 14–16, bomaniola soki yango elingi koloba nini “kogangaka boyamboli”—mpe mpo na nini emememaka esengo ya boye. Banzela misusu nini bomoni mpo na kosalisa basusu baya epayi ya Mobikisi mpe kozwa bolimbisi? Lolenge nini basusu basalaki yango mpo na yo?

Tala lisusu Craig C. Christensen, “There Can Be Nothing So Exquisite and Sweet as Was My Joy (Ekoki Kozala na Eloko moko ya Malamu Mpenza mpe Sukali lokola Ezalaki Esengo na Ngai),” Liahona, Sanza ya mitano 2023, 45–47.

Malongi mpe Mayokani 18:34–36

Nakoki koyoka mongongo ya Nzambe na makomi.

Soki moto moko atunaki bino mongongo ya Nkolo ezalaka lolenge nini, bokoloba nini? Bokanisa etali motuna oyo ntango bozali kotanga Malongi mpe Mayokani 18:34–36. Boyekoli nini etali mongongo ya Nkolo na kotangaka Malongi mpe Mayokani? Nini bokoki kosala mpo na koyoka mongongo na Ye polele mingi koleka?

Tala lisusu “As I Search the Holy Scriptures,” Hymns, no. 277.

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Doctrine et Alliances 18:10–13.

Moko na moko na biso azali motuya epayi ya Nzambe.

• Ntango bino mpe bana na bino bozali kotanga Malongi mpe Mayokani 18:10–13, bokanisa kokosobitina moko na mosusu na esika ya maloba “molimo,” “milimo,” mpe “bato nyonso.” Nsima bokoki kosolola oyo etali lolenge nini milongo oyo esalisaka biso tososola lolenge nini Tata na Lola ayokaka na ntina ya moko na moko na biso.

• Bokoki lisusu kotuna bana na bino na oyo etali makambo oyo bato bakanisaka ya motuya. To bokoki kolakisa bango eloko moko oyo ezali motuya mpona bino. Lolenge nini totalelaka makambo oyo ezali motuya epayi na biso? Nsima botika bango basala ngala kotalaka na talatala. Ntango bazali kosala, boloba na moko na moko ete bazali mwana moko ya Nzambe mpe bazali ya motuya monene. Lolenge nini tokoki kolakisa basusu ete “motuya ya [ya bango] milimo ezali monene” na miso na biso?

• Mpo na kobeta nsete ete bato nyonso bazali motuya monene epayi ya Tata na Lola, bana na bino bakoki kotala elilingi na nsuka ya liteya oyo ntango bozali kotanga Malongi mpe Mayokani 18:10–13. Koyemba elongo loyembo lokola “Every Star Is Different” (Children’s Songbook, 142–43) ekoki kosalisa kolendisa lisusu likambo oyo.

Makambo mikemike uta na Motuya ya Molimo, na Liz Lemon Swindle

Malongi mpe Mayokani 18:13–16

Bokaboli nsango malamu ememaka esengo monene.

• Mpo na kofula bana na bino bakabola nsango malamu ya Yesu Klisto, bokoki kosolola na moko na mosusu na oyo etali boyebi ntango bomonaki likambo moko oyo bolingaki kokabola elongo na baninga na bino to libota. Mpo na nini bolingaki kokabola yango, mpe lolenge nini kokabolaka yango eyokisaki bino? Nsima bokoki kotanga malongi mpe Mayangani 18:13, 16. Nini ememelaka Nkolo esengo? Nini Alobaka ekomemela biso esengo? Bino mpe bana na bino bokoki kolobela oyo etali boyebi kani bozwi kokabolaka esengo ya nsango malamu ya Mobikisi

• Nzembo moko etali kokabola nsango malamu, ndakisa “I Want to Be a Missionary Now [Nalingi Kokoma Misionele Sikawa]” (Children’s Songbook, 168) ekoki kosalisa bana na bino bakanisa banzela bakoki kokabola nsango malamu.

Malongi mpe Mayokani 18:34–36

Nakoki koyoka mongongo ya Nzambe na makomi.

• Bana na bino bakoki kosepela na lisano oyo bazali komeka koyoka mingongo ya bato bakeseni, ndakisa bato ya libota, baninga, to bakambi ya Eklezia. Lolenge nini toyebaka mingongo ya moko na mosusu? Lolenge nini toyebaka mongongo ya Nkolo? Bokoki kotanga elongo Malongi mpe Mayokani 18:34–36 mpo na kosolola motuna oyo. Bokokaki lisusu kokabola na moko na mosusu lolenge nini boyoki mongongo ya Nkolo na makomi.

Mpo na makanisi koleka, botala nsango ya sanza oyo na magazini Moninga .

Molimo nyonso ezali na ntalo mingi mpo na Nzambe.