“Mingongo ya Bozongisi: Banzeneneke ya Buku ya Mormon,” Yaka, Landa Ngai—mpo na Ndako mpe Eklezia: Malongi mpe Mayokani 2025 (2025)
“Banzeneneke ya Buku ya Mormon,” Yaka, Landa Ngai—Mpo na Ndako mpe Eklezia: 2025
Mingongo ya Bozongisi
Banzeneneke ya Buku ya Mormon
Anjelu Moroni alakisaki bapalaki ya wolo epai ya Joseph Smith, Oliver Cowdery, David Whitmer, mpe Martin Harris na zamba pene ya ndako ya Whitmer na Fayette, New York. Baboti ya Joseph bazalaki koya kotala libota ya Whitmers na ntango wana. Lucy Mack Smith, mama ya Joseph, alakisaki nguya boyebi oyo ya makamwisi ezwaki likolo ya banzeneneke:
“Ezalaki na katikati ya ngonga ya misato mpe ya minei. Mama Whitmer mpe Tata Smith mpe ngai moko tofandaki na kisuku ya kolala. Nafandaki penepene ya mbeto. Ntango Joseph akotaki, amibwakaki na nse penepene na ngai. ‘Tata! Mama!’ elobaki ye. ‘Boyebi te lolenge nini nazali na esengo. Nkolo asali ete bapalaki emonisama epai ya basato misusu mpe ngai, oyo bamonaki lisusu anjelu mpe basengeli kotatola bosolo oyo nalobaki. Mpo bayebi bango moko ete nalingaka kokosa bato te. Mpe namiyoki lokola motema ekiti na mokumba monene, oyo ezalaki mbele kolekela ngai namema. Kasi basengeli sikawa komema eteni, mpe esepelisi molimo na ngai ete nazali kaka ngai moko te na mokili.’ Nsima Martin Harris akotaki. Amonanaki lokola ya kotondisama na esengo mingi. Nsima atatolaki na oyo amonaki mpe ayokaki, lokola basusu basalaki, Oliver mpe David. Litatoli na bango ezalaki lolenge moko na oyo ezwamaki na Buku ya Mormon. …
“Martin Harris mingimingi amonanaki kozala na bozangi makoki ya kotalisa mayoki na ye na maloba. Alobaki, ‘namonaki sikawa anjelu uta na Lola oyo atatolaki na ntembe te bosolo ya nyonso oyo nayokaki na ntina ya nkoma ya makomi, mpe miso na ngai etalaki ye. Natalaki lisusu bapalaki mpe nasimbaki yango na maboko na ngai mpe nakoki kotatola na ntina na yango na mokili mobimba. Kasi nazwaki mpo na ngai moko litatoli ete maloba ekoki te kolobela, oyo monoko moko te ekoki kolimbola, mpe napamboli Nzambe na bosolo ya molimo na ngai ete azali na bonkonde mpo na kokomisa ngai, kutu ngai, nzeneneke ya bonene ya mosala na Ye mpe miango na ye na nkombo [ya] bana ya bato.’ Oliver mpe David lisusu basanganaki na ye na masanjoli ya lokumu epai ya Nzambe mpo na bolamu mpe mawa na Ye. Tozongaki na ndako [na Palmyra, New York,] mokolo elandi na esengo, kosepelaka na mwa lisanga moke ya bato.”
Oliver Cowdery, David Whitmer, mpe Martin Harris
Lucy Mack Smith azalaki mpe wana ntango Banzeneneke Mwambe bazongaki uta na likambo bakutanaki na yango:
“Nsima ya bozongi ya banzeneneke oyo na ndako, anjelu abimelaki lisusu Joseph; na ntango Joseph azalaki kopesa bapalaki na maboko na ye. Na mpokwa wana tosalaki likita moko, na liye wapi banzeneneke nyonso batatolaki makambo lokola elobelami likolo; mpe libota na biso mobimba, kutu na Don Carlos [Smith], oyo azalaki na mibu 14, atatolaki na ntina ya bosolo ya eleko ya mikolo ya nsuka —ete efungolamaki mpenza mobimba na ntango wana.”
Ntoki ya elilingi ya Joseph Smith mpe Banzeneneke Mwambe
Kobakisa likolo ya Banzeneneke Misato mpe Banzeneneke Mwambe, Mary Whitmer, mama ya David Whitmer, apambolamaki lisusu kozala nzeneneke ya bapalaki ya wolo. Anjelu Moroni alakisaki yango epayi na ye lokola kondimama ya komibonzela asalaki ntango Joseph, Emma, mpe Oliver bafandaki na ndako na ye. “Bozalaki bosembo mpe etingya mpenza na misala na bino,” Moroni alobelaki ye. “Yango wana, ezali malamu, ete bosengeli kozwa litatoli ete bondimi na bino ekoka kolendisama.”