Ebale ya Susquehanna pembeni ya Harmony, Pennsylvania

Sanza ya mibale 17– 23: “Likolo na Bino Balingami na Ngai Basaleli”

Malongi mpe Mayokani 12–13; Joseph Smith—Mambi ya Kala 1:66–75

Ekoki kozala solo ete bato mingi mpenza na mokili mobimba bayoka pene naino te esika oyo babengi Harmony, na Pennsylvania. Nkolo mbala mingi aponaka bisika oyo biyebana te mpo na makambo ya ntina minene mpenza na bokonzi na Ye. Na esika ya zamba moke pene ya Harmony na sanza ya mitano 15, 1829, Yoane Mobatisi abimelaki Joseph Smith mpe Oliver Cowdery. Atiaki maboko na ye likolo ya mito na bango mpe akulisaki bango Bonganganzambe ya Alona, kobiangaka bango “balingami na ngai basaleli ” (Malongi mpe Mayokani 13:1).

Yoane Mobatisi azalaki mosali ya Nzambe ya elikya oyo abatisaki Mobikisi mpe alengelaki nzela mpo na boyei na Ye (botala Matai 3:1–6, 13–17), Mpo na bilenge mibali mibale oyo bakokisaki mibu na bango ntuku mibale, esengelaki kozala na komikitisa, ntango mosusu kutu kolekela mokumba ya kilo, mpo na kobiangama balingami basaleli ya Yoane. Na ntango wana, Joseph mpe Oliver bayebanaki naino te, mingi mpe lokola Harmony eyebanaki te. Kasi bosali na mosala ya Nzambe ezalaka ntango nyonso kotala lolenge nini tosalelaka, kasi likambo ya nani amoni te. Nzokande atako likabo na yo ezala moke to emonana te ntango mosusu, mpe ozali molingami mosaleli kati na “mosala monene ya Nkolo” (Malongi mpe Mayokani).

Makanisi mpo na Koyekola na Ndako mpe na Eklezia

Malongi mpe Mayokani 12; 14

Nakoki kosala elongo na “mosala monene mpe kitoko” ya Nzambe.

Joseph Knight mpe David Whitmer bango mibale balingaki koyeba lolenge nini bakokaki kosalisa na mosala ya Nkolo. Ntango bozali kotanga eyano ya Nkolo epayi na bango (Malongi mpe Mayokani 12; 14), bokanisa oyo etali nini elingi kolobela bino “bomema liboso mpe botia ntina ya Siona ” (12:6; tala lisusu 14:6). Mabongisi nini mpe bizalela nini ya Boklisto bozwi na biteni oyo ekoki kosunga bino bosala yango?

Tala lisusu “The Knight and Whitmer Families,” na Revelations in Context,, 20–24.

Malongi mpe Mayokani 13

Yesu Klisto atindaki Yoane Mobatisi mpo na kozongisa Bonganganzambe ya Alona.

Yoane Mobatisi abiangaki Joseph Smith mpe Oliver Cowdery ya ye “balingami basaleli.” Nini bokanisi elingi koloba kozala molingami mosaleli elongo na Yoane Mobatisi? (tala Matai 3:13–17; Luka 1:13–17; 3:2–20).

Ntango bozali kotanga maye Yoane Mobatisi alobaki na oyo etali Bonganganzambe ya Alona na eteni 13, bomanyola lolenge nini bafungola ya bonganganzambe esalisaka mpo na kokokisa misio ya Yoane ya kolengela nzela ya Nkolo. Ndakisa:

• Nini ezali “mosala ya banjelu”? (tala 2 Nefi 32:2–3; Moroni 7:29–32; Mokambi na Makomi, “Banjelu,” Biblioteke ya Nsango Malamu).

• “Nsango malamu ya boyamboli” ezali nini? (tala Malongi mpe Mayokani 84:26–27; Dale G. Renlund, “Bonganganzambe mpe Nguya ya Bomikabi ya Mobikisi,” Liahona, Sanza ya zomi na moko. 2017, 64–67).

Lolenge nini makuli ya Bonganganzambe ya Alona (ndakisa libatisi mpe elambo) esalisaka kolengela nzela mpo ete bino boyamba Mobikisi na bomoi na bino?

Bafungola ya bonganganzambe ezali nini?

Mpaka Dale G. Renlund mpe mwasi na ye, Ruth, bapesaki ndimbola oyo etali bafungola ya bonganganzambe:

“Liloba ya bafungola ya bonganganzambe esalelamaka na banzela mibale ekesani. Ya yambo elobeli makoki songolo to litomba epesami na banso oyo bazwaka Bonganganzambe ya Alona to ya Melekisedeke. … Ndakisa, bato bazali na Bonganganzambe ya Alona bazwaka bafungola ya kosalisa to ya banjelu mpe bafungola ya bolengeli nsango malamu ya boyamboli mpe ya libatisi na bozindisi mpo na bolimbisi ya masumu (tala Malongi mpe Mayokani 13:1; 84:26–27). Bato bazali na Bonganganzambe ya Melekisedeke bazwaka fungola ya Misala ya bokonzi, fungola ya boyebi ya Nzambe, mpe bafungola ya mapamboli nyonso ya molimo ya Eklezia (tala Malongi mpe Mayokani 84:19; 107:18). …

“Nzela ya mibale liloba bafungola ya bonganganzambe esalelamaka elobeli bokambi. Bakambi ya Bonganganzambe bazwaka bafungola ya bonganganzambe mosusu, makoki ya kokamba na bokabolani ya kobongisa moko ya Ekezia to lisanga likoki moko. Na lolenge oyo, bafungola ya bonganganzambe ezali likoki mpe nguya ya koyangela, kokamba, mpe kokonza na Eklezia” (Bonganganzambe ya Melekisedeke: Kososola malongi, Kotiaka Mabongisi na misala [2018], 26).

Joseph Smith Azali Kobatisa Oliver Cowdery, na Del Parson

Joseph Smith—Mambi ya kala 1:66–75

Makuli epesaka ngai nzela ya kozwa nguya ya Nzambe.

Bokamwa naino maye elingaki kozala lokola kozala elongo na Joseph Smith mpe Oliver Cowdery mpo na makambo minene ya Bozongisi? Ntango bozali kotanga Joseph Smith—Mambi ya kala 1:66–75, kosankisaka litangi na nsuka ya molongo 71, bokoki kososola pene mosusu ya maye bayokaki. Nini esimbi yo mpo na oyo etali maloba na bango? Bokoma, mingimingi, mapamboli bazwaki mpo ete bazwaki bonganganzambe mpe babatisamaki. Mapamboli nini Mobikisi apesi bino na nzela ya makuli ya bonganganzambe?

Mpo na koyekola mingi, bokanisa kosala mesa na mito Makuli mpe Mapamboli. Nsima bokoki koluka na makomi lokola oyo mpo na kosala molongo ya makuli mpe mapamboli oyo eyaka uta na yango: Yoane 14:26; Misala 2:38; Malongi mpe Mayokani 84:19–22; 131:1–4; Joseph Smith—Mambi ya Kala 1:73–74. Mapamboli misusu nini bokoki kobakisa na molongo oyo? Lolenge nini makuli bozwaki ememaki nguya ya mobikisi kati na bomoi na bino?

Tala lisusu David A. Bednar, “Na Nguya ya Nzambe kati na Nkembo monene,” Liahona, Sanza ya zomi na moko 2021, 28–30; Basantu, 1:65–68; “God of Power, God of Right,” Hymns, no. 20; Makambo mpe Mituna, “Mayokani mpe Makuli,” Biblioteke ya Nsango Malamu.

Malongi mpe Mayokani 15–16

Komema milimo epayi ya Klisto ezali motuya monene.

Bokamwa naino, lokola John mpe Peter Whitmer bakamwaaki, nini “ekozala motuya mpenza” na bomoi na bino? (Malongi mpe Mayokani 15:4; 16:4). Ntango bozali kotanga Malongi mpe Mayokani 15–16, bomanyola mpo na nini komema milimo epayi ya Klisto ezali likambo ya motuya monene boye. Nini bozali kosala mpo na “komema milimo” epayi ya Klisto?

Tala lisusu Basantu, 1:68–71.

Malongi mpe Mayokani 17

Nkolo asalelaka banzeneneke mpo na kotia liloba na Ye.

Nzeneneke azali nani? Mpo na nini Nkolo asalelaka banzeneneke na mosala na Ye? (tala 2 Bakolinti 13:1). Bomanyola mituna oyo ntango bozali kotanga maloba ya Nzambe epai ya Banzeneneke Misato na Malongi mpe Mayokani 17. (Tala lisusui “Litatoli ya Banzeneneke Misato” na Buku ya Mormon.) Lolenge nini Banzeneneke basalisaka mpo na komema “bantina ya bosembo” ya Nzambe? (molongo 4).

Bokoki kotatola nini?

Tala lisusu Basantu, 1: 73–; “Days of Harmony” (video), Biblioteke ya Nsango Malamu.

A Day for the Eternities

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 13; Joseph Smith—Mambi ya Kala 1:68–74

Yoane Mobatisi azongisaki Bonganganzambe ya Alona.

• Mosala ya ntoki na liteya oyo ekoki kosalisa bana na bino batala bozongisi ya Bonganganzambe ya Alona (tala lisusu “Mokapo 6: Joseph mpe Oliver Bazali Kopesama Bonganganzambe,” na Masolo ya Malongi mpe Mayokani, 26–27, to video ekokani na yango na Biblioteke ya Nsango Malamu). Bakoki kosepela koyema elilingi ya molulu yango koyekama na oyo bozali kotanga na Joseph Smith—Mambi ya kala 1:68–74?

  Angels Restore the Priesthood: Power to do God's work

• Bokoki lisusu kolakisa elilingi ya Yoane Mobatisi ntango bozali kotanga elongo Matai 3:13–17; Joseph Smith—Mambi ya kala 1:68–70? Mpo na nini ezalaki motuya ete Nkolo atindaki Yoane Mobatisi apesa Joseph Smith likoki ya bonganganzambe mpo na kobatisa?

Kolengelaka bana na bino mpo na bomoi mobimba na Nzela ya boyokani na Nzambe. Mpo na makanisi mingi mpo na kosunga bana na bino bayekola oyo etali nguya, likoki, mpe bafungola ya bonganganzambe, tala bobakisi A to bobakisi B.

Elilingi ya Yesu kobatisamaka, na Dan Burr

Malongi mpe Mayokani 13

Tata na Lola apambolaka ngai na nzela ya Bonganganzambe ya Alona.

• Mpo na kobanda lisolo etali bafungola oyo elobelami na Malongi mpe Mayokani 13, bino mpe bana na bino bokoki kotala liboke ya bafungola mpe kolobela oyo etali maye bafungola epesaka biso nzela tosala. Ntango mosusu bokoki kosalisa bango bamona liloba bafungola na eteni 13. Maloba to biteni ya maloba misusu nini na Malongi mpe Mayokani 13 elimboli mapamboli ya Bonganganzambe ya Alona? Bana na bino bakoki lisusu koluka banzela tata na Lola apambolaka bino na nzela ya bonganganzambe na video “Mapamboli ya Bonganzambe” (Biblioteke ya Nsango Malamu).

Blessings of the Priesthood

Malongi mpe Mayokani 127:5:4–6; 16:4–6

Kosalisa basusu baya epayi ya Yesu Klisto ezali “motuya mpenza.”

• John mpe Peter Whitmer balingaki koyeba nini elingaki kozala motuya mpenza” epayi na bango (tala Malongi mpe Mayokani 15:4; 16:4). Ntango mosusu bino mpe bana na bino bokoki kolobela oyo etali makambo oyo ezali motuya mingi epayi na bino. Ntango bozali kotanga Malongi mpe Mayokani 15:6 to 16:6, bosenga bana na bino batombola maboko na bango ntango bayoki maye Nkolo alobaki ezali “motuya mpenza.”

• Elingi koloba nini “komema milimo epayi [Yesu Klisto]”? Bosunga bana na bino basala molongo ya makanisi, ndakisa kozala baninga na basusu, kokabola makomi elongo na moninga moko, to kosambela mpo na moto moko oyo azali na bosenga. Bana na bino bakoki koluka bililingi ya makambo oyo na bamagazini ya Eklezia to Buku ya Ntoki Ya Nsango Malamu. To bakoki koyema bililingi na bango moko. Bobengisa bango bazwa eloko moko uta na molongo na bango oyo bakosala. Bokoki lisusu koyemba elongo molongo ya minei ya “I Feel My Savior’s Love” (Chants pour Enfants, 74– 75).

Malongi mpe Mayokani 17

Nakoki kozala nzeneneke ya Buku ya Mormon.

• “Eteni ya 7: Banzeneneke Bamoni Bapalaki ya Wolo” (na Masolo ya Malongi mpe Mayokani, 31–33, to na video ekokani na yango na Biblioteki ya Nsango Malamu) ekoki kosalisa bana na bino bayekola oyo etali Banzeneneke Misato. Nsima ya kotanga Malongi mpe Mayokani 17:5–6, boloba na bana na bino lolenge nini boyebi ete Buku ya Mormon ezali solo. Lolenge nini tokoki kozala banzeneneke ya Buku ya Mormon?

Mpo na makanisi koleka, botala nsango ya sanza oyo na magazini Moninga .

Likolo na Bino Balingami na Ngai Basaleli, na Linda Curley Christensen