Sanza ya Mibale 3–9: “Oyo Ezali Molimo ya Emoniseli”

Malongi mpe Mayokani 6–9

Na eleko ya milona ya mobu 1828, elenge moteyi moko ya bana kelasi na nkombo ya Oliver Cowdery azwaki mosala ya kotangisa na Manchester, New York, mpe afandaki na libota ya Lucy mpe ya Tata Joseph Smith. Oliver ayokaki nsango ya mwana na bango ya mobali Joseph mpe ya boyebi na ye ya kokamwa, mpe Oliver, oyo azalaki komimona ye moko lokola moluki ya bosolo, alingaki koyeba mingi koleka. Ba Smiths balimbolaki boyei ya banjelu bayaki kotala bango, masolo ya makomi ya kala, mpe libonza ya kobongola na nguya ya Nzambe. Oliver asepelaki makasi. Ekoki kozala ya solo? Lucy mpe Tata Joseph bapesaki ye toli oyo ezali mpo na moto nyonso oyo alukaka bosolo: sambela mpe senga Nkolo.

Oliver asalaki, mpe Nkolo ayanolaki, kolobaka na “kimia na [ya ye] mayele” (Malongi mpe Mayokani 6:23). Emoniseli, Oliver amonaki, ezali kaka mpo na baprofeta lokola Joseph Smith te. Ezali mpo na moto kani oyo alingi yango mpe aluki yango na etingya. Oliver azalaki naino na mingi ya koyekola, kasi ayebaki ndambo mingi ya kokoka mpo na koleka na eteni elandi ya nzela na ye. Ayebaki ete Nkolo azalaki kosala eloko moko ya ntina monene na nzela ya Joseph Smith, mpe Oliver alingaki kozala moto moko kati na yango.

Botala lisusu Basantu, 1:58–64; “Days of Harmony” (video), Biblioteki ya Nsango Malamu.

Days of Harmony

Makanisi mpo na Koyekola na Ndako mpe Eklezia

Malongi mpe Mayokani 6; 8–9

Tata na Lola alobelaka ngai na nzela ya Molimo Mosantu.

Na eleko ya milonda na mobu 1829, Oliver Cowdery andimaki kozala mokomi ya kosala na lifuti te ya Joseph Smith ntango akobaki kobongola buku ya Mormon. Boyebi wana etutaki motema na ye, mpe amitunaki mpe soki akokaki lisusu kozwa emoniseli mpe likabo ya kobongola. Bomeki na ye ya yambo, atako bongo, esimbaki malamu te.

Soki bobunda naino ata mokolo moko te mpo na kozwa to kososola emoniseli, ntango mosusu bokoki kobeta lisolo ya likambo ya Oliver—mpe koyekola uta na yango. Ntango bozali kotanga Malongi mpe Mayokani 6, 8, mpe 9, botala nini Nkolo ateyaki etali emoniseli ya moto ye moko. Ndakisa:

• Makanisi nini Malongi mpe Mayokani 6:5–7; 8:1; 9:7–8 epesi etali maye Nkolo asengaka bino liboso Abimisa bolingi na Ye?

• Boyekoli nini uta na Malongi mpe Mayokani 6:14–17, 22–24; 8:2–3; 9:7–9 etali banzela ekeseni oyo emoniseli ekoki koyela? Lolenge nini bokoki koyeba yango?

• Boyekoli nini lisusu etali emoniseli uta na biteni oyo?

Makambo Oliver akutanaki na yango ekoki kotinda bino “kozongisa mayele na yo nsima” na bangonga ntango bomiyokaki ete Nkolo azalaki kolobela bino (Malongi mpe Mayokani 6:22). Bokoma naino makanisi to mayoki na bino etali makambo oyo? Soki iyo, bokanisa kotanga maye bokomaki. Soki te, bozwa mwa ngonga ya kokoma maye bomikundoli. Bobanza lolenge nini bokoki kokoba kobenda bokasi uta na makambo oyo. Mpo na mwa makanisi, botala Neil L. Andersen “Kolimbola Makundoli na Molimo” (Liahona, Sanza ya mitano 2020, 18–22).

Bakambi mingi ya Eklezia bakabolaki boyebi na bango na ntina ya emoniseli na “Yokela Ye” lisanga ya video. Nsima ya kotala moko to ba video oyo mingi, bokoki komiyoka ya kofulama mpo na kokoma makambo bokutanaki na yango bino moko, kokabolaka lolenge nini Nkolo alobelaki bino.

Botala lisusu Makambo mpe Mituna, “Emoniseli ya Moto ye Moko,” Biblioteki ya Nsango Malamu; “Oliver Cowdery’s Gift,” na Revelations in Context,, 15–19.

Malongi mpe Mayokani 6:18–21, 29–37

Botalela Klisto na likanisi nyonso.

Nkolo ayebaki Joseph Smith akokutana na “makambo ya mpasi” mibu ekoya (Malongi mpe Mayokani 6:18). Ayebi mikakatano nini ezali na mikolo na yo ekoya mpe. Bomoni nini na toli na Ye epayi ya Joseph mpe Oliver na Malongi mpe Mayokani 6:18–21, 29–37 oyo esungi bino botya motema epayi na Ye?

Boyoki nini elingi koloba “kotalela [Klisto] na likanisi nyonso”? (molongo 36). Lolenge nini bokoki kosala oyo na sikisiki koleka—na ntango ya bangonga malamu mpe “makambo ya mpasi”? Bokanisa toli oyo uta na Mokambi Russell M. Nelson : “ezali mpasi na makanisi ya koluka kotalela epayi na Ye na moko moko ya makanisi. Kasi ntango tosali yango, bantembe mpe bobangi na biso ekimaka” (“Drawing the Power of Jesus Christ into Our Lives,” Liahona, 41).

Botala lisusu Neil L. Andersen, “Mayele na Ngai Esimbami na Makanisi ya Yesu Klisto,” Liahona, Sanza ya mitano 2023, 91–94.

Makambo na molayi ya Botala Loboko na Ngai, na Jeffrey Ward

Malongi mpe Mayokani 6:29–37

“Bobanga te kosala bolamu.”

Mpo na nini ntango mosusu biso “tobangaka … kosala bolamu”? (molongo 33) Bomoni nini na Malongi mpe Mayokani 6:29–37 oyo epesi bino mpiko ya kosala bolamu? Bokanisa koyemba to koyoka loyembo oyo efulaka bino bozwa mpiko kati na Klisto, ndakisa “Let Us All Press On” (Hymns, no. 243).

Malongi mpe Mayokani 6–7; 9:3, 7–14

“Kutu lokola bozali na mposa na ngai ekozala se bongo.”

Botala mbala boni maloba lokola “mposa” to “bamposa” ebimi na biteni 6 mpe 7. Nini boyekoli uta na biteni oyo etali motuya oyo Nzambe atie likolo ya bamposa na bino? Bomituna bino moko motuna ya Nkolo na Malongi mpe Mayokani 7:1: “Mposa na yo ezali nini?”

Moko ya bamposa ya sembo ya Oliver Cowdery—mpo na kobongola lokola Joseph Smith abongolaki—ekokisamaki te. Ntango bozali kotanga Malongi mpe Mayokani 9:3, 7–14, makanisi nini bozwi oyo ekoki kosalisa bino ntango bamposa na bino ya sembo ezali kokokisama te sikawa?

Botala lisusu Malongi mpe Mayokani 11:8, Dallin H. Oaks, “Desire,” Liahona, Sanza ya mitano 2011, 42–45.

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 6:5, 15–16, 22–23; 8:2; 9:7–9

Tata na Lola alobelaka ngai na nzela ya Molimo Mosantu.

• Bosolo oyo Oliver Cowdery ayekolaki etali emoniseli ya moto ye moko ekoki kosalisa bana na bino ntango bazali kokolisa makoki na bango ya koyeba Molimo Mosantu. Bokoki kosalela “Eteni ya 5: Joseph Smith mpe Oliver Cowdery” (na Masolo ya Malongi mpe Mayokani, 22–25, to na video ekokani na yango na Biblioteki ya Nsango Malamu) mpo na koteya bango oyo etali Oliver mpe maye ayekolaki. Bokabola moko na mosusu biteni na bino ya lisolo oyo bolingaka. Ntango bozali kokabola, bobeta nsete na makambo Nkolo ateyaki Oliver etali lolenge nini koyoka mongongo ya Nzambe, mpe botanga milongo ya motuya, ndakisa Malongi mpe Mayokani 6:23 to 9:7–9.

  The Lord Sends Oliver Cowdery: Learning about how God speaks to us

  

  Oliver Cowdery ayekolaki oyo etali emoniseli ntango azalaki kosalisa Joseph Smith kobongola Buku ya Mormon.

• Bokoki kobengisa lisusu bana na bino basimba mitu na bango mpe batolo na bango ntango bozali kotanga maloba “mayele” mpe “motema” na Malongi mpe Mayokani 8:2. Boyebisa bana na bino, uta na makambo bokutanaki na yango, ezalaka lolenge nini ntango Molimo Mosantu azali koloba na mayele mpe motema na bino. Bosalisa bango bazwa biyano na motuna “Lolenge nini Molimo Mosantu alobelaka biso?” na milongo oyo: Malongi mpe Mayokani 6:15–16, 22–23; 8:2; 9:7–9.

Bosalela masolo. Masolo esalisaka bana basosola mabongisi ya nsango malamu mpamba te elakisaka lolenge nini bato mosusu batiaka na misala mabongisi oyo. Ntango bozali koteya, bozwa banzela mpo na kokotisa masolo—uta na makomi, uta na mambi ya kala ya Eklezia, to uta na bomoi na bino moko—oyo ezali kolakisa mabongisi kati na makomi.

Molongi mpe Mayokani 6:34

Mpo na Yesu Klisto, nakoki “kobanga te.”

• Nkolo alobaki na Joseph mpe Oliver, “Bobanga te, etonga moke” (Malongi mpe Mayokani 6:34). Bokoki kobengisa bana na bino bazongela liboke ya maloba wana elongo na bino mbala mingi. Bakoki lisusu kosepela kosala lokola bazali etonga ya mpate ya kobanga. Mpate ekoki kobanga nini? Nsima bino mpe bana na bino bokoki kotala elilingi ya Mobikisi lokola mobateli mpate (ezali na moko na nsuka ya liteya oyo) mpe kosolola na oyo etali lolenge nini Ye akengelaka biso lokola mobateli mpate akengelaka mpate na Ye.

• Bokanisa kobeta to koyemba loyembo etali kozwa mpiko katii na Klisto, ndakisa “Dare to Do Right” (Children’s Songbook, 158) to “Let Us All Press On” (Hymns, no. 243). Loyembo eteyi nini etali lolenge nini Mobikisi asalisaka biso tobanga te?

Malongi mpe Mayokani 6:36.

Nakoki kotalela Yesu Klisto na likanisi nyonso.

• Nsima ya kotanga elongo Malongi mpe Mayokani 6:36, bino mpe bana na bino bokoki koyema mayemi mpo na kosalisa bino bomikundola “kotalela [Yesu Klisto] na likanisi nyonso.” Bokabola na moko na mosusu mayemi na bino, mpe bosalisa bana na bino bakanisa bisika bakoki kotia yango mpo ete bamonaka yango mbala mingi.

Mpo na makanisi koleka, tala nsango ya sanza oyo na magazini Moninga .

Nkolo Azali Mobateli Mpate na Ngai, na Yongsung Kim