13:26

Makanisi na ngai ekangamaki likolo ya likanisi oyo ya Yesu Klisto.

Na Mpaka Neil L. Andersen

Ya Lisanga Likoki ya Bapostolo Zomi na Mibale

Ntango ozali kokoba kotia makasi na likanisi ya Yesu Klisto, nalaki bino kaka bokambi ya lola te kasi mpe nguya ya lola.

Na eleko kitoko oyo ya Pasika, nayokanisi losambo ya loyembo oyo ya nguya, “Kamba biso, O yo Yeova Monene.”¹

Lisolo kitoko kati na Buku ya Mormon elobi na ntina ya elenge mobali uta na libota eyebani babengi Alma oyo makomi ezali kolimbola lokola mosambeli bikeko.² Ayebaki koloba mpe kondimisa, kosalelaka maloba sukali mpo na kondimisa basusu balanda ye. Na kokamwa, anjelu moko abimelaki Alma mpe baninga na ye. Alma akweyaki na mabele mpe alembaki mpenza ete amemamaki na komiyebaka te epai ya ndako ya tata na ye. Atikalaki na ezalela ya lokola ya kobukana na ntaka ya mikolo misato .³ Nsima, alimbolaki ete ntango abimelaki nakozanga boyebi epayi ya baye bazingaki ye, makanisi na ye ezalaki kosala mpenza ntango molimo na ezalaki na mawa, kokanisaka oyo etali bomoi na komonaka mpamba mitindo ya Nzambe. Alimbolaki makanisi na ye lokola kozalaka “ya kopasolama kati na motema na komikundolaka masumu mingi [na ye]”⁴ mpe “ya konyokwama na monyoko ya seko.”⁵

Na bozangi elikya ya mozindo, amikundolaki ya koteyama oyo na bolenge na ye etali “ boyei ya Yesu Klisto moko, Mwana ya Nzambe, mpo na komikaba mpo na masumu ya mokili.”⁶ Nsima alobaki esakola ya kotumbola makanisi mpenza oyo: “Lokola makanisi na ngai masimbaki likanisi oyo, nabelelaki kati na motema na ngai: O Yesu, Mwana na Nzambe, yokela ngai mawa.”⁷ Lokola asengaki nguya ya bonzambe ya Mobikisi, likambo moko ya kokamwa esalamaki: “Ntango nakanisaki oyo,” alobaki, “Nakokaki komikundola mpasi na ngai lisusu te ”⁸ Suddenly he felt peace and light. “Eloko moko te [ezalaki] koleka elengi mpe sukali lokola ezalaki bosepeli na ngai,”⁹ alobaki.

Alma “asimbamaki likolo” ya bosolo ya Yesu Klisto. Soki tozalaki kosalela maloba “asimbamaki likolo” na lolenge ya nzoto, tokokaki koloba, “Akangaki likolo lingenda ya libende ngwi kino bazalaki kokweya,” kolinga koloba asembolaki loboko na mbalakaka mpe asimbaki ngwi na eloko moko ekangama na sima makasi mpo na moboko ezanga likama.

Na likambo ya Alma, ezalaki makanisi na ye oyo esembolaki loboko mpe ebatelaki bosolo ya nguya ya libonza ya bomikabi ya Yesu Klisto. Kosalaka na bondimi na bosolo wana, mpe na nguya mpe ngolu ya Nzambe, abikisamaki na bopaswami ya motema mpe atondisamaki na elikia.

Atako baboyebi na biso ezali te ntango mosusu ya kokamwa lokola oyo ya Alma, yango ezali mpe lisusu na ntina mpo na seko. Makanisi na biso lisusu “ekangamaki likolo ya likanisi” ya Yesu Klisto mpe libonza na Ye ya mawa, mpe milimo na biso eyoki pole mpe bosepeli oyo elandaka.

Kobatelaks likanisi ya Yesu Klisto

Losambo na ngai na eleko ya Pasika oyo ezali ete tokobongisa, kolendisa, mpe kozangisa likama na makanisi mingi likanisi ya motuya ya Yesu Klisto na bisuku ya milomo na biso,¹⁰ kopesaka nzela na yango mpo na kotiola na makanisi na biso, kokambaka biso kati na maye tokanisaka mpe tosalaka, mpe komemaka ntango nyonso bosepeli ya elengi ya bolingo ya Mobikisi.¹¹

Kotondisaka makanisi na biso na nguya ya Yesu Klisto elakisi te ete Azali se likanisi oyo tozali na yango. Kasi elakisi ete makanisi na biso nyonso elimbolami na bolingo na Ye, bomoi na Ye, mpe mateya na Ye, mpe libonza ya bomikabi na Ye mpe Bosekwi. Yesu atikala te kozala na nsuka ya bobosani, mpo ete makanisi na biso na ntina na Ye ezali ntango nyonso wana mpe ete azali kati na [oyo biso tosambelaka] ye!”¹² Tosambelaka mpe tobandelaka na makanisi na biso mayebi eye ememaki biso pene na Ye. Toyambaka na makanisi na biso bilili ya bonzambe, makomi masantu, mpe nzembo efulama na bosembo eye makanisi ya mokolo na mokolo oyo ezanga motango na bomoi na biso mobimba. Bolingo na biso mpo na Ye etikaka biso te na mawa mpe bwale na bomoi na biso oyo ya bokufi, kasi epesaka biso nzela ya kotambola na nzela ya mimekano na bokasi koleka biso moko.

Yesu, nakanisi yo mpenza!
Na makanisi ya sikisiki etondi ngai;
Kasi mosika ya komona
Mpe kopema liboso na yo.13

Omikundola, ozali mwana ya molimo ya Tata ya Lola! Lokola Apostolo Paulo alimbola, tozali “bana ya Nzambe”¹⁴ Ozalaki na nkombo na yo moko kala liboso ya koya na mabele. Tata na biso asalaki mwango moko ya ebonga nie mpo na biso tokoma na mabele, koyekola mpe kozonga epai na Ye. Atindaki Mwana na Ye se moko ya Bolingo mpo ete na nzela ya nguya na Ye ya Bomikabi ezanga nsuka mpe Bosekwi, tobika likolo ya nkunda; mpe ntango tozali na bolingi ya kosalela bondimi na Ye mpe toyamboli masumu na biso,¹⁵ tolimbisami na masumu mpe tozwi elikya ya bomoi ya seko.¹⁶

Kopesaka makanisi mpe molimo na biso bokebi ya bokeseni

Na bomoi ya kufa oyo, makanisi mpe molimo na biso esengeli na likebi ya kokamwa.¹⁷ Makanisi na biso epesaka biso nzela ya kozala na bomoi, kopona, mpe kososola malamu mpe mabe.¹⁸ Molimo na biso ezwaka litatoli endimisaka ete Nzambe azali Tata na biso, ete Yesu Klisto azali solo Mwana na Nzambe, mpe ete mateya na Bango ezali bokambi na biso na esengo awa mpe na bomoi ya seko koleka lilita.

Makanisi ya Alma ekangamaki likolo ya likanisi oyo ya Yesu Klisto. Ebongolaki bomoi na ye. Likita linene ezali ntango ya kososola nini Nkolo alingi bino bosala mpe kokoma. Yango ezali mpe lisusu ntango ya kokanisa na ntina bokei na biso na liboso. Lokola misala na ngai ememaki ngai na mokili mobimba, namonaki nguya ya molimo ya kobuta likolo ya baoyo “bakangamaki likolo ya likanisi oyo” mpe, lokola Alma, basimbaki yango na bokasi na bango nyonso.

Mibu mitano eleki, tosengamaki kotia Mobikisi na esika ya motuya na manso tosalaka na kosalelaka nkombo ya solo ya Eklezia ya Yesu Klisto ya Basantu ba Mikolo mya Nsuka.¹⁹ Tozali kolobela nkombo na Ye na lokumu mingi koleka.

Mibu minei mileki nakokitisaka ntangoya makita na biso ya elambo, tobakisaki kofandisa makanisi na biso na kokabolaka elambo ya Nkolo. Tozali kokanisa mingi koleka na ntina ya Yesu Klisto mpe tomipesi na makasi na elaka na biso ya kokundolaka Ye ntango nyonso.²⁰

Na bokangemi ya bokono bobe ya mokili mobimba mpe lisalisi ya Yaka, Landa ngai, mateya ya Mobikisi ekomaki malamu mingi kati na mabota na biso, kosalisaka losambo na biso ya Nkolo na poso.

Na kolandaka toli ya Mokambi Russell M. Nelson’ ya “koyoka Ye,”²¹ tozali kozongisa makanisi makoki na biso ya koyeba kososola mamimisa ya Molimo Mosantu mpe ya komona loboko ya Nkolo kati na bomoi na biso.

Na liyebisi mpe bosilisi ya batempelo zomi mpe koleka, tozali kokota mbala mingi na ndako ya nkolo mpe kozwa mapamboli na Ye elakama. Tozali koyoka na nguya mingi koleka kitoko koleka likolo ya likanisi ya Yesu Klisto lokola Mobikisi mpe Mosikoli na biso.

Mokambi Nelson alobaki: “Ezali na eloko moko te ya pete to otomatiki etali kokoma [moko] ya [moyekoli] ya nguya. Bokasi na biso esengeli koyekama na Mobikisi mpe nsango malamu na Ye. Ezali kosenga makasi ya makanisi mpo na kotala epei na Ye na moko moko ya makanisi na biso.”²²

Na kobetaka nsete na bokebi na biso likolo ya Yesu Klisto, nyonso mosusu nzinganzinga na biso—ntango tozali kaka wana—emonisami na nzela ya bolingo na biso mpo na Ye. Botambwisi makanisi libanda ya motuya moke ekitaka, mpe tolongolaka makambo wana oyo ezali na boyokani te na pole mpe ezalela na Ye. Ntango ozali kokoba na bokebi nyonso kosimba likanisi oyo ya Yesu klisto, otie elikya na ye, mpe obateli mitindo na Ye, nalaki bino bokambami kaka ya lola te na nguya ya lola—nguya oyo ememaka bokasi na mayokani na yo, kimia na mikakatano na yo, mpe bosepeli na mapamboli na yo.

Komikundola Yesu Klisto

Mwa baposo eleki, Kathy mpe ngai tokendaki kotala libota ya Matt mpe Sarah Johnson. Na efelo ezalaki na foto ya libota na bango ya motuya, elilingi moko kitoko ya Mobikisi, mpe elili moko ya tempelo.

Bana na bango ya basi misato, Maddy, Ruby, Claire, and June, balobaki na esengo na oyo etali lolenge nini balingaki mama na bango.

Pene ya mobu moko Sarah mbala na mbala asalaki manaka ya balandevu ya mokolo ya poso mpo ete libota ekende na tempelo elongo mpo ete bana ya basi yango bakoka kosala elongo na mabatisi mpona bato ya libota oyo bazalaki na bomoi liboso.

Na sanza ya zomi na moko mobu eleki, Sarah asalaki manaka ya balandevu ya tempelo mpo na libota mpo na poso ya nsuka ya sanza ya zomi na mibale na mokolo ya minei na esika ya mokolo ya poso. “Nalikii ete bosepeli na yango,” alobelaki Matt.

Bakangaki Sarah na cancer, kasi badokotolo balobaki akozala na bomoi mibu mibale to misato. Na ntango ya likita ya elambo, Sarah, akabolaki litatoli na ye ya nguya, kolobaka ete atako nsuka nini mpo na ye, alingaka Mobikisi na motema na ye mobimba, mpe ete “elonga esilaki kolongama” na Ye. Lokola sanza ya zomi na mibale ekobaki, na kokanelamaka te bokolongono ya nzoto ya Sarah ebebaki nokinoki, mpe akotaki na lopitalo. Na nebandeli ya ntongo ya mokolo ya minei, sanza ya zomi na mibale 29, akokisaki na kimia kufa na ye. Matt azalaka pembeni ya Sarah kati na butu mobimba.

Na bokatani ya motema na ye mpe ya kolemba makasi na nzoto mpe motema, akomaki ndako, koyokaka mawa elongo na bana na ye ya basi. Ntango Matt atalaki telefone na ye, amonaki bokundoli ya landevu ya tempelo ya mokolo ya minei ya momesano te oyo Sarah atiaka na manaka mpo na mpokwa mokolo wana. Matt alobaki, “Ntango namonaki yango mbala ya yambo, nakanisaki, oyo ekosimba te.”

Kasi nsima makanisi ya Matt ekangamaki likolo ya likanisi oyo: “Mobikisi azali na bomoi. Ezali na esika moko te tokozala lokola libota moko koleka kati na ndako esantu na Ye.”

Matt, Maddy, Ruby, Claire, mpe June bakomaki na tempelo mpo na elaka Sarah asalelaki manaka mpo na bango. Na pinzoli kokitaka na matama na ye, Matt asalaki mabatisi na bana na ye ya basi. Bayokaki na mozindo bolingo mpe mokangano ya seko na bango na Sarah, mpe bayokaki bolingo mingi kimia ya kolendisa ya Mobikisi. Matt na boboto akabolaki, “Ntango nayokaka mawa makasi mpe mpasi na motema makasi, nazali konganga mpo na bosepeli, koyebaka mwango ya lobiko kitoko ya Tata na ngai.”

Na eleko ya Pasika oyo, Natatoli bosolo mobimba mpe ya solo ya libonza ya komikaba eluti mpe Lisekwa na Ye ya nkembo. Lokola ya bino makanisi ekangamaki sikisiki mpe libela likolo ya likanisi oyo, mpe lokola bozali koyekamisa bomoi na bino mingi mingi likolo ya Mobikisi, nalaki bino ete bokoyoka elikya na Ye, kimia na ye, mpe bolingo na Ye. Na nkombo ya Yesu Klisto, amene.