Sanza ya Yambo 27–Sanza ya Mibale 2: “Mosala na Ngai Ekokende Liboso”

Malongi mpe Mayokani 3–5

Na ntango ya mwa mibu na ye ya ebandeli lokola profeta ya Nkolo, Joseph Smith ayebaki naino makambo nyonso te etali “mosala kitoko” oyo abiangelamaki kosala. Kasi eloko moko oyo makambo akutanaki na yango na ebandeli eteyaki ye ezalaki oyo ya kosala mosala ya Nzambe, liso na ye esengeli kozala “kotalela bobele nkembo ya Nzambe” (Malongi mpe Mayokani 4:1, 5). Ndakisa, soki Nkolo apesaki ye toli ya kosala eloko moko oyo ayebaki malamu te alingaki kosala, asengelaki kolanda toli ya Nkolo. Mpe kutu soki azwaki “bimoniseli mingi, mpe … nguya ya kosala misala mingi ya minene,” soki ayokaki ete maye alingaki ezalaki motuya mingi koleka bolingi ya Nzambe, ye “asengeli kokweya” (Malongi mpe Mayokani 3:4). Kasi Joseph ayekolaki eloko mosusu ya motuya kaka etali kosala mosala ya Nzambe: “Nzambe atonda na mawa,” mpe soki Joseph ayambolaki na bosembo mpenza, ye azalaki “kaka moponami” (molongo 10). Mosala ya Nzambe ezali, nsima ya nyonso, mosala moko ya bosikoli. Mpe mosala wana “ekoki te kobebisama” (molongo 1).

Makanisi mpo na Koyekola na Ndako mpe na Eklezia

Malongi mpe Mayokani 3:1–16

Nakoki kotyela Nzambe motema.

Na ebandeli ya mosala ya Joseph Smith, ezalaki mpasi kozwa baninga malamu—mingimingi baninga lokola Martin Harris, mobali moko ya kotosama, ya bozwi, oyo amibonzangi mingi mpo na kosunga mosala ya Joseph. Yango wana ntango Martin asengaki nzela alakisa nkasa ya bankoma ya maboko 116 ya yambo ya bobongoli ya Buku ya Mormon na mwasi na ye, Yoseph na mosuni alingaki kotosa bosenga na ye, atako soki Nkolo akebisaka ye yango. Likambo ya mpasi, nkasa ebungisamaki ntango ezalaki na maboko ya Martin, mpe Joseph mpe Martin bapesamaki etumbu makasi epai ya Nkolo (botala Basantu,, 1:51–53).

Ntango bozali kotanga Malongi mpe Mayokani 3: 1–15, bomanyola maye Nkolo alingi bino boyekola uta na boyebi na bango. Ndakisa, boyekoli nini etali:

• Mosala ya Nzambe? (tala milongo 1– 3, 16).

• Matomba mabe ya kobanga moto na esika ya kolikya na Nzambe? (botala milongo 4–8).

• Mapamboli oyo eyaka uta na kotikalaka bosembo? (botala molongo 8).

• Lolenge nini Nkolo asembolaki mpe alendisaki Joseph? (tala milongo 9–16).

Na nsango na ye “Which Way Do You Face?,” Mpaka Lynn G. Robbins apesi bandakisa ya makomi mingi ya bato oyo babangaki Nzambe mpe bato oyo bamipesaki na bofini uta na basusu (Liahona, Sanza ya zomi na moko 2014, 9–11). Bokanisa kotanga bandakisa oyo na makomi azali kolobela. Nini boyekoli uta na masolo oyo? Boyebi nini bozwi epayi wapi botyaki motema epayi ya Nkolo ntango bokutanaki na bofini mpo na kosala eloko moko ekeseni? Nini eyaki na nsuka ya misala na bino?

Botala lisusu Dale G. Renlund, “Likonzi ya Emoniseli ya Moto ye Moko,” Liahona, Sanza ya zomi na moko 2022, 16–19; “The Contributions of Martin Harris,” na Revelations in Context (2016), 1–9; Makambo mpe Mituna, “Seeking Truth and Avoiding Deception,” Biblioteki ya Nsango Malamu; “How Gentle God’s Commands,” Hymns, no. 125.

Malongi mpe Mayokani 4

Nakoki kosalela Nzambe na motema, bokasi, mayele, mpe mpiko na ngai nyonso.

Eteni 4 esalemaka mbala mingi na bamisionele ya ntango mobimba. Nzokande, ezali na litomba ya komona ete emoniseli oyo epesamaki epayi ya Tata Joseph Smith, oyo abengamaki te na misio kasi oyo azalaki kaka na “mposa ya kosalela Nzambe” (molongo 3).

Lolenge moko ya kotanga eteni oyo ezali ya kokanisa yango lokola ndimbola ya moto oyo alingi kosunga na mosala ya Nkolo. Nini Nkolo azali koluka? Matomba nini Apesaka?

Boyekoli nini na oyo etali kosalela Nkolo uta na emoniseli oyo?

Mokambi Russell M. Nelson abengaki bosangisi ya Yisalaele “mokakatano monene mpenza, ntina monene mpenza mpe mosala monene mpenza na mabele” (“(“Elikya ya Yisalaele” [losambo ya bilenge ya mokili mobimba, Sanza ya 3, 2018], Biblioteki ya Nsango Malamu). Bozwi nini na lisikulu na ye oyo efuli bino bosala elongo na mosala oyo?

Moto nyonso oyo azali na mposa ya kosalela Nzambe abiangami na mosala.

Malongi mpe Mayokani 5

Na nzela ya Molimo Mosantu, nakoki kozwa litatoli ya Buku ya Mormon.

Na Sanza ya misato 1829, mwasi ya Martin Harris, Lucy, afundaki na tilibinale ete Joseph Smith azalaki kokosa bato na kolobaka lokola azalaki kobongola bapalaki ya wolo (botala Basantu, 1:56–58). Na yango Martin asengaki Joseph bilembo ya komonana na miso mingi koleka ete bapalaki ya wolo ezalaki ya solo. Malongi mpe Mayokani 5 ezali emoniseli mpo na koyanola bosenga ya Martin. Boyekoli nini uta na eteni oyo etali likambo oyo elandi:

• Oyo Nkolo alobi ekosalema soki bapalaki ya wolo elakisamaki mpo ete mokili emona (botala Malongi mpe Mayokani 5:7). Mpo na nini bokanisi ete yango nde ezali likambo?

• Mosala ya banzeneneke na mosala ya Nkolo (botala milongo 11–15, botala lisusu 2 Bakolinti 13:1).

• Lolenge nini kozwa litatoli ya Buku ya Mormon mpo na bino moko (botala milongo ya 16, botala lisusu Moroni 10:3–5,

Malongi mpe Mayokani 5:1–10

Yesu Klisto apesaki biso liloba na nzela ya Joseph Smith.

Nini Malongi mpe Mayokani 5:1–10 eteyi bino etali mosala ya Joseph Smith na mikolo na biso—mpe na bomoi na bino? (Botala lisusu 2 Nefi 3:6–24.)

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 3:5–10; 5:21–22

Nakoki kopona bolamu ntango basusu bazali komeka kotindika ngai nasala mabe.

• Mpo na kobanda lisolo etali koyekola kolikya na Tata na Lola, bokoki kolinga kotala lisusu lisolo ya nkasa ebunga ekomama na maboko (botala Masolo ya Malongi mpe Mayokani, 18–21). Nsima bokoki kosala lisano elongo na bana na bino ya makambo ntango bakoki komekama kosala eloko moko bayebi ezali malamu te. Maloba to maboke ya maloba nini na Malongi mpe Mayokani 3:5–8; 5:21–22 ekoki kosunga bango na ntango ya makambo oyo?

  Martin Harris Helps Joseph: Learning to trust the Lord

Malongi mpe Mayokani 4

Nkolo abengisi ngai nasunga na mosala na Ye.

• Molongo moko na moko na Malongi mpe Mayokani 4 ezali na bosolo ya ntalo oyo ekoki kosalisa bana na bino bayekola etali kosalela Nzambe. Bozwa mwa makanisi mpo na kosunga bango bamona bosolo oyo:

  • Bokoki kotanga elongo Malongi mpe Mayokani 4:1 mpe kolakisa bililingi oyo ezali kolakisa mosala ya mikolo ya nsuka ya “kokamwa” ya Nzambe (ndakisa bamisionele, batempelo, mpe Buku ya Mormon).

  • Bana na bino bakoki kokanisa misala to koyema bililingi oyo ezali kolakisa liboke ya maloba “bosalela ye na motema, nguya, mayele, mpe bokasi na bino mobimba” (Malongi mpe Mayokani 4:2)

  • Bokoki koluka elongo bisalelo oyo esalelamaka mpo na kosala na elanga. Lolenge nini bisalelo oyo esalisaka biso? Nsima bana na bino bakoki kozwa biloko na Malongi mpe Mayokani 4:5–6 oyo ezali lokola bisalelo mpo na kosala mosala ya Nzambe.

  • Bana ya mikolo bakoki koluka na Malongi mpe Mayokani 4 na bango moko mpe kosala molongo ya makambo bakoki koyekola etali nini elingi koloba kosalela nzambe.

  • Bokoki koyemba elongo loyembo etali mosala ya misionele, ndakisa “I Want to Be a Missionary Now” (Children’s Songbook, 168).

Nakoki kosalisa na mosala ya Nzambe na kosalisaka basusu.

Bomekola milulu mpo na koyamba bato na babolema. Bomekoli mike ya milulu ekoki kosalisa ete moto nyonso azala na libaku ya koyekola. Ndakisa, soki mosala opesi ezali ya kolakisa elili, bokoki koyemba loyembo na esika ya kosangiska bato oyo bazali pkokoso ya komona.

Malongi mpe Mayokani 5:1–7, 11, 16, 23–24

Nakoki kozala nzeneneke ete Buku ya Mormon ezali solo.

• Mpo na koteya bana na bino oyo etali banzeneneke, bokoki kosenga bango bakanisa ete moninga moko ayebisaki bango bamonaki niau oyo azalaki kotambola na makolo na ye ya liboso. Bakondima yango? Nini soki moninga mosusu alobaki makambo moko moko? Bosolola na oyo etali “nzeneneke” mpe mpo na nini banzeneneke bazali motuya. Nsima bokoki kosalisa bana na bino baluka na Malongi mpe Mayokani 5:1–3, 7, 11 mpo na biyano na mituna lokola oyo:

  • Nini Martin Harris alingaki koyeba?

  • Na nani Joseph Smith akokaki kolakisa bapalaki ya wolo?

  • Mpo na nini komona bapalaki elingaki ntango mosusu kondimisa moto moko te ete Buku ya Mormon ezali solo?

  • Nini tokoki kosala mpo na kozala banzeneneke ya Buku ya Mormon? (botala Malongi mpe Mayokani 5:16; Moroni 10:3–5).

Mpo na makanisi koleka, botala nsango ya sanza oyo na magazini Moninga .

Bozito ya Mpasi ya Kobungisa Nkasa 116,, na Kwani Povi Winder