Makambo na molayi uta na Abengaki Ngai na Nkombo na Ngai,, na Michael Malm

Sanza ya yambo 20–26: “Mitema ya Bana Ekobaluka epai ya Batata na Bango”

Malongi mpe Mayokani 2; Joseph Smith—Mambi ya kala 1:27–65

Elekaki mibu misato uta Nzambe Tata mpe Mwana na Ye, Yesu Klisto, babimelaki Joseph Smith na zamba, mpe Joseph azwaki bimoniseli mosusu te uta wana. Abandaki komitungisa soki Nkolo asepelaki na ye te. Lokola banso kati na biso, asalaki mabunga, mpe amiyokaki ya kokweya mpo na yango. Nzokande Nzambe azalaki kaka na mosala mpo na ye asala. Mpe mosala oyo Joseph abiangamaki kosala ezali ya kokangama na oyo Nzambe asengi biso. Joseph atindamaki kobimisa Buku ya Mormon; tobengisami kokabola nsango na yango. Joseph asengelaki kozwa bafungola ya bonganganzambe mpo na kobalola mitema ya bana epai ya batata na bango; tokoki sikawa kozwa makuli mpo na bankoko na biso na batempelo. Bayebisaki Joseph masakoli oyo masengelaki kala mingi te kokokisama; tobiangami kosunga kokokisa masakoli oyo. Lokola tozali kosala mosala ya Nzambe, tokoki kozela kokutana na botelemeli mpe kutu minyoko, kaka lokola ekomelaki Profeta. Kasi tokoki lisusu kozala na bondimi ete Nkolo akokomisa biso bisalelo na maboko na Ye, kaka lokola Asalaki mpo na Joseph.

Tala lisusu Basantu, 1:20–48.

Makanisi mpo na Koyekola na Ndako mpe na Eklezia

Joseph Smith—Mambi ya kala 1:27–33

Nzambe azali na mosala mpo na ngai nasala.

Ezali eloko moko kondimela ete Nzambe azalaki na mosala moko mpo ete Joseph Smith asala—tokoki lisusu kotala nsima na bomoi na ye mpe na polele komona maye akokisaki. Kasi ekanisa bino naino ete Nzambe azali na mosala mpo ete bino bosala mpe? Ntango botangi Joseph Smith—Mambi ya Kala 1:27–33, bokanisa oyo etali maye mosala wana ekoki kozala. Lolenge nini yango ezali kosunga na Bozongisi oyo ezali kokoba ya nsango malamu ya Mobikisi?

Mpaka Gary E. Stevenson ateyaki: “Ntango toyaka epayi ya Klisto mpe tosalisaka basusu basala bongo, tosalaka elongo na mosala ya nzambe ya lobiko mpe bonetoli, oyo ebetaka nsete na mikumba epesama na bonzambe. … Mikumba oyo ezali pete, ya kofula, ya kotindika, mpe ya kosalama. Yango oyo:

• Kosalela nsango malamu ya Yesu Klisto

• Kolengela baye bazali na bosenga

• Kobengisa banso bayamba nsango malamu

• Kosangisa mabota mpo na seko” (“Kitoko na pete—Pete na na Kitoko,” Liahona, Sanza ya zomi na moko. 2021, 47).

Bomanyola makambo bokutani na yango kosalaka elongo na moko na moko ya mikumba oyo epesama na bonzambe. Nini Mobikisi alingaki bino bosala nsima? Ezali na lokasa ya Makambo mpe Mituna mpo na moko na moko ya mikumba oyo (botala “Mosala na Biso ya Lobiko mpe Bonetoli,” Biblioteki ya nsango Malamu). Bokoki kotala nkasa oyo mpo na kosunga bino boyanola motuna oyo.

Bokoki ntango mosusu koyoka lokola Nkolo akoki kosalela bino te mpo na mabunga bosalaki. Boyekoli nini uta na makambo Joseph Smith akutanaki na yango na Joseph Smith—Mambi ya Kala 1:28–29? Lolenge nini bokoki koyeba ya bino “kotelama liboso ya [Nzambe]”?

Botuna mituna oyo ekolendisa lisolo ya ntina. Mituna oyo ezali na koleka eyano malamu moko ebengisaka bayekoli bayanola engebene na makanisi, mayoki, mpe makambo ya moto ye moko . Mituna na liteya oyo elandi ezali bandakisa ya oyo.

Botala lisusu “Youth Responsibility in the Work of Salvation” (video), ChurchofJesusChrist.org; “Mosala ya Lobiko mpe Bonetoli,” Buku Monene ya Mitindo, 1.2.

Youth Responsibility in the Work of Salvation

Joseph Smith—Mambi ya kala 1:34–47

Na kozongisaka nsango malamu na Ye, Mobikisi akokisaki masakoli ya kala.

Ntango Moroni abimelaki Joseph Smith, atangaki masakoli mingi ya Boyokani ya Kala mpe ya Sika, lokola Yisaya 11; Misala 3:22–23; mpe Yoele 2:28–32. Tango bozali kotanga Joseph Smith—Mambi ya Kala 1:34–47, bokanisa oyo etali mpo na nini masakoli oyo ekokaki kozala motuya mpo ete Joseph ayeba. Mpo na nini ezali motuya mpo ete boyeba yango?

Bokoki lisusu kotanga maye Mpaka David A. Bednar ateyaki etali boyei kotala ya yambo ya Moroni epayi ya Joseph Smith na “Na Nguya ya Nzambe na Nkembo Monene” (Liahona, Sanza ya zomi na moko 2021, 28).

With the Power of God in Great Glory

Botala lisusu “An Angel from on High,” Hymns, no. 13.

Joseph Smith—Mambi ya Kala 1:48–60

Nzambe akolengela ngai nasala na bokonzi na Ye.

Joseph azalaki bobele na mibu 17 ntango amonaki bapalaki ya wolo. Ezalaki na elikya na bobateli na ye te, nzokande, kino mibu minei nsima. Botanga Joseph Smith—Mambi ya kala 1:48–60, koluka maye masalamaki na bomoi ya Joseph na ntango wana. Lolenge nini bokanisi makambo oyo elengelaka yo mpo na mosala Nzambe abiangelaki ye asala? Boyebi nini bozwi oyo elengelaki bino bosalela Nzambe mpe bosalisa basusu? Bozali kokutana na makambu nini sikawa oyo ekoki kosalisa bino bomilengela mpo na mosala ya mikolo ekoya?

Ngomba ya Cumorah, na Al Rounds

Malongi mpe Mayokani 2

Nkolo atindaki Eliya abalola motema na ngai epayi ya bankoko na ngai.

Nini maloba lokola “kolona,” “mitema,” mpe “kobalola” na eteni oyo ezali koteya bino etali etinda ya Eliya mpe mapamboli ya bafungola ya bonganganzambe azongisaki? Lolenge nini boyokaki motema na bino kobaluka epai ya bankoko na bino? Bokanisa banzela nini bokoki koyokela mayoki ya boye mbala mingi koleka. Koluka bankoko na bino mpe kosala makuli mpo na bango na tempelo ezali nzela moko (tala FamilySearch.org). Basusu nini bokoki kokanisa?

Botala lisusu Malongi mpe Mayokani 110:13–16; Gerrit W. Gong, “Esengo mpe Mpo na libela,” Liahona, Sanza ya zomi na moko 2022, 83–86.

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Joseph Smith—Mambi ya Kala 1:28–29

Nakoki koyambola mpe kolimbisama

• Tomiyokaka banso ntango mosusu “ya kokweyisama mpo na [ya biso] botau mpe bozangi bobongi nie,” lokola esalaki Joseph Smith. Bino mpe bana na bino bokoki kotanga Joseph Smith—Mambi ya Kala 1:29 elongo, kolukaka maye Joseph asalaki ntango amiyokaki lolenge wana. Nini tokoki koyekola uta na ndakisa oyo ekoki kosunga biso ntango tosalaka mabunga? Mpo na nini ezali motuya koyeba ete Joseph abiangamaki na Nzambe kutu atako azalaki ya kobonga nie te?

Joseph Smith—Mambi ya kala 1:27–54

Tata na Lola abiangaki Joseph Smith mpo na kosalisa Ye asala mosala na Ye.

• Bana na bino bakoki kosepela kosalaka lokola kozala Joseph Smith ntango bozali kobeta lisolo ya baboyei kotala ya Moroni na Joseph Smith—Mambi ya Kala 1:-27–54 to “Mokapo 3: Anjelu Moroni mpe Bapalaki ya Wolo” (na Masolo ya Malongi mpe Mayokani, 13–17, to video oyo ekokani na kati ya Biblioteki ya Nsango Malamu). Ndakisa, bakoki kongumba maboko na bango lokola soki bazali kosambela to kosala lokola komata Ngomba ya Cumorah, mpe bongo na bongo. Nsima bokoki kosenga bango basolola oyo etali maye Nzambe abiangelaki Joseph Smith asala mpe lolenge nini topambolami lokola mbano. Ndakisa, lolenge nini topambolami mpamba te Joseph Smith abongolaki Buku ya Mormon? Lolenge nini mosala na ye esalisi biso tokoma penepene ya Tata na Lola mpe Yesu Klisto?

  The Angel Moroni Visits Joseph Smith: Learning about a sacred book

Malongi mpe Mayokani 2

Tata na Lola alingi mabota ekangisama na tempelo.

• Ntango mosusu bino mpe bana na bino bokosepela kotala mwa bililingi ya libota na bino, ekoki kosalama na kosangisaka elilingi moko ya libota na bino na tempelo (to botala Buku ya Ntoki ya Nsango Malamu, no. 120). Bokoki nsima kotanga Malongi mpe Mayokani 2 mpe bokabola elongo na moko na mosusu makanisi na bino etali mpo na nini tozali na batempelo mpe mpo na nini Tata na Lola alingi mabota ezala elongo mpo na libela. Bokanisa koyemba elongo “Families Can Be Together Forever” (Children’s Songbook, 188). Nini loyembo oyo elobi tokoki kosala mpo na kozala elongo na libota mpo na libela?

Tempelo ya Palmyra na New York.

Malongi mpe Mayokani 2

Koyekola oyo etali bankoko na ngai ekoki komemela ngai esengo.

• Bana bakoki kokoma ya kosepela na oyo etali mpe koyoka esengo ya mambi ya kala ya libota. Mpo na kosalisa bango, bokoki kokabola masolo to bililingi ya bankoko na bino. Bosolola na bana na bino oyo etali lolenge nini bomoi ezalaki mpo na bankoko na bango ntango bazalaki bana. Bana na bino bakoki lisusu kosepela na misusu ya milulu ya mambi ya kala ya libota na FamilySearch.org/discovery.

Mpo na makanisi koleka, botala nsango ya sanza oyo na magazini Moninga .

Joseph Azali Kozwa Bapalaki, na Gary E. Smith