Zamba ya Bule,, na Greg K. Olsen

Sanza ya Yambo 13–19: “Namonaki Likonzi ya Pole”

Joseph Smith—Mambi ya Kala 1:1–26

Bokoki koloba Malongi mpe Mayokani ezali buku ya biyano na nsambo: mingi ya bimoniseli ya bule kati na buku oyo biyaki lokola eyano na mituna. Motuna oyo ebandaki yango nyonso—moko oyo epelisaki bosopani ya emoniseli—etunamaki na elenge mobali ya mibu 14. “Etumba ya maloba mpe makelele kili-kili ya makanisi” (Joseph Smith—Mambi ya kala 1:10) etikaka Joseph na mokakatano etali eyamba mpe mokangano na ye na Nzambe. Ntango mosusu bokoki kokangama na yango. Tozwaka makanisi ya kozanga boyokani mingi mpe mingongo ya kondimisa mingi na mikolo na biso. Ntango tolingi kopona-pona nsango yango mpe kozwa bosolo, tokoki kosala oyo Joseph asalaki. Tokoki kotuna mituna, koyekola makomi, komanyola, mpe na nsuka kotuna Nzambe. Na eyano na losambo ya Joseph, likonzi ya pole ekitaki uta na lola. Nzambe Tata mpe Yesu Klisto babimelaki ye mpe bayanolaki mituna na ye. Litatoli ya Joseph na likambo oyo ya kokamwa esakoli na bokasi nyonso ete moto “oyo [azangi] bwanya akoka kosenga epai ya Nzambe, mpe akozwa” (Joseph Smith—Mambi ya Kala 1:26). Tokoki banso kozwa, soki limoni ya lola te, ata na moke limoni ya polele mpenza, oyo engengisami na pole ya lola.

Makanisi mpo na Koyekola na Ndako mpe na Eklezia

Joseph Smith—Mambi ya Kala 1:5–26

Joseph Smith azali Profeta ya Bozongisi.

Ntina ya lisitwale ya Joseph Smith ezalaki ya kotia biso “na boyebi ya makambo” mpamba te bosolo na ntina ya Joseph ezali mbala mingi ya kobebisama (Joseph Smith—Mambi ya Kala 1:1). Ntango botangi Joseph Smith—Mambi ya Kala 1:1–26, nini elendisi litatoli na bino ya libiangi na ye ya bonzambe?

Tala lisusu Basantu, 1:3–19

Joseph Smith—Mambi ya Kala 1:5–25

Lolenge nini nakoki kozwa biyano na nsambo na ngai?

Esila kokomela bino ete “bozanga bwanya” to bomiyoka na mobulungano etali mokano oyo bosengelaki kozwa? (Joseph Smith—Mambi ya Kala 1:13). Boyebi Joseph Smith azwaki na 1820 ekoki kosalisa lokola ndakisa malamu mpo na emoniseli ya moto ye moko. Ndakisa, ntango bozali koluka na Joseph Smith—Mambi ya Kala 1:5–25, boluka makambu bokoki kokangama na yango. Boyekoli nini oyo etali ;

• Lolenge nini Joseph amilengelaki mpo na likambo ya bule kati na losambo milongo 8, 11, 14– 15).

• Mosala ya boyekoli makomi na kolukaka emoniseli? (tala milongo 11–12).

• Bokosala nini ntango bokutani na botelemeli? (tala Milongo 15–16, 21–26)

• Koyamba mpe kosala likolo ya biyano bozwi? (tala milongo 18–25).

Bobenga bokaboli. Koluka makomi ebengisaka makanisi uta na Molimo Mosantu. Kokabola makanisi ekoki kobengisa Molimo Mosantu apesa litatoli na basusu, lokola mpe na moto na moto oyo azali kokabola.

Mayele mosusu nini ekoki bino kozwa uta na artikele ya Mokambi Henry B. Eyring “The First Vision: A Pattern for Personal Revelation”? (Liahona, Sanza ya Mibale. 2003, 12–17.

Bokoki lisusu koluka bandakisa misusu na makomi ya bato oyo basololaka na Nzambe. Bililingi na Buku ya Ntoki ya Nsango Malamu to babuku mosusu Yaka, Landa Ngai ekoki kopesa bino makanisi. Bomeka koyanola mituna etiamaki na molongo liboso mpo na moko na moko ya ndakisa bozwi. Makambo nini eyela bino ezwaka biyano na losambo? Nini ekoki bino kosala mpo na kosalisa basusu bakutana na makambo malamu mpe?

Botala lisusu Russell M. Nelson, “Yokela Ye,” Liahona, Sanza ya mitano 2020, 88–9292; Makambo mpe Mituna, “Emoniseli ya Moto ye Moko” Biblioteki ya Nsango Malamu.

Joseph Smith—Mambi ya Kala 1:15–20

Joseph Smith amonaki Nzambe Tata mpe Mwana na Ye, Yesu Klisto.

Joseph Smith andimaki ete Nzambe akoyanola losambo na ye, kasi amitiaki te na mabanzo lolenge nini eyano yango ekobongola bomoi na ye—mpe mokili. Ntango bozali kotanga oyo etali maye Joseph akutanaki na yango, bomanyola lolenge nini bambano ya Limoni ya Yambo ebongoli bomoi na bino.

Ndakisa, Limoni ya Yambo elakisaki bosolo mingi etali Tata mpe Mwana na Ye, Yesu Klisto, oyo ekesenaki uta na maye bato mingi na mikolo ya Joseph bazalaki kondimela. Ntango bozali kotanga Joseph Smith—Mambi ya Kala 1:15–20, bokanisa kokoma banzela ekesana mpo na kotondisa molongo moko lokola oyo: “Mpamba te Limoni ya Yambo esalamaki, nayebi ete …”

Mayoki nini bozwi ntango bomanyoli makambo ya Joseph mpe makambo nyonso oyo eyaki uta na yango?

Botala lisusu “Senga na Nzambe: Limoni ya Yambo ya Joseph Smith” (video), Biblioteke ya Nsango Malamu; “Joseph Smith’s First Prayer,” Hymns, no. 26.

Senga na Nzambe: Limoni ya Yambo ya Joseph Smith

Makambo na molayi uta na Soki Moko na Bino Azangi Bwanya, na Walter Rane

Joseph Smith—Mambi ya Kala 1:15–20

Mpo na nini masolo ezali ya ndenge na ndenge na ntina ya Limoni ya Yambo?

Na ntango azalaki na bomoi, Joseph Smith akomaki maye akutanaki na yango na Zamba ya Bule ata na moke mbala minei, mbala mingi kosalelaka mokomi. Lisusu, masolo mingi ekomamaki na bato misusu oyo bayokaki Joseph koloba na oyo etali limoni na ye. Atako masolo maye ezali kokesena na mwa molai ya makambo, engebene na mokomi, bayoki, mpe esika, ezali atako bongo ya kokokana. Mpe lisolo moko na moko ebakisi makambo oyo esalisaka biso tososola malamu makambo Joseph Smith akutanaki na yango, kaka lokola moko moko ya Bansango malamu minei ya Boyokani ya Sika esalisaka biso kososola malamu koleka mosala ya Mobikisi.

Botala lisusu Makambo mpe Mituna, “Masolo ya Limoni ya Yambo,” Bibilioteki ya Nsango Malamu.

Joseph Smith—Mambi ya Kala 1:21–26

Nakoki kotikala ngwi na oyo ngai nayebi, atako basusu babwakisi ngai.

Nsima ya Limoni ya Kokamwa ya kitoko, Joseph Smith na kibomoto alingaki kokabola likambo na ye na basusu. Botelemeli akutanaki na yango ekamwisaki ye. Ntango botangi lisolo na ye, nini efuli bino mpo na kotikala ya kokangama ngwi na litatoli na bino? Bandakisa misusu nini—uta na makomi, nkoko moko, to na bato oyo boyebi—epesaka bino mpiko ya kotikala ya kokangama ngwi na makambo ya molimo oyo okutanaki na yango?

Botala lisusu Gary E. Stevenson, “Koleisa mpe Kopesa Litatoli na Bino,” Liahona, Sanza ya zomi na moko. 2022, 111–14.

Mpo na makanisi koleka, botala nsango ya sanza oyo na bamagazini ya Liahona mpe Mpo na Bokasi ya Bilenge .

Makanisi mpo na Koteya Bana

Joseph Smith—Mambi ya Kala 1:3–14

Joseph Smith alengelamaki mpo na kozala profeta ya Nzambe.

• Koyekola oyo etali bolenge ya Joseph Smith ekoki kosalisa bana na bino bakangama na ye ntango bazali koyekola uta na makambo na ye. Ntango mosusu bakoki kosimba elilingi ya Joseph smith mpe kokabola maye bayebi etali ye. Soki esengeli, bokoki kobakisa mwa makambo ya solo etali ye uta na Joseph Smith—Mambi ya Kala 1:3–14 (tala lisusu “Mokapo 1: Joseph Smith mpe Libota na Ye,” na Masolo ya Malongi mpe Mayokani, 6–8, to video oyo ekokani na kati ya Biblioteki ya Nsango Malamu). Nini Joseph akutanaki na yango oyo esalisaki kolengela ye akoma profeta? Nini Nzambe akoki kozala kolengela biso tosala?

  Joseph Smith's Family: A family of faith

Sango na molai uta na Losambo ya Yambo ya Joseph Smith, na Greg Olsen

Joseph Smith—Mambi ya kala 1:10–13

Nzambe akoki koyanola mituna na ngai na nzela ya makomi.

• Bokanisa kolakisa bana na bino babuku ya ndenge na ndenge, kosangisaka makomi. Bosalisa bango bakanisa mituna babuku oyo ekoki koyanola. Nsima bokoki kotanga elongo Joseph Smith—mambi ya Kala 1:10–11 mpo na komona mituna nini Joseph Smith azalaki na yango mpe biyano nini azwaki na makomi.

• Bana na bino bakoki kozala na makoki ya komona maloba na molongo 12 oyo elimboli lolenge nini kotanga Yakobo 1:5 etutaki motema ya Joseph. Nsima bokoki kokabola makambo bokutanaki na yango moko na mosusu na yango eteni moko ya makomi ezalaki na nguya makasi na bino. Bokoki lisusu koyemba elongo loyembo etali kotanga makomi, lokola “Koluka, Komanyola, mpe Kosambela” (Children’s Songbook, 109). Nini loyembo eteyi etali mpo na nini totangaka makomi?

Joseph Smith—Mambi ya Kala 1:10–17

Tata na Lola ayokaka mpe ayanolaka nsambo na ngai.

• Mpo na kobanda lisolo etali lolenge nini kosolola na tata na Lola, ntango mosusu bino mpe bana na bino bokoki kotuna moko na mosusu mituna kosalelaka ndenge ekeseni ya lisolo, lokola nsango ya komama, libiangi ya telefoni, to nkoma ya ekomama na maboko. Lolenge nini totunaka mituna na Tata na Lola? Lolenge nini tolakisaka Ye ete tolingaka mpe totosaka Ye na nsambo na biso? Botanga elongo Joseph Smith—Mambi ya Kala 1:16–19 mpe bosolola lolenge nini Tata ayanolaki Nsambo ya Joseph Smith. Bino mpe bana na bino bokoki nsima kokabola boyebi ntango bosengaki Nzambe lisalisi mpe bozwaki eyano.

Joseph Smith—Mambi ya kala 1:17–19

Joseph Smith amonaki Tata na Lola mpe Mwana na Ye, Yesu Klisto.

• Bilenge bana bakoki kosepela kotelema na maboko ya kosembolama kosalaka lokola kozala banzete na Zamba ya Bule ntango bozali koyebisa bango oyo etali Limoni ya Yambo. Bosenga bana yango batengamaka na loboko ya mobali mpe nsima na loboko ya mwasi lokola soki bazalaki koningisama na mopepe ntango bozali kosolola na oyo etali Joseph kosambelaka. Nsima bosenga bango batelema ngwi mpe na kimia mpenza ntango bozali koyebisa bango ete Tata na Lola mpe Yesu babimelaki Joseph.

• Bana ya mikolo koleka bakoki kosepela kosalela moko to mingi ya bililingi na liteya oyo mpo na kolobela bino maye bayebi etali Limoni ya Yambo. Bolendisa bango batala na Joseph Smith—Mambi ya Kala 1:14–17 mpe bakabola makanisi mpe mayoki na bango etali likambo ya Joseph (tala lisusu “Mokapo 2: Limoni ya Yambo ya Joseph Smith,” na Masolo ya Malongi mpe Mayokani, 9–12, to video ekokani na yango na Biblioteki ya Nsango malamu).

  Joseph Smith's First Vision: An answer to a humble prayer

Mpo na makanisi koleka, botala nsango ya sanza oyo na magazini Moninga .

Bosolo Ezongisama, na Del Parson