Māe 5–11: “Kallim̧ur ko … Renaaj Kūrm̧ool”

Katak im Bujen Ko 45

Revelesōn eo ilo jekjōn 45 ekkar n̄an kōmeļeļe eo an jekjōn in, kar bōke n̄an “lan̄lōn̄ eo an Ro Rekwōjarjar.” Im elōn̄ men ko n̄an lan̄lōn̄ kaki ilo revelesōn in. Epād ie ilo an Rilo̧mo̧o̧r eo letok An kallim̧ur n̄an akweļap kōn kōj im̧aan Jemād (lale eoon 3–5). E ej kwaļo̧k kōn bujen eo An ejjeļo̧k jem̧ļo̧kin an ajedeed ipeļaakin laļin, āinwōt “juon ribōk ennaan … n̄an kōpooj iaļ eo [An]” (eoon 9). Im Ej kanaan kōn Itok eo An Kein Karuo eaibojooj. Rilo̧mo̧o̧r eaar kōm̧m̧ane aolep men kein ilo an bar kile bwe iien kein reppen (lale eoon 34), kōn wōt jorrāān ko me renaaj bōk jikier m̧okta jān itok eo An. Bōtaab jorrāān in, marok in ejjab kajoor n̄an kune meram in kōjatdikdik eo. Bwe Irooj eaar ba, “Bwe em̧ool Ij ba n̄an kom̧, “Bwe N̄aij … meram eo ej romaak ilo marok” (eoon 7). Mennin ej juon un n̄an bōk revelesōn in—ippān jabdewōt kapilōk im kakkōl ko im m̧ool eo E ekōņaan letok—kōn lan̄lōn̄.

Ļōmņak ko n̄an Ekkatak ilo M̧weeo im ilo Kabun̄ in

Katak im Bujen Ko 45:1–5

Jisōs Kraist ej aō Rijojomar ippān Jemān.

N̄e jej en̄jake mōjņo̧ ak jab erreo im̧aan Anij, jemaron̄ lo aenōm̧m̧an jān naan ko an Rilo̧mo̧o̧r ilo Katak im Bujen Ko 45:1–5. Ilo am̧ kappukōt eoon kein, ļōmņak kōn kajjitōk kein:

• Ta naan ak ennaan ko ilo eoon kein me eļap m̧eļeļeier n̄an kwe?

• Juon rijojomar ej juon eo me ej jipan̄ ak jutak likin juon armej ak juon jibadbad. Ekkar n̄an eoon kein, ekōjkan an Jisōs Kraist kōm̧m̧ane menin n̄an kwe? Ta eo ej kōm̧m̧an bwe En kōm̧m̧ane?

• Ta ko rej im̧we eok kōn naan ko an Rilo̧mo̧o̧r n̄an Jemān? (eoon 4–5).

Kwomaron̄ bar ekkatak ta eo Elder Dale G. Renlund ekar katakin kōn Jisōs Kraist, ad Rijojomar, ilo “Kom̧win Kāālōt Rainin” (Liaona, Nob. 2018, 104–5). Ekkar n̄an Elder Renlund, elmen n̄an keidi jibadbad eo an Rilo̧mo̧o̧r n̄an eo an Lucifer?

Eoon kein remaron̄ kobaik jeļā eo am̧ kōn jerbal eo an Rilo̧mo̧o̧r āinwōt juon Rijojomar. Ilo am̧ ekkatak kaki, ļōmņak in je naan ko ak m̧ool ko kwomaron̄ jeeri n̄an ro jet: 2 Nipai 2:8–9; Mosaia 15:7–9; Moronai 7:27–28; Katak im Bujen Ko 29:5; 62:1. Etke eļap m̧eļeļein naan kein n̄an kwe?

Bar lale “Ij Lokjenaō,” Al Ko, nō 14; Topics and Questions, “Atonement of Jesus Christ,” Gospel Library; “The Mediator” (bitio), Gospel Library.

The Mediator

A portrayal of the analogy Elder Boyd K. Packer used in his April 1977 general conference address. A young man who fails to pay a debt is saved from the grasp of justice through the mediation of a friend.

Katak im Bujen Ko 45:9–10

Gospel eo ej juon jon̄ak n̄an laļ ko.

Etto, ekar juon iminene n̄an ineek juon būļāāk n̄an aiintok im kobaik ritariņae ro. Juon jon̄ak ej bar juon waanjon̄ak ak kakien men ko jet remaron̄ in keidi n̄ani. Ilo am̧ riiti Katak im Bujen Ko 45:9–10, kōļmenļo̧kjeņ elmen an bujen ko ippān Irooj āinwōt juon jon̄ak n̄an kwe.

Katak im Bujen Ko 45:11–75

Jisōs Kraist enaaj jepļaaktok ilo aiboojoj.

Em̧ōj kar kōmeļeļeik Itok eo Kein Karuo an Irooj āinwōt “eļap” im “kaamijak” (Malakai 4:5). Ilo Katak im Bujen Ko 45; kōmeļeļe kein jim̧or rekkar. Revelesōn in ekoba kakōļļe ko im kallim̧ur ko kōn kōjatdikdik ko kōn itok eo an Irooj. Ilo am̧ ekkatak eoon 11–75, kōļmenļo̧kjeņ kōn wāween am̧ keppopo n̄an Itok eo Kein Karuo kōn tōmak ilo Kraist ijelo̧kin mijak. Je ta ko kwoj loi ilo juon tebōļ āinwōt in:

Kanaan ak kallim̧ur	Ta ij maron̄ kōm̧m̧ane
Kanaan ak kallim̧ur Juon meram (gospel eo) enaaj itok n̄an ro rej jijōt ilo marok (lale (eoon 28)	Ta ij maron̄ kōm̧m̧ane Bōk meram eo—im jeere (eoon 29)
Kanaan ak kallim̧ur	Ta ij maron̄ kōm̧m̧ane
Kanaan ak kallim̧ur	Ta ij maron̄ kōm̧m̧ane
Kanaan ak kallim̧ur	Ta ij maron̄ kōm̧m̧ane

Ilo bitio in “Men’s Hearts Shall Fail Them” (Gospel Library), ta kakpilōklōk ko Būreejtōn Russell M. Nelson ekar letok n̄an jipan̄ kōj jelm̧ae jekjek ko rekaamijak kōn aenōm̧m̧an?

Men's Hearts Shall Fail Them

Elder Russell M. Nelson shares a personal story to give encouragement for when we feel "weak in the heart."

Katak im Bujen Ko 45:31–32, 56–57

Ij maron̄ “jutak ilo jikin ko rekwōjarjar,” im jamin m̧akūtkūt.

Ta eo kwoj ekkatak ilo Katak im Bujen Ko 45:31–32, 56–57 kōn m̧aanjabpopo n̄an Itok eo an Irooj? “Jikin kwojarjar” rōt ko am? Ta meļeļe in n̄an “jab m̧akūtkūt”? Ekōjkan am̧ maron̄ kōm̧m̧an bwe ijo kwoj pād ie en ekwōjarjarjļo̧k?

Keememej an Irooj kwaļo̧k kōn būrabōļ eo kōn virgin ro jon̄oul, an keidi oiļ eo ilo būrabōļ in n̄an m̧ool im Jetōb Kwojarjar. Ļōmņak in riiti būrabōļ in ilo Matu 25:1–13 n̄an kōļmenļo̧kjeņ kake. Ta meļeļe ko kwoj būki?

Bar lale David A. Bednar, “Koṃ ar jeḷā N̄a”,” Liaona, Nob. 2016, 102–5.

Parable of the Ten Virgins, jān Dan Burr

Katak im Bujen Ko 45:11–15, 66–71

Zaion ej juon jikin kōjparok n̄an Armej ro Rekwojarjar an Anij.

Rikwojarjar ro ilo iien ko an Josep Smith rekar ikdeelel n̄an kalōk Zaion, Jerusalem eo Ekāāl (lale Ether 13:2–9; Moses 7:18, 62–64). Ta eo kwoj ekkatak kōn Zaion—jim̧or juon jikin kweilo̧k ilo etto ilo raan ko an Inok ilo raan ko āliktata—jān Katak im Bujen Ko 45:11–15, 66–71 Rainin kūr eo n̄an kajutak Zaion ej iokļo̧k kajutak aelōn̄ in kiin̄ eo an Anij ijoko jej jokwe ie. Ta eo kwoj maron̄ kōm̧m̧ane n̄an jipan̄ kalōk Zaion jabdewōt jikin kwoj jokwe ie?

Ļōmņak ko n̄an Katakin Ajri ro

Katak im Bujen Ko 45:3–5

Jisōs Kraist ej aō Rijojomar ippān eo Jemān.

• Kwoj maron̄ kōņaan jipan̄ ajri ro nejūm̧ meļeļe bwe juon rijojomar ej juon eo ej jipan̄ bar juon armej. Innām kwomaron̄ kōnono kōn waanjon̄ak ko an juon rijojomar me emaron̄ jeļā kaki (āinwōt jutak likun juon mōttaer). Ilo am̧ riiti Katak im Bujen Ko 45:3–5 ippān doon, jipan̄ ajri ro nejūm̧ jeļā wōn eo ad Rijojomar im ekōjkan An jipan̄ kōj.

Katak im Bujen Ko 45:32

Imaron̄ “jutak ilo jikin ko rekwōjarjar.”

• Emaron̄ limo n̄an likūt juon pija in juon em̧, juon M̧ōnjar, im juon tampeļ ipeļaakin rūūm̧ eo. Innām kwomaron̄ leļo̧k kakōļļe ko rej kōm̧eļeļe kōn jikin kein im karuwaineneik er n̄an jutak turin pija eo kwoj kōm̧eļeļeiki. Kajjitōk bwe ren jutak wōt ilo am̧ riiti ļain eo jān Katak im Bujen Ko 45:32. Ta jet jikin ko rekwojarjar Anij ej letok n̄an kōj? Jipan̄ ajri ro nejūm̧ meļeļe bwe n̄an “jutak ilo jikin ko rekwōjarjar, im … jamin em̧m̧akūt” meļeļein kāālet jim̧we eo aolep iien, jekdo̧o̧n ta eo ej waļo̧k. Ekōjkan ad maron̄ kōm̧m̧an bwe m̧weeo imōd en ekwojarjar?

Katak im Bujen Ko 45:9

Gospel eo an Jisōs Kraist ej juon jon̄ak n̄an laļin.

• Kwomaron̄ kōmeļeļeik ajri ro nejūm̧ bwe ilo etto, juon jon̄ak eaar juon m̧ōttan nuknuk ekilep ak būļāāk kar ineke n̄an tariņae. Eaar jipan̄ ritariņae ro jeļā ia eo n̄an aiin doon ie im ta eo n̄an kōm̧m̧ane. Riiti doon Katak im Bujen Ko 45:9, kōnono wāween ko gospel in ej āinwōt juon jon̄ak. Ajri ro nejūm̧ remaron̄ m̧ōņōņō in kōm̧m̧ani jon̄ak ak būļāāk ko aer make, ekoba pija ko ak naan ko me rej kwaļo̧k en̄jake ko aer kōn Rilo̧mo̧o̧r eo.

Gospel eo ej juon jon̄ak, ak juon m̧ōttan nuknuk ak būļāāk.

Katak im Bujen Ko 45:44–45

Jisōs Kraist enaaj bar itok.

• Kakkure eo enaaj waļo̧k m̧okta jān Itok eo Kein Karuo emaron̄ kaamijak ajri ro. Jitōn̄ļo̧k er n̄an Jisōs Kraist emaron̄ jipan̄ er reim̧aanļo̧k ilo tōm̧ak! Ļōmņak in karuwaineneik er n̄an ļōmņak kōn wāween aer en̄jake n̄e juon armej eo eaorōk ej lotok, āinwōt juon būbū ak jim̧m̧a ak juon m̧ōttāer. Ekōjkan aer kōppopo n̄an lotok eo? Innām kwomaron̄ kwaļo̧k juon pijain Rilo̧mo̧o̧r im riiti Katak im Bujen Ko 45:44–45. Jeere n̄an doon en̄jake eo am̧ kōn itok eo an Rilo̧mo̧o̧r.

• N̄an jipan̄ ajri ro nejūm̧ m̧ōņōņō kōn Itok eo Kein Karuo an Rilo̧mo̧o̧r, kwomaron̄ jeje ioon pepa ko jet kallim̧ur in kōjatdikdik ko jān jekjōn 45 (lale, n̄an waanjon̄ak, eoon 44–45, 51–52, 55, 58–59, 66–71). Leļo̧k n̄an ajri ro nejūm̧ jidik peba im kajjitōk ippāer n̄an kajutak peier n̄e ej waļo̧k naan in kallim̧ur eo rej jibwe ilo am̧ riiti eoon eo. Ekōnono kōn ta meļeļein kallim̧ur kein. Kwomaron̄ bar al ippān ajri ro nejūm̧ juon al kōn Itok eo Kein Karuo an Rilo̧mo̧o̧r, āinwōt “When He Comes Again” (Children’s Songbook, 82–83).

Jipan̄ ajri ro kile Jetōb. Ilo am̧ katakin ajri ro nejūm̧, jiron̄ er n̄e kwoj en̄jake Jetōb Kwojarjar. Kōnono ekōjkan am̧ kile An kajoor. N̄an waanjon̄ak, kwomaron̄ en̄jake aenōm̧m̧an ak lan̄lōn̄ ilo am̧ al juon al kōn Rilo̧mo̧o̧r.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.

Itok eo Kein Karuo, jān Harry Anderson