The Camp Meeting [Musangano wepaMusasa]naWorthington Whittredge

Chivabvu 12–18: “Tsvakai Imi neMwoyo Wose Zvipo Zvakanakisisa”

Dzidziso neZvibvumirano 46–48

Apo Parley P. Pratt, Oliver Cowdery, Ziba Peterson, naPeter Whitmer Jr. pavakabva muKirtland uye vakaenda kunoenderera mberi nekuparidza vhangeri, vakasiya nhengo itsva dzeChechi dzinopfuura zana idzo dzakanga dzine chido chikurusa asi dziine ruzivo rushoma kana nhungamiro shoma. Vakanga vasina mabhuku erairidzo, vasina misangano yekudzidzisa vatungamiri, vasina nhepfenuro dzemisangano mikuru—chokwadi ndechokuti, vakanga vasina kana makopi eBhuku raMormoni akakwana kugovera munhu wose. Vazhinji vevatendi vatsva ava vakanga vakwezverwa kuvhangeri rakadzorerwa nevimbiso yezviratidzo zvinoshamisa zveMweya, kunyanya izvo zvakatsanangurwa muTestamende Itsva (ona, semuenzaniso, 1 Vakorinte 12:1–11). Asi vakawanda vakazviwana zvakaoma kuziva zviratidzo zvechokwadi zveMweya. Aona kuvhiringidzika uku, Joseph Smith akanamatira rubatsiro. Mhinduro yaIshe yakakosha nhasi, apo vanhu kazhinji pavanoramba kana kusateerera kuzvinhu zveMweya. Vakasimbisazve kuti zviratidzo zvemweya ndezvechokwadi. Vakajekesawo kuti zvii: zvipo zvinobva kuna Baba Vokudenga vanerudo,“zvinopuwa kuitira pundutso yeavo vano[Vada] uye vanochengeta mirairo [Yavo] yose, uye uyo anotsvaka kuita saizvozvo” (Dzidziso neZvibvumirano 46:9).

Mazano eKudzidza Kumba uye kuChechi

Dzidziso neZvibvumirano 46:1–7

Muponesi anotambira vose avo vanoda kunamata muChechi Yake.

Unonzwa here kuti shamwari dzako nevanhu vari munharaunda yako vanonzwa kutambirwa kumisangano yekunamata yewadhi yako? Chii chamuri kuita kuti misangano yenyu yeChechi ive nzvimbo idzo vanhu dzavanoda kudzoka kwadziri? Fungisisa mashandisiro aungaita rairo yaIshe iri muDzidziso neZvibvumirano 46:1–7 (onawo 2 Nifai 26:24–28; 3 Nifai 18:22–23).

Ungangofungawo pamusoro penguva iyo yawakapinda minamato yeChechi—kana musangano werimwe boka—kwenguva yekutanga. Chii chakaitwa navanhu kukubatsira kuti unzwe kutambirwa?

Onawo Moroni 6:5–9; “’Tis Sweet to Sing the Matchless Love,” Hymns, nhamba 177; “Welcome” (vhidhiyo), Gospel Library.

Welcome | Comeuntochrist.org

Welcome to a community where everyone is trying to live as Jesus taught. Come and see what we believe at comeuntochrist.org

Dzidziso neZvibvumirano 46:7–33

Baba Vokudenga vanondipa zvipo zvepamweya kuti ndiropafadze vamwe.

Vatendi vekutanga vaitenda muzvipo zvemweya asi vaida rubatsiro pakuzviziva uye nekunzwisisa chinangwa chazvo. Apo paunonzvera pamusoro pezvipo zveMweya muDzidziso neZvibvumirano 46:7–33, fungisisa chinangwa “[icho] chazvinopuwirwa” (ndima 8). Chii chaunodzidza pamusoro paMwari—mupi wezvipo izvi?

Unokwanisa here kufunga nezve mienzaniso yawakaona yevanhu vanoshandisa zvipo izvi kana zvimwe zvipo zvepamweya? “Zvakapundutsa sei … vana vaMwari”? (ndima 26). Ungangoonawo kana uchikwanisa kudoma mienzaniso yezvipo zvepamweya zvakasiyana siyana muzvinyorwa zvitsvene zvakaita seizvi: 1 Madzimambo 3:5–15; Muporofita Danieri 2:26–30; Mabasa AvaApositora 3:1–8; Hiramani 5:17–19; Mormoni 1:1–5; Eta 3:1–15; Dzidziso neZvibvumirano 6:10–12; Mosesi 7:13.

Kunzvera kwako kwezvipo zvepamweya kungangokutungamirira kufungisisa zvipo izvo Mwari zvavakakupa. Ungashandisa sei zvipo izvi kuropafadza vana Vavo? Kana uine ropafadzo rapatiriyaki, rinogona kuva rinodoma zvipo zvawakapuwa. Kuverenga shoko raGosa John C. Pingree Jr “I Have a Work for Thee” kunokwanisawo kuvhura pfungwa dzako kuzvipo zvausina kumbofunga nezvazvo (Liahona, Mbudzi 2017. 32–35).

Kana uchida kudzidza pamusoro pemakudziridzo okuita zvipo zvepamweya, enzaniso iri kwokutanga kweshoko raGosa Juan Pablo Villa rinoti “Exercising Our Spiritual Muscles” inokwanisa kubatsira (Liahona, Chivabvu 2019, 95). Ndezvipi “zviitwa” zvinokwanisa kukubatsira kukudziridza zvipo zvepamweya zvako?

Onawo Misoro yeNyaya yeVhangeri, “Mweya Mutsvene,” Raibhurari yeVhangeri.

Dzidziso neZvibvumirano 47

Ishe vanoda kuti Chechi Yavo ichengete nhoroondo.

Daidzo yaJohn Whitmer yokuchengeta nhoroondo yeChechi yakaenderesa mberi tsika yakatanga karesa yevachengeti vezvinyorwa pakati pevanhu vaMwari. Sei uchifunga kuti kuchengeta nhoroondo kwakakosha zvakadaro kuna Ishe? Fungisisa izvi apo paunoverenga chikamu 47 pamwepo nemirairidzo yakafanana nayo iri muna 2 Nifai 29:11–12; Mosesi 6:5; Abrahama 1:28, 31. Chii chaunonzwa kuti Ishe vanoda kuti unyore pasi pamusoro peupenyu hwako?

PaFamilySearch, unokwanisa kunyora ndangariro uye zviitiko kubva kuupenyu hwako—uye upenyu hwemadziteteguru ako (ona FamilySearch.org).

Ona Henry B. Eyring, “O Remember, Remember,” Liahona, Mbudzi 2007, 66–69.

John Whitmer

Dzidziso neZvibvumirano 47

Mweya Mutsvene unokwanisa kunditungamirira apo pandinozadzikisa daidzo yangu.

Pamwe unokwanisa kunzwisisa izvo zvakanzwikwa naJohn Whitner apo paaida rusimbiso rwekuti daidzo yake yakabva kuna Mwari. Chii chakataurwa naIshe muDzidziso neZvibvumirano 47 kuna John Whitmer—uye kwauri—kuitira kukurudzira chivimbo mukuzadzikisa daidzo dzaVanopa?

Basa remudzidzisi. Kudzidzisa kunopfuura kungopa ruzivo. Kunosanganisira kuumba mamiriro ezvinhu ayo anoita kuti nhengo dzekirasi dzikwanise kudzidza uye dzizviwanire zvokwadi uye dzigogoverana izvo zvadzinenge dzadzidza (ona Kudzidzisa neMunzira yeMuponesi, 26).

Mazano eKudzidzisa Vana

Dzidziso neZvibvumirano 46:2–6

Ndinokwanisa kubatsira vamwe kuti vanzwe kutambirwa kuchechi.

• Mushure mekuverenga Dzidziso neZvibvumirano 46:5 nevana vako, taurai pamusoro pokuti Muponesi anoda kuti vanhu vanzwe sei apo pavanouya kuChechi Yake. Koka vana vako kuti vafungidzire kuti vaona mumwe munhu kuchechi kwenguva yokutanga. Vabatsire kuti vadzidzire nzira dzokubatsira munhu uyu kunzwa kutambirwa.

Dzidziso neZvibvumirano 46:7–26

Baba Vokudenga vanondipa zvipo zvepamweya kuitira kuropafadza vamwe.

• Kuti ubatsire vana vako kudzidza pamusoro pezvipo zvepamweya zvakatsanangurwa muDzidziso neZvibvumirano 46:13–26, funga pamusoro pezano iri. Unokwanisa kunyora zvipo zvacho pazvidimbu zvemapepa uye wozviviga nemumupanda wose. Apo vana vako pavanowana bepa roga roga, vabatsire kuwana apo pakataurwa chipo ichocho muchikamu 46. Kuchipo choga choga, taura navo pamusoro pamashandisirwo achinoitwa kuropafadza vamwe (tsananguro dziri “muChapter 20: Gifts of the Spirit,” muDoctrine and Covenants Stories, 77–80, dzinokwanisa kubatsira).

  Chapter 20: Gifts of the Spirit: 8•March 1831

• Taurira vana vako pamusoro pezvipo zvaunonzwa kuti Baba Vokudenga vakavapa, uye ita kuti vataure pamusoro pezvipo zvavanocherechedza mune mumwe nomumwe wavo. Maererano neDzidziso neZvibvumirano 46:8–9, 26, sei Baba Vokudenga vachitipa zvipo zvepamweya? Tingashandisa sei zvipo zvedu kubatsira vamwe?

Dzidziso neZvibvumirano 47:1, 3

Ndinokwanisa kunyora pasi nhoroondo yangu.

• Ita kuti vana vako vawane izvo Ishe zvavaida kuti John Whitmer aite muDzidziso neZvibvumirano 47:1, 3. Munogonawo kugoverana nyaya dzamunonyanya kufarira kubva mumagwaro matsvene. Taura kuti tinoziva pamusoro penyaya idzi nokuda kwokuti mumwe munhu akadzinyora pasi.

• Funga pamusoro pokuti ungakurudzira sei vana vako kunyora pasi nhoroondo dzavo pachavo. Unokwanisa kugovera zvimwe zvinyorwa kubva mujonari rako pachako kana nyaya pamusoro pemumwe teteguru (see FamilySearch.org kana the Memories app). Unokwanisa kupa kurudziro dzokunyora mujonari, zvakaita sokuti “Chii chakaitika vhiki rino icho chaunoda kuti vazukuru vako vazive pamusoro pacho?” kana “Wakaona sei ruoko rwaIshe muupenyu hwako vhiki rino?” Vana vadiki vanokwanisa kudhirowa mifananidzo yezviitiko zvavo, kana kuti unokwanisa kuvarekodha vachitaura nyaya dzavo. Ndeapi maropafadzo anouya kubva mukuchengeta “nhoroondo nguva dzose”? (Dzidziso neZvibvumirano 47:1).

Dzidziso neZvibvumirano 48:2–3

Ndinokwanisa kubatsira vamwe kuburikidza nekugovera izvo zvandakapuwa.

• Apo paunoverenga Dzidziso neZvibvumirano 48:2–3 nevana vako, ungangofanira kutsanangura kuti vanhu vaiuya kuOhio kubva kuMabvazuva, uye vakanga vasina pekugara. Chii icho Ishe chavakakumbira Vatendi kuti vaite kubatsira? Batsira vana vako kufunga nezve zvinhu izvo Mwari zvavakavapa zvavanokwanisa kugoverena navamwe. Unokwanisawo kuimba navo rumbo rwakaita serwokuti “‘Give,’ Said the Little Stream” (Children’s Songbook, 236).

­

Avo vose vanoda kunamata Muponesi vanotambirwa kumisangano yeVatendi Vake.