“Sanza ya Mitano 19-25: ‘Oyo Ezali ya Nzambe Ezali Pole’: Malongi mpe Mayokani 49–50,” Yaka, Landa Ngai—Mpo na Ndako mpe Eklezia: Malongi mpe Mayokani 2025 (2025)
“Malongi mpe Mayokani 49–50,” Yaka, Landa Ngai—Mpo na Ndako mpe Eklezia: 2025
Sanza ya Mitano 19-25: “Oyo Ezali ya Nzambe Ezali Pole”
Malongi mpe Mayokani 49–50
Mobikisi azali “mobateli mpate malamu” na biso (Malongi mpe Mayokani 50:44 Ayebi ete bampate ntango mosusu bayengaka-yengaka mpe ete esobe ezali na makama mingi. Na yango, na bolingo Ye akambaka biso na bokengi ya malongi na Ye. Ye akambaka biso mosika ya makama lokola “milimo mabe, oyo epanzani na mabele, kokosaka mokili” (Malongi mpe Mayokani 50:2). Kolandaka Ye mbala mingi elakisi kotika makanisi to mimesano ya mabe. Yango ezalaki ya solo mpo na Leman Copley mpe basusu na Ohio. Bandimaki nsango malamu ezongisama kasi batikaki biyamba-yamba mosusu te oyo ezalaki kaka malamu te. Na kati ya Malongi mpe Mayokani 49, Nkolo asakolaki makambo ya solo oyo ebongisaki boyambi ya yambo ya Leman oyo etali makambo lokola libala mpe Boyei ya Mibale ya Mobikisi. Mpe ntango babongwani ya Ohio “bazwaki … molimo oyo [bango ] bakokaki te kososola,” Nkolo ateyaki bango lolenge nini ya kososola mamonisi ya Molimo (Malongi mpe Mayokani 50:15). Mobateli mpate Malamu azalaka motema molai na biso;—“bana mike” na Ye, oyo “basengeli kokola na ngolu mpe mayele ya bosolo” (Malongi mpe Mayokani 50:40).
Makanisi mpo na koteya na Ndako mpe na Eklezia
Malongi mpe Mayokani 49; 50:24
Yesu Klisto alingi ngai nayamba bosolo ya nsango malamu na epayi na Ye.
Liboso ya kokota na Eklezia, Leman Copley azalaki moko ya lingomba ya eyamba eyebana lokola Bandimi ya Lingomba ya Bosangani na Bomonisami ya Mibale ya Klisto, lisusu eyebanaki lokola Bashakers. Nsima ya kosolola na Leman, Joseph Smith alukaki kozwa ndimbola uta na Nkolo oyo etali mateya mosusu ya Bashakers. Nkolo ayanolaki na emoniseli kati na eteni 49. Ndambu ya mateya ya boyambi ya Bashakers etangami na moto ya eteni.
Nini Nkolo ateyaki kati na eteni 49 mpo na kosembola mateya ya boyambi ya Bashakers? Elembo emonani na miso nini bomoni na emoniseli oyo ya bolingo mpe bomitungisi na Ye mpo na bato oyo bazali na botondisi ya bosolo na Ye te? Lolenge nini bokoki kosimba bango na bolingo mpe bomitungisi?
Nini etuti bino oyo etali likebisi ya Nkolo kati na molongo 2? Bokoki kokokanisa yango na nini ekomi soki botali kaka eteni ya filme, botala eteni moko ya puzzle, to boyoka ngambo moko ya koswana. Lolenge nini likebisi ya Nkolo ekokani na Malongi mpe Mayokani 50:24? Bokanisa nini bozali kosala mpo na kozwa pole mingi uta na Nkolo.
Tala lisusu “Leman Copley mpe Bashakers,” kati na Revelations in Context,, 117–21.
Libala ya mobali mpe mwasi ezali ntina na mwango ya Nzambe.
Na makasi ya kobebisa mwango ya Tata na Lola, Satana alukaka kokela buluyeke oyo etali libala. Nkolo, na ngambo mosusu, azali kobimisa bosolo oyo etali libala na nzela ya baprofeta na Ye. Okoki kozwa mwa ndambo ya bosolo oyo kati na Malongi mpe Mayokani 49:15–17; Genese 2:20–24; 1 Bakolinti 11:11; mpe “Libota: Esakola na Mokili.” Sala molongo ya babosolo oyo ozwi. Mpo na nini libala ezali na motuya kati na mwango ya Nzambe?
Mpaka Ulisses Soares ateyaki ete “nsango malamu ezongisami ya Yesu Klisto esakoli etinda ya boyokani mobimba kati na mwasi mpe mobali, ezala na bomoi ya kufa mpe na boseko” (“In Partnership with the Lord,” Liahona, Sanza ya zomi na moko. 2022, 42). Okoki koyekola nsango na ye, kolukaka mibeko “oyo elendisaka boyokani kati na mobali mpe mwasi.” Lolenge nini okoki kosalela mibeko oyo na bomoi na yo? Soki moto moko ya boyambi mosusu atuni yo mpo na nini libala ezali ntina, okoyanola nini? Mpo na nini ozali na botondi mpo na bososoli oyo?
Botala lisusu Topics and Questions, “Marriage [Libala],” “Family [Libota],” Gospel Library; David A. Bednar, “Marriage Is Essential to His Eternal Plan [Libala Ezali Ntina na Mwango na Ye ya Seko],” Ensign, Sanza ya motoba 2006, 83–84; “Renaissance of Marriage [Mbotama Lisusu ya Libala]” (video), Gospel Library.
Renaissance of Marriage
Bozala ya kotutisama na makambo ya moto na moto. Ntango esengo ya libala mpe bomoi ya libota ezali oyo ebongi mpenza na nsango malamu ya Yesu Klisto, tokosepela te banso na mapamboli yango ntango tozali na bokufi. Na kosololaka mama ya likambo oyo, zala ya kotutisama na makambo ndenge na ndenge ya moto na moto mpe ya libota, mingimingi mpo na bato oyo bazali “kozela na motema molai Nkolo” mpo ete bilaka ya seko ekokisama (tala Malongi mpe Mayokani 98:1–3).
Mateya ya Nkolo ekoki kobatela ngai uta na bokosi ya Satana.
Bandimi ya sika ya Eklezia na Ohio bazalaki motema moto moto mpo na kozwa mamonisi ya molimo maye malakelamaki na makomi. Satana, nzokande, azalaki lisusu motema moto moto mpo na kokosa bango. Soki osengamaki kosunga bandimi oyo basosola lolenge nini ya koyeba mamonisi ya Molimo Mosantu, mibeko nini kati na Malongi mpe Mayokani 50 okolinga kokabola? (tala mingimingi milongo 22–25, 29–34, 40–46). Lolenge nini Mobikisi asalisaki yo oyeba bokeseni kati na solo mpe libunga?
Tala lisusu 1 Bakolinti 14:1–28; 2 Timote 3:13–17.
Batei mpe bayekoli bazali kolendisama elongo na Molimo.
Kobika nsango malamu ya Yesu Klisto epesaka mabaku ya kozala moteyi mpe moyekoli, nyonso mibale na ndako mpe na Eklezia. Nzela moko okoki koyekola Malongi mpe Mayokani 50:13–24 ezali ya koyema elili moko ya moteyi mpe moyekoli. Moko pembeni ya mosusu, koma molongo ya maloba mpe masakoli uta na milongo ya makomi oyo ezali koteya bino likambo moko oyo etali boyekoli mpe boteyi ya nsango malamu. Ntango nini ozwaki mayele oyo eteyaki yo ntina ya Molimo na likambo ya koteya mpe koyekola? Kanisa nini okoki kosala mpo na kobongisa makasi na yo lokola moyekoli mpe moteyi ya nsango malamu
“Oyo Ezali ya Nzambe Ezali Pole”
Ntango ozali komanyola maloba ya Mobikisi kati na Malongi mpe Mayokani 50:23–25, Kanisa lolenge nini ozwi pole ya Nzambe mpe lolenge nini yo “obengani molili” mosika. Ndakisa, lolenge nini milongo oyo ekambi maponi na yo oyo etali lolenge nini osalelaka ntango na yo? Masano to media nini ya koluka? Masolo nini kobanda? Bikateli misusu nini milongo oyo ekoki kosunga yo na yango? Loyembo moko lokola “The Lord Is My Light [Nkolo Azali Mwinda na Ngai](Hymns, no. 89) ekoki kofula makanisi mosusu.
Tala lisusu “Walk in God’s light [Botambola na Mwinda ya Nzambe],” kati na Mpo na Bokasi ya Bilenge: Mokambi mpo na Kosala Maponi, 16–21.
Makanisi mpo na Koteya Bana
Nakoki Kolanda Yesu Klisto.
-
Mpo na koteya bana na yo mibeko kati na milongo oyo, okoki kolengela bankasa minei ya bilembo ya matambe mpe bilili minei oyo ezali kolakisa kondima na Yesu Klisto, boyamboli, libatisi, mpe koyamba Molimo Mosantu (botala kati na lokasa ya moluluya poso). Bana na bino bakoki kotiya bilembo ya matambe na mabele na bilili pembeni na yango. Nsima bokoki kotambola moko nsima ya mosusu likolo ya bilembo ya matambe ntango bozali kotanga Malongi mpe Mayokani 49:12–14. Bosalisa bango basosola ete ntango tosali biloko kati na bilili oyo, tozali kolanda Yesu Klisto.
-
Bokoki lisusu kobiangisa bana na bino bakokanisa Malongi mpe Mayokani 49:12–14 na Misala 2:38 mpe na eteni ya minei ya bondimi. Bokokani nini bamoni? Mpo na nini bosolo oyo ezali motuya?
Libala ya mobali mpe mwasi ezali ntina na mwango ya Nzambe.
-
Mpo na kobanda milongo ya makomi oyo, bokoki kolimbola ete Bashakers bazalaki eyamba moko oyo bandimaka ete bato basengeli kobala te (tala moto ya eteni ya Malongi mpe Mayokani 49). Bobengisa bana na bino baluka makambo Nkolo ateyaki oyo etali libala kati na Malongi mpe Mayokani 49:15–17. Elakisi nini ete “libala etindami na Nzambe”? Ntango mosusu bokoki kotanga elongo baparagrafe misato ya yambo ya “Libota: Esakola na Mokili.” Nsima bolobela mpo na nini libala mpe libota ezali motuya epayi ya Tata na Lola
“Oyo Ezali ya Nzambe Ezali Pole”
-
Mpo na kobanda Malongi mpe Mayokani 50: 23– 25, bosolola na bana na bino oyo etali bokeseni kati na pole mpe molili. Mpo na Nini tozali na bosenga ya pole? Bokoki kotanga elongo paragrafe ya yambo ya ”Walk in God’s light [Botambola kati na Mwinda ya Nzambe]” kati na Mpo na Bokasi ya Bilenge: Bokambi mpo na Kosala Maponi (nkasa 17) lokola mpe Malongi mpe Mayokani 50:23–25. Bolobela maye matali banzela tozweli pole na Nzambe mpe banzela tokoki kobengana molili mosika. Bokoki lisusu koyemba nzembo elongo oyo etali pole ya molimo, lokola “Shine On [Bongenga Likolo]” (Children’s Songbook, 144).
Yesu Klisto azali Mobateli Mpate Malamu na ngai.
-
Nsima ya kotanga Malongi mpe Mayokani 50:40–46 elongo, bokoki kolakisa elili ya Mobikisi na nsuka ya oyo ezali kokokana na nsango oyo mpe tuna mituna lokola oyo: Lolenge nini bokoki koloba ete Mobikisi alingaka mpate? Lolenge nini Mobikisi azali lokola mobateli mpate epayi na biso?
Mpo na makanisi mingi koleka, botala nsango ya sanza oyo na magazini ya Moninga .
Mobateli Mpate ya Boboto, na Yongsung Kim