Monkaka ya Yambo,, na James Taylor Harwood

Sanza ya Mitano 26–Sanza ya Motoba 1: “Kapita ya Sembo mpe Moyengebeneya Bwanya”

Malongi mpe Mayokani 51–57

Mpo na bandimi ya Eklezia na mobu 1830, kosangisa Basantu mpe kotonga engumba ya Siona ezalaki mosala ya molimo lokola mpe ya ntango, na mikakatano mingi ya kokokisa mosala ya kobongisa: Moto moko asengelaki kosomba mpe kokabola mabele bisika wapi Basantu bakokaki kofanda. Moto moko asengelaki kobimisa babuku mpe mikanda mosusu. Mpe moto moko asengelaki koyangela ebombelo mpo na kopesa biloko na bato bazalaki na Siona. Kati na bimoniseli oyo ekomamaki na Malongi mpe Mayokani 51–57, Nkolo aponaki mpe ateyaki bato ya kosala misala yango.

Kasi ntango ya kozala na makoki na makambo ya boye esengelaki na Siona, bimoniseli oyo biteyi lisusu ete Nkolo alingaka Basantu na Ye bakoma ya kolongobana na molimo mpo na kobiangema bato ya Siona—bato na Ye. Ye, abiangaka moko na moko kati na biso kozala “kapita ya sembo, moyengebene mpe ya bwanya,” na molimo mobukama, “kotelema[ka] ngwi” na mikumba mipesameli biso (tala Malongi mpe Mayokani 51:19; 52:15; 54:2). Soki tokoki kosala yango—na kozangaka kotala makoki na biso ya bomoto—Nkolo akoki kosalela biso mpo na kotonga Siona

Makanisi mpo na koteya na Ndako mpe na Eklezia

Malongi mpe Mayokani 51

Nkolo alingi ngai nazala kapita ya sembo, moyengebene mpe ya bwanya.

Soki ozalaki mondimi ya Eklezia na 1831, okokaki kobiangema mpo na kosalela mobeko ya bobulisi na kopesaka bozwi na yo na Eklezia na nzela ya episikopo. Alingaki nsima kozongisela yo, na makambo mingi, oyo opesaki, ntango mosusu na milekeli likolo. Kasi ezalaki lisusu bozwi na yo te—ezalaki bokapita na yo.

Lelo esaleli ezali ya kokesena, kasi mabongi ya bobulisi mpe boyangeli ezali kino lelo ntina na mosala ya Nkolo. Ntango ozali kotanga eteni 51, kanisa oyo etali oyo Nzambe apesi yo. Maloba oyo elingi koloba nini “bokapita” (molongo 19mpe “ebulisama” (molongo 5) mpe yango elakisi nini oyo etali oyo Nzambe azali kozela mpo na yo?

Mokambi Spencer W. Kimball alimbolaki: “Kati na Eklezia boyangeli ezali elikya moko ya bule ya molimo to ya nzoto mpo na yango ezali na boyanoli. Mpo ete makambo nyonso ezali ya Nkolo, tozali bayangeli ya banzoto, makanisi, mabota, mpe biloko na biso. (Tala Malongi mpe Mayokani 104:11–15.) Moyangeli ya bosembo azali oyo asalaka bokambi ya sembo, kobatela oyo ya ye, mpe kotala babola mpe basengi” (“Welfare Services: The Gospel in Action [Misala ya Bomikoki: Nsango malamu kati na Misala],” Ensign, Sanza ya zomi na moko 1977, 78).

Tala lisusu “The Law of Consecration [Mobeko ya Bobolisi]” (video), Gospel Library.

The Law of Consecration

Malongi mpe Mayokani 52:9–11, 22–27

Nakoki kobengisa basusu basusu baya epayi ya Klisto bipayi nyonso nakokende.

Ntango Nkolo atindaki bakambi ya Eklezia na Missouri, ayebisaki bango basalela ntango oy balekisaki nabmobembo mpe “bateya nzela nzela” (milongo 25–27). Lolenge nini okoki kokabola nsango malamu “nzela nzela,” to katikati ya milulu ya momesano ya bomoi na yo?

Malongi mpe Mayokani 52:14–19

Nkolo aslisaka ngai nakima boyoki mawa.

Elongo na bato mingi kosengaka mamonisi ya molimo, Basantu ya ebandeli bamitungisaki mingi na likambo ete bakosama. Makebisi nini Nkolo apesaki bango na Malongi mpe mayokani 52:14? Eyano na Ye ezalaki nini? (tala milongo 14– 19).

Ndakisa ezali eloko moko ezongelamaka na lolenge moko ya mingimingi mpe eyebani. Bandakisa esangisi kotanga mitango mibale na mibale to bobimi mpe bokoti ya moyi mokolo moko na moko. Bandakisa mosusu nini okoki kokanisa? Ntango ozali koluka na Malongi mpe Mayokani 52:14–19, mona ndakisai ya Nkolo mpo na kokima kokosama. Ekoki kosalisa oyeba ete “kobukana” elakisi liyoki ya komikitisa mpe ya boyamboli; “bosokemi” elingi koloba boboto mpe bomisosoli; mpe “kolendisa” elakisi koteya, kobongisa, to kotonga. Mpo na nini oyoki ete ndakisa ya Nkolo ezali na makambo malamu oyo, lokola mpe botosi? Ndenge nini okoki kosalela ndakisa yango na kokimaka bokosi?

Limbola maloba ya mpasi Na kati ya aplikasio ya Gospel Library, okoki kobeta mpe kosimba liloba moko mpe nsima oponi “Ndimbola.” Okomemama nsima na ndimbola ya liloba yango. Meka yango ntango okokutana na maloba omesana na yango te—to maloba oyo emonani omesana na yango oyo okolinga kososola malamu koleka.

Bandakisamisusu ya bokosi ezali na mikolo na biso oyo? Lolenge nini tokoki koyeba ntango tozali kokosama?

Ndakisa, okoki kokanisa kotala lolenge ya kotia motuya ya maponi na yo na oyo etali bafilime, miziki, mpe interneti kolandisaka mitindo epesami na “Walk in God’s light” na Mpo ya Bokasi ya Bilenge: Motambuisi mpo na Kosalaka Maponi, 16–21.

Tala lisusu Gary E. Stevenson, “Deceive Me Not [Boyokisa Ngai Nsoni Te],” Liahona, Sanza ya zomi na moko 2019, 93–96; “Guide Me to Thee [Kamba Ngai Epayi na Yo],” Hymns, no. 101; Topics and Questions, “Seeking Truth and Avoiding Deception, [Koluka Bosolo mpe Koboya Mawa]” Gospel Library.

Malongi mpe Mayokani 54

Nakoki kozonga epayi ya Nkolo ntango natukami na maponi ya basusu.

Osi oniokwama na bokosi ntango moto moko otielaki motema atosakii maloba na ye te? Oyo ekomelaki Basantu uta na Colesville, New York, oyo bakanisaki kofanda na mabele ya Leman Copley na Ohio. Mpo na koyekola uta na mayele oyo, kanisa kotala mama ya likambo na eteni 54 (tala lisusu Basantu, 1:125–28; “A Bishop unto the Church [Episikopo mpo na Eklezia],” na Revelations in Context, 78–79). Soki ozalaki na moninga moko katikati ya Bansatu ya Colesville, toli nini okokaki kozwa na eteni 54 mpo na kokabola na bango?

Bilanga ya Leman Copley

Malongi mpe Mayokani 56:14–20

Bapambolami ezali bato ya mitema peto.

Na milongo oyo, Nkolo alobaki na bango mibale bazwi mpe babola; ekoki kozala likambo ya litomba mingi mpo na kokokanisa toli na Ye na mangomba mibale oyo. Nini na milongo oyo emonani kozala likambo ya ntina mpo na yo moko?

Mpo na makanisi mingi koleka, tala nsango ya sanza oyo na bamagazini ya Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 51:9

Nakoki kozala sembo.

• Mpo na kosalisa bana na bino koyekola nini elingi koloba kozala sembo, bokoki kotanga elongo Malongi mpe Mayokani 51:9 mpe bokabola masolo ya bana oyo bazali kobunda oyo etali kozalaka sembo. Bokoki kosalela bilembo, bapopi ya soseti, to bapopi ya makasa mpo na kokomisa masolo ntina makasi koleka. Lolenge nini Nkolo apambolaka biso ntango tobundaka mpo na kozala sembo?

• Bokanisa kosakana lisano moko elongo na bana na bino. Nsima na yango bosolola lolenge nini lisano elingaki kozala ya kokesena soki moto moko akosaki. Mpo na nini ezali motuya ya “kosalela bosembo” na moko na mosusu?

Malongi mpe Mayokani 52:10; 53:3; 55:1

Nazwi likabo ya Molimo Mosantu na kotiamaka maboko.

• Koyambaka Molimo Mosantu na botiami maboko ebandelami mbala mingi na Malongi mpe Mayokani 51–57. Yango ekoki kozala libaku malamu ya koteya bana na bino na oyo etali likuli yango. Mpo na ndakisa, bakoki kotala elilingi ya mwana moko ezali kozwa nkotisa mpe kolobela nini ezali kosalama na elilingi. Boyebisa bango babeta maboko ntango bayoki “kotiaka maboko likolo” to “kotiaka maboko likolo” ntango bozali kotanga Malongi mpe Mayokani 52:10; 53:3; 55:1.

• Bokoki lisusu koyemba “The Holy Ghost [Molimo Mosantu]” (Children’s Songbook [Banzembo ya Bana], 105) to loyembo ya lolenge moko. Bosalisa bana na bino bazwa maloba mpe milongo na kati ya loyembo oyo eteyi na oyo etali likabo ya Molimo Mosantu.

  

Malongi mpe Mayokani 52:14–19

Nzambe azali na ezalela ya kosunga ngai nakosama te.

• Mpo na koteya na oyo etali ezalela ya Nzambe mpo na koboya kokosama, bosengeli kobanda na kosungaka bana bamona bandakisa ya bizaleli—na mokili, badra to bilamba ya langi ebele, to na bomoi ya mokolo na mokolo. Bosalisa bango bamona ezaleli Nkolo apesaki na Malongi mpe Mayokani 52:14–15. Bilaka nini epesami na bato ya ndenge oyo na milongo oyo. Lolenge nini tokoki kosalela ezaleli mpo na koyeba bosolo?

Malongi mpe Mayokani 54:4–6

Nasengeli ntango nyonso kobomba mayokani na ngai.

• Na maloba na yomoko, kabola elongo na bana na bino nini ekomelaki Basantu oyo bayaki kofanda na mabele ya Leman Copley. (tala heading na eteni 54). Bana na bino bakoki kosala lokola bazali mondimi moko ya Eklezia oyo awutaki na Ohio. Lolenge nini bango bakoki koyoka nsima ya Leman abukaki liyokani na ye? Oyo eteyi biso nini oyo etali lolenge nini kobomba mayokani to bilaka na biso? Botanga elongo Malongi mpe Mayokani 54:6 mpo na komona mapamboli mpo na bato oyo babombi mayokani na bango.

Malongi mpe Mayokani 55:1–4

Nakoki kosalela mapamboli Nzambe apesi ngai mpo na kopambola basusu.

• Mpo na kokotisa eteni 55, bokoki kolinga kolimbola ete William W. Phelps azalaki mopanzi nsango na nzela ya mikanda oyo ayekolaki na oyo etali nsango malamu mpe kosangana na Eklezia. Botanga elongo na bana na bino Malongi mpe Mayokani 55:1–4, mpe bosalisa bango bayeba nini Nzambe alingaki William asala. Lolenge nini Ye asalaki mpo na kosalela William lokola talanta? Yango ekoki komema na kolobela lolenge na oyo etali lolenge nini Nzambe akoki kobenga biso mpo na kosalela batalanta na biso mpo na kopambola bana na Ye.

Mpo na makanisi mingi koleka, tala nsango ya sanza oyo na magazini ya Moninga .

Episikopo Partridge Abulisami, na Albin Veselka