Sanza ya Motoba 23–29: “Motuya … Nkita ya Mabele Mobimba”

Malongi mpe Mayokani 67–70

Uta 1828 kino 1831, Profeta Joseph Smith azwaki bimoniseli mingi uta na Nkolo, kobakisaka toli ya bonzambe mpo na bato, malako mpo na koyangela Eklezia, mpe mamoni efulama mpo na mikolo ya nsuka, mpe babosolo ebele efulama ya boseko. Kasi mingi kati na Basantu batangaki yango te. Bimoniseli ebimisamaki naino kati na buku te, mpe mwa ndambo ya babuku oyo ekokaki kozwama ekomamaki na maboko na nkasa ekangama te oyo bazalaki kotambwisa na kati ya bandimi mpe ememamaki nzinganzinga na bamisionele.

Nsima, na sanza ya zomi na moko 1831, Joseph abengisaki lisanga ya bakambi ya Eklezia mpo na kosolola na ntina ya kobimisa bimoniseli yango na buku. Nsima ya koluka bolingi ya Nkolo, bakambi oyo basalaki manaka ya kobimisa Buku ya Mibeko—mobandisi ya Malongi mpe Mayokani ya lelo. Kala mingi te moto nyonso akokaki kotanga mpo na ye moko liloba ya Nzambe oyo ebimisami na nzela ya profeta na bomoi, lokola elembo oyo emonani solo na miso ete “bafungola ya mibombamo ya bokonzi ya Mobikisi na biso epesami lisusu na moto.” Mpo na ntina oyo mpe mingi mosusu, Basantu ya kala mpe ya lelo bamoni ete bimoniseli oyo ezali ya “motuya … nkita ya Mabele mobimba” (Malongi mpe Mayokani 70, moto ya eteni).

Tala Basantu, 1:140–43.

Makanisi mpo na koteya na Ndako mpe na Eklezia

Malongi mpe Mayokani 67:1–9. 68:3–6

Basali ya Nkolo balobelaka bolingi na Ye ntango batindamaki na Molimo Mosantu.

Mokano ya kobimisa bimoniseli ezwamaki na Joseph Smith na buku ya emonisami lokola mokano ya pete, kasi bakambi basusu ya ebandeli ya Eklezia bazalaki kondima te ete ezalaki likanisi malamu. Motungisi moko ezalaki mpo na bozangi bobongi nie ya lolenge Joseph Smith asalelaki mpo na kokoma bimoniseli. Emoniseli kati na eteni 67 eyaki lokola eyano na motuna wana. Oyekoli nini na ntina ya baprofeta ya Nkolo mpe emoniseli uta na milongo 1–9? Mayele ya kobakisa nini ozwi uta na 68:3–6?

Lolenge nini oyaki koyeba yo moko ete emoniseli oyo Nzambe apesaka basali na Ye ezali solo? Okoki lisusu komanyola baboyebi ntango oyokaki Nkolo kolobelaka yo na nzela ya moko ya basali na Ye (tala Malongi mpe Mayokani 68:4). Ntango nini omiyokaki ya “kotutisama na Molimo Mosantu” (molongo 3) mpo na koloba eloko songolo? Lolenge nini Nkolo “atelemaka pene na yo”? (molongo 6).

Liboso ya kobimisa Buku ya Mibeko na nkasa, bakambi nzike ya Eklezia batiaki maboko na litatoli ekomama ete bimoniseli na buku yango ezali solo. Mpo na komona mokanda ya litatoli na bango, tala “Testimony, circa 2 November 1831,” Revelation Book 1, 121, josephsmithpapers.org.

Malongi mpe Mayokani 67:10–14

“Koba kozala na bompikiliki.”

Lolenge nini zuwa, kobanga, mpe lolendo epekisaka biso topusana penepene ya Nkolo? Lolenge nini tolongaka “lolenge ya bomoto” to “makanisi ya mosuni” na ntina ete tokoka “komona [Ye] mpe koyeba ete [Ye azali]”? (molongo 12; tala lisusu Mosiya 3:19). Ozwi nini na milongo oyo, oyo efuli yo “okoba kozala na bompikiliki kino [yo] okokoma moto abonga nie”? (molongo 13).

Malongi mpe Mayokani 68:25–31

Nakoki kosalisa kotia ndako na ngai katikati ya Yesu Klisto.

Maloba ya Nkolo na kati ya Malongi mpe Mayokani 68:25–31 elakisami mingimingi na baboti, kasi soki to te ozali moboti, okoki kosalela toli na Ye mpo na kosala eteni na yo ya kotia ndako na yo katikati ya malongi ya Yesu Klisto. Oyo ekomami na nse ezali mwa mibeko Nkolo alobeli esengeli koteyama kati ya ndako. Banza lolenge nini okoki kosalela moko na moko na yango eteni ya moboko ya ndako etiama katikati ya Klisto—ndako ofandaka sikawa to ndako na yo ya mikolo ekoya. Mikanda mpe mituna oyo epesami ekoki kosalisa.

• Boyamboli: Boyekoli Alma 36:17–20, mpe yeba lolenge nini Alma apambolamaki na ntango ya botioli mpo ete Tata na ye ateyaki ye na ntina ya etinda ya bomikabi ya Mobikisi. Lolenge nini okoki kosunga libota na yo batalela Yesu Klisto mpe bayambola? (tala lisusu 2 Nefi 25:26).

• Bondimi na Klisto: Tanga malakisi mitano ya Mokambi Russell M. Nelson mpo na komatisa bondimi kati ya “Klisto Asekwi; Bondimi epai na Ye Ekotombola Bangomba” (Liahona, May 2021, 103). Manyola lolenge nini malakisi oyo ekoki kokela momesano ya bondimi na kati ya libota na yo.

• Libatisi: Kotala liyokani ya libatisi lokola elimbolami kati ya Mosiya 18:8–10, 13. Lolenge nini makoki na yo ya kobatela liyokani oyo elendisaka libota na yo?

• Likabo ya Molimo Mosantu: Yekola libengisi na nkasa 17–19 ya Mpo na Bokasi ya Bilenge: Bokambi mpo na Kosala Maponi. Nini oyoki efuli yo osala mpo na kobengisa nguya ya Molimo Mosantu kati ya ndako na yo?

• Losambo: Nini oyekoli na ntina ya nguya ya losambo na kati ya ndako na “Bolingo Elobelami Awa”? (Children’s Songbook, 190–91). Mapamboli nini ya elaka ya Mobikisi kati ya 3 Nefi 18:15–21?

• Mibeko mosusu oyo ozwi kati kati ya Malongi mpe Mayokani 68:25–31:

Liteya nini okoki kopesa moto songolo oyo bandeko ya libota na ye basungaka te bokasi na bango mpo na kotonga bondimi kati na Klisto?

Tala lisusu “Libota: Esakola na Mokili,” Gospel Library; Topics mpe mituna, “Parenting,” Gospel Library; Dieter F. Uchtdorf, “Jesus Christ Is the Strength of Parents,” Liahona, May 2023, 55–59.

Malongi mpe Mayokani 69:1

Baninga ya “solo mpe ya bondimi” basungaka ngai nalanda Yesu Klisto.

Mpo na nini okanisi ezalaki “bwanya kati na [Nkolo]” mpo na moto songolo ya “solo mpe bondimi” mpo na kotambola elongo na Oliver Cowdery na mokumba oyo etalisamaki na molongo oyo? Lolenge nini mobeko oyo ekosalelama epai na yo?

Sunga bayekoli batombolana moko mpe mosusu. Moto moko na moko kati ya eteyelo na yo to na libota na yo azali nkita ya motuya ya litatoli, babomoni, mpe baboyebi ya bosaleli nsango malamu. Bengisa bango bakabola mpe batombolana moko na mosusu.

Malongi mpe Mayokani 70:1–4

Nazali na botondi na bimoniseli oyo Nkolo apesaki.

Nkolo apesaki bampaka basusu mokumba ya koyangela bobimisi ya bimoniseli. Atako tozali na mokumba wana mpenza te, lolenge nini tokoki kozwama lokola bakapita to mokumba “likolo ya bimoniseli mpe mitindo yango”? (molongo 3).

Mpo na makanisi koleka, tala nsango ya sanza oyo na Liahona mpe Mpo na Bokasi ya Bilenge bamagazini.

Makanisi mpo na Koteya Bana

Malongi mpe Mayokani 67

Malongi mpe Mayokani eteyaka ngai na ntina ya Yesu Klisto.

• Yebisa bana na yo ntina ya lolenge nini bimoniseli ya Joseph ebimisamaki na kati ya buku (tala “Mokapo 23: Malongi mpe Mayokani,” kati ya Masolo ya Malongi mpe Mayokani, 90–92, to video oyo ekokani kati ya Gospel Library). Salisa bango bamikundola makambo mosusu oyo boyekoli na ntina ya Yesu Klisto uta na Malongi mpe Mayokani uta mobu oyo. Okoki lisusu kokabola na basusu milongo na yo oyo olingaka mingi uta na Malongi mpe Mayokani.

  Chapter 23: The Doctrine and Covenants: August–November 1831

• Okoki lisusu kolakisa bana na yo Biblia, Buku ya Mormon, Malongi mpe Mayokani, mpe Liyaka ya Ntalo Monene mpe kosolola na bango na ntina ya lolenge nini ezali na bokeseni mpe lolenge nini ezali lolenge moko (tala ndimbola ya babuku oyo kati ya Bokambi na Makomi). Lolenge nini tokoki koyeba ete makomi ezali solo? Nini toyekoli uta na Malongi mpe Mayokani 67:4, 9 etani bimoniseli Nkolo apesaki na Joseph Smith?

Malongi mpe Mayokani 68:25–31

Nakoki kobatisama ntango nakomi na mibu mwambe.

• Na kati ya Malongi mpe Mayokani 68:27, Nkolo alimbolaki lolenge nini mobu ya moto esengeli kozala mpo na kobatisama. Sunga bana na yo bamona maye Ye alobaki. Mpo na nini yesu alingi biso tozwa libatisi? Loyembo lokola “Baptism” (Children’s Songbook, 100–101) ekoki Kosunga . Kosalelaka bililingi to milongo 25–31 (to nyonso mibale), ekosunga bana na yo bamona makambo Nkolo alingi bana na yo bayekola.

• Tanga elongo na bana na yo na ntina ya mokumba Nkolo apesaki Oliver Cowdery na kati ya moto ya eteni mpo na Malongi mpe Mayokani 69. Liteya nini Nkolo apesaki na molongo 1? Mpo na nini ezali motuya kozala na bato “oyo bakozala na bosolo mpe bosembo”? Ntango mosusu bana na yo bakoki koloba na ntina ya bato oyo bango bayebi bazali “bosolo mpe bosembo.” Boyemba elongo loyembo ya oyo elendisaka bana mpo na kozala na bosolo lokola Mobikisi, lokola “I’m Trying to Be like Jesus” (Children’s Songbook, 78–79). Lolenge nini tokoki kolakisa ete tozali na bosolo mpe bosembo epai ya Nkolo? Lolenge nini Akoki kosalela biso mpo na kopambola basusu ntango tozali na bosolo mpe bosembo?

Mpo na makanisi koleka, tala nsango ya sanza oyo na Moninga magazini.

Buku ya Mibeko, mobandisi ya Malongi mpe Mayokani, etiamaki na nkasa na masini lokola oyo.