“Sanza ya Motoba 16–22: ‘Nkolo Asengi Motema mpe Molimo ya Bolingi’: Malongi mpe Mayokani 64–66,” Yaka, Landa Ngai—Mpo na Bato mpe Eklezia: Malongi mpe Mayokani 2025 (2025)
“Malongi mpe Mayokani 64–66,” Yaka, Landa Ngai—Mpo na Ndako mpe Eklezia: 2025
Etuka ya Daviess, Missouri
Sanza ya Motoba 16–22:“Nkolo Asengi Motema mpe Molimo ya Bolingi”
Malongi mpe Mayokani 64–66
Na eleko ya molunge makasi ya Sanza ya mwambe 1831, bampaka mingi bakendaki mobembo ya kozonga na Kirtland kouta mabele ya Siona na Missouri. Bato na mobembo batokaki mpe balembaki, mpe kala mingi te bobendani ebalukaki na boswani. Ekokaki komonana lokola ete kotonga Siona, engumba ya bolingo, ya bomoko, mpe ya kimia, elingaki kowumela ntango mingi.
Libaku malamu, botongi ya Siona—na Missouri na 1831 to na mitema, mabota, mpe bapalwasi na biso lelo—esengi biso te tozala bato oyo babonga nie. Na esika ya oyo, “na bino esengeli kolimbisa,” Nkolo alobaki (Malongi mpe Mayokani 64:10). Asengi “motema mpe molimo ya bolingi” (molongo 34). Mpe Asengi bompikiliki mpe molende, mpo Siona etongami likolo ya moboko ya “biloko ya mike-mike,” biye bikokisami na baoyo “bakolembaka te mpo na kosala malamu” (molongo 33).
Tala lisusu Basantu,, 1:133–34, 136–37.
Makanisi mpo na koteya na Ndako mpe na Eklezia
”Kolimbisana moko mpe mosusu.”
Luka maye malandi ntango ozali koyekola Malongi mpe Mayokani 64:1–11:
-
Kanisa oyo etali ntango Nkolo alimbisaki yo. Oyokaki lolenge nini?
-
Ezali na moto moko oyo osengeli kolimbisa? Mpo na nini kolimbisa basusu ekoki kozala mpasi? Nini esalisaka yo olonga bampasi yango?
-
Bosolo nini etali bolimbisi kati na Malongi mpe Mayokani 64:1–11 emonani lokola motuya mpo na yo? Mpo na nini okanisi Nkolo atindi biso “tolimbisa bato banso”? (molongo 10
Soki ozali kobunda mpo na kolimbisa, kanisa koyekola nsango ya Mpaka Jeffrey R. Holland “The Ministry of Reconciliation” (Liahona, Sanza ya zomi na moko 2018, 77–79) to nsango ya Kristin M. Yee “Beauty for Ashes: The Healing Path of Forgiveness” (Liahona, Sanza ya zomi na moko 2022, 36–38). Oyekoli nini oyo etali lolenge Klisto akoki kosalisa yo olimbisa ?
Mokangano ya libota epesaka mabaku mingi mpo na kolimbisa. Kanisa maye matali bandeko ya libota na yo. Nani osengeli kolimbisa? Lolenge nini “tozwami na mawa to mpasi” (molongo 8) ntango tolimbisanaka te moko na mosusu? Lolenge nini bolimbisi esimbaka mikangano na bino ya libota?
Tala lisusu Topics and Questions, “Bolimbisi,” Gospel Library; “Forgiveness: My Burden Was Made Light” (video), Gospel Library.
Forgiveness: My Burden Was Made Light
“Bino bosengeli kolimbisana moko na mosusu” (Malongi mpe Mayokani 64:9).
Nzambe asengi ngai “motema mpe molimo ya bolingi.”
Osila koyoka “bolembu” na “bolamu” nyonso oyo ozali komeka kosala? Luka maloba ya Nzambe epayi na yo na Malongi mpe Mayokani 64:31–34. Nini Nkolo alingi bino bosala mpo na kokokisa ya Ye “mosala monene”?
Kanisa liteya moko ya eloko oyo ekoki kolakisa molongo 33—Eloko moko ya monene oyo esalemi na biloko mike, lokola mozaike to ndako etongami na briki. “Makambo ya mikemike” nini okoki kosala mokolo na mokolo mpo na “[kotia] moboko” ya mosala monene ya Nzambe? Mwa bandakisa ya “mosala ya monene” oyo Nkolo apesi bino ezali nini?
“Motema mpe molimo ya bolingi”
Mpaka Donald L. Hallstrom apesaki toli ya ndimbola lokola oyo mpo na liboke ya maloba “motema mpe molimo ya bolingi”:
“Motema ezali elembo ya bolingo mpe ya bomipesi. Mpo na baoyo tolingaka komikaba mpe komema mikumba oyo tolingaki koyika mpiko te mpo na ntina mosusu. Soki bolingo ezali te, bomipesi na biso ekitaka. …
“Kozala na ‘molimo ya bolingi’ elimboli kopesa bokasi na biso nyonso mpe kokanisa malamu koleka mpe koluka bwanya ya Nzambe. Ezali kopesa likanisi ete boyekoli na biso ya bomoi mobimba oyo tomipesi mingi esengeli kozala ya makambo oyo ezali seko na bozalisi. Elingi koloba ete esengeli mokangano moko ya makasi kati na boyoki liloba ya Nzambe mpe botosi yango” (“The Heart and a Willing Mind,” Ensign, Sanza ya Motoba 2011, 31–32).
Siona ekozala “bendele epayi ya bato.”
Bendele ezali “dalapo to elembo nzinganzinga na oyo wapi bato basangani na bomoko ya ntina to bokitoli” (Mokambi na Makomi, “Ensign,” Gospel Library). Lolenge nini Siona ezali—to Eklezia ya Nkolo—ezalaka lokola bendele epayi na yo? Tala bandakisa mosusu oyo ya biloko oyo etombolami, lokola bendele, mpo na kopambola bato: Mituya 21:6–9; Matai 5:14–16; Alma 46:11–20. Luka ndenge mosusu oyo Nkolo alimboli Siona kati na Malongi mpe Mayokani 64:41–43.
Tala lisusu “Let Zion in Her Beauty Rise,” Hymns, no. 41.
Bokonzi ya Nzambe na mabele ezali kolengela mokili mpo na bozongi ya Mobikisi.
Malongi mpe Mayokani 65 epesi bolimboli efulama ya etinda ya Eklezia ya Nkolo na mikolo ya nsuka. Kanisa koluka eteni oyo, kolukaka biyano na mituna lokola oyo: Nini Nkolo alingi bokonzi na Ye ekokisama na mabele? Nini alingi ngai nasala mpo na kosalisa?
Tala lisusu “Prepare Today for the Second Coming” (video), [(Video) Bomilengela Lelo mpo na Boyei ya Mibale] ChurchofJesusChrist.org.
Prepare Today for the Second Coming
Nkolo ayebi makanisi ya motema na ngai.
Mwa ntango moke nsima ya kokota na Eklezia, William E. McLellin asengaki Joseph Smith amonisa bolingi ya Nzambe mpo na ye. Joseph ayebaki yango te, kasi William azalaki na mituna mitano miye azalaki kolikya ete Nkolo asengelaki koyanola na nzela ya Profeta na Ye. Toyebi te nini ezalaki mituna ya William, kasi emoniseli oyo ebimaki mpo na ye, sikawa Malongi mpe Mayokani 66, eyanolaki motuna moko na moko na “bosepeli mobimba ya William” (“William McLellin’s Five Questions,” kati na Revelations in Context,, 138).
Ntango ozali kotanga eteni 66, kanisa oyo etali maye Nkolo ayebaki oyo etali William McLellin mpe bamposa mpe makanisi ya motema na ye. Lolenge nini Nkolo amonisaki ete Ayebi yo? Soki ozali na lipamboli ya bonkoko, kanisa koyekola yango. Ntango ozali kosala yango, Molimo Mosantu asalisii yo na nini mpo ososola oyo etali bolingi ya Nzambe mpo na yo?
Mpo na makanisi mingi, tala nsango ya sanza oyo na bamagazini ya Liahona mpe Mpo na Bokasi ya Bilenge .
Makanisi mpo na Koteya Bana
Yesu Klisto alingi ngai nalimbisa moto nyonso.
Note: Ntango bozali koteya bana na bino na ntina motindo ya Nkolo ya “kolimbisa banso,” bokoki kolinga kosembola ete bolimbisi elakisi te kotika bato bazokisa biso. Bolendisa bango bayebisa mokolo moko oyo bandimelaka soki moto moko azokisi bango to asimbaki bango na ndenge oyo ebongi te.
-
Nsima ya kotanga Malongi mpe Mayokani 64: 10 na bana na bino, bosolola na bango oyo etali nini elingi koloba kolimbisa moto moko. Bokkoki kokabola bandakisa mike ya pete. Ntango mosusu bakokaki kotia na misala bandakisa yango mpo na komeka bolimbisi.
-
Bokoki kosenga bana na bino babongisa lolenge nini bakolinga koteya moto moko—lokola ndeko moko ya elenge—oyo etali kolimbisa basusu. Bosalisa bango bazwa kati na Malongi mpe Mayokani 64:7–10 oyo bakoki kosalela ntango bazali kotangisa.
-
Boyemba loyembo etali bolimbisi, ndakisa “Help Me, Dear Father” (Children’s Songbook,, 99). Loyembo oyo eteyi biso nini oyo etali kolimbisa basusu?
“Mosala monene” ya Nzambe etongami na “biloko mikemike.”
-
Bokoki kolakisa bana na bino mwa biloko oyo esalemi na bandambo ya mike, lokola etando ya lisano to tapi Na nsima bokoki kotanga elongo Malongi mpe Mayokani 64:33.. “Mosala monene” ya Nzambe ezali nini? “Biloko ya mikemike” nini tokoki kosala oyo ekosalia?
Nakoki kolanda Yesu Klisto na motema mpe molimo na ngai .
-
Ntango bozali kotanga na bana na bino uta na Malongi mpe Mayokani 64:34, bokoki kotia na motema mpe moto na bino ntango bozali kotanga “motema” mpe “molimo,” mpe kobengisa bana basala yango elongo na bino. Lolenge nini tokoki kopesa mitema na biso (bamposa) mpe milimo (makanisi) na Mobikisi?
Bobeta nsete na Ndakisa ya Yesu Klisto. Bobanza lolenge nini bokoki kobeta nsete na ndakisa ya Mobikisi ntango bozali koyekola to koteya. Na ndakisa, ntango bozali kotangisa oyo etali Malongi mpe Mayokani 64:34, okoki kosolola na bana na yo lolenge nini mobikisi apesaki motema (bamposa) na Ye mpe molimo (makanisi) epai ya Tata na Ye ya Lola. (Tala Koteya na Lolenge ya Mobikisi, 6.)
Nkolo ayebi nani nazali mpe alingaka ngai.
-
Bosalisa bana na bino basosola ete William E. McLellin azalaki na mituna mitano mpo na Nkolo. Joseph Smith azwaki biyano na mituna yango atako ayebaki te mituna ya William ezalaki nini. Boyebisa bana na ybin oyo etali ntango Nkolo alakisaki bino nini Ye alingaki bino bosala, mpe boloba na oyo etali mapamboli oyo ewutaka na kolandaka boyangeli na Ye. Bokoki nsima kotanga Malongi mpe Mayokani 66: 4 elongo mpe bobengisa bana na bino baluka mabaku ya kososola nini Nkolo alingi bango basala.
Makambo mike ya Boyei ya Mibale, na by Kevin Keele
Nakoki kosunga kolengela mokili mpo na koyamba Yesu Klisto.
-
Ntango bana na bino bazali kotala elili moko ya boyei ya mibale ya Mobikisi, botuna bango balimbola nini bamoni to nini bayebi oyo etali molulu yango. Bokoki lisusu kopesa bana na bino maloba mpe makomi oyo etali Boyei ya Mibale ezwami kati na Malongi mpe Mayokani 65. Maloba mpe Makomi oyo eteyi biso nini? Lolenge nini tokoki komilengela mpo na bozongi ya Mobikisi?
Mpo na makanisi mingi, tala nsango ya sanza oyo na magazini ya Moninga .
Alimbisami, na Greg K. Olsen.